Efɛɛzɩ 4:7 - A SƐB-SÕW

⁷ Ɛcɛ a maalʋ al a Kɩrɩta na tɩr a, tɩ za been been páw nɩ maalʋ kãw a pʋɔ.

Efɛɛzɩ 4:7 ပူးပေါင်းရင်းမြစ်များ

Matie 25:15

Ʋ tɩ de nɩ salm-zɩɛ libie kɔbr anũu (500) kʋ̀ a kãw. Ɛ́ kʋ̀ kãw kɔbr ayi (200), ɛ́ baa kʋ̀ kãw kʋba (100), man nɩ ŋa za fãw, ɛ́ cen.

Zã 3:34

Bʋ̃ʋ n'ʋ vɛ̃, sob nɛ a Naaŋmɩn na tõ a yere nɩ a Naaŋmɩn ƴɛ̀r-bie, a Naaŋmɩn kʋ̀rɛ ʋ nɩ a ʋ Vʋʋrʋ bɛ tɛr manʋ ɛ.

Ʋrɔm 12:3

A maalʋ a Naaŋmɩn na kʋ̀ m a zũú, ɩ̃ yere na kʋ̀rɛ nyɩ za: nyɩ ta mɩ́ tɩɛrɛ kɛ́ nyɩ zuo nɩ za ɩ, nyɩ nɩ̃ɛ mɩ́ vɛ̃ kɛ́ tɛr tʋɔra-siwru tɩɛrʋ, mɛ̃ a lɛ a Naaŋmɩn na põ a sàw-deb kʋ̀ ŋa za a.

2 Korɛ̃tɩ 6:1

Ɛ́ tɩ na lãw nɩ a Naaŋmɩn tone a, tɩ zɛlɛ nyɩ na kɛ́ nyɩ ta bɛr a ʋ maalʋ nyɩ na páw a lo tẽw wɛ ɩ.

Efɛɛzɩ 3:2

Nyɩ bãw nɩ a maalʋ a Naaŋmɩn na kʋ̀ m a nyɩ ƴãw a ʋ pʋ-tɩɛrʋ maalʋ ƴãw a,

Efɛɛzɩ 3:8

A mãa na ɩ a pʋrɩ woro a kɩrɩta-nɩbɛ za pʋɔ a, mãa n'ʋ a Naaŋmɩn kʋ̀ a maalʋ ŋa, k'ɩ̃ɩ hieri yel a Kɩrɩta Naalʋ na bɛ vʋʋr a Yel-nʋ̃ɔ̀ kʋ̀ a nɩ-bʋʋr-yoru,

Ebre 2:4

A Naaŋmɩn mɩ̀ tu n a bɛ dãsɩɛ pùor maalɩ yele na ɩ bãwfʋ sãá a, nɩ yel-bãw-guuri nɩ nɔ-ɓãa-yel-bʋʋrɛ za, ɛ́ mɩ̀ cãà lɛb tu a pùor nɩ a Vʋʋrʋ Sõw maalʋ ʋ na põ mɛ̃ a lɛ ʋ na bɔbr a.

1 Pɩɛr 4:10

A Naaŋmɩn maalʋ a nyɩ been been na mɩ́ páw a, ʋ mɩ́ de ʋ tone nɩ a ʋ taabɛ vla ƴãw. Lɛ n'a nyɩ na ɩ nɩbɛ na kaarɛ a Naaŋmɩn maalʋ zie vla a, a Naaŋmɩn maalʋ na ɩ tɛɛtɛɛ a.