Efɛɛzɩ 5:6 - A SƐB-SÕW

⁶ Nyɩ ta sàw nɩr kãw za bɛlɩ nyɩ nɩ ƴɛ̀r-zawlɛ ɩ, à á ŋá za n'a mɩ́ sɩrɩ ɩ a Naaŋmɩn suur ìr a nɩ-gaarɩ ƴãw.

Efɛɛzɩ 5:6 ပူးပေါင်းရင်းမြစ်များ

2 Na-mɩnɛ 18:20

Fʋ tɩɛrɛ kɛ́ ƴɛ̀rʋ tɛwr na tʋ̃ɔ́ na ɩ zɛbr pɔ̀lɛ́ nɩ kanyir, a zɛbr ƴãw bɩɩ? Anʋ ƴãw n'a fʋ ƴãw a fʋ tɩɛrʋ sʋ̃ɔmɩ bɛ cãà sàwr a ɩ̃ nɩ-kpɛ̃ɛnʋ a fʋ zu?

Sɛb-sõw yielu 78:31

ɛ́ a Naaŋmɩn suur ìr a bɛ ƴãw. Ʋ tɩ kʋ n a nɩ-kpɛn kpɛn, ʋ tɩ ŋmɛ n a Ɩsɩrayɛl pɔ́lɛ́ lɔb.

Zeremi 27:9

A na ɩ lɛ a, a nyɩɩm, nyɩ ta bɛrɛ wone a nyɩ naaŋmɩn-ƴɛ̀r-manbɛ ɩ, a bɛlɩ dem na mɩ́ lɔb a gbã-bie bãw nɩ a nɩdaar yele a ɩ, a bɛlɩ dem na íre a zánʋ pɛ́ɛ a ɩ, a bɛlɩ dem na mɩ́ manɛ a salom ŋmɛ̃a a ɩ, nɩ a nyɩ tɩtɩlbɛ ɩ. Bɛ za yere na kʋ̀rɛ nyɩ kɛ́ nyɩ kʋ̃ lo a Babɩlɔn tẽw nãà nuru pʋɔ ɩ.

Zeremi 29:31

«Tõ bɛ tɩ yel à ŋá kʋ̀ a nɩ-diw-ceni za: “À ŋá n'a a Sore yere a Nehelam tẽw Semaya ƴãw: Semaya ƴɛ̀r'ɩ a ɩ̃ yúor ƴãw a nyɩ zie, ɛcɛ ɩ̃ bɛ tõ ʋ ɛ. Ʋ ŋma n ziri kʋ̀ nyɩ, ƴãw nyɩ bɛr tɩɛrʋ.

Zeremi 37:9

À ŋá n'a a mãa, a Sore, ɩ̃ yere: Nyɩ ta bɛ̀lɛ nyɩ tʋɔra, tɩɛrɛ nɩ k'aa Babɩlɔn tẽw dem sɩrɩ na kul ɛ. Bɛ kʋ̃ kul ɛ!

Mise 3:5

À ŋá n'a a Sore ƴɛ̀rɛ cáarɛ nɩ a naaŋmɩn-ƴɛ̀r-manbɛ bɛl na tule a ɩ̃ nɩ-bʋʋrɛ a: «A nʋɔr wa pɩ̃ɛ a, ƴã-ɓaarʋ ƴɛ̀rʋ n'a bɛ mɩ́ ƴɛ̀rɛ, ɛcɛ nɩr bɛ wa ƴãw bɛ bom nʋɔrɩ́ a, zɛbr mɩ́ n'a.

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Matie 24:4

A Yeezu tɩ sɔw na yel bɛ: «Nyɩ gù nyɩ tʋɔra vla nɩr za taa wa tule nyɩ ɛ.

Markɩ 13:22

A lɛn daar, Naaŋmɩn nɩ-kabr-bɛlɛbɛlɛ nɩ naaŋmɩn-ƴɛ̀r-man-bɛlɛbɛlɛ na yi na, mɩ́ maalɩ nɔ-ɓãa-yele nɩ yel-bãw-guuri, kɛ́ alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri.

Markɩ 13:5

A Yeezu tɩ yere na kʋ̀rɛ bɛ: «Nyɩ gù nyɩ tʋɔra vla, nɩr za taa wa bɛlɛ nyɩ nyɔwr ɛ.

