Efɛɛzɩ 3:21 - A SƐB-SÕW

²¹ ʋlɛ so yúor-vɩɛlʋ-danʋ a Lãw-yir pʋɔ a Yeezu Kɩrɩta yúor ƴãw, kʋralɛ nɩ yome yome za. Amɛn.

Efɛɛzɩ 3:21 ပူးပေါင်းရင်းမြစ်များ

1 Bibie za yel-manɩ 29:11

Sore e, fʋ̃ʋ na ɩ kpɛ̃ɛ bɛ tɛr tɔ a, fʋ̃ʋ so a fãw nɩ a kpɛnʋ, a ƴãwfʋ nɩ a yúor-vɩɛlʋ-danʋ. Fʋ̃ʋ so bom za a salom zu nɩ a tẽw zu. Fʋ̃ʋ n'ɩ a nãà, fʋ̃ʋ so a bome za.

Sɛb-sõw yielu 115:1

Sore e, tɩmɛ bɛ nɛbɛ fʋ na kʋ̀ a yúor-vɩɛlʋ-danʋ ɛ, tɩmɛ bɛ nɛbɛ ɩ, a fʋ̃ʋ n'ʋ, a fʋ nɔ̃wfʋ nɩ a fʋ yel-mɩŋa zũú.

Sɛb-sõw yielu 72:19

A ʋ yúor-vɩɛlʋ-danʋ, ʋ paalɩ a tẽw za! Amɛn! Lɛb maal Amɛn!

Ɩzayi 42:12

A nɩ-bʋʋrɛ na zãá a, bɛ manɛ a Sore yúor-vɩɛlʋ-danʋ, bɛ yiele kpɛ̃w kpɛ̃w za danɛ nɩ ʋ!

Ɩzayi 6:3

Bɛ tɩ cɩɩrɛ na yere kʋ̀rɛ taa: «Sõw, sõw, sõw, a Sore, a kpɛnʋ-za-sob! A ʋ yúor-vɩɛlʋ-danʋ paal'ɩ a tẽw za!»

Matie 6:13

Ta sàw a bɛlʋ ta tɩ ɛ, ɛ́ faa tɩ a Faalʋ sob nuru pʋɔ. [Fʋ̃ʋ sɩrɩ so naalʋ nɩ kpɛnʋ nɩ danʋ, a yome yome za. Amɛn.]”

Luka 2:14

“Naaŋmɩn so danʋ a saa-zu za, ɛ́ a ʋ nɩ-nɔnɩ so ƴã-ɓaarʋ a tẽw zu ka”.»

Ʋrɔm 11:36

Bʋ̃ʋ n'ʋ vɛ̃, ʋl zie n'a bom za yi, ʋlɛ n'ʋ so bom za be, ʋl ƴãw n'a bom za be. Ʋlɛ so yúor-vɩɛlʋ-danʋ a yome yome za! Amɛn.

Ʋrɔm 16:27

A Naaŋmɩn yõ na ɩ yã-bãwnɛ a, ʋlɛ so yúor-vɩɛlʋ-danʋ a Yeezu Kɩrɩta ƴãw, a yome yome za! Amɛn.

Galasi 1:5

A Naaŋmɩn so yúor-vɩɛlʋ-danʋ yome yome za. Amɛn.

Efɛɛzɩ 1:6

A na ɩ à ŋá a, nyɩ ɩ tɩ danɛ a Naaŋmɩn na ƴãw a ʋ Bi-nɔna kʋ̀ tɩ a maalʋ sɛw à ŋá zawlalɛ a.

Efɛɛzɩ 2:7

A Naaŋmɩn vɩɛlʋ ɩb ʋ na ɩ a tɩ ƴãw a sãá a Yeezu Kɩrɩta zie a zũú n'a ʋ tɩ bɔbr k'aa yome na tuur taa a pʋɔ, ʋ wul a ʋ maalʋ na bɛrmɛ bɛ tɛr vuo a.

Efɛɛzɩ 4:1

A mãa na be a gaso pʋɔ a Sore yúor ƴãw a, ɩ̃ zɛlɛ nyɩ na, nyɩɩm a Naaŋmɩn na bʋɔlɩ a, kɛ́ nyɩ vʋʋrɛ nyɔ-vʋʋrʋ na sɛw taa nɩ a bʋɔlʋ ŋa nyɩ na wõ a.

Filib 1:11

A yel-mɩnʋ yel-vɩɛlɩ a Yeezu Kɩrɩta na maalɩ a nyɩ zie a na ɩ na nyɩ kpɛ naalʋ, a Naaŋmɩn yúor zɛwfʋ nɩ a ʋ danʋ ƴãw.

Filib 2:11

ɛ́ bɛ za sàw yere kɛ́ a Yeezu Kɩrɩta n'ɩ a Sore, a Naaŋmɩn sãà yúor-vɩɛlʋ-danʋ ƴãw.

Filib 4:20

A Naaŋmɩn tɩ Sãà so yúor-vɩɛlʋ-danʋ a yome yome za, amɛn.

2 Timote 4:18

A Sore na cãà na lɛb faa mɛ̃ yel-faa za pʋɔ. Ʋ na faa mɛ̃ na ɛ́ ƴãw ɩ̃ kpɛ a ʋ tẽ-vla Naalʋ pʋɔ. Ʋlɛ so yúor-vɩɛlʋ-danʋ a yome yome za. Amɛn.

Ebre 13:21

A Naaŋmɩn ŋa a, ʋ ɩ kɛ̀ nyɩ mɩ́ tʋ̃ɔ́ yel-vla za maalɩ, tʋ̃ɔ́ maalɛ a ʋ pʋ-tɩɛrʋ. Ʋ mɩ́ maalɩ a lɛ na pɛlɩ a ʋ pʋɔ a, a tɩ zie, a Yeezu Kɩrɩta ƴãw, ʋl na so danʋ a yome yome za a. Amɛn.

1 Pɩɛr 2:5

A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.

1 Pɩɛr 5:11

Ʋlɛ so kpɛnʋ yome yome za! Amɛn.

2 Pɩɛr 3:18

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:25

a Naaŋmɩn-been yõ tɩ Faarɛ, ʋlɛ so yúor-vɩɛlʋ-danʋ, dɛpaalʋ, fãw nɩ kpɛnʋ a tɩ Sore Yeezu Kɩrɩta ƴãw, a dãwdãw za, a ƴɛrɛŋa nɩ kʋralɛ. Amɛn.