Efɛɛzɩ 4:30 - A SƐB-SÕW

³⁰ Nyɩ ta ɩ a Vʋʋrʋ Sõw tɛr pʋ-sãwna ɩ, ʋlɛ n'ɩ a bãwfʋ a Naaŋmɩn na ƴãw nyɩ, gùre nɩ a faafʋ bibir nãà wa vɩɛ a.

Efɛɛzɩ 4:30 ပူးပေါင်းရင်းမြစ်များ

Yele-za-pɛr-tib 6:3

Lɛ n'a a Sore tɩ tɩɛr ʋ pʋɔ: «A nyɔ-vʋʋrʋ pɩɛlʋ ɩ̃ na ƴãw a nɩsaalbɛ a, ɩ̃ kʋ̃ tʋ̃ɔ́ bɛr ʋ a bɛ pʋɔ kʋralɛ ɩ, bʋ̃ʋ n'ʋ vɛ̃, bʋ̃-kpiiri nɛbɛ. Dɩ̃a na ta a, bɛ na mɩ́ vʋʋr'ɩ yome lɩz'a ayʋɔb (120).»

Yele-za-pɛr-tib 6:6

A tɩ kpɛ n a Sore ʋ na ír a nɩsaalbɛ ƴãw a tẽw zu a, ɛ́ a ɩ ʋ pʋ-sãwna.

Sɛb-sõw yielu 78:40

Gb'a a ŋmɩn za, a wɛja-kpalɛ pʋɔ a, bɛ bɛ tɩ sàw a ʋ nɩ-kpɛ̃ɛnʋ a bɛ zu ɛ, bɛ tɩ sãwnɛ nɩ a ʋ pʋɔ a zi-kon á ŋá pʋɔ.

Sɛb-sõw yielu 95:10

A nɩbɛ bɛ ŋa yele bàl mɛ̃ nɩ yaga yome lɩz'a ayi, ɛ́ ɩ̃ yel: Nɩ-bʋʋrɛ a tɩɛrʋ na bɔr a nɛbɛ, bɛ bɛ bãw a ɩ̃ pʋ-tɩɛrʋ sɛ́ɛ ɩ.»

Ɩzayi 43:24

Fʋ bɛ ír a fʋ libir dà n va-nyùure a ɩ̃ ƴãw ɛ, fʋ bɛ tɩw mɛ̃ nɩ a fʋ bàwr-maal-dʋn nɛn-kãánɩ ɛ. A fʋ sãwna ƴãw a, fʋ̃ʋ n'ʋ nɩ̃ɛ ɩ ɩ̃ ɩ gbãgbaa, fʋ̃ʋ n'ʋ nɩ̃ɛ bàl mɛ̃ nɩ a fʋ yel-bebe.

Ɩzayi 63:10

Ɛcɛ a bɛl a, bɛ tɩ gaarɩ na, ɩ a ʋ Vʋʋrʋ Sõw ʋ tɛr pʋ-sãwna. Lɛ n'a a Sore tɩ lɩɛbɩ a bɛ dɔ̃ sob zɛb'ɩ bɛ.

Ɩzayi 7:13

Lɛ n'a a Ɩzayi tɩ yel: «Nyɩ bɛrɛ wone, Daviir yir dem i! Pʋrɩ n'a a ɩ nyɩ na bàlɛ a nɩsaalbɛ a a, nyɩ mɩ̀ bàlɛ a ɩ̃ Naaŋmɩn ɩ?

Ezekɩɛl 16:43

Zerizalɛm i, fʋ bɛ lɛb tɩɛrɩ a bom nɛ ɩ̃ na ɩ kʋ̀ b a fʋ pɔ̀lʋ̀ daarɩ́ a ɩ. Fʋ bɔ m'ɩ nɔhaarʋ nɩ a fʋ ɩ-ɩrɩ. A na ɩ à ŋá a, ɩ̃ na ɩ na fʋ ya a fʋ ɩb san, a mãa Sore Naaŋmɩn n'ʋ yere! Bʋ̃ʋ n'ʋ vɛ̃, fʋ ɩ n vĩ-ɩb ƴãw pʋɔ a ɩb al za na bɛ maal'ɩ wob fʋ na ɩ n a fʋ ŋmɩn-bɛlɛbɛlɛ a.»

