Efɛɛzɩ 5:18 - A SƐB-SÕW

¹⁸ Nyɩ ta kuole dãa ɩ, alɛ n'a waar'ɩ a faalʋ, ɛcɛ nyɩ ɩ a Vʋʋrʋ Sõw paalɩ nyɩ.

Efɛɛzɩ 5:18 ပူးပေါင်းရင်းမြစ်များ

Yele-za-pɛr-tib 9:21

Ʋ tɩ nyũ n divɛ̃ kuoli, ɛ́ yaa a kparɩ za bɛr a ʋ pɛn-sɛw pʋɔ.

Sɛb-sõw yielu 69:12

Ɩ̃ su n kuor bʋ̃-dɛgɛ, bɛ ƴãw nɩ mɛ̃ jil.

Zʋkpaɩ 20:1

A divɛ̃ mɩ́ ƴãw na fʋ ɩrɛ nɩbɛ laar, ɛ́ dã-kpɛn ƴãw fʋ pàwr gɔmɛ. Nɩr wa de ʋ mɩŋa bɛr a kuole ʋ a kʋ̃ tʋ̃ɔ́ ɩ yã-bãwnɛ ɩ.

A Yielu za pʋɔ yiel-vla vla 1:4

Nyɔw mɛ̃ nũú, vɩrɛ mɛ̃ tɩ lãw zɔrɛ. Ɩ̃ nãà a, tɛr mɛ̃ kpɛ n a fʋ di-gana pʋɔ. Ɩ kɛ̀ nʋ̃ɔ̀ nɩ cɩlʋ tɛr tɩ za ayi yaga za. Tɩ yiele a fʋ gbaalʋ na nʋmɛ zuo divɛ̃ a. A pɔwsɩrali tɛr'ɩ yel-mɩŋa bɛ na kpiir lore a fʋ ƴãw a.

A Yielu za pʋɔ yiel-vla vla 7:9

Ɩ̃ yel'a: «A fɛr'a k'ɩ̃ɩ do a kpãkparmɛ tɩɛ tɩ pɔr a ʋ wɔmɛ!» A fʋ bɩrɛ, a ɩ mɛ̃ divɛ̃ tɩ-wɔ̃-cãacule a a ɩ̃ zie, ɛ́ a fʋ nʋɔr nyũu ɩ mɛ̃ tɩ-wɔmɛ nyũu a!

Ɩzayi 25:6

A Sore, a kpɛnʋ-za-sob, cɔbrɛ nɩ cuw dɩb a nɩ-bʋʋrɛ za ƴãw a Sɩyɔ̃ tãw zu, nɛn-kãánɩ nɩ divɛ̃-kore cuw dɩb, — nɛn-kãánɩ nɩ nɛn-buge, divɛ̃-kore na bɩ tɔ a —.

Ɩzayi 5:22

Baw-bio páw nɩ a bɛlɩ dem na ɩ dã-nyũ-karɩ, ɛ́ kpɛmɛ yaga mɩ́ nyàw a dã-kpɛn taa a!

Ɩzayi 55:1

Alɛ! Nyɩɩm za kʋ̃ɔ-nyúur na kpɩɛr a, kʋ̃ɔ n'ɩ a ŋan, nyɩ wa! Nyɩmɛ saa bɛ tɛr libir a, nyɩɩm wa. Nyɩ da dɩ, mɔlɛ n'a. Nyɩ wa, nyɩ da divɛ̃ nɩ bʋ̀rʋ, ɛ́ ta ír libir ɛ, ɛ́ ta ya bom ɛ.

Levitɩ mɩnɛ 10:9

«Fʋ̃ʋ nɩ a fʋ bidɛbr a, nyɩ taa nyúur divɛ̃ nɩ dã-kpɛ̃w kãw, nyɩmɛ wa waar na kpɛ a tuor-taa pɛn-sɛw pʋɔ a ɩ, lɛ n'a nyɩ kʋ̃ kpi ɛ. Nʋɔr'ʋ ƴãw gã kʋralɛ, nyɩɩm nɩ a nyɩ bʋʋrɛ ƴãw.

Matie 23:25

Baw-bio dem'ɩ nyɩ, nyɩɩm Naaŋmɩn wulu sɛ-sɛbrbɛ nɩ nyɩɩm Faarizɩ̃ɛ mɩnɛ, nɩsaal-libelibe e! Nyɩ mɩ́ pɛ́w nɩ a koli-nyúura nɩ a laa zikur, ɛ́ a pʋɔ mɩ́ paalɩ a nyɩ nyãnyu-bome nɩ a nyɩ tɩɛr-faar.

Matie 24:49

ɛ́ tĩ pɔbr a ʋ tõ-tõ-bi-taabɛ, ɛ́ ʋlɛ nɩ a dã-kuolbɛ lãw dɩrɛ ɛ́ nyúur.

Luka 1:15

Ʋ na ɩ n kpɛ̃ɛ a Sore niŋé, ʋ kʋ̃ nyúur divɛ̃ nɩ dã-bɩ̃ɩ kãw za ɩ. Ʋ na cãà nɩ a ʋ mã púorí ɛ́ a Vʋʋrʋ Sõw paalɩ ʋ.

