Efɛɛzɩ 5:8 - A SƐB-SÕW

⁸ Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

Efɛɛzɩ 5:8 ပူးပေါင်းရင်းမြစ်များ

Sɛb-sõw yielu 74:20

Cɛlɛ a fʋ wõ-taa zie! Bʋ̃ʋ n'ʋ vɛ̃, nɩbɛ paal'ɩ a tẽw ziir al na liw a, kɛ́ bɛ tʋ̃ɔ́ tone po-to-fãw tome.

Ɩzayi 2:5

Nyɩ wa, Zakɔb yir dem i! Nyɩ ɩ tɩ cere a Sore cãà pʋɔ.

Ɩzayi 42:16

Ɩ̃ na tɛr'ɩ a zɔn tu n sɔ́r bɛ na bɛ bãw a, ɩ̃ na ɩ na bɛ cere soli bɛ na bɛ bãw a zu. Ɩ̃ na ɩ na a lige lɩɛbɩ cãà a bɛ niŋé, ɛ́ a zi-gbegbegegbege ɩ tẽsɔw na man taa a. A ɩ̃ tɩɛrʋ n'ɩ à ŋà, ɩ̃ na maal'ʋ na, ɩ̃ bɛ bɛrɛ ʋ ɛ.

Ɩzayi 49:6

Ʋ yel mɛ̃ na: «Fʋ na ɩ a ɩ̃ tõ-tõ-bie kɛ́ fʋ ɩ a Zakɔb dɔwlʋ a lɛb ìr a, kɛ́ fʋ tɛr a Ɩsɩrayɛl nɩbɛ bɛl na cãà vʋʋrɛ a lɛb wa n a, a ɩ n pʋrɩ. Ɩ̃ ɩ na fʋ ɩ a nɩ-bʋʋr-yoru cãà, k'aa ɩ̃ faafʋ cen tɩ tɔ a tẽw baarʋ zie».

Ɩzayi 49:9

Ɩ̃ yere nɩ a gaso pʋɔ dem, a bɛlɩ dem na be a lige pʋɔ a: “Nyɩ yi wa a cãà pʋɔ!” Bɛ na nyɛrɛ nɩ dɩb a sɔ́r zu, bɛ na tʋ̃ɔ́ na dɩrɛ a tãli za zu.

Ɩzayi 50:10

Ãa n'ʋ zɔrɛ a Sore a nyɩ pʋɔ? A fɛr'a k'aa sob bɛrɛ wone a Sore tõ-tõ-bie. Ãa n'ʋ cere a lige pʋɔ ɛ́ bɛ nyɛrɛ cãà kãw za? Ʋ ƴãw a ʋ tɩɛrʋ a Sore ƴãw, ʋ de ʋ k'ʋ ɩ a ʋ tɩ̀ɛrɛ.

Ɩzayi 9:2

Sore e, fʋ ɩ na a cɩlʋ laarɩ bɛ, fʋ ɩ na a bɛ nʋ̃ɔ̀ kpɛ kpɛ̃ɛ. Bɛ cɩlɛ nɩ a fʋ niŋé mɛ̃ kɔb bome bɛ na mɩ́ dier cɩlɛ nɩ a, mɛ̃ dɔ̃ dem na-bome bɛ na mɩ́ pone ŋmɩɛr'ɩ nʋ̃ɔ̀ cɛlsɩ a.

Zeremi 13:16

Nyɩ ɩ a Sore nyɩ Naaŋmɩn nyɛ̃ a yúor-vɩɛlʋ-danʋ, ɛ́ a zie wa bãw sɔb, ɛ́ nyɩ wa bãw ŋmɩɛr a gbɛ́ɛ a tan a tɩ̃ɩsɔw lige na pili páw a zu. Nyɩ tɩ gùre nɩ a cãà, ʋʋ wa lɩɛbɛ ʋ ʋ ɩrɛ lige, ʋ ɩ zũzuwr sɛbla.

Matie 3:8

Nyɩ wɔnɛ ɩ-vɩɛlɩ wɔmɛ na wul kɛ́ nyɩ lɩɛb'ɩ a nyɩ ɩb a,

Matie 4:16

A nɩ-bʋʋrɛ bɛl na tɩ be lige pʋɔ a, nyɛ̃ nɩ cãà kpɛ̃ɛ. Cãà caal'ɩ a bɛl na tɩ be a kũu tẽ-lige pʋɔ a.»