A naaŋmɩn-ƴèr-manɛ Oze sɛbɛ 13:14

Ɩ̃ɩ pãa na faa bɛ a kpɩmɛ tẽw nuru pʋɔ ɔ? Ɩ̃ pãa na piw bɛ tɛr bɛ ta kpi e? Kũu u, a fʋ zɛbr bome ɩ n ŋmɩn? Kpɩmɛ tẽw i, a fʋ fãw na kʋrɛ a ɩ n ŋmɩn? Nɩbaalʋ zɔba kãw za bɛ cãà a ɩ̃ zie ɩ.

Markɩ 3:5

A bɛ mimi-kõw tɩ ɩ ʋ nɩ kpɩɛrʋ yaga, ʋ nyɛ̃ suur jɩɛlɩ bɛ kʋlʋlʋ, ɛ́ yel a nũ-kũu sob nɛ: «Dɔl a nũu.» Ʋ tɩ dɔl'a, ɛ́ a nũu sanɩ.

Luka 21:28

A yele á ŋá wa tĩ ɩrɛ a, nyɩɩm dʋɔ zuru, a nyɩ faafʋ pɩɛlɛ na.»

Zã 3:33

Nɩr na sàw de a ʋ dãsɩɛ a, wul'a kɛ́ Naaŋmɩn ɩ n yel-mɩŋa sob.

Nɩ-toni 7:51

Zu-kpɛn dem n'ɩ nyɩ! A nyɩ tobe nɩ a nyɩ socie bɛ wone a Naaŋmɩn bʋɔlʋ ɛ. Nyɩ mʋɔrɩ nɩ a Vʋʋrʋ Sõw kʋralɛ. Nyɩ sɩrɩ na ŋmɛ̃ mɛ̃ a nyɩ sãàkʋm-kore a.

Ʋrɔm 8:11

A sob nɛ na ɩ a Yeezu ʋ lɛb yi a kũuni pʋɔ a, a ʋ Vʋʋrʋ wa kpɩɛr a nyɩ pʋɔ a, a sob nɛ na ɩ a Kɩrɩta ʋ lɛb yi a kũuni pʋɔ a, mɩ̀ na kʋ̀ n nyɔ-vʋʋrʋ a nyɩ ƴã-gamɛ na ɩ bʋ̃-kpiiri a, a ʋ Vʋʋrʋ na kpɩɛr a nyɩ pʋɔ a ƴãw.

Ʋrɔm 8:23

Ɛcɛ al tɛwr bɛ n'a ɩ: a tɩɩm tɛɛ za na páw a Naaŋmɩn maal-dãw na ɩ a Vʋʋrʋ Sõw a, tɩ mɩ̀ waalɛ na kone gùre nɩ k'aa Naaŋmɩn wa de tɩ, tɩ lɩɛbɩ a ʋ bibiir, ʋʋ faa tɩ tɩ ɓɩɩlɩ.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 15:54

A nɩr ʋl na na wɛ a, wa su a nɩr ʋl na bɛ wɛrɛ a, ɛ́ a nɩr ʋl na na kpi a, su a nɩr ʋl na bɛ kpiir a, lɛ n'a a Sɛb-sõw ƴɛ̀r-bie á ŋá na tu: «Bɛ zɛb'a tʋ̃ɔ́ a kũu pẽlẽpẽlẽ.

1 Tesalonikɩ 5:19

Nyɩ ta piwr a Vʋʋrʋ Sõw tome ɩ.

Ebre 10:29

Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?

Ebre 3:10

yome lɩz'a ayi. A lɛ n'a so ɩ̃ nyɛ̃ nɩ a nɩbɛ bɛ ŋa suur ɛ́ yel: “Kʋralɛ n'a a bɛ tɩɛrʋ bɔrɛ, bɛ bɛ bãw a ɩ̃ sɛ́ɛ ɩ.”

Ebre 3:17

Ɛ́ ã-mɩnɛ nɛbɛ a Naaŋmɩn tɩ nyɛ̃ nɩ suur yome lɩz'a ayi? A bɛlɩ dem na tɩ maalɩ a yel-bier ɛ́ lo kpi a wɛja-kpalɛ pʋɔ a bɛ nɛbɛ ɩ?

Ƴɛ̀r-dɩrbɛ 10:16

Bɛ tɩ wob'ɩ a ŋmɩn-sãanbɛ lɔb bɛr, ɛ́ lɛb tĩ maalɛ a Sore. Lɛ n'a a Sore bɛ tɩ tʋ̃ɔ́ bɛr a Ɩsɩrayɛl nɩbɛ bɛ cãà wone a tuo ɩ.