Efɛɛzɩ 4:25 - A SƐB-SÕW

²⁵ A na ɩ à ŋá a, nyɩ bɛr a ziri: ŋa za mɩ́ yel a yel-mɩŋa kʋ̀ a ʋ tɔ sob, tɩ za na ɩ ƴã-gã-been ɓɛrmɛ a ƴãw.

Efɛɛzɩ 4:25 ပူးပေါင်းရင်းမြစ်များ

1 Na-mɩnɛ 13:18

Ɛcɛ a naaŋmɩn-ƴɛ̀r-manɛ tɩ yel ʋ na: «A mãa mɩ̀ a, naaŋmɩn-ƴɛ̀r-manɛ nɛ m, mɛ̃ a fʋ̃ʋ a. Ɛcɛ malkɩ kãw ƴɛ̀r'ɩ a Sore yúor ƴãw, yel k'ɩ̃ɩ tɛr fʋ lɛb wa n a ɩ̃ yir, fʋ wa dɩ kɛ́ nyũ.» Ziri n'a ʋ tɩ ŋmãa kʋ̀ ʋ.

Sɛb-sõw yielu 119:29

Ɩ a ziri sɔ́r ʋ zãá mɛ̃, ɛ́ ɩ k'ɩ̃ bãw a fʋ wulu a fʋ vɩɛlʋ zũú.

Sɛb-sõw yielu 15:2

— Sob nɛ na bɛ tɛr sãwna bɛ yere a n'ʋ, ʋ tuur'ɩ yel-mɩnʋ, ɛ́ yere a ʋ pʋɔ yel-mɩŋa.

Sɛb-sõw yielu 52:3

Gãda-faa a, bʋnʋ ƴãw n'a fʋ pɔrɛ a ɩ-faar fʋ na ɩrɛ a ƴãw? Bibie za n'a a Naaŋmɩn nɔ̃wfʋ ɩb be be.

Eziptɩ tẽw yib 23:7

Nyɩ ta cɛlɛ a ziri zie ɩ. Nyɩ taa kʋrɛ nɩr na bɛ tɛr sãwna a ɩ, nɩ nɩr na ɩ nɩ-mɩŋa a ɩ. Bʋ̃ʋ n'ʋ vɛ̃, a mãa Sore a, ɩ̃ bɛ kʋ̀rɛ yel-mɩŋa sãwna sob ɛ.

Zʋkpaɩ 12:17

Sob nɛ na yere yel-mɩŋa a mɩ́ sõw nɩ a mɩnʋ ʋ sãá, ɛcɛ a dãsɩ-ziri sob mɩ́ sõw nɩ a ziri.

Zʋkpaɩ 12:19

Ƴɛ̀rʋ na ɩ yel-mɩŋa a mɩ́ ɩ ʋ nɩ kʋralɛ, ɛ́ ziri bɛ cɛlɛ ɩ.

Zʋkpaɩ 12:22

A Sore bɛ nɔnɛ a zir-ŋmarbɛ towtow ɛ, ɛcɛ ʋ nɔnɛ nɩ a bɛlɩ dem na mɩ́ yere yel-mɩŋa a.

Zʋkpaɩ 21:6

Bɛlɩ dem na mɩ́ ŋma a ziri kpɛ naalʋ a ɩ n nɩbɛ na wɩɛr a kũu pʋɔ a. Bɛ mɩ́ páw nɩ bome na bɛ tɛr pɛr ɛ́ bɛ cɛlɛ a.

Zʋkpaɩ 24:28

Ta yel a fʋ tɔ sob sãwna ɛ́ a bɛ tɛr pɛr ɛ. Fʋ nɔ̃w bɔbr'a kɛ́ fʋ ŋmãa ziri bɩɩ?

Zʋkpaɩ 8:7

Bʋ̃ʋ n'ʋ vɛ̃, yel-mɩŋa n'a ɩ̃ yere, ɩ̃ hɩ̃ɛn nɩ a ƴɛ̀r-faa ƴɛ̀rʋ.

Ɩzayi 63:8

Ʋ yel'ɩ à ŋá a Ɩsɩrayɛl nɩbɛ ƴãw: «Bɛ ɩ n a ɩ̃ nɩbɛ, a ɩ̃ bibiir nɛbɛ, bɛ kʋ̃ bɛlɩ mɛ̃ ɩ.» Ʋʋ tɩ ɩ n a bɛ Faarɛ.

Ɩzayi 9:15

A nɩbɛ bɛ ŋa wul-wulbɛ tuli bɛ na, a bɛlɩ dem bɛ na wule a lo sɔr-faa.

