Efɛɛzɩ 5:25 - A SƐB-SÕW

²⁵ Sɩrbɛ ɛ, nyɩ nɔnɛ a nyɩ pɔwbɛ mɛ̃ a lɛ a Kɩrɩta na nɔ̃w a Lãw-yir tɩ de ʋ tʋɔra tɩr a ʋ ƴãw a.

Efɛɛzɩ 5:25 ပူးပေါင်းရင်းမြစ်များ

Yele-za-pɛr-tib 2:24

Alɛ n'a so a dɛb na mɩ́ bɛr a ʋ sãà nɩ a ʋ mã, ɛ́ lãw nɩ a ʋ pɔw bɛ ɩ nɩ-been.

Yele-za-pɛr-tib 24:67

Al pùorí, a Ɩzaakɩ tɩ tɛr'ɩ a Erebeka kpɛ n a pɛn-sɛw ʋl pʋɔ a ʋ mã Saara na tɩ kpɩɛr a, ʋ lɩɛbɩ a ʋ pɔw. Ʋ tɩ nɔ̃w ʋ na, ɛ́ a ɩ ʋ mɔwlʋ, a ʋ mã kũu ƴãw.

2 Samɩɛl 12:3

A nã́w sob nɛ bɛ tɩ tɛr bom za ɩ, a bɛ ɩ peli-pɔw been kãw ʋ na tɩ da a ɩ. Ʋ tɩ guole ʋ na, ʋ báarɛ a ʋ zie, ʋlɛ nɩ a ʋ bibiir. A bom nɛ ʋ na tɩ dɩrɛ a, ʋlɛ n'ʋ a pele mɩ̀ mɩ́ tɩ dɩ, a ʋ ŋmale pʋɔ n'a a pele tɩ nyúur, a ʋ zie n'a a pele tɩ ganɛ. Ʋ tɩ ɩ na mɛ̃ a ʋ pɔwyaa a.

A Yielu za pʋɔ yiel-vla vla 1:11

Tɩ na maal'ɩ salm-zɩɛ tokpã-gbɛ̃gbɛlɛ na ƴãw salm-pla kpãakpule a kʋ̀ b.

Matie 20:28

À ŋá n'a, a Nɩsaal Bie bɛ wa kɛ́ bɛ wa tone kʋ̀rɛ ʋ ɛ, ʋ wa na k'ʋʋ wa tone kʋ̀rɛ a nɩbɛ, ɛ́ de a ʋ nyɔ-vʋʋrʋ tɩr ya de nɩ nɩ-yaga yaga.»

Zã 6:51

Mãa n'ɩ a dipɛ̃ na vʋʋrɛ a, na yi a salom zu siw wa a. Nɩr wa 'wɔbr a dipɛ̃ ŋa a, ʋ na vʋʋrɛ nɩ kʋralɛ, ɛ́ a dipɛ̃ ɩ̃ na na tɩr a, ʋlɛ n'ɩ a ɩ̃ ƴã-gã-nɛn a tẽ-daa nyɔ-vʋʋrʋ páwfʋ ƴãw.»

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Galasi 1:4

A Kɩrɩta de nɩ ʋ tʋɔra tɩr a tɩ yel-bebe ƴãw, k'ʋʋ tʋ̃ɔ́ faa tɩ a dɩ̃a zie ŋa na bɛ vɩɛl a pʋɔ, mɛ̃ a lɛ a Naaŋmɩn tɩ Sãà na bɔbr a.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Efɛɛzɩ 5:24

Ɛcɛ mɛ̃ a lɛ a Lãw-yir na sàwr a Kɩrɩta nʋɔr a, a pɔwbɛ, bɛ sàwr a bɛ sɩrbɛ nʋɔr a yele za pʋɔ.

Efɛɛzɩ 5:28

À ŋá n'a a fɛr kɛ́ a sɩrbɛ nɔnɛ a bɛ pɔwbɛ, mɛ̃ a bɛ mɩŋa ƴã-gan a. Ʋlɩ sob na nɔnɛ a ʋ pɔw a, ʋ tʋɔra n'ʋ ʋ nɔnɛ.

Efɛɛzɩ 5:33

Alɛ saa ŋmɛ̃ ŋmɩŋmɩn a, a fɛr'a kɛ́ nyɩ kãw za mɩ́ nɔnɛ a ʋ pɔw mɛ̃ a ʋl mɩŋa a, ɛ́ pɔw za ƴãwnɛ a ʋ sɩr.

Kɔlɔsɩ 3:19

Sɩrbɛ ɛ, nyɩ nɔnɛ a nyɩ pɔwbɛ, nyɩ ta mɩ́ sãwnɛ niwn ƴãwnɛ bɛ ɩ.

1 Timote 2:6

ʋlɛ n'ʋ de ʋ tʋɔra tɩr k'ʋʋ ya de a nɩsaalbɛ za. A daar na wa ta a, ʋ dɩ n a dãsɩɛ ŋa

1 Pɩɛr 3:7

Lɛ mɩ̀ n'a, a nyɩɩm sɩrbɛ, nyɩ lãw kpɩɛr'ɩ a nyɩ pɔwbɛ, ɛ́ bãwnɩ a bɛ na bɛ tɛr fãw a. Nyɩ ƴãwnɛ bɛ, nyɩɩm nɩ a bɛl nɛbɛ lãw a gbã-dɩ-bom na ɩ a nyɔ-vʋʋrʋ a Naaŋmɩn na kʋ̀ nyɩ a. Nyɩ ɩrɛ a lɛ kɛ̀ bom za ta piw a nyɩ puoru ɛ.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.