Efɛɛzɩ 5:26 - A SƐB-SÕW

²⁶ Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw.

Efɛɛzɩ 5:26 ပူးပေါင်းရင်းမြစ်များ

Ezekɩɛl 16:9

Ɩ̃ tɩ so b'ɩ kʋ̃ɔ, ɩ̃ tɩ sɔ́w nɩ a zɩ̃ɩ na tɩ be a fʋ zu a bɛr, ɛ́ zɛ b kãá-nyũu.

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Levitɩ mɩnɛ 14:11

A bàwr-maalɛ na maalɛ a yele a na ƴãw na a nɩr ʋl àr a Sore niŋé nɩ a ʋ bʋ̃-kʋ̀rɩ, a tuor-taa pɛn-sɛw dɩ̃dɔr nʋɔr.

Levitɩ mɩnɛ 16:30

Bʋ̃ʋ n'ʋ vɛ̃, a ʋlɩ bibir nɛ n'a bɛ na mɩ́ tu a yel-bebe suur-dɩ-kʋ̀b tub a nyɩ ƴãw, nɩ a dɛwr-so-bɛrʋ tub a nyɩ yel-bebe za ƴãw a Sore niŋé.

Levitɩ mɩnɛ 8:6

Al pùorí, ʋ ƴãw a Aarɔ̃ nɩ a ʋ bidɛbr bɛ taw ta, ʋ ƴãw bɛ so a bɛ dɛwr bɛr.

Zakari 13:1

«A lɛn daar a, kʋ̃ɔ na bule na yire a Daviir bʋʋrɛ nɩ a Zerizalɛm nɩbɛ yel-bebe nɩ a bɛ dɛwr pɛwfʋ ƴãw.»

Zã 13:10

A Yeezu yel kʋ̀ ʋ: «Nɩr na so kʋ̃ɔ yi a, gbɛ́ɛ pɛwfʋ tɛwr'a cɛ ʋ, ʋ vɩɛl'ɩ ʋ za baarɩ. A nyɩɩm a, nyɩ vɩɛl'a, ɛcɛ nyɩ za bɛ n'a ɩ.»

Zã 15:3

Nyɩɩm a, nyɩ vɩɛl'a baarɩ, a kanʋ ɩ̃ na kanɩ nɩ nyɩ a ƴãw.

Zã 15:8

À ŋá n'a a ɩ̃ Sãà yúor mɩ́ yi, nyɩ na mɩ́ wa wɔnɛ wɔmɛ yaga, ɛ́ wul à à ŋá kɛ́ nyɩ ɩ n a ɩ̃ po-tuurbɛ a.

Zã 17:7

Ƴɛrɛŋa a, bɛ bãw na kɛ́ a alɩ bome nɛ za fʋ na kʋ̀ m a, a yi n a fʋ zie.

Zã 3:5

A Yeezu tɩ sɔw na: «Yel-mɩŋa sɩza sɩza n'a ɩ̃ yere kʋ̀rɛ fʋ: sob nɛ za na bɛ lɛb dɔw kʋ̃ɔ nɩ Vʋʋrʋ Sõw pʋɔ dɔwfʋ a, ʋ kʋ̃ tʋ̃ɔ́ kpɛ a Naaŋmɩn Naalʋ pʋɔ ɩ.

Nɩ-toni 22:16

A na ɩ à ŋá a, bʋ̃ʋ ƴãw n'a fʋ pãa na lɛb bʋ́nɛ a? Ìr de a suob bʋɔlɩ a ʋ yúor a fʋ yel-bebe pɛwfʋ ƴãw.”»

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 10:8

A na ɩ à ŋá a, a ƴɛ̀rʋ ƴɛ̀r'a kɛ́ bo? Kɛ́: «A ƴɛ̀rʋ pɩɛl'ɩ fʋ na, ʋ be n a fʋ nʋɔrɩ́ nɩ a fʋ socir pʋɔ.» A ƴɛ̀rʋ ŋa ɩ n a ƴɛ̀rʋ na càarɩ a sàw-deb a, a ƴɛ̀rʋ ŋa n'ʋ tɩ hiere.

1 Korɛ̃tɩ 6:11

À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.

2 Korɛ̃tɩ 11:2

Nyuur na yi Naaŋmɩn zie a ɩrɛ mɛ̃ nɩ a nyɩ ƴãw. Dɛb-been yõ tẽtẽ n'ʋ ɩ̃ ƴãw nɩ nyɩ a yúor, k'ɩ̃ɩ tʋ̃ɔ́ de nyɩ kʋ̀ a Kɩrɩta mɛ̃ pɔwsɩrale na bɛ tɛr dɛwr a.

