Efɛɛzɩ 4:31 - A SƐB-SÕW

³¹ Bom nɛ za na ɩ pʋ-sãwna, suur, su-ɩb, zɛbr-gɔmɛ bɩɩ zʋmɛ a, nyɩ ɩ a za bɔr a nyɩ zie, lãwnɩ a po-tuolu bʋʋrɛ za.

Efɛɛzɩ 4:31 ပူးပေါင်းရင်းမြစ်များ

Yele-za-pɛr-tib 27:41

A Ezawu tɩ hɩ̃ɛn nɩ a Zakɔb a bɛ sãà nɔ-vla ʋ na tɩ páw a ƴãw. A Ezawu tɩ tɩɛr'ɩ ʋ pʋɔ: «A ɩ̃ sãà kʋ̃ yaa kɛ́ kpi ɛ, a lɛn daar a, ɩ̃ na kʋ n a ɩ̃ yɛb Zakɔb.»

Yele-za-pɛr-tib 37:21

Ɛcɛ Urubɛn tɩ wõ a na, ɛ́ bɔbr k'ʋʋ faa ʋ a bɛ nuru pʋɔ. Ʋ tɩ yel'a: «Tɩ ta kʋ ʋ ɛ!»

Yele-za-pɛr-tib 37:4

A Zuzɛb yɛbr tɩ nyɛ̃ na k'aa bɛ sãà nɔnɛ ʋ na zuo a bɛ za. Lɛ so bɛ tɩ hɩ̃ɛn ʋ, ɛ́ mɩ̀ bɛ lɛb cãà tʋ́ɔr ƴɛ̀rɛ ƴɛ̀r-vla sɔwr ʋ ɛ.

Yele-za-pɛr-tib 4:8

Ɛcɛ a Kayɛ̃ tɩ yel'ɩ a ʋ yɛb Abɛl: «Ɩ tɩ yi yẽw.» Bɛ na tɩ ta a wɩ̀ɛ pʋɔ a, a Kayɛ̃ tɩ lo na nyɔw a ʋ yɛb Abɛl kʋ.

2 Samɩɛl 13:22

A Abɩsalɔm tɩ hɩ̃ɛn nɩ a ʋ yɛb, Amɩnɔ̃, bɛ tɩ cãà ƴɛ̀rɛ ƴɛ̀rʋ sɔwr ʋ ɛ, ʋ na tɩ fɛr gã nɩ a ʋ yeepuule Tamaar a ƴãw.

2 Samɩɛl 19:27

Ʋ sɔw: «Nãà ɩ̃ sore e, a ɩ̃ tõ-tõ-bie n'ʋ tuli mɛ̃. Ɩ̃ tɩ tɩɛr'ɩ ɩ̃ pʋɔ à ŋá: “Ɩ̃ na bɛ tʋ́ɔr cere a, ɩ̃ na ƴãw na bɛ ƴãw a ɩ̃ bõw a kɔw, ɩ̃ zɔm bɩɛl'ɩ a nãà.”

2 Samɩɛl 19:43

A Zuda tẽw nɩbɛ tɩ sɔw nɩ a saa-pɛrɩ́-gʋba-lowr Ɩsɩrayɛl tẽw nɩbɛ yel: «Tɩ na ɩ a nãà nɩbɛ zuo nyɩ a n'a so. Bʋ̃ʋ n'ʋ so nyɩ na nyɛ̃ a suur? Tɩ dɩ n a nãà bom kãw bɩɩ? A nãà kʋ̀ tɩ nɩ bome bɩɩ?»

Sɛb-sõw yielu 101:5

Sob nɛ na mɩ́ sɔwlɛ yere a ʋ tɔ a, ɩ̃ na mɩ́ pàw ʋ nɩ a nʋɔr. Sob nɛ tobr na bɛ ka a ʋ taabɛ ƴãw, ʋʋ ɩrɛ pɔ̀l-ɩb a, mãa nɩ ʋl kʋ̃ tʋ̃ɔ́ taa ɩ.

Sɛb-sõw yielu 140:11

Vũu-bi-tʋlɛ, a cir waarɩ bɛ! Bɛ lɔb bɛ ƴãw vũumí, bɔw-zulsɩ bɛ na kʋ̃ lɛb tʋ̃ɔ́ yi a pʋɔ!

Sɛb-sõw yielu 15:3

Ʋ bɛ manɛ a ʋ taabɛ yel-faar ɛ, ʋ bɛ malɛ a ʋ tɔ ɩ, ɛ́ bɛ ƴãwnɛ a ʋ kpɛ-pɩɛl vĩ ɛ.

Sɛb-sõw yielu 37:8

Bɛr a suur, zawrɩ a fʋ su-yãyaar bɛr. Ta nyɛrɛ suur ɛ, faa tɛwr'a a na wa n.

