Efɛɛzɩ 5:14 - A SƐB-SÕW

¹⁴ Ɛ́ bom za na sãá cãàmɩ́ a ɩ n cãà. Alɛ so bɛ mɩ́ yel: «Ìr, fʋ̃ʋ na gúre a, lɛb ìr a kũuni pʋɔ, ɛ́ a Kɩrɩta na caalɩ fʋ na.»

Efɛɛzɩ 5:14 ပူးပေါင်းရင်းမြစ်များ

Ɩzayi 26:19

Ɩ̃ nɩbɛ ɛ, a nyɩ kũuni na lɛb'a vʋʋrɛ, bɛ na lɛb a ìr àr. A bɛlɩ dem na gã a tanɛ pʋɔ a, na ìr'a ŋmɩɛr nʋ̃ɔ̀ cɛlsɩ. A Sore na ɩ na cãà ɓɩɛlʋ lo a nyɩ zu, ɛ́ a tẽsɔw ɩ a kũuni lɛb vʋʋrɛ.

Ɩzayi 51:17

Ìr, Zerizalɛm i, ìr àr saaƴẽwn! A Sore ƴãw na fʋ nyũ a ʋ suur koli-nyúura. Fʋ fuori ʋ na, ʋ ƴãw fʋ nĩw-viir.

Ɩzayi 52:1

Ìr, Sɩyɔ̃ tẽw i, ìr! Wul a fʋ kpɛnʋ! Zerizalɛm, tẽ-kpɛ̃ɛ-sõw i, su a fʋ dɛpaal bʋ̃-suuri. Bʋ̃ʋ n'ʋ vɛ̃, a nɩ-sãanbɛ nɩ a dɛwr dem kʋ̃ lɛb wa a fʋ zie towtow ɛ.

Ɩzayi 60:1

Ìr àr, Zerizalɛm i! Nyɩwrɛ fʋ za. Bʋ̃ʋ n'ʋ vɛ̃, a fʋ cãà waar'a, a Sore yúor-vɩɛlʋ-danʋ pure nɩ a fʋ zu!

Luka 1:78

a tɩ Naaŋmɩn nɔ̃wfʋ na bɛ tɛr baarʋ a bãwfʋ n'ɩ à ŋà. A nɔ̃wfʋ ŋa ƴãw n'a, a saa-zu mʋ̃tɔ̃w na pure a ta tɩ.

Luka 15:24

bʋ̃ʋ n'ʋ vɛ̃, a ɩ̃ bidɛb ŋa tɩ kpi na, ɛ́ lɛb wa vʋʋrɛ, ʋ tɩ bɔr'a, ɩ̃ɩ lɛb wa nyɛ̃ ʋ.” Bɛ tɩ nyɔw nɩ a cuw dɩb.»

Zã 8:12

A Yeezu tɩ lɛb'a ƴɛ̀r a zu-sɛbla zie yel: «Mãa n'ɩ a tẽ-daa cãà, sob nɛ na tuur mɛ̃ a kʋ̃ cere lige pʋɔ ɩ, ʋ na páw nɩ a cãà na tɩrɛ a nyɔ-vʋʋrʋ a.»

Zã 9:5

Lɛn daar za ɩ̃ na be a tẽ-daa zu a, mãa n'ɩ a tẽ-daa cãà.»

Nɩ-toni 13:47

À ŋá sɩrɩ n'a a Sore ƴãw a nʋɔr kʋ̀ tɩ: “Ɩ̃ ƴãw na fʋ ɩ a nɩ-bʋʋr-yoru cãà, kɛ́ fʋ tʋ̃ɔ́ ɩ a faafʋ ta a tẽ-daa ziir za.”»

Ʋrɔm 6:13

Nyɩ ta cãà dier a nyɩ ƴã-gã-ɓɛrmɛ a lɩɛbɩ yel-bier tõ-tõ-bome, nyɩ ɩrɛ nɩ a lɛ na bɛ tu sɔ́r a ɩ. Nyɩ nɩ̃ɛ vɛ̃ kɛ́ de nyɩ mɩŋa kʋ̀ a Naaŋmɩn, mɛ̃ nɩbɛ na tɩ kpi ɛ́ lɛb wa vʋʋrɛ a, ɛ́ nyɩ tone a ʋ tome, ɩ mɛ̃ tõ-tõ-bome a yel-vla maalʋ ƴãw a.

1 Korɛ̃tɩ 15:34

Nyɩ ƴãw fãw lɛb bãw yã ɛ́ bɛr a yel-bier maalʋ. Ɩ̃ yel ƴãw nyɩ vĩ: nyɩ mɩnɛ bɛ bãw a Naaŋmɩn ɛ.

2 Korɛ̃tɩ 4:6

Bʋ̃ʋ n'ʋ vɛ̃, a Naaŋmɩn ʋl na yel kɛ́: «A cãà, ʋ caalɩ a lige sɔgɔ a», ʋl mɩŋa n'ʋ caalɩ a tɩ socie pʋɔ, k'ʋʋ ɩ tɩ bãw a ʋ yúor-vɩɛlʋ-danʋ cãà na caalɛ a Kɩrɩta niwn ƴãw a.

Efɛɛzɩ 2:1

A nyɩɩm a, nyɩ tɩ dãw na ɩ nɩ-kũuni a nyɩ sãwna nɩ a nyɩ yel-bebe zũú.

Efɛɛzɩ 2:5

al ƴãw n'a ʋ ɩ tɩ lɛb vʋʋrɛ lãwnɩ a Kɩrɩta, tɩɩm na tɩ kpi baarɩ a tɩ sãwna ƴãw a. Naaŋmɩn maalʋ zũú sɩrɩ n'a nyɩ nyɛ̃ a faafʋ.

Kɔlɔsɩ 3:1

Nyɩ na lãw nɩ a Kɩrɩta lɛb yi a kũu pʋɔ a, nyɩ bɔbr a saa-zu bome, be a Kɩrɩta na be zɩ̃ a Naaŋmɩn dʋrʋ lowr a.

1 Tesalonikɩ 5:6

A na ɩ à ŋá a, tɩ ta gúre mɛ̃ a bɛl na cɛ a ɩ, tɩ bɛr gʋ̃ɔ ɛ́ tɛr maal-ɩrɛ a dɩb nɩ a nyub ƴãw.

2 Timote 1:10

Ƴɛrɛŋa a, a maalʋ ŋa pãa sãá na, a tɩ Faarɛ Kɩrɩta Yeezu na wul ʋ tʋɔra a zũú. Ʋlɛ n'ʋ ɩ a kũu kpɛnʋ baarɩ, ɛ́ ɩ a nyɔ-vʋʋrʋ na bɛ tɛr kũu a, ʋ sãá a Yel-nʋ̃ɔ̀ manʋ pʋɔ.

2 Timote 2:26

ɛ́ lɛb bãw yã yi zaa a Gɛgɛra bɛrɩ pʋɔ, ʋl na tɩ nyɔw bɛ ƴãw bɛ maalɛ a ʋ pʋ-tɩɛrʋ a.