Efɛɛzɩ 4:1 - A SƐB-SÕW

¹ A mãa na be a gaso pʋɔ a Sore yúor ƴãw a, ɩ̃ zɛlɛ nyɩ na, nyɩɩm a Naaŋmɩn na bʋɔlɩ a, kɛ́ nyɩ vʋʋrɛ nyɔ-vʋʋrʋ na sɛw taa nɩ a bʋɔlʋ ŋa nyɩ na wõ a.

Efɛɛzɩ 4:1 ပူးပေါင်းရင်းမြစ်များ

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Yele-za-pɛr-tib 5:24

Ʋ tɩ maal'ɩ a Naaŋmɩn pʋ-tɩɛrʋ, al pùorí ʋ bɔr, bʋ̃ʋ n'ʋ vɛ̃, a Naaŋmɩn tɩ ír ʋ na cen nɩ a ʋ zie.

Zeremi 38:20

Ɛcɛ, a Zeremi tɩ sɔw na: «Bɛ kʋ̃ de fʋ ƴãw a bɛ nuru pʋɔ ɩ. Bɛrɛ wone a lɛ ɩ̃ na yere kʋ̀rɛ fʋ a Sore yúor ƴãw a, ɛ́ a yele za na ɩ n vla, ɛ́ fʋ na cãà na vʋʋrɛ.

Nɩ-toni 9:31

A Lãw-yir tɩ tɛr'ɩ ƴã-ɓaarʋ a Zude tẽw za pʋɔ, nɩ a Galile tẽw nɩ a Samaari tẽw. Ʋ tɩ mɩɛr'a yɛlɛ ɛ́ tɛr a Sore zɔba, a Vʋʋrʋ Sõw mɔwlʋ tɩ be n a ʋ zie yaga ʋ kɛrɛ nɩ.

Ʋrɔm 11:29

Bʋ̃ʋ n'ʋ vɛ̃, a Naaŋmɩn maalʋ nɩ a ʋ bʋɔlʋ bɛ tɛr lɩɛb-bɛrʋ ɛ.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

1 Korɛ̃tɩ 4:16

Lɛ so ɩ̃ zɛlɛ nyɩ: nyɩ cɔwrɛ mɛ̃.

2 Korɛ̃tɩ 10:1

A mãa Pol bɛ na yel k'ɩ̃ɩ mɩ́ siwre nɩ ɩ̃ tʋɔra yaga za mãa wa be a nyɩ sɔgɔ a, ɛ́ kpɛ pʋra a lɛn daar ɩ̃ na mɩ́ wa zãá a, mãa tɔr za n'ʋ kpaalɛ nyɩ a Kɩrɩta su-baalʋ nɩ a ʋ vɩɛlʋ zũú:

2 Korɛ̃tɩ 5:20

A na ɩ à ŋá a, a Kɩrɩta n'ʋ tõ n tɩ a tõ-nʋɔr ŋa a nyɩ zie, ɛ́ a ɩ mɛ̃ a Naaŋmɩn mɩŋa n'ʋ yere kʋ̀rɛ nyɩ nɩ a tɩ nʋɔr a: tɩ zɛlɛ nyɩ nɩ yãayãa, a Kɩrɩta yúor ƴãw, nyɩ sàw kɛ̀ nyɩɩm nɩ a Naaŋmɩn lɛb kpɛ taa.

2 Korɛ̃tɩ 6:1

Ɛ́ tɩ na lãw nɩ a Naaŋmɩn tone a, tɩ zɛlɛ nyɩ na kɛ́ nyɩ ta bɛr a ʋ maalʋ nyɩ na páw a lo tẽw wɛ ɩ.

Galasi 4:12

Yɛbr i, ɩ̃ zɛlɛ nyɩ na, nyɩ lɩɛbɩ ŋmɛ̃ taa nɩ mɛ̃, mɛ̃ a lɛ ɩ̃ na sàw ŋmɛ̃ taa nɩ nyɩ a. Nyɩ bɛ sãw mɛ̃ yel kãw za ƴãw ɛ.

