Efɛɛzɩ 4:10 - A SƐB-SÕW

¹⁰ A sob nɛ na siw a, mɩ̀ cãà n'ɩ a sob nɛ na do tɩ gãw bom za a saa-zu, k'ʋʋ tʋ̃ɔ́ paalɩ bom za a.

Efɛɛzɩ 4:10 ပူးပေါင်းရင်းမြစ်များ

Matie 24:34

Yel-mɩŋa sɩza, ɩ̃ yere na kʋ̀rɛ nyɩ, a dɩ̃a nɩbɛ kʋ̃ kpi baarɩ ɛ, ɛ́ a yele á ŋá za ta.

Luka 24:44

Al pùorí ʋ yel bɛ: «Ƴɛ̀rʋ á ŋá n'a ɩ̃ tɩ ƴɛ̀r kʋ̀ nyɩ, a lɛn daar ɩ̃ na tɩ cãà be a nyɩ zie a: a yele al za bɛ na sɛb càar'ɩ mɛ̃ a Moyiir wulu sɛbɛ pʋɔ a, a naaŋmɩn-ƴɛ̀r-manbɛ sɛbr pʋɔ, nɩ a Sɛb-sõw yielu sɛbɛ pʋɔ a, a fɛr'a kɛ́ a tu.»

Zã 1:16

Tɩ za páw nɩ bom a maalʋ za naalʋ ʋ na kpɛ a pʋɔ, tɩ páw nɩ maalʋ suwli taa.

Zã 19:24

A sojarɩ tɩ yere na kʋ̀rɛ taa: «Tɩ ta cɩɛrɩ a kparʋ ŋa põ ɩ, tɩ ŋmɛ gbãw de.» A yele á ŋá za ɩ na, kɛ́ a Sɛb-sõw ƴɛ̀r-bie tʋ̃ɔ́ tu vla: «Bɛ põ nɩ a ɩ̃ fɔbr za, ɛ́ de a ɩ̃ kpar-kpɛ̃ɛ dɩ n gbãw.» A lɛ tɔr za n'a a sojarɩ tɩ ɩ.

Zã 19:28

Al pùorí, a Yeezu na tɩ bãw kɛ́ a yele za nʋɔr kʋ na a, ʋ yel'ɩ à ŋá, k'aa Sɛb-sõw tʋ̃ɔ́ tu tɩ ɓɩɩlɩ: «Kʋ̃ɔ-nyúur kpɩɛr mɛ̃ na.»

Zã 19:36

A yele á ŋá za ɩ na kɛ́ a Sɛb-sõw ƴɛ̀r-bie á ŋá tu vla: «Bɛ kʋ̃ ka a ʋ kɔbr been kãw za ɩ.»

Nɩ-toni 1:11

ɛ́ sowri bɛ: «Galile tẽw dem i, bʋnʋ ƴãw n'a nyɩ àr úore a salom à à ŋá? A Yeezu ŋa bɛ na ír a nyɩ sɔgɔ do n a salom zu a, ʋ nãà lɛb'a wa, mɛ̃ à à ŋá nyɩ na nyɛ̃ ʋ k'ʋ dúor a salom zu a.»

Nɩ-toni 1:9

Ʋ na tɩ ƴɛ̀r a ƴɛ̀r-bie á ŋá baar'a, bɛ tɩ nyɛ̃ ʋ na ʋ ìr dúor a salom zu, zũzuwr wa yi pàw ʋ, bɛ bɛ cãà nyɛ̃ ʋ ɛ.

Nɩ-toni 2:33

A Naaŋmɩn dʋrʋ zɛw ʋ na ʋ do. Lɛ so ʋ páw a Vʋʋrʋ Sõw a Naaŋmɩn na ƴãw nʋɔr k'ʋʋ na tɩr'a a. Ʋlɛ n'ʋ ɩ a Vʋʋrʋ Sõw siw põ yaarɩ a tɩ zu, ɛ́ alɛ n'a nyɩ nyɛrɛ ɛ́ wone.

Nɩ-toni 3:18

Ɛ́ à ŋá n'a a Naaŋmɩn mɩ̀ tu maalɩ a ʋlɩ bom nɛ ʋ na dãw ƴãw a ʋ ƴɛ̀r-manbɛ za yel a: a ʋ Nɩ-kabra na na wõ a tuo a.

2 Korɛ̃tɩ 12:2

Ɩ̃ bãw nɩ kɩrɩta-nɩr kãw, yome pie nɩ anaar'ɩ dɩ̃a, bɛ na ír ʋ do n tɩ gãw nɩ a salom a. Ɩ̃ bɛ bãw a ʋ ƴã-gan n'ʋ bɛ ír'ɩ ʋ do n bɩɩ a ʋ ƴã-gan bɛ n'ʋ a, Naaŋmɩn yõ n'ʋ bãw.

Efɛɛzɩ 3:19

ɛ́ bãw a Kɩrɩta nɔ̃wfʋ na gãw bãwfʋ za a, lɛ n'a a Naaŋmɩn na paalɩ nyɩ ʋ za.

Kɔlɔsɩ 1:19

Bʋ̃ʋ n'ʋ vɛ̃, a Naaŋmɩn nɔ̃w na paalɩ ʋ nɩ a naaŋmɩnʋ za,

Kɔlɔsɩ 2:9

Bʋ̃ʋ n'ʋ vɛ̃, a Kɩrɩta ƴã-gan pʋɔ a, naaŋmɩnʋ za be n be,

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Ebre 4:14

A na ɩ lɛ tɩ tɛr Naaŋmɩn bàwr-maal-kara ʋ tɔl gãw a salom tɩ ta a Naaŋmɩn zie a, a Yeezu, Naaŋmɩn Bie, nyɩ ɩ tɩ tɛr a sàw-deb tɩ na hiere a kpɛ̃w za.

Ebre 7:26

A bàwr-maal-kara tɔr za n'ɩ à ŋà a na tɩ fɛr kɛ́ tɩ tɛr a: ʋ ɩ n sõw, ʋ bɛ tɛr sãwna ɩ, ʋ vɩɛl'ɩ ʋ za. Bɛ bʋ́r ʋ na ʋ bɛ pʋɔ a yel-bebe dem pʋɔ ɩ, ɛ́ zɛw ʋ k'ʋ do gãw a salom.

Ebre 8:1

A ƴɛ̀rʋ tɩ na ƴɛ̀rɛ a ƴɛ̀r-zu-kpɛ̃ɛ sɩrɩ n'ɩ à ŋà: a bàwr-maal-kara ŋa tɔ n'ʋ tɩ tɛr, ʋl na zɩ̃ a Naaŋmɩn na ɩ kpɛ̃ɛ kpɛ̃ɛ za a naalʋ-dà-kɔw dʋrʋ lowr a saa-zu a.