Efɛɛzɩ 5:11 - A SƐB-SÕW

¹¹ Nyɩ taa pʋɔrɛ a lige tõ-toni pʋɔ towtow ɛ, a bɛ tɛr tɔnɛ kãw za ɩ, nyɩ nɩ̃ɛ vɛ̃ kɛ́ wore a.

Efɛɛzɩ 5:11 ပူးပေါင်းရင်းမြစ်များ

Yele-za-pɛr-tib 20:16

Al pùorí ʋ yel a Saara: «Nyɛ̃, ɩ̃ kʋ̀rɛ nɩ a fʋ yɛ-dɛb salm-pla libie túr (1 000): bãwfʋ n'ʋ a bɛlɩ dem za na lãw kpɩɛr'ɩ fʋ a zie, kɛ́ fʋ bɛ tɛr sãwna a yel ŋa pʋɔ ɩ. Ɛ́ a fʋ yúor kʋ̃ sãw a nɩbɛ za zie ɩ.»

Sɛb-sõw yielu 141:5

Nɩ-mɩŋa na tʋ̃ɔ́ na ŋmɛ m, ɛ́ kpãa mɛ̃, báalʋ zũú. Ɛcɛ a nɩ-faar nɔ̃wfʋ ɩb a, ɩ̃ bɛ bɔbr a ɩ. Ɛcɛ ɩ̃ bɔbr'a k'ɩ̃ɩ cãà puore, bɛ na saa ɩrɛ a ɩ-faar a.

Zʋkpaɩ 1:10

Ɩ̃ bie e, a fʋ taabɛ na ɩ nɩ-faar a wa bɔbr kɛ́ bɛ bɛlɩ fʋ ƴãw faa maalʋ pʋɔ a, taa sàwr ɛ.

Zʋkpaɩ 1:31

A na ɩ à ŋá a, nyɩ na tuo nɩ a sãwna a nyɩ ɩb na wa n a, a lɛ nyɩ na tɩɛrɩ kɛ́ nyɩ ɩ a na gel nyɩ nɩ pʋɔ.

Zʋkpaɩ 13:18

Bɛlɩ dem na bɛ sàwr a wulu a, bɛlɛ so nã́w nɩ vĩ, ɛcɛ bɛlɩ dem na sàwr a kpãàfʋ a, bɛ na nyɛ̃ nɩ ƴãwfʋ.

Zʋkpaɩ 15:12

Sob nɛ na bɛ ŋmɛlɛ kaar bom za a bɛ nɔnɛ kɛ́ bɛ mɩ́ yere ʋ ɛ, ʋ bɛ lãw zɩnɛ nɩ a yã-bãwnbɛ ɩ.

Zʋkpaɩ 19:25

Ŋmɛ a nɩ-ɩ-laarɛ, ɛcɛ a nɩr na bɛ bãw bom a na zanɩ nɩ yã. Bɛlɛ wa yere nɩr na tɛr yã a, ʋ mɩ́ bãw nɩ a ʋlɩ bom nɛ bɛ na bɔbr kɛ́ bɛ wul ʋ a.

Zʋkpaɩ 25:12

Nɩr na cɛlɛ be a zie a, a yã-bãwnɛ yele ŋmɛ̃ na mɛ̃ salm-zɩɛ mɩŋa mɩŋa nũ-tʋʋr bɩɩ kɔkɔrɩ́ bãw a.

Zʋkpaɩ 28:4

Bɛlɩ dem na bɛ tuur a wulu a mɩ́ mʋʋrɛ nɩ a nɩ-faar. Ɛcɛ a bɛlɩ dem na tuur ʋ a mɩ́ zɛbr'ɩ bɛ na.

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Ɩzayi 29:21

a bɛl na mɩ́ yel kɛ́ nɩr sãw na, ɛ́ a ɩ ziri a, na mɩ́ ƴãwnɛ bɛrɩ a ƴɛ̀r-dɩrbɛ a, na mɩ́ ɩ bɛ ƴãw dɔwrʋ nɩr na bɛ sãw a.