Luka 1:79

Ʋ tɩ pur'a, k'ʋʋ caalɩ a bɛlɩ dem na be a lige pʋɔ nɩ a kũu ɓaarʋ́ a, ɛ́ tɛr tɩ lo n a ƴã-ɓaarʋ sɔ́r.»

Luka 16:8

A nɩ-kpɛ̃ɛ tɩ mʋʋr'ɩ a bʋ̃-kaarɛ ŋa ɩb na bɛ tori a, a yã-maalʋ ʋ na tɩ maalɩ a ƴãw. A tẽw ŋa zu nɩbɛ sɩrɩ na kpɛ yã a bɛ taabɛ zie zuo a cãà pʋɔ nɩbɛ.»

Zã 1:9

A Ƴɛ̀rʋ tɩ n'ɩ a cãà mɩŋa na waar a tẽ-daa zu ɛ́ caalɛ nɩsaal za a.

Zã 12:35

A Yeezu tɩ sɔw bɛ na: «A cãà na cãà nɩ a nyɩ sɔgɔ blãlɛ ƴãw. Nyɩ na tɛr a cãà a, nyɩ cere, kɛ̀ lige taa pile pàwr nyɩ ɛ. Sob nɛ na cere lige pʋɔ a bɛ bãw be ʋ na cere a ɩ.

Zã 12:36

Nyɩ na tɛr a cãà a, nyɩ sàw de a cãà, tʋ̃ɔ́ lɩɛbɩ cãà bibiir.» A Yeezu na tɩ ƴɛ̀r à à ŋá baar'a, ʋ tɔl'a cen tɩ sɔwlɩ zãá nɩ bɛ.

Zã 12:46

A mãa na ɩ a cãà a, ɩ̃ wa n a tẽ-daa zu kɛ́ sob nɛ za na sàw de m a, ta be lige pʋɔ ɩ.

Zã 8:12

A Yeezu tɩ lɛb'a ƴɛ̀r a zu-sɛbla zie yel: «Mãa n'ɩ a tẽ-daa cãà, sob nɛ na tuur mɛ̃ a kʋ̃ cere lige pʋɔ ɩ, ʋ na páw nɩ a cãà na tɩrɛ a nyɔ-vʋʋrʋ a.»

Nɩ-toni 17:30

Ɛcɛ a Naaŋmɩn vɩɛ nɩ a zɔnʋ daar yele á ŋá bɛr, ɛ́ pãa bʋɔlɛ a nɩsaalbɛ za a ziir za, kɛ́ bɛ za lɩɛbɩ a bɛ ɩb.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 1:21

Bʋ̃ʋ n'ʋ vɛ̃, bɛ bãw nɩ a Naaŋmɩn ɛ́ bɛ zɛw a ʋ yúor-vɩɛlʋ-danʋ ɛ, bɛ puor'ʋ yãanɩ na sɛw taa nɩ ʋ a ɩ. A bɛ tɩɛrʋ nɩ̃ɛ na lɩɛbɩ tɩɛr-zawlɛ, ɛ́ a bɛ gẽgẽ-yã be lige pʋɔ ʋ za.

Ʋrɔm 13:12

A tɩ̃ɩsɔw cen na kpɛ sɔw, a zie vɩɛrɛ na. A na ɩ lɛ a, nyɩ ɩ tɩ lɔb a lige pʋɔ ɩ-ɩrɩ bɛr, ɛ́ cɔbrɩ a cãà pʋɔ zɛbr ƴãw.