A naaŋmɩn-ƴèr-manɛ Oze sɛbɛ 4:2

Ɛ́ ŋmɛ-ƴãw-taa nɩ ziri nɩ nɩ-kʋ nɩ nyãnyuwlu nɩ pɩ̃ɔ-yele pãa pàw a ziir za. Bɛ kʋrɛ nɩ a nɩbɛ suwle taa.

Levitɩ mɩnɛ 19:11

«Nyɩ taa zure ɩ, nyɩ taa ŋmaarɛ ziri ɛ, nyɩ taa bɛ̀lɛ a nyɩ tɔ sob ɛ.

Zakari 8:16

Nyɩ nyɛ̃ a lɛ a na fɛr kɛ́ nyɩ ɩrɛ a: Nyɩ yere a yel-mɩŋa kʋ̀rɛ taa. A nyɩ ƴɛ̀rʋ-dɩb ziir a, nyɩ mɩ́ dɩ a ƴɛ̀rʋ a tu yel-mɩŋa, ɛ́ wa n ƴã-ɓaarʋ!

Zakari 8:19

«Ɩ̃ yere na kʋ̀rɛ nyɩ, a mʋta-tuo nyɩ na mɩ́ tɛr, a yũon cuwr anaar sob, anũu sob, ayopõi sob nɩ a pie sob a, a na lɩɛb'ɩ cuw-bɛrɛ na tɛr cɩlʋ, nɩ nʋ̃ɔ̀ a, a Zuda nɩbɛ ƴãw.» «Ɛcɛ, nyɩ bɔbr a yel-mɩŋa nɩ a ƴã-ɓaarʋ gãw bom za!»

Zã 8:44

Gɛgɛra n'ɩ a nyɩ sãà, ɛ́ nyɩ bɔbr a nyɩ sãà pʋ-tɩɛrʋ maalʋ. A pɛr-tib daar za n'a ʋ ɩ nɩ-kʋrɛ: ʋ bɛ dãw be yel-mɩŋa pʋɔ ɩ, yel-mɩŋa bɛ ka a ʋ pʋɔ ɩ. Ʋlɛ wa ŋmarɛ a ziri a, a ʋ dem mɩ́ n'a, ʋ na ɩ zir-ŋmarɛ nɩ a ziri sãà a ƴãw.

Ʋrɔm 12:5

lɛ mɩ̀ n'a tɩ yãwmɛ ɛ́ lãw nɩ a Kɩrɩta ɩ ƴã-gã-been, ɛ́ tɩ za lãw nɩ taa mɛ̃ ƴã-gã-been ɓɛrmɛ a.

1 Korɛ̃tɩ 10:17

Dipɛ̃-been na n'ʋ a, a tɩɩm nɩ-yaga bɛ ŋa za, tɩ ɩ n ƴã-gã-been, a tɩ za na mɩ́ lãw 'wɔb a dipɛ̃-been a ƴãw.

2 Korɛ̃tɩ 7:14

Bʋ̃ʋ n'ʋ vɛ̃, vĩ bɛ ɩrɛ mɛ̃ ɩ̃ na nyʋʋr a nyɩ ƴãw a ʋ zie a ɩ. Ɛcɛ mɛ̃ a lɛ tɩ na mɩ́ yel a yel-mɩŋa kʋralɛ a, lɛ n'a a nyʋʋr tɩ na nyʋʋr a nyɩ ƴãw a Títɩ̀ zie a, wa ɩ sɩza.

Efɛɛzɩ 4:15

Tɩmɛ nɩ̃ɛ wa yere a yel-mɩŋa nɩ nɔ̃wfʋ a, tɩ na kɛrɛ nɩ a yele za pʋɔ tarɛ a Kɩrɩta na ɩ a zu a.

Efɛɛzɩ 4:22

A koro za ɩ-ɩrɩ n'a a fɛr kɛ́ nyɩ bɛr, ɛ́ ír a nɩsaal kʋra bɛr, a ʋ bɛ̀lʋ tɩɛrʋ ɩ na ʋ wɩɛr a loba.

Efɛɛzɩ 4:31

Bom nɛ za na ɩ pʋ-sãwna, suur, su-ɩb, zɛbr-gɔmɛ bɩɩ zʋmɛ a, nyɩ ɩ a za bɔr a nyɩ zie, lãwnɩ a po-tuolu bʋʋrɛ za.

Efɛɛzɩ 5:30

a Lãw-yir na ɩ a ʋ ƴã-gan, ɛ́ tɩ za ɩ a ʋ ƴã-gan ŋa ɓɛrmɛ a.

Kɔlɔsɩ 3:8

A na ɩ à ŋá a, a ƴɛrɛŋa a, nyɩ ír à á ŋá za bɛr a nyɩ nyɔ-vʋʋrʋ pʋɔ: a suur, a jɛb, a po-tuolu, a zʋmɛ, nɩ ƴɛ̀r-faa za na yire a nyɩ nʋɔrɩ́ a.

