Efɛɛzɩ 4:14 - A SƐB-SÕW

¹⁴ Lɛ n'a tɩ kʋ̃ cãà ɩ bibiir wul-pɛ-bʋʋrɛ za sɛsɛb-pɩl nɩ kʋ̃ɔ-mie na darɛ viire nɩ, ɛ́ a nɩsaalbɛ nɩ a bɛ cɩbɛ bɛ̀lɛ ƴãwn tulu pʋɔ a ɩ.

Efɛɛzɩ 4:14 ပူးပေါင်းရင်းမြစ်များ

Sɛb-sõw yielu 10:9

Ʋ mɩ́ jɩɛrɛ na, ɛ́ ũú gù mɛ̃ gbẽw na ũú tuw pʋɔ a. Ʋ mɩ́ jɩɛrɛ na k'ʋʋ wa nyɔw a nã́w sob. Ʋ mɩ́ bɛlɩ ʋ na ʋ wa lo a ʋ bɛra pʋɔ, ʋ nyɔw.

Sɛb-sõw yielu 59:3

Faa mɛ̃ a yel-fa-maalbɛ nuru pʋɔ, faa mɛ̃, a nɩ-kʋrbɛ bɛ ŋa ƴãw.

Ɩzayi 28:9

Bɛ yere na: «Ãa n'ʋ a Ɩzayi ŋa bɔbr k'ʋʋ wul? Ãa n'ʋ ʋ bɔbr k'ʋʋ manɩ a ʋ bʋ̃-nyɛrɩ kʋ̀? Bibiir bɛ na kpɩr bɛr paalʋ a nɛbɛ bɩɩ? Bibiir na bɛr a bɩr paalʋ a nɛbɛ bɩɩ?

Mise 7:2

Nɩbɛ na tu a Naaŋmɩn a, bɛ cãà a tẽw pʋɔ ɩ, nɩ-mɩŋa bɛ cãà be ɩ. Nɩ-kʋ tɩɛrʋ n'a bɛ za tɛr, yɛb mɩ́ jɩɛrɛ nɩ ʋ yɛb.

Matie 11:7

Bɛ na tɩ lɛb cere a, a Yeezu tɩ tĩ na ƴɛ̀rɛ a Zã ƴɛ̀rʋ a zu-sɛbla zie. Ʋ tɩ sowre bɛ na: «Bʋ̃ʋ n'ʋ nyɩ cen tɩ nyɛ̃ a wɛja-kpalɛ pʋɔ? Bàa-kɛkɛr sɛsɛb na fure damnɛ a n'ʋ bɩɩ?

Matie 24:11

Naaŋmɩn-ƴɛ̀r-man-bɛlɛbɛlɛ mɩnɛ na yi na bɛ tɛr vuo ɩ, ɛ́ tuli nɩ-yaga.

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Nɩ-toni 23:21

Fʋ̃ʋ ʋ, taa wa nanɩ sàwr ɛ. Bɛ zuo nɩ nɩbɛ lɩz'a ayi na na sɔwlɩ gù ʋ a. Bɛ pɔ na kɛ́ bɛlɛ bɛ wa kʋ a Pol a, bom bɛ lɛb kpɩɛr bɛ nʋɔrɩ́ ɛ. Bɛ cɔbr'ɩ a bɛ yele za baarɩ, fʋ̃ʋ yõ n'ʋ bɛ cɛlɛ kɛ́ fʋ sàw.»

1 Korɛ̃tɩ 12:2

Nyɩ bãwnɩ a na, a lɛn daar nyɩ na tɩ cãà ɩ a tɩbɛ nɩbɛ a, a bɛ mɩ́ tɩ tɛr nyɩ na kʋ̃ cen a tɩbɛ na bɛ tɛr nʋɔr ƴɛ̀rɛ a zie ɩ.