Efɛɛzɩ 2:10

Naaŋmɩn mɩŋa n'ʋ maalɩ tɩ, ʋlɛ n'ʋ ír tɩ tɩ lãw nɩ a Yeezu Kɩrɩta, kɛ́ a tɩ ɩ-ɩrɩ tʋ̃ɔ́ vɩɛl, a ɩ-ɩrɩ á ŋá a Naaŋmɩn na cɔbrɩ bɛr a koro za kɛ́ tɩ wa ɩrɛ a.

Efɛɛzɩ 3:1

Alɛ n'a so a mãa, Pol, ɩ̃ puore a Naaŋmɩn. Ɩ̃ be n a gaso pʋɔ a Yeezu Kɩrɩta tome ɩ̃ na tone a nyɩɩm nɩ-bʋʋr-yoru ƴãw a zũú.

Efɛɛzɩ 4:17

A na ɩ à ŋá a, bom ŋa n'ʋ ɩ̃ yere kʋ̀rɛ nyɩ lãwnɩ kpaalʋ a Sore yúor ƴãw: nyɩ ta cãà ɩrɛ mɛ̃ a nɩ-bʋʋr-yoru na tuur a bɛ tɩɛr-zawlɛ a ɩ.

Efɛɛzɩ 4:4

Mɛ̃ a lɛ a nyɩ bʋɔlʋ na bʋɔlɩ nyɩ tɩɛr-been páwfʋ ƴãw a, lɛ n'a ƴã-gã-been yõ be, Vʋʋrʋ been yõ mɩ̀ be.

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Filib 1:27

Alɛ saa ŋmɛ̃ ŋmɩŋmɩn a, nyɩ ɩ a nyɩ nyɔ-vʋʋrʋ tuur a Kɩrɩta Yel-nʋ̃ɔ̀, kɛ̀ mãa wa wa a nyɩ nyɛ́b bɩɩ mãa bɛ wa ka be a, mãa wone kɛ́ nyɩ lãw nɩ taa tɛr tɩɛr-been kpɛ̃w za, kɛ́ nyɩ lãw nɩ soci-been zɛbr a naaŋmɩn-sàwfʋ na yi a Yel-nʋ̃ɔ̀ pʋɔ a zɛbr,

Filib 3:14

Ɩ̃ zɔrɛ na wɩɛr a tab zie, k'ɩ̃ɩ tɩ tʋ̃ɔ́ páw a sã-ya ʋl a Naaŋmɩn na bʋɔlɛ tɩ kɛ́ tɩ wa páw a Kɩrɩta ƴãw a saa-zu a.

Kɔlɔsɩ 1:10

À ŋá n'a nyɩ na maalɛ a Naaŋmɩn yã-nɔn za, ɛ́ vʋʋrɛ nyɔ-vʋʋrʋ na sɛw taa nɩ ʋ a. Nyɩ na maalɛ nɩ ɩ-vɩɛlɩ bʋʋrɛ bʋʋrɛ za, ɛ́ lɛb bãwnɛ a Naaŋmɩn dɔwlɛ.

Kɔlɔsɩ 2:6

A na ɩ à ŋá nyɩ sàw de kɛ́ a Yeezu Kɩrɩta n'ɩ a Sore a, nyɩ lãw nɩ ʋ vʋʋrɛ.

Kɔlɔsɩ 4:12

A Epafarasɩ na ɩ a nyɩ nɩr a, ʋ mɩ̀ puore nyɩ na. A Yeezu Kɩrɩta tõ-tõ-bie ŋa tʋlɛ nɩ a puoru ƴãw, puore kʋ̀rɛ nyɩ kʋralɛ, kɛ́ nyɩ tʋ̃ɔ́ tɛ nyɩgɛ ɛ́ bɩ nɩbɛ baar a Kɩrɩta sɔ́r pʋɔ, maalɛ a Naaŋmɩn pʋ-tɩɛrʋ za.

1 Tesalonikɩ 2:12

Tɩ kpaalɩ nyɩ na, tɩ yel'a kɛ́ nyɩ ƴãw fãw, tɩ zɛlɩ nyɩ nɩ yãayãa k'aa nyɩ cenu sɛw taa nɩ a Naaŋmɩn na bʋɔlɛ nyɩ kɛ́ nyɩ wa pʋɔ a ʋ naalʋ pʋɔ nɩ a ʋ yúor-vɩɛlʋ-danʋ pʋɔ a.