Sɛb-sõw yielu 50:20

Fʋ mɩ́ zɩ̃ na nyɔw a fʋ yɛb yere, fʋ mɩ́ sãwnɛ nɩ a fʋ yɛb nyɩ na lãw sãà nɩ mã a yúor.

Sɛb-sõw yielu 64:3

Sɔwlɩ mɛ̃ zãá nɩ a po-to-dem na bʋ̀rɛ taa a ɩ̃ ƴãw a, zãá nɩ a yel-fa-maalbɛ na ƴɛ̀rɛ wone taa a ɩ̃ ƴãw a.

Zʋkpaɩ 10:12

A dɔ̃ n'a waar'ɩ a zɛb-taa, ɛcɛ a nɔ̃wfʋ mɩ́ piwl'ɩ a sãwna za.

Zʋkpaɩ 10:18

A dɔ̃ sɔwlʋ ɩ n nɩsaal-libelibe ɩb, ɛ́ sob nɛ na gɛrɛ a ʋ taabɛ a ɩ n dãbol.

Zʋkpaɩ 14:17

Nɩr na bɛ mɩ́ yaa kɛ́ nyɛ̃ suur a mɩ́ tõ n gẽgẽ-tome, ɛ́ bɛ bɛ mɩ́ nɔnɛ nɩr na bɛ̀lɛ a ʋ taabɛ a ɩ.

Zʋkpaɩ 18:8

A gɛgɛra ƴɛ̀rʋ ɩ na mɛ̃ bʋ̃-dɩ-nʋ̃ɔ̀ nʋ̃ɔ̀ a, a mɩ́ siw na tɩ kpɛ a tɩ pʋ̃ɔmɩ pʋ̃ɔmɩ za.

Zʋkpaɩ 19:12

A nãà suur ɩ na mɛ̃ gbẽw ùoru a, ɛcɛ a ʋ nɔ̃wfʋ ɩb ɩ na mɛ̃ ɓɩɛlʋ na mɩ́ siw mʋ̃ɔ zu a.

Zʋkpaɩ 25:23

A saa-pɛrɩ́-gʋba-lowr sɛsɛb waar'ɩ nɩ saa, ɛ́ a ziri waar'ɩ a taabɛ suur.

Zʋkpaɩ 26:20

A dàar wa dɩ baar'a, a vũu mɩ́ kpiir'a, a gɛgɛra bɛ wa lɛb cãà be a, a zɛbr mɩ́ baar'a.

Zʋkpaɩ 29:22

A suur sob mɩ́ ɩrɛ na a zɛbr ìre, ʋʋ maalɛ yel-bebe yaga.

Zʋkpaɩ 29:9

Yã-bãwnɛ wa tɛr ƴɛ̀rʋ nɩ dãbol a, ʋlɛ saa nyɛ̃ suur bɩɩ laar a, ʋ kʋ̃ bãw pɩ̃ɛnʋ ɛ.

Ekilezɩasɩ 7:9

Ta mɩ́ ŋmʋr nyɛ̃ a suur ɛ, a dãbole tɛwr nɛbɛ bɛ mɩ́ yaa kɛ́ nyɛ̃ a suur ɛ.

Zeremi 6:28

Bɛ za ɩ n nɩ-gaarɩ na kpawlɩ socie a, gɛgɛrɩ nɛbɛ. Bɛ kpɛmɛ na mɛ̃ a kur-zɩɛ bɩɩ mɛ̃ a kure a. Bʋ̃-sãwnbɛ nɛbɛ bɛ za.

Zeremi 9:4

Ŋa za mɩ́ bɛ̀lɛ nɩ a ʋ tɔ, nɩr za bɛ yere yel-mɩŋa ɩ, bɛ za ŋma n a ziri mili. Bɛ maal'ɩ a faa zuo, kʋ̃ tʋ̃ɔ́ lɛb wa a ɩ̃ zie ɩ.

Nɩ-toni 21:30

A damnʋ tɩ tɔ n a tẽw nɩbɛ za, ɛ́ a zu-sɛbla zɔ wa gbõ taa. Bɛ tɩ nyɔw nɩ a Pol vɩr yi n bɛr a Ŋmɩn-yir-kpɛ̃ɛ pʋɔ ɛ́ pàw a pamɛ daadaalɛ.

Ʋrɔm 3:14

a bɛ nʋɔr ƴɛ̀rɛ nɩ ŋmɛ-ƴãw ƴɛ̀rʋ nɩ nɔ-tuo tɛwr.

1 Korɛ̃tɩ 14:20

Yɛbr i, nyɩ ta tɛr bibi-yã a yele bãwfʋ ƴãw ɛ. Nyɩ ɩ bibiir a yel-faa maalʋ ƴãw, ɛcɛ a yele bãwfʋ ƴãw a, nyɩ ɩ nɩ-bɛrɛ.

