Efɛɛzɩ 5:20 - A SƐB-SÕW

²⁰ Nyɩ puore a Naaŋmɩn Sãà yãanɩ kʋralɛ bom za ƴãw, a tɩ Sore Yeezu Kɩrɩta yúor ƴãw.

Efɛɛzɩ 5:20 ပူးပေါင်းရင်းမြစ်များ

A Zɔb sɛbɛ 1:21

ɛ́ yel: «Nũ-zawl'a ɩ̃ dɔw, ɛ́ nũ-zawl'a ɩ̃ na kpi. A Sore tɩr'a, a Sore lɛb'a de. A Sore yúor tɛr'ɩ danʋ!»

Sɛb-sõw yielu 34:1

Daviir so ʋ. A Daviir tɩ bãw na kɛ́ yarɛ a Abimelɛkɩ niŋé, ʋ diw ʋ bɛr, ʋ tɔl cen.

Ɩzayi 63:7

Ɩ̃ na lɛb'a sɩ̃w a Sore ɩ-vɩɛlɩ tɩɛrʋ, a alɩ bome nɛ na n'a so tɩ danɛ ʋ a: a alɩ bome nɛ za a Sore na ɩ a tɩ ƴãw a, a ʋ nɔ̃wfʋ na ɩ kpɛ̃ɛ a Ɩsɩrayɛl nɩbɛ ƴãw a, a alɩ bome nɛ za ʋ na ɩ a ʋ nɔ̃wfʋ zũú a, nɩ a ʋ ɩ-vɩɛlɩ na bɛ tɛr vuo a.

Zã 15:16

Nyɩmɛ bɛ nɛbɛ kaa ír mɛ̃ ɩ, mãa n'ʋ kaa ír nyɩ, ɛ́ ƴãw kɛ́ nyɩ cen tɩ wɔ̃ wɔmɛ, ɛ́ a nyɩ wɔmɛ be kʋralɛ. Lɛ n'a a ɩ̃ Sãà na kʋ̀ nyɩ bom nɛ za nyɩ nãá zɛlɛ a ʋ zie a ɩ̃ yúor ƴãw a.

Nɩ-toni 5:41

A nɩ-toni tɩ lɛb'a yi a ƴɛ̀rʋ-dɩb-lãw zie, ɛ́ nʋ̃ɔ̀ ɩrɛ bɛ yaga, a Naaŋmɩn na tɩ nyɛ̃ bɛ, bɛ sɛwnɩ zʋmɛ a Yeezu yúor ƴãw a.

Ʋrɔm 1:8

A Yeezu Kɩrɩta ƴãw n'a ɩ̃ de niwn puore a ɩ̃ Naaŋmɩn yãanɩ a nyɩ za ƴãw, bɛ na ƴɛ̀rɛ a nyɩ sàw-deb ƴɛ̀rʋ a tẽ-daa za zu a ƴãw.

1 Korɛ̃tɩ 1:4

Ɩ̃ puore nɩ a ɩ̃ Naaŋmɩn yãanɩ kʋralɛ a nyɩ ƴãw, a maalʋ ʋ na kʋ̀ nyɩ a Kɩrɩta Yeezu pʋɔ a ƴãw.

1 Korɛ̃tɩ 15:24

Al pùorí, a yele za nʋɔr na kʋ na, a lɛn daar a Kɩrɩta nãà wa sãw nɩ-kpɛ̃ɛnʋ dɩb za bɛr a, sãw fãw za nɩ kpɛ̃w bʋʋrɛ za bɛr ɛ́ de a naalʋ kʋ̀ a Naaŋmɩn Sãà a.

Efɛɛzɩ 5:4

A mɩ̀ bɛ sɛw kɛ́ ƴɛ̀r-pɔmɛ bɩɩ dãbol-ƴɛ̀rʋ bɩɩ dɩ̃ɛnʋ ƴɛ̀r-faar yire a nyɩ nʋɔrɩ́ ɛ. Nyɩ mɩ́ vɛ̃ kɛ́ puore a Naaŋmɩn barka.

Filib 1:3

Mãa mɩ́ wa lɛb tɩɛrɛ a nyɩ yele a, ɩ̃ mɩ́ puore nɩ a ɩ̃ Naaŋmɩn yãanɩ.

Filib 4:6

Nyɩ ɓãá ƴãw bɛr tɩɛrʋ, ɛ́ a yele za pʋɔ a, nyɩ mɩ́ puore zɛlɛ nɩ a Naaŋmɩn yãayãa ɛ́ lãwnɩ barka puoru, ʋ tʋ̃ɔ́ mɩ́ bãw a nyɩ bʋ̃-bɔbra.

Kɔlɔsɩ 3:17

Bom nɛ za nyɩ na ɩrɛ a, a nyɩ nʋɔr ƴɛ̀rʋ pʋɔ n'a bɩɩ a nyɩ ɩ-ɩrɩ pʋɔ n'a a, a mɩ́ ɩ a Sore Yeezu yúor ƴãw n'a nyɩ ɩrɛ a lɛ, puore nɩ a Naaŋmɩn Sãà barka a Sore Yeezu zũú.

1 Tesalonikɩ 3:9

Ŋmɩŋmɩn n'a tɩ na tʋ̃ɔ́ puori a Naaŋmɩn yãanɩ a nyɩ ƴãw k'a sɛw, a nʋ̃ɔ̀ al za nyɩ na ɩrɛ tɩ nyɛrɛ a ʋ niŋé a ƴãw?

1 Tesalonikɩ 5:18

nyɩ puore Naaŋmɩn yãanɩ bom za ƴãw. A Naaŋmɩn pʋ-tɩɛrʋ n'ɩ à à ŋá a nyɩ zie, nyɩ na lãw nɩ a Yeezu Kɩrɩta a.

2 Tesalonikɩ 1:3

Yɛbr i, a fɛr'a kɛ́ tɩ mɩ́ puore a Naaŋmɩn yãanɩ kʋralɛ a nyɩ ƴãw. Ɛ́ a mɩ̀ sɛw na kɛ́ tɩ ɩrɛ a lɛ, bʋ̃ʋ n'ʋ vɛ̃, a nyɩ naaŋmɩn-sàw-deb kɛrɛ na dɔwlɛ bɛ dɩ vuo ɩ, ɛ́ a nɔ̃wfʋ nyɩ na nɔnɛ taa a kɛrɛ dɔwlɛ a nyɩ za been been zie.

2 Tesalonikɩ 2:13

Yɛbr i, tɩɩm ƴãw a, a fɛr'a kɛ́ tɩ mɩ́ puore a Naaŋmɩn yãanɩ a nyɩ ƴãw kʋralɛ, nyɩɩm a Sore na nɔnɛ a. Bʋ̃ʋ n'ʋ vɛ̃, Naaŋmɩn kaa na ír nyɩ a pɛr-tib daar, k'aa Vʋʋrʋ Sõw na tɩrɛ a sonu a zũú, nɩ a yel-mɩŋa nyɩ na sàw de a ƴãw, nyɩ nyɛ̃ a faafʋ.

Ebre 13:15

Tɩ tu a Yeezu maalɛ danʋ bàwr kʋralɛ kʋ̀rɛ a Naaŋmɩn, a pɛr lɛ kɛ́ danʋ na yire nɛ́ɛ na íre a ʋ yúor a pʋɔ.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.