Efɛɛzɩ 3:20 - A SƐB-SÕW

²⁰ A Naaŋmɩn na na tʋ̃ɔ́ mɩ́ maalɩ yel za tɩ zuo nɩ a lɛ tɩ na zɛlɛ bɩɩ tɩɛrɛ a, a ʋ fãw na tone a tɩ pʋɔ a zũú a,

Efɛɛzɩ 3:20 ပူးပေါင်းရင်းမြစ်များ

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Yele-za-pɛr-tib 18:4

Bɛ na wa n nɩ kʋ̃ɔ blã nyɩ wa pɛ́w gbɛ́ɛ, ɛ́ pɩ̃ɛnɩ a tɩɛ ŋa pile.

2 Samɩɛl 7:19

Ɛcɛ, Sore Naaŋmɩn i, a fʋ̃ʋ zie a, a cãà bɛ ɩ bom ɛ, fʋ ƴãw nʋɔr kɛ́ fʋ na maal'ɩ a ɩ̃ yir a nɩdaar. A sɛw na kɛ́ fʋ ɩrɛ à ŋá nɩsaal zie bɩɩ?

1 Na-mɩnɛ 3:13

Ɩ̃ mɔ̃ mɩ̀ na kʋ̀ b'ɩ a ʋlɩ bom nɛ fʋ na bɛ zɛlɩ a: a tɛra nɩ a yúor. A fʋ nyɔ-vʋʋrʋ daar za a, nãà kãw za kʋ̃ ŋmɛ̃ taa nɩ fʋ ɛ.

2 Bibie za yel-manɩ 25:9

A Amazɩasɩ tɩ sowr'ɩ a Naaŋmɩn nɩr: «Ɛ́ a libie al za ɩ̃ na kʋ̀ a Ɩsɩrayɛl sojarɩ a ɩ ŋmɩn?» A Naaŋmɩn nɩr tɩ sɔw ʋ na: «A Sore na tʋ̃ɔ́ na kʋ̀ b zuo a lɛ.»

2 Bibie za yel-manɩ 9:12

A nãà Salomɔ̃ mɩ̀ tɩ kʋ̀ n a Saba tẽw pɔw-nãà a alɩ bome nɛ za ʋ na tɩ bɔbr ɛ́ zɛlɩ a. Ʋ tɩ kʋ̀ ʋ na zuo a lɛ ʋ na tɩ wa n wa kʋ̀ ʋ a. Al pùorí, a pɔw-nãà nɩ a ʋ tõ-tõ-biir tɩ lɛb'a kul a bɛ tẽw.

Eziptɩ tẽw yib 34:6

Al pùorí, ʋ tɩ tɔl'ɩ a Moyiir niŋé, ɛ́ yel kpɛ̃w za: «Mãa n'ɩ a Sore! Ɩ̃ ɩ n Naaŋmɩn na ɩ pʋ-pɩɛlʋ sob, ɛ́ zɔrɛ nɩbaalʋ a, a suur na bɛ pawr, ɛ́ a nɔ̃wfʋ bɛ dɩ vuo, ɛ́ ŋmɛ̃ ʋ ŋmɛ̃a a.

A Yielu za pʋɔ yiel-vla vla 5:1

Ɩ̃ yeepuule e, ɩ̃ ƴãw-nɩ-yúor i, ɩ̃ waar'ɩ a ɩ̃ zaadɛ̃ pʋɔ. Ɩ̃ 'lawrɛ nɩ a ɩ̃ mɩ́ɩ̀r súur, kárɛ nɩ a ɩ̃ va-nyùure a mɩnɛ. Ɩ̃ dɩrɛ nɩ a ɩ̃ sɩw-gamɛ kãá, ɛ́ nyúur a ɩ̃ divɛ̃ nɩ a ɩ̃ bʋ̀rʋ. Nyɩ dɩrɛ, ɩ̃ bá mɩnɛ ɛ, nyɩ nyúur, nyɩ nɔ̃w taa tɩ kuoli!