Zeremi 15:17

Ɩ̃ bɛ zɩ̃ a nɩ-ɩ-laarbɛ sɔgɔ k'ɩ̃ɩ dɩ̃ɛnɩ ɛ. Ɛcɛ fʋ fɛr mɛ̃ na ƴãw ɩ̃ be ɩ̃ yõ zie, fʋ na tɩ ɩ ɩ̃ ɩ suur tɛwr a ƴãw.

Levitɩ mɩnɛ 19:17

«Nyɩ taa tɛrɛ nɩ a nyɩ yɛb dɔ̃ ɩ, ɛcɛ nyɩ taa vɛnɛ a ʋ yelu ɛ, lɛ n'a nyɩ kʋ̃ tɛr yel-bier a ʋ ƴãw ɛ.

Matie 18:15

«A fʋ yɛb wa ɩ sãw fʋ a, cen tɩ páw ʋ, fʋ̃ʋ nɩ ʋl tɛwr zie, ɛ́ wul ʋ a ʋ sãwna. Ʋlɛ wa bɛr wõ fʋ a, fʋ na páw nɩ a fʋ yɛb.

Luka 3:19

Ʋ tɩ yere nɩ a Galile tẽw nàle Erɔdɩ, ʋ na tɩ de a Erodɩadɩ na ɩ a ʋ yɛb pɔw a ƴãw, nɩ a yel-faar al za ʋ na tɩ maalɩ a ƴãw.

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 13:12

A tɩ̃ɩsɔw cen na kpɛ sɔw, a zie vɩɛrɛ na. A na ɩ lɛ a, nyɩ ɩ tɩ lɔb a lige pʋɔ ɩ-ɩrɩ bɛr, ɛ́ cɔbrɩ a cãà pʋɔ zɛbr ƴãw.

Ʋrɔm 16:17

Yɛbr i, ɩ̃ kpaalɛ nyɩ na kɛ́ nyɩ gùre nyɩ tʋɔra a bɛlɩ dem na bɛ dier a wulu bɛ na kʋ̀ nyɩ a ƴãw, ɛ́ mɩ́ ƴãwnɛ bʋ́r-taa a kɩrɩta-nɩbɛ sɔgɔ, ɛ́ ɩrɛ bɛ bɔrɛ a. Nyɩ taw zãá nɩ bɛ,

Ʋrɔm 6:21

A ɩ-ɩrɩ á ŋá na ɩrɛ nyɩ vĩ a dɩ̃a a, bʋnʋ tɔnɛ n'a nyɩ tɩ nyɛ̃ a pʋɔ, a lɛn daar nyɩ na tɩ tɛr a ɩ-ɩrɩ á ŋá a? Kũu n'a a waar'ɩ.

Galasi 6:8

Sob nɛ na bʋ̀rɛ a alɩ bome nɛ a nɩsaalʋ na bɔbr a, ʋ na cɛ n a wɔmɛ a nɩsaalʋ na waar'ɩ a, a pɛr lɛ k'aa kũu. Ɛcɛ sob nɛ na bʋ̀rɛ a alɩ bome nɛ a Vʋʋrʋ Sõw na bɔbr a, ʋ na cɛ n a wɔmɛ a Vʋʋrʋ na waar'ɩ a, a pɛr lɛ k'aa nyɔ-vʋʋrʋ na be kʋralɛ a.

Efɛɛzɩ 4:22

A koro za ɩ-ɩrɩ n'a a fɛr kɛ́ nyɩ bɛr, ɛ́ ír a nɩsaal kʋra bɛr, a ʋ bɛ̀lʋ tɩɛrʋ ɩ na ʋ wɩɛr a loba.

Efɛɛzɩ 5:12

A alɩ bome nɛ a nɩbɛ bɛ ŋa na mɩ́ sɔwlɛ ɩrɛ a, a manʋ mɩ́ ɩrɛ nɩ vĩ.

Efɛɛzɩ 5:7

Nyɩ ta pʋɔ a bɛ ɩ-faar maalʋ pʋɔ ɩ.