2 Tesalonikɩ 1:11

Alɛ so tɩ puore kʋ̀rɛ nyɩ kʋralɛ, k'aa tɩ Naaŋmɩn ɩ nyɩ sɛw taa nɩ a nyɔ-vʋʋrʋ ʋl ƴãw ʋ na bʋɔlɩ nyɩ a, k'ʋʋ sõwne nyɩ nɩ a ʋ fãw, nyɩ mɩ́ maalɩ a vla za nyɩ na bɔbr a, ʋʋ ɩ a nyɩ sàw-deb tone vla vla za.

2 Timote 1:9

A Naaŋmɩn faa tɩ na, ɛ́ bʋɔlɩ tɩ nɩ bʋɔl-sõw. Ɛcɛ a bɛ kaar mɛ̃ a tɩ ɩ-vɩɛlɩ n'a so ɩ, a ʋ pʋ-tɩɛrʋ nɩ a ʋ maalʋ na tu a lɛ a n'a so. A maalʋ ŋa a, a Kɩrɩta Yeezu n'ʋ ʋ kʋ̀ n tɩ, ɛ́ a dɩta-pɛ-yome za wa bãw be.

Títɩ̀ 2:10

bɛ ta zure bɛ bom kãw za ɩ. Bɛ ɩrɛ vla kʋralɛ taa lɛbr pùor towtow ɛ, lɛ n'a bɛ na tɛr ƴãwfʋ a Naaŋmɩn tɩ Faarɛ wulu ƴãw a yele za pʋɔ.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.

Ebre 3:1

Yɛbr kɩrɩta-nɩbɛ ɛ, a Naaŋmɩn so nyɩ, ʋl na bʋɔlɩ nyɩ a. A na ɩ lɛ a, nyɩ jɩ́rɛ a Yeezu na ɩ a naaŋmɩn-sàw-deb tɩ na hiere a nɩ-tona nɩ abàwr-maal-kara a.

1 Pɩɛr 2:11

Ɩ̃ nɩ-nɔnɩ za na ɩ mɛ̃ nɩ-tɔlɩ nɩ nɩ-sãanbɛ a, ɩ̃ zɛlɛ nyɩ na, nyɩ ciir a ƴã-gan nʋ̃ɔ̀-faar vʋla na mɩ́ zɛbr'ɩ nyɩ a.

1 Pɩɛr 3:9

Nyɩ ta mɩ́ yáa a yel-faa san ɛ, bɩɩ yáa a zʋm san ɛ. Nyɩ nɩ̃ɛ mɩ́ ƴɛ̀r nɔ-vla, bʋ̃ʋ n'ʋ vɛ̃, maalʋ n'ʋ a Naaŋmɩn yel k'ʋʋ na kʋ̀ nyɩ na, a lɛn daar ʋ na bʋɔlɩ nyɩ a.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

2 Pɩɛr 1:3

A ʋ naaŋmɩnʋ fãw zũú, a Sore kʋ̀ tɩ nɩ bom za a na sɛw kɛ́ tɩ tɛr tʋ̃ɔ́ vʋʋrɛ nyɔ-vʋʋr-vla ɛ́ ƴãwnɛ a Naaŋmɩn a. Ʋ ɩ na tɩ bãw a Sob nɛ na ƴãw tɩ pʋɔ a ʋl mɩŋa yúor-vɩɛlʋ-danʋ pʋɔ, ɛ́ tɛr a ʋ fãw ʋ na tone nɩ tõ-vɩɛlɩ a.

2 Zã 1:5

Pɔw-nɩ-kpɛ̃ɛ ɛ, ɩ̃ zɛlɛ fʋ nɩ a ƴɛrɛŋa kɛ́ tɩ nɔnɛ taa. Ʋ bɛ ɩ Naaŋmɩn nɔ-ƴãwna na ɩ paala a n'ʋ ɩ̃ sɛbr fʋ ɛ. A ʋl tɩ na tɛr a pɛr-tib daar za a n'ʋ.