Ɩzayi 35:2

A póru pʋɔ mɔ̃-puuru, a pu pàw ʋ, ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ! A Sore kʋ̀ ʋ nɩ a Libã tan vɩɛlʋ, a Karmɛl tãw nɩ a Saron tɩ̃tal dɛpaalʋ. Lɛ n'a bɛ na nyɛ̃ a Sore yúor-vɩɛlʋ-danʋ, a tɩ Naaŋmɩn dɛpaalʋ.

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Zeremi 32:17

«'Woi, Sore Naaŋmɩn i, fʋ̃ʋ n'ʋ ír a salom nɩ a tẽw nɩ a fʋ fãw-kpɛ̃ɛ, nɩ a fʋ kpɛnʋ. Bom za bɛ kpɛmɛ zuo a fʋ zie ɩ.

Zeremi 32:27

A mãa, a Sore a, mãa n'ɩ bʋ̃-vʋʋrɩ za Naaŋmɩn. Bom be n be kpɛmɛ zuo a ɩ̃ zie e?

Matie 3:9

ɛ́ taa wa nanɩ yere nyɩ tʋɔra kɛ́: “Abraham n'ɩ a tɩ sãà ɩ.” Mãa n'ʋ yere kʋ̀rɛ nyɩ, a kʋsɛbɛ á ŋá na gã a, Naaŋmɩn na tʋ̃ɔ́ na ɩ a lɩɛbɩ Abraham bibiir.

Zã 10:10

Nyãnyuge bɛ waar, a bɛ ɩ zub nɩ kʋb nɩ sãw-bɛrʋ tɛwr ƴãw ɛ. Mãa wa na kɛ́ a nɩsaalbɛ wa tʋ̃ɔ́ páw a nyɔ-vʋʋrʋ, ɛ́ páw ʋ gʋr bɛr.

Ʋrɔm 16:25

Naaŋmɩn so danʋ! Ʋ tɛr'ɩ fãw na ɩ tɩ kpɛmɛ a sàw-deb pʋɔ tu n a Yel-nʋ̃ɔ̀ ɩ̃ na hiere manɛ nɩ a Yeezu Kɩrɩta yele a, ɛ́ mɩ̀ tu n a Naaŋmɩn pʋ-tɩɛr-sɔwla ʋ na ɩ tɩ bãw a. A pʋ-tɩɛrʋ ŋa tɩ sɔwl'ɩ a dɩta-pɛ-yome za,

Ʋrɔm 4:21

Ʋ tɩ bãwnɩ a na k'aa Naaŋmɩn tɛr'ɩ fãw na maalɩ a lɛ ʋ na yel a.

1 Korɛ̃tɩ 2:9

Ɛcɛ, mɛ̃ a lɛ bɛ na sɛb a: «Bom nɛ mimir na bɛ nyɛ̃ a, bom nɛ tobr na bɛ wõ a, bom nɛ a tɩɛrʋ na bɛ tɔ a nɩsaal a, ʋlɛ n'ʋ a Naaŋmɩn cɔbrɩ a bɛlɩ dem na nɔnɛ ʋ a ƴãw.»

2 Korɛ̃tɩ 9:8

Naaŋmɩn tɛr'ɩ fãw na tʋ̃ɔ́ paalɩ nyɩ nɩ maalʋ bʋʋrɛ bʋʋrɛ za, nyɩ mɩ́ tɛr bom za na sɛw a kʋralɛ, ɛ́ tɛr a dɔwlɩ yel-vla za maalʋ ƴãw.

Efɛɛzɩ 1:19

Ʋ ɩ nyɩ bãw a ʋ kpɛnʋ ʋl na ɩ kpɛ̃ɛ bɛ tɛr manʋ, ʋ na wul ʋ sãá a tɩɩm na sàw de a ƴãw