Kɔlɔsɩ 1:12

Nyɩ puore a Naaŋmɩn Sãà yãanɩ nɩ nʋ̃ɔ̀, ʋl na ɩ nyɩ na tʋ̃ɔ́ páw a na-bʋ̃-vɩɛlɩ ʋ na cɔbrɩ bin a tẽ-vla cãà pʋɔ cɛlɛ nɩ a ʋ nɩ-sori a.

1 Tesalonikɩ 5:7

A gʋ̃ɔ-gúrbɛ a, tɩ̃ɩsɔw n'a bɛ mɩ́ gúre, ɛ́ a dã-kuolbɛ a, tɩ̃ɩsɔw n'a bɛ mɩ́ kuoli a dãa.

2 Tesalonikɩ 3:14

Nɩr bɛ wa tuur a wulu tɩ na kʋ̀rɛ nyɩ a sɛbɛ ŋa pʋɔ a, nyɩ bãw ʋ bɛr, ɛ́ ta cãà lãwnɛ nɩ ʋ ɛ, kɛ̀ vĩ kpɛ ʋ.

2 Tesalonikɩ 3:6

Yɛbr i, a Sore Yeezu Kɩrɩta yúor ƴãw, tɩ yere na kʋ̀rɛ nyɩ: nyɩ ta pɩɛlɛ yɛb na kpɛ ƴã-tuo, ɛ́ bɛ tuur a wulu tɩ na lʋɔrɩ kʋ̀ nyɩ a ɩ.

1 Timote 5:20

Mɩ́ yel a sãwna dem sãwna a nɩbɛ za niŋé, kɛ́ a bɛl na cɛ a tʋ̃ɔ́ zɔrɛ dɛ̃bɩ̃ɛ.

1 Timote 5:22

Ta zɛ̃zɛ̃ ír nuru dɔwlɩ nɩr kãw za zu kʋ̀ ʋ tõ-nʋɔr kãw a Lãw-yir pʋɔ ɩ, ta pʋɔ fʋ tɔ yel-bebe pʋɔ ɩ. Ɛ́ a fʋ̃ʋ mɩŋa a, ƴãw fãw tɛr a fʋ vɩɛlʋ.

1 Timote 6:5

a nɔkpɛn-faa na bɛ tɛr baarʋ daar a yã-faar dem zie na bɛ bãw a yel-mɩŋa, ɛ́ tɩɛr kɛ́ a Naaŋmɩn ƴãwfʋ ɩ n tɔnɛ bɔb zie a.

2 Timote 3:5

Bɛ na sãá nɩ nɩbɛ na ƴãwnɛ Naaŋmɩn a, ɛcɛ bɛ na zawr'ɩ a Naaŋmɩn ƴãwfʋ fãw bɛr. Ŋmɛlɩ kpaar cɔw a nɩbɛ bɛ ŋa mɩ̀!

2 Timote 4:2

hiere yere a Naaŋmɩn ƴɛ̀rʋ, alɛ saa ŋmɛ̃ ŋmɩŋmɩn a, manɛ ʋ, mɩ́ man ʋ wul a bɛlɩ dem na yel kɛ́ ziri n'a a, ƴãwnɛ bɛ dɛ̃bɩ̃ɛ, mɩ́ nyɔw fʋ tʋɔra kpaalɛ bɛ tɛr'ɩ a wulu tɩɛrʋ kʋralɛ.

Títɩ̀ 2:15

À ŋá n'a a sɛw kɛ́ fʋ ƴɛ̀rɛ, kɛ́ fʋ kpaalɛ bɛ, ɛ́ kpãanɛ bɛ nɩ fãw. Nɩr za taa wa nyɛ̃ fʋ ɩ pʋrɩ ɛ.

Yel-wula 18:4

Ɩ̃ lɛb tɩ wõ n kɔkɔ-yũo ʋ yire a salom zu yere: «Ɩ̃ nɩbɛ ɛ, nyɩ yi zaa a ʋ pʋɔ, taa pʋɔrɛ a ʋ yel-bebe pʋɔ ɩ, ɛ́ mɩ̀ taa pʋɔrɛ a ʋ dɔwrʋ na waar a pʋɔ ɩ.