1 Korɛ̃tɩ 5:8

A na ɩ lɛ a, tɩ maalɛ a cuw, ɛcɛ tɩ ta maalɛ ʋ nɩ dãbɩl-kʋra ɩ, tɩ ta maalɛ ʋ nɩ a po-tuolu nɩ a faalʋ dãbɩl ɛ, tɩ maalɛ ʋ nɩ dipɛ̃ na bɛ ƴãw dãbɩl a: a vɩɛlʋ nɩ yel-mɩŋa dipɛ̃ na bɛ ƴãw dãbɩl a.

2 Korɛ̃tɩ 12:20

Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ nyɩ, nyɩ bɛ ŋmɛ̃ a lɛ ɩ̃ na bɔbr a ɩ, ɛ́ nyɩ mɩ̀ nyɛ̃ m ɩ̃ bɛ ŋmɛ̃ a lɛ nyɩ na bɔbr a ɩ. Ɩ̃ zɔrɛ nɩ dɛ̃bɩ̃ɛ ɩ̃ nãà wa ta a nyɩ zie nyɛ̃ taw-taa nɩ nyuur, suur nɩ cier-taa, tʋ-taa nɩ zu-yel-taa, nyʋʋr nɩ damnʋ a.

Galasi 5:20

tɩbɛ maalʋ, sʋɔlʋ, dɔ̃, zɛb-taa, nyuur, suur, cier-taa, bɛ-wõ-taa, bʋ́r-taa,

Efɛɛzɩ 4:22

A koro za ɩ-ɩrɩ n'a a fɛr kɛ́ nyɩ bɛr, ɛ́ ír a nɩsaal kʋra bɛr, a ʋ bɛ̀lʋ tɩɛrʋ ɩ na ʋ wɩɛr a loba.

Efɛɛzɩ 4:25

A na ɩ à ŋá a, nyɩ bɛr a ziri: ŋa za mɩ́ yel a yel-mɩŋa kʋ̀ a ʋ tɔ sob, tɩ za na ɩ ƴã-gã-been ɓɛrmɛ a ƴãw.

Efɛɛzɩ 4:26

Nyɩ ya nyɛ̃ nɩ suur bɩɩ? Nyɩ taa maalɛ yel-bier ɛ. Mʋ̃tɔ̃w ta kpɛ ɛ́ a nyɩ suur cãà bɛ ɓãá ɩ.

Kɔlɔsɩ 3:19

Sɩrbɛ ɛ, nyɩ nɔnɛ a nyɩ pɔwbɛ, nyɩ ta mɩ́ sãwnɛ niwn ƴãwnɛ bɛ ɩ.

Kɔlɔsɩ 3:8

A na ɩ à ŋá a, a ƴɛrɛŋa a, nyɩ ír à á ŋá za bɛr a nyɩ nyɔ-vʋʋrʋ pʋɔ: a suur, a jɛb, a po-tuolu, a zʋmɛ, nɩ ƴɛ̀r-faa za na yire a nyɩ nʋɔrɩ́ a.

1 Timote 3:11

A bɛl na ɩ a pɔwbɛ a, a mɩ̀ sɛw na kɛ́ bɛ ƴãwnɛ bɛ tʋɔra. Bɛ ta manɛ a nɩbɛ yel-faar ɛ, ɛ́ mɩ́ nyɔw bɛ tʋɔra a dɩb nɩ a nyub ƴãw, ɛ́ tu a yele za vla taa lɛbr pùor ɛ.

1 Timote 3:3

ʋ ta ɩ dã-nyúure ɩ, ɛ́ ta ɩ nɔ-haa-bɔbrɛ ɩ. Ʋ ɩ nɩsaal-bàalʋ, ʋ ta ɩ zɛb-ŋmarɛ nɩ libi-nɔ̃wnɛ ɩ.

1 Timote 5:13

Ɛ́ lɛb waar mɩ̀, bɛ na bɛ tɛr yel-ɩra a, bɛ mɩ́ zɔrɛ na cɔlɛ a nɩbɛ yie. A bɛ kaar mɛ̃ yel-ɩra yõ n'a bɛ bɛ tɛr ɛ, bɛ nɔnɛ nɩ ƴɛ̀rʋ ƴãw pʋɔ, nɩ yele na bɛ jɩ́rɛ bɛ a, ɛ́ bʋ̀nɛ ƴɛ̀rɛ sãsaralɛ.

2 Timote 2:23

Ɛcɛ, bɛr a nɔkpɛn zawlɛ na bɛ tɛr pɛr a ŋmɛb. Fʋ bãwnɩ a na kɛ́ alɛ n'a waar'ɩ a zɛbr.