Efɛɛzɩ 6:17

Nyɩ sàw de a faafʋ mɛ̃ kpawɔ-kpow nyɩ na vɔblɩ a, ɛ́ tɛr a Vʋʋrʋ Sõw zɛbr-sɔ-kpɛ̃ɛ, a pɛr lɛ kɛ́ a Naaŋmɩn ƴɛ̀rʋ.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Ebre 10:10

A Naaŋmɩn pʋ-tɩɛrʋ ŋa na maalɩ a ƴãw n'a tɩ páw a sonu, a Yeezu Kɩrɩta na de a ʋ ƴã-gan maal'ɩ bàwr gb'a been daadaa a zũú.

Ebre 10:14

A na ɩ à ŋá a, bàwr-been n'ʋ ʋ ɩ n a bɛlɩ dem ʋ na kʋ̀rɛ a sonu a bɛ vɩɛl kʋralɛ bɛ cɛ ɩ.

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Ebre 10:29

Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?

Ebre 13:12

A lɛ n'a so a Yeezu mɩ̀ yi zaa a tẽw pʋɔ tɩ kpi, k'aa ʋl mɩŋa zɩ̃ɩ tʋ̃ɔ́ ɩ a nɩbɛ bɛ ɩ son.

Ebre 4:12

Bʋ̃ʋ n'ʋ vɛ̃, a Naaŋmɩn ƴɛ̀rʋ ɩ n bʋ̃-vʋʋra na tone a, ɛ́ dɩrɛ gãw zɛbr-sɔ-kpɛ̃ɛ za na dɩrɛ a loge a za ayi a. Ʋ mɩ́ cɔr'a kpɛ tɩ põ a sɩ́ɛ nɩ a tɩɛrʋ, a kɔbɛ tuor-taa ziir nɩ a kɔbɛ buge. Ʋ mɩ́ jɛl'ɩ a nɩsaal socir bʋ̃-bɔbrɩ nɩ a nɩsaal socir tɩɛrʋ.

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

Zakɩ 1:18

Ʋ nɔnɛ na dɔw tɩ nɩ a ʋ ƴɛ̀rʋ na ɩ a yel-mɩŋa a, kɛ́ tɩ tʋ̃ɔ́ ɩ niw-dierbɛ a ʋ bʋ̃-íri za pʋɔ.

1 Pɩɛr 1:2

A Naaŋmɩn Sãà n'ʋ kaa ír nyɩ a tu a lɛ ʋ na tɩ dãw tɩɛrɩ a yele bin a koro za a. Ʋlɛ n'ʋ ƴãw a Vʋʋrʋ Sõw maalɩ nyɩ nyɩ ɩ son kɛ́ nyɩ wa sàwr a Yeezu Kɩrɩta nʋɔr ɛ́ páw a vɩɛlʋ a ʋ zɩ̃ɩ ƴãw. A Naaŋmɩn, ʋ kʋ̀ nyɩ a maalʋ nɩ a ƴã-ɓaarʋ yaga za.

1 Pɩɛr 3:21

A kʋ̃ɔ á ŋá tɩ ɩ n a suob na faarɛ nyɩ a ƴɛrɛŋa a bãwfʋ: ɛcɛ ƴã-gan dɛwr-so-bɛrʋ bɛ n'ɩ a suob ɛ, a suob ɩ n socir vɩɛlʋ bɛ mɩ́ zɛlɩ a Naaŋmɩn zie. A suob faarɛ nyɩ nɩ a Yeezu Kɩrɩta kũu-pʋɔ-lɛb-yibu zũú,

2 Pɩɛr 1:9

Sob nɛ za na bɛ tɛr a a, ʋ ɩ n zɔ̃w na bɔblɛ a: ʋ yiir'a kɛ́ bɛ pɛ́w nɩ a ʋ dãwdãw yel-bebe dɛwr bɛr.

1 Zã 5:6

A Yeezu Kɩrɩta n'ʋ wa n a ʋ suob kʋ̃ɔ nɩ a ʋ kũu zɩ̃ɩ. A kʋ̃ɔ tɛwr bɛ n'a ʋ wa n ɛ, ʋ wa n nɩ a kʋ̃ɔ nɩ a zɩ̃ɩ. Ɛ́ a Vʋʋrʋ Sõw n'ʋ dɩrɛ a dãsɩɛ kɛ́ sɩza n'a, a Vʋʋrʋ Sõw na ɩ a yel-mɩŋa a ƴãw.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:1

A mãa Zid, Zakɩ yɛb, na ɩ a Yeezu Kɩrɩta tõ-tone a, ɩ̃ sɛbr'ɩ a bɛlɩ dem a Naaŋmɩn Sãà na bʋɔlɩ a, a bɛl ʋ na nɔnɛ ɛ́ ƴãw a Yeezu Kɩrɩta gù a.