Ʋrɔm 1:18

A Naaŋmɩn suur sɩrɩ na ìre a salom zu sãá, a nɩsaalbɛ naaŋmɩn-bɛ-ƴãwfʋ ɩb za ƴãw, nɩ a bɛ ɩb za na bɛ tu sɔ́r a ƴãw, bɛl na mɩ́ piwr a yel-mɩŋa tɛrɛ nɩ ɩ-ɩrɩ na bɛ tu yel-mɩŋa a.

Kɔlɔsɩ 2:18

Nyɩ ta sàw a bɛlɩ dem na nɔnɛ tʋɔra-siwru ɩ-ɩrɩ a nɩbɛ niŋé a, bɩɩ na tɛr a malkɩ mɩnɛ ƴãwfʋ a, ɛ́ mɩ́ nyɛ̃ a bɛ bʋ̃-nyɛrɩ a ɩ bʋ̃-sɩza zuo a, nyɩ ta sàw bɛ wa yel kɛ́ nyɩ sãw na ɩ. A nɩbɛ bɛ ŋa taabɛ mɩ́ ɩrɛ nɩ pɔ̀l-ɩb zawla, bɛ na mɩ́ tɩɛrɛ a yele mɛ̃ nɩsaal tɛwr a ƴãw.

Kɔlɔsɩ 2:4

Ɩ̃ yere nɩ à ŋá kɛ́ nɩr za ta tʋ̃ɔ́ bɛlɩ nyɩ nɩ nɔ-kãá ƴɛ̀rʋ ɛ.

Kɔlɔsɩ 2:8

Nyɩ gù vla nɩr za taa bɛlɛ nyɩ nyɔwr nɩ a nɩsaalbɛ yã-bãwfʋ nɩ a bɛ bãw-voru na mɩ́ tu sãàkʋm-kore yele nɩ a tẽ-daa bʋ̃-balɛ, ɛ́ bɛ tu a Kɩrɩta a ɩ.

Kɔlɔsɩ 3:6

A yel-faar á ŋá taabɛ n'a mɩ́ ɩ a Naaŋmɩn suur ìr.

2 Tesalonikɩ 2:3

Nyɩ ta sàw nɩr kãw za bɛ̀lɩ nyɔw nyɩ nɩ bɛ̀l-bʋʋrɛ kãw za ɩ. Bʋ̃ʋ n'ʋ vɛ̃, a fɛr'a kɛ́ a Naaŋmɩn jɛ-bɛrʋ ta baarɩ, kɛ́ a Faalʋ nɩr na ɩ nɩ-wɛra a sãá baarɩ, ɛ́ a bibir ŋa bãw ta.

Ebre 13:9

Nyɩ ta sàw wul-pɛ-bʋʋrɛ za nɩ wul-yoru wa bɔr'ɩ nyɩ ɛ. Naaŋmɩn maalʋ n'ʋ a sɛw k'ʋʋ mɩ́ ɩ a nɩr ʋ kpɛmɛ socir, bʋ̃-dɩrɩ bɛ n'a ɩ. A bɛlɩ dem na tuur a nɛ́ɛ bɛ na ƴãw càar'ɩ a bʋ̃-dɩrɩ á ŋá a, bɛ bɛ dãw nyɛ̃ tɔnɛ a pʋɔ ɩ.

Ebre 3:19

Ɛ́ tɩ sɩrɩ na nyɛ̃ kɛ́ bɛ bɛ tʋ̃ɔ́ ta a pɩ̃ɛnʋ ŋa zie ɩ, a bɛ na bɛ sàw de a zũú.

1 Pɩɛr 2:8

«Ɛ́ ɩ a kʋsɩɛr ʋl ƴãw bɛ na mɩ́ ŋmɩɛr gbɛ́ɛ a, pìir kʋsɩɛr na ɩrɛ bɛ lore a.» A bɛlɩ dem na bɛ sàw de a, bɛ ŋmɩɛr'ɩ gbɛ́ɛ a ʋ ƴãw, a bɛ na bɛ sàw de a Naaŋmɩn ƴɛ̀rʋ a zũú. Ɛ́ lɛ n'a a tɩ fɛr k'aa ɩ a bɛ zie.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.