1 Korɛ̃tɩ 14:20

Yɛbr i, nyɩ ta tɛr bibi-yã a yele bãwfʋ ƴãw ɛ. Nyɩ ɩ bibiir a yel-faa maalʋ ƴãw, ɛcɛ a yele bãwfʋ ƴãw a, nyɩ ɩ nɩ-bɛrɛ.

1 Korɛ̃tɩ 3:19

bʋ̃ʋ n'ʋ vɛ̃, a tẽw ŋa zu yã-bãwfʋ ɩ n gẽgemi Naaŋmɩn zie. A Sɛb-sõw sɩrɩ na yel à ŋá: «Naaŋmɩn mɩ́ nyɔw nɩ a yã-bãwnbɛ a bɛ cɩbɛ pʋɔ»,

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

Galasi 3:1

'Woi Galasi tẽw dãbole bɛ ŋan i! Ãa n'ʋ ɩ a ʋ sɔ-ɩb nyɔw nɩ nyɩ? Nyɩɩm na wõ a Yeezu Kɩrɩta yele vla, a ɩ mɛ̃ a nyɩ mimié n'a bɛ kpa ʋ a da-gara zu a!

Efɛɛzɩ 6:11

Nyɩ de a Naaŋmɩn zɛbr bome tʋ̃ɔ́ zɛb tʋ̃ɔ́ nɩ a Gɛgɛra yã-maalʋ.

1 Timote 3:6

Ʋ ta ɩ nɩr na sàw de Naaŋmɩn paalʋ a ɩ, alɛ bɛ ɩ lɛ, ʋ nãà ɩrɛ nɩ pɔ̀lʋ tɩ nyɛ̃ nɩ dɔwrʋ mɛ̃ a Gɛgɛra a.

2 Timote 1:15

Fʋ bãwnɩ a na, a Azi tẽw dem za zawrɩ mɛ̃ na bɛr, Fɩzɛl nɩ Ɛrmozɛn mɩ̀ pʋɔ nɩ a bɛ pʋɔ.

2 Timote 3:13

Ɛ́ a nɩ-faar nɩ a nɩ-bɛlbɛ a, ɩ-faar'a bɛ na ɩrɛ dɔwlɛ cere nɩ, tule nɩ a bɛ taabɛ ɛ́ tule a bɛl tɛɛ za.

2 Timote 4:3

Daar kãw sɩrɩ na waar na ta, bɛ mɩnɛ kʋ̃ cãà sàwr a wul-vla ɩ, ɛcɛ mɛ̃ a lɛ bɛ na bɔbr a, bɛ na tɛr'ɩ wul-wulbɛ yaga yaga bɛ manɛ yele na nʋmɛ a bɛ tobe wob ƴãw a.

Ebre 13:9

Nyɩ ta sàw wul-pɛ-bʋʋrɛ za nɩ wul-yoru wa bɔr'ɩ nyɩ ɛ. Naaŋmɩn maalʋ n'ʋ a sɛw k'ʋʋ mɩ́ ɩ a nɩr ʋ kpɛmɛ socir, bʋ̃-dɩrɩ bɛ n'a ɩ. A bɛlɩ dem na tuur a nɛ́ɛ bɛ na ƴãw càar'ɩ a bʋ̃-dɩrɩ á ŋá a, bɛ bɛ dãw nyɛ̃ tɔnɛ a pʋɔ ɩ.

Zakɩ 1:6

Ɛcɛ, ʋ zɛlɛ nɩ naaŋmɩn-sàw-deb ɛ́ ta bʋ́nɛ ɩ, bʋ̃ʋ n'ʋ vɛ̃, sob nɛ na bʋ́nɛ a, ʋ ŋmɛ̃ na taa nɩ a kʋ̃ɔ-kpɛ̃ɛ kʋ̃ɔ-mie sɛsɛb na mɩ́ damnɛ ɛ́ ɓawr ìre nɩ a.