2 Timote 3:3

Bɛ kʋ̃ tɛr nɔ̃wfʋ ɛ, ɛ́ bɛ tɛr nɩbaal-zɔba ɩ. Bɛ na ɩ n gɛgɛrɩ, ɛ́ kʋ̃ tuur nʋɔr kãw za ɩ, po-to-faar nɩbɛ na ciir yel vla a.

Títɩ̀ 1:7

Bʋ̃ʋ n'ʋ vɛ̃, a fɛr'a k'aa Lãw-yir-kaarɛ ta tɛr sãwna bɛ yere ɩ, ʋ na kaarɛ a Naaŋmɩn yele zie a ƴãw: ʋ ta ɩrɛ pɔ̀lʋ ɛ, ta ɩ suur sob ɛ, ʋ ta ɩ dã-nyúure nɩ nɔ-haa-bɔbrɛ ɩ, ʋ ta ɩrɛ nyãnyu-ɩb ɛ.

Títɩ̀ 2:3

Lɛ mɩ̀ n'a, yel kʋ̀ a pɔw-nyamɛ kɛ́ bɛ vʋʋrɛ mɛ̃ nɩ-son a. Bɛ ta ɩ gɛgɛrɩ ɛ, ɛ́ ta ɩ dã-nyúurbɛ ɩ. Kɛ́ bɛ wule a vla,

Zakɩ 1:19

Ɩ̃ yɛb-nɔnɩ i, nyɩ bãw nɩ a yel ŋa: nɩr za n'ʋ a fɛr k'ʋʋ mɩ́ páwr a bɛr-wob ƴãw, ɛ́ ta páwr a ƴɛ̀rʋ ƴãw ɛ, ta páwr a suur nyɛ́b ƴãw ɛ.

Zakɩ 3:14

Ɛcɛ nyu-faa nɩ zuo-taa tɩɛrʋ wa n'a be a nyɩ socie pʋɔ a, nyɩɩm ta zɛwr nyɩ tʋɔra ɛ́ ŋmarɛ ziri piwr'ɩ a yel-mɩŋa ɩ.

Zakɩ 4:11

Yɛbr i, nyɩ ta mɩ́ manɛ taa yel-faar ɛ. Ʋlɩ sob na manɛ a ʋ yɛb yel-faar, ɛ́ bãwnɛ a ʋ sãwna a, ʋ sãwnɛ nɩ a Naaŋmɩn wulu yúor, ɛ́ bãwnɛ a Naaŋmɩn wulu yele. Ɛcɛ fʋ̃ʋ wa dɩrɛ nɩ a Naaŋmɩn nʋɔr ƴɛ̀rʋ a, fʋ bɛ ɩ a Naaŋmɩn nʋɔr nɔ-sàwrɛ ɩ, fʋ ɩ n a ʋ ƴɛ̀r-dɩrɛ.

1 Pɩɛr 2:1

A na ɩ lɛ a, a po-tuolu bʋʋrɛ za nɩ a ziri za, a libelibe bʋʋrɛ za, a nyuur nɩ a tɔ yel-faar manʋ a, nyɩ bɛr a za a lo.

1 Zã 3:12

A bɛ sɛw kɛ́ tɩ ŋmɛ̃ mɛ̃ a Kayɛ̃ a ɩ: ʋ na tɩ ɩ a Faalʋ sob nɩr a n'a so ʋ kʋ a ʋ yɛb. Ɛ́ bʋ̃ʋ ƴãw n'a ʋ tɩ kʋ ʋ? A ʋ ɩ-ɩrɩ bɛ tɩ vɩɛl ɛ, ɛ́ a ʋ yɛb dem tu a yel-mɩnʋ.

1 Zã 3:15

Nɩr za na hɩ̃ɛn a ʋ yɛb a, nɩ-kʋrɛ n'ʋ, ɛ́ nyɩ bãwnɩ a na nɩ-kʋrɛ kãw za na bɛ mɩ́ tɛr a nyɔ-vʋʋrʋ na be kʋralɛ a.

Yel-wula 12:10

Al pùorí, ɩ̃ tɩ wõ n kɔkɔ-kpɛ̃w a salom zu ʋ yere: «Ƴɛrɛŋa a, a faafʋ pãa ta na, a tɩ Naaŋmɩn kpɛnʋ nɩ a ʋ naalʋ-dɩb, a ʋ Kɩrɩta na dɩ nɩ-kpɛ̃ɛnʋ a. Bʋ̃ʋ n'ʋ vɛ̃, a sob nɛ na mɩ́ mɩl a tɩ yɛbr a, bɛ cã ʋ na lɔb, a ʋl na mɩ́ tɩ mɩlɛ bɛ a Naaŋmɩn niŋé mʋ̃tɔ̃w nɩ tɩ̃ɩsɔw a.