Ʋrɔm 2:19

Fʋ̃ʋ zie a, bʋnʋ bɛ ka be ɩ, fʋ ɩ n a zɔn tawrɛ, a bɛlɩ dem na be a lige pʋɔ a cãà,

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

2 Korɛ̃tɩ 3:18

Tɩɩm za bɛ na ír a pɛn bɛr tɩ a niwn ƴãw a, tɩ ɩrɛ nɩ a Sore yúor-vɩɛlʋ-danʋ sãanɛ mɛ̃ caala pʋɔ a, tɩ lɩɛb'a ŋmɛ̃ taa nɩ a Sore, ʋl na ɩ a Vʋʋrʋ a, ʋlɛ n'ʋ mɩ́ ɩ tɩ yi yúor-vɩɛlʋ-danʋ pʋɔ kpɛ yúor-vɩɛlʋ-danʋ na vɩɛl zuo a pʋɔ.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

2 Korɛ̃tɩ 6:14

Nyɩ ta ɩ nyɩɩm nɩ a naaŋmɩn-bɛ-sàw-dierbɛ lãw taa mɛ̃ ni-kʋ́ɔrɩ bɛ na caw taa nɩ dà-been a nyuru zu a ɩ. Ŋmɩŋmɩn za n'a a mɩnʋ nɩ a faalʋ na tʋ̃ɔ́ lãw taa? Ŋmɩŋmɩn za n'a cãà nɩ lige na tʋ̃ɔ́ lãw taa?

Galasi 5:25

A Vʋʋrʋ na n'ʋ so tɩ vʋʋrɛ a, tɩ mɩ̀ bɛr tɩ tʋɔra kʋ̀ ʋ.

Efɛɛzɩ 2:2

A lɛn daar a, nyɩ tɩ ɩrɛ nɩ a tẽ-daa ŋa zu ɩb, nyɩ tɩ tuur'ɩ a vʋʋrʋ ʋl na ɩ a salom zu kpɛnʋ bʋʋrɛ za tɩ na bɛ nyɛrɛ a nɩ-kpɛ̃ɛ a, a vʋʋrʋ ŋa na damnɛ a nɩ-gaarɩ ƴãwn bɛ ɩrɛ a nɩ-gaarɩ ɩb a.

Efɛɛzɩ 4:18

Lige liw na pàw a bɛ yã. Bɛ bɛ pʋɔ a nyɔ-vʋʋrʋ a Naaŋmɩn na tɩrɛ a pʋɔ ɩ, bʋ̃ʋ n'ʋ vɛ̃, a bɛ zɔnʋ kpawl'ɩ a bɛ socie.

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Efɛɛzɩ 6:12

Nɩsaal bɛ n'ʋ tɩ zɛbr'ɩ ɛ, niw-dierbɛ nɩ kpɛnʋ dem a, a bɛlɩ dem na so a lige tẽ-daa ŋa a, nɩ a kɔ̃tɔ̃-faar na be a salom zu a, bɛlɛ nɛbɛ tɩ zɛbr'ɩ.

Kɔlɔsɩ 1:12

Nyɩ puore a Naaŋmɩn Sãà yãanɩ nɩ nʋ̃ɔ̀, ʋl na ɩ nyɩ na tʋ̃ɔ́ páw a na-bʋ̃-vɩɛlɩ ʋ na cɔbrɩ bin a tẽ-vla cãà pʋɔ cɛlɛ nɩ a ʋ nɩ-sori a.

Kɔlɔsɩ 1:13

Ʋ faa tɩ nɩ a lige kpɛnʋ pʋɔ tɩ ƴãw a ʋ Bi-nɔna naalʋ pʋɔ.

Títɩ̀ 3:3

Bʋ̃ʋ n'ʋ vɛ̃, a tɩɩm, tɩ mɩ̀ tɩ dãw na ɩ dãbole nɩ bɛ-wonbɛ, nɩ-bɔrɩ na ɩ yel-bɔbrɩ bʋʋrɛ za nɩ nʋ̃ɔ̀-faa bʋʋrɛ za gbãgbaar a, nɩbɛ na kpɛ po-tuo nɩ nyuur a. Tɩ tɩ kpɛ n faa bɛ dɩ vuo ɩ, ɛ́ hɩ̃ɛn taa.

1 Zã 1:7

Ɛcɛ tɩmɛ wa cere a cãà pʋɔ mɛ̃ a Naaŋmɩn mɩŋa na be a cãà pʋɔ a, tɩ lãw nɩ taa ɛ́ a ʋ Bie Yeezu Kɩrɩta zɩ̃ɩ pɛ́wr'ɩ yel-bier za dɛwr bɛrɛ tɩ.