Zakɩ 3:4

Bɩɩ nyɩ mɩ̀ nyɛ̃ a gbee a: alɛ saa bɛrmɛ sɛw ŋmɩn, ɛ́ a sɛsɛb fure nɩ fãw darɛ a a, ɛcɛ, bʋ̃-dãana zaa pʋrɩ n'ʋ bɛ mɩ́ dãanɛ nɩ a, ɛ́ a cere a be a gbor-duwre na bɔbr a.

2 Pɩɛr 2:18

Bɛ mɩ́ ƴɛ̀rɛ nɩ ƴɛ̀r-bɛrɛ ƴɛ̀r-zawlɛ, a pɩ̃ɔ-yele ƴã-gan nʋ̃ɔ̀-faar tɩɛrʋ na ɩrɛ vĩ a n'a bɛ mɩ́ bɛlɩ nyɔw nɩ a bɛlɩ dem na bʋ́r yi paalʋ a nɩbɛ bɛl pʋɔ na vʋʋrɛ a tulu pʋɔ a.

1 Zã 2:19

A nɩbɛ bɛ ŋa yi n a tɩ zie, ɛcɛ bɛ bɛ tɩ ɩ a tɩ nɩbɛ ɩ. Bɛlɛ tɩ sɩrɩ ɩ a tɩ nɩbɛ a, bɛ nãá tɩ cãà na be a tɩ zie. Ɛcɛ bɛ yi na zaa a tɩ pʋɔ, k'aa ɩ cãà kɛ́ bɛ been kãw za bɛ tɩ ɩ a tɩ nɩr ɛ.

1 Zã 2:26

À á ŋá n'a ɩ̃ yel k'ɩ̃ɩ sɛb kʋ̀ nyɩ càar'ɩ a bɛlɩ dem na mɩ́ bɔbr kɛ́ bɛ tuli nyɩ a.

1 Zã 4:1

Ɩ̃ bá mɩnɛ ɛ, nyɩ ta mɩ́ sàw de a bɛlɩ dem za na mɩ́ yel kɛ́ bɛ tɛr'ɩ Naaŋmɩn Vʋʋrʋ a ɩ. Ɛcɛ, nyɩ mɩ́ ɩ bɛ kaa nyɛ̃ a vʋʋrʋ bɛ na tɛr a wa sɩrɩ yi a Naaŋmɩn zie a. Bʋ̃ʋ n'ʋ vɛ̃, naaŋmɩn-ƴɛ̀r-man-bɛlbɛlbɛ yɛ́r a pàw a tẽ-daa.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:12

Bɛlɛ sɩrɩ nɛbɛ mɩ́ sãwnɛ a nyɩ yɛbr lãw-dɩb bɛrɛ, a lɛn daar bɛ na mɩ́ su zu dɩrɛ bɛ zɔrɛ nɩ vĩ a. Bɛ ŋmɛ̃ na mɛ̃ zũzuwe sɛsɛb na mɩ́ darɛ, ɛ́ a bɛ mɩ́ mĩ saa a. Bɛ ŋmɛ̃ na mɛ̃ tɩrʋ na bɛ wɔnɛ a, a wɔb daar saa n'a a, ɛ́ bɛlɛ wa vɔ̃ a bɛr a, ãa kpi gb'a ayi a.

Yel-wula 19:20

Bɛ tɩ nyɔw nɩ a wɛ-dʋ̃w, lãwnɩ a ƴɛ̀r-man-bɛlɛbɛlɛ na tɩ maalɩ nɔ-ɓãa-yele a ʋ niŋé, bɛ̀lɩ nyɔw nɩ a bɛlɩ dem na tɩ tɛr a wɛ-dʋ̃w bãwfʋ a bɛ zu, ɛ́ gbĩ dume puori a ʋ dasule a. Bɛ tɩ lɔb'ɩ bɛ za ayi a mimir ƴãw a cirbi vũu gbãtar-kpɛ̃ɛ pʋɔ.