Efɛɛzɩ 4:26 - A SƐB-SÕW

²⁶ Nyɩ ya nyɛ̃ nɩ suur bɩɩ? Nyɩ taa maalɛ yel-bier ɛ. Mʋ̃tɔ̃w ta kpɛ ɛ́ a nyɩ suur cãà bɛ ɓãá ɩ.

Efɛɛzɩ 4:26 ပူးပေါင်းရင်းမြစ်များ

Sɛb-sõw yielu 37:8

Bɛr a suur, zawrɩ a fʋ su-yãyaar bɛr. Ta nyɛrɛ suur ɛ, faa tɛwr'a a na wa n.

Sɛb-sõw yielu 4:4

Nyɩ bãwnɩ a a Sore na bãwnɩ a ʋ nɩ-mɩŋa a, mãa wa bʋɔlɛ ʋ a, ʋ mɩ́ bɛr'a wõ m.

Eziptɩ tẽw yib 11:8

A Moyiir tɩ cãà na lɛb yel: «A lɛn daar a, a fʋ tõ-tõ-bi-bɛrɛ bɛ ŋa za na wa na wa gbĩ dume a ɩ̃ niŋé, ɛ́ yel mɛ̃: “Yi zaa a tẽw pʋɔ, fʋ̃ʋ nɩ a fʋ nɩbɛ za!” A pùorí n'a ɩ̃ na yi.» A Moyiir tɩ nyɛ̃ nɩ suur yaga yi n a Faarawɔ̃ zie.

Zʋkpaɩ 14:29

Su-nyɔwra sob ɩ n nɩr na tɛr yã yaga a, ɛcɛ sob nɛ na bɛ mɩ́ yaa kɛ́ nyɛ̃ suur a mɩ́ wul'ɩ a ʋ dãbolu.

Zʋkpaɩ 19:11

Nɩr na bãw yã a mɩ́ nyɔw nɩ a ʋ suur, ɛ́ a ʋ yúor bom'ɩ ʋ na mɩ́ de a sãwna bɛr a baarɩ a.

Zʋkpaɩ 25:23

A saa-pɛrɩ́-gʋba-lowr sɛsɛb waar'ɩ nɩ saa, ɛ́ a ziri waar'ɩ a taabɛ suur.

Ekilezɩasɩ 7:9

Ta mɩ́ ŋmʋr nyɛ̃ a suur ɛ, a dãbole tɛwr nɛbɛ bɛ mɩ́ yaa kɛ́ nyɛ̃ a suur ɛ.

Sɔr-nɛ́ɛ 20:24

«A Aarɔ̃ kʋ̃ yaa kɛ́ kpi cen tɩ páw a ʋ sãà mɩnɛ ɩ. Ʋ kʋ̃ kpɛ a tẽw ɩ̃ na kʋ̀rɛ a Ɩsɩrayɛl nɩbɛ a pʋɔ ɩ. Bʋ̃ʋ n'ʋ vɛ̃, nyɩ bɛ sàw a ɩ̃ nʋɔr a Meriba kʋ̃ɔ zie ɩ.

Matie 5:22

Ɛcɛ mãa yere na kʋ̀rɛ nyɩ: sob nɛ za na nyɛ̃ nɩ a ʋ yɛb suur a, na cen nɩ ƴɛ̀rʋ-maalʋ zie tɩ yel a pɛr. Nɩr wa yel a ʋ yɛb: “Dãbol ŋa!”, ʋ sob na cen nɩ a ƴɛ̀rʋ-dɩb-lãw-kpɛ̃ɛ niŋé. Ɛ́ nɩr wa yel ʋ: “Yãyaar sob ŋa!”, ʋ na sɛwnɩ nɩ a tẽ-faa vũu pʋɔ kpɛb.

Markɩ 10:14

A Yeezu na tɩ nyɛ̃ a lɛ a, ʋ nyɛ̃ nɩ suur, ɛ́ yel a ʋ po-tuurbɛ: «Nyɩ bɛr a bibiir bɛ wa a ɩ̃ zie, nyɩ ta diwr bɛ bɛrɛ ɩ, a bɛlɩ dem na ŋmɛ̃ taa nɩ bɛ a, bɛlɛ so a Naaŋmɩn Naalʋ.

Markɩ 3:5

A bɛ mimi-kõw tɩ ɩ ʋ nɩ kpɩɛrʋ yaga, ʋ nyɛ̃ suur jɩɛlɩ bɛ kʋlʋlʋ, ɛ́ yel a nũ-kũu sob nɛ: «Dɔl a nũu.» Ʋ tɩ dɔl'a, ɛ́ a nũu sanɩ.

Wulu-ayi-sob 24:15

Nyɩ mɩ́ kʋ̀ ʋ a ʋ sã-ya bibir za. Nyɩ mɩ́ ya ʋ ɛ́ a mʋ̃tɔ̃w bãw kpɛ. Bʋ̃ʋ n'ʋ vɛ̃, nã́w sob'ʋ, ɛ́ mɩ́ tɛr a ʋ sã-ya yel-ɩra fɔ̃w fɔ̃w. Nyɩmɛ wa ɩ ʋ kõ kʋ̀ a Sore a, ʋ na ɩ n yel-bier a nyɩ zie.

Zakɩ 1:19

Ɩ̃ yɛb-nɔnɩ i, nyɩ bãw nɩ a yel ŋa: nɩr za n'ʋ a fɛr k'ʋʋ mɩ́ páwr a bɛr-wob ƴãw, ɛ́ ta páwr a ƴɛ̀rʋ ƴãw ɛ, ta páwr a suur nyɛ́b ƴãw ɛ.

Zakɩ 1:20

A nɩsaal suur bɛ maalɛ a lɛ na vɩɛl a Naaŋmɩn zie a ɩ.

1 Samɩɛl 20:34

A Zonatã tɩ nyɛ̃ nɩ suur pi kɔkɛɛ, ìr'ɩ a dɩb zie. A cuw-paala bibie ayi sob ŋa a, ʋ bɛ tɩ dɩ bom za ɩ, bʋ̃ʋ n'ʋ vɛ̃, pʋ-sãwna tɩ tɛr ʋ nɩ yaga za, a Daviir ƴãw, a ʋ sãà na tɩ tʋ a Daviir zʋm-faa a zũú.