Kɔlɔsɩ 3:9

Nyɩ ta cãà ŋmarɛ ziri ƴãwnɛ taa ɩ, bʋ̃ʋ n'ʋ vɛ̃, nyɩ yaa nɩ a nɩsaal-kʋra nɩ a ʋ ɩ-ɩrɩ za bɛr,

1 Timote 1:10

pɩ̃ɔ-yel-maalbɛ, dɛb-bɛrɛ na gánɛ nɩ dɛbli a, nɩbɛ na kʋɔrɛ gbãgbaar a, zir-ŋmarbɛ ƴãw n'a, nɩbɛ na mɩ́ pɔ ɛ́ bɛ ír a bɛ pɔɛ a ƴãw n'a, nɩ bom za na bɛ tu a wul-vla a.

1 Timote 4:2

A zir-ŋmarbɛ na mɩ́ sɔwlɛ a bɛ pʋ-tɩɛrʋ a na taw bɛ na bɔr'ɩ, a zir-ŋmarbɛ bɛ ŋa tɩɛrʋ bɛ na cɩr bãwfʋ ƴãw nɩ kure na mʋ̃ɔ vũumí a.

Títɩ̀ 1:12

A bɛ pʋɔ a, bɛl mɩŋa ƴɛ̀r-manɛ kãw tɩ yel'a: «A Kɩrɛtɩ tẽw nɩbɛ a, zir-ŋmarbɛ nɛbɛ kʋralɛ, wɛ-dʋ̃-faar nɛbɛ, ƴã-to dem na mɩ́ gù dɩb tɛwr'a!»

Títɩ̀ 1:2

kɛ́ bɛ tɩɛrɛ a nyɔ-vʋʋrʋ na be kʋralɛ a. A Naaŋmɩn na bɛ ŋmarɛ ziri a tɩ ƴãw nɩ nʋɔr k'ʋʋ na kʋ̀ bɛ nɩ a nyɔ-vʋʋrʋ ŋa, ɛ́ a dɩta-pɛ-yome za wa bãw be.

Ebre 12:1

A na ɩ à ŋá a, a tɩɩm mɩ̀ na tɛr yel-mɩn dem bɛ jil koli tɩ sɛw à ŋá za a, nyɩ ɩ tɩ lɔb tuor za na gbine a tɩ cenu a bɛr, nɩ a yel-bier na bɛ mɩ́ yaa kɛ́ nyɔw tɩ a, ɛ́ dɩ kanyir zɔrɛ nɩ a dãw-taa zɔba bɛ na yel kɛ́ tɩ zɔrɛ a.

Zakɩ 1:21

A na ɩ à ŋá a, nyɩ ír dɛwr za bɛr a nyɩ zie nɩ a po-tuolu yel-bɛ-sɛwrɩ za. Nyɩ sàw de a ƴɛ̀rʋ nɩ su-nʋ̃ɔ̀ a Naaŋmɩn na ƴãwnɛ a nyɩ pʋɔ a, a ƴɛ̀rʋ ŋa na tʋ̃ɔ́ na faa nyɩ.

1 Pɩɛr 2:1

A na ɩ lɛ a, a po-tuolu bʋʋrɛ za nɩ a ziri za, a libelibe bʋʋrɛ za, a nyuur nɩ a tɔ yel-faar manʋ a, nyɩ bɛr a za a lo.

Yel-wula 21:8

Ɛcɛ, a dɛ̃bɩ̃ɛ dem a, a bɛlɩ dem na lɛb pùor a, a nɩ-faar, a nɩ-kʋrbɛ, a pɩ̃ɔ-yel-maalbɛ, a tɩtɩlbɛ a, a bɛlɩ dem na maalɛ a tɩbɛ a, nɩ a zir-ŋmarbɛ za a, a bɛ zie n'ɩ a cirbi vũu gbãtar-kpɛ̃ɛ: a kũu-gb'a ayi sob'ʋ.»

Yel-wula 22:15

Ɛcɛ, a nɩ-faar na bɛ tɛr ŋmɛ̃a a, a tɩtɩlbɛ, a pɩ̃ɔ-yel-maalbɛ, a nɩ-kʋrbɛ, a bɛl na maalɛ a tɩbɛ a, a bɛlɩ dem na nɔnɛ a ziri ŋmab ŋmarɛ a ziri a, bɛ be yẽw!

Ƴɛ̀r-dɩrbɛ 16:11

Ʋ sɔw ʋ: «Bɛlɛ 'lẽ nɩ mɛ̃ miw-paalɛ bɛ na bɛ tõ n ton za sɛr a, ɩ̃ kʋ̃ tɛr fãw ɛ, ɩ mɛ̃ a nɩsaal za a.»