Luka 11:13

A lɛ pʋɔ, nyɩɩm na ɩ nɩ-faar a, nyɩmɛ wa bãw bʋ̃-vɩɛlɩ mɩ́ kʋ̀ a nyɩ bibiir a, ŋmɩŋmɩn za n'a a nyɩ Sãà na be a tẽ-vla pʋɔ a, kʋ̃ kʋ̀ a Vʋʋrʋ Sõw a bɛlɩ dem na zɛlɛ ʋ a?»

Luka 12:45

Ɛcɛ a tõ-tõ-bie ŋa wa tɩɛr ʋ pʋɔ: “A ɩ̃ zu-sob cɛlɛ nɩ a waa ƴãw”, ɛ́ tĩ pɔbr a tõ-tõ-biir, a dɛbr lãwnɩ a pɔwbɛ a, ɛ́ mɩ́ dɩ kɛ́ nyũ tɩ kuoli a,

Luka 21:34

«Nyɩ gùre nyɩ tʋɔra vla, ta sàw a faalʋ, a dãa-kuolu nɩ a tẽw ŋa zu nyɔ-vʋʋrʋ bʋ̃-bɔbrɩ wa dĩ a nyɩ socie tɛr ɛ. Nyɩ ta sàw a bibir ŋa wa ùr vɩɛ a nyɩ zu ɛ.

Zã 2:10

yel ʋ: «Bɛ mɩ́ dãw na de a divɛ̃-nʋ̃ɔ̀ tɩr, a nɩbɛ wa nyũ a ɩrɛ bɛ a, bɛ̃ɛ pãa de a al na bɛ maal nʋmɛ a wa n, ɛ́ fʋ̃ʋ nɩ̃ɛ gbab a divɛ̃-nʋ̃ɔ̀ bin wa tɔ ka za a?»

Nɩ-toni 11:24

A Banabasɩ tɩ ɩ n nɩ-vla, ʋ tɩ tɛr'ɩ naaŋmɩn-sàwfʋ, ɛ́ a Vʋʋrʋ Sõw tɩ be a ʋ zie. Nɩ-yaga yaga tɩ sàw na de a Sore.

Ʋrɔm 13:13

Nyɩ ɩ tɩ cere cenu na vɩɛl a, mɛ̃ mʋ̃tɔ̃w daarɩ́ a, ɛ́ bɛr a dɩ-gbogbo nɩ a dãa kuolu, a pɩ̃ɔ-yele nɩ a nɩ-fa-ɩb, a zɛb-taa nɩ a nyu-yele.

1 Korɛ̃tɩ 11:21

Bʋ̃ʋ n'ʋ vɛ̃, a dɩb daar na mɩ́ wa ta a, ŋa za mɩ́ màw na dɩ a ʋ dem, kɛ̀ kɔ̃ mɩ́ kpɩɛr kãw ɛ́ ƴen sob kuole.

1 Korɛ̃tɩ 5:11

Ɩ̃ sɛb nyɩ na kɛ́ nyɩ ta pɩɛlɛ nɩr na dɩ kɛ́ kɩrɩta-nɩr a, ʋlɛ wa ɩ pɩ̃ɔ-yel-maalɛ, nɩr na mɩ́ nyɛ̃ a ʋ tɔ bom a mimir zaalɛ a, bɩɩ ʋlɛ wa maalɛ tɩbɛ bɩɩ ɩ gɛgɛra, dã-kuole nɩ nyãnyuge a. Nyɩ mɩ̀ ta mɩ́ lãw nɩ a nɩr ŋa tɔ dɩ bom ɛ.

1 Korɛ̃tɩ 6:10

a nyãnyuwr, a bɛl na mɩ́ nyɛ̃ a bɛ tɔ bom a mimir zaalɛ a, a dã-kuolbɛ, a gɛgɛrɩ, lãwnɩ a bɛl na farɛ a bɛ taabɛ bome a, bɛ kʋ̃ kpɛ a Naaŋmɩn Naalʋ pʋɔ ɩ.

Wulu-ayi-sob 21:20

Bɛ na wa yel bɛ na: «A tɩ bidɛb'ɩ à ŋà, bɛ-wone n'ʋ, ɛ́ ɩ bibi-gaara. Ʋ bɛ wone a tɩ ƴɛ̀rʋ ɛ, ɛ́ nɔnɛ dɩb nɩ nyub tɛwr.»

1 Tesalonikɩ 5:7

A gʋ̃ɔ-gúrbɛ a, tɩ̃ɩsɔw n'a bɛ mɩ́ gúre, ɛ́ a dã-kuolbɛ a, tɩ̃ɩsɔw n'a bɛ mɩ́ kuoli a dãa.

Títɩ̀ 1:6

A fɛr'a kɛ́ bɛ za been been ta tɛr sãwna bɛ yere ɩ, bɛ kul pɔw beƴeni, tɛr bibiir na tɛr naaŋmɩn-sàw-deb, ɛ́ nɩr kʋ̃ tʋ̃ɔ́ yel kɛ́ bɛ bɛ ɩrɛ vla, bɩɩ bɛ ɩ n bɛ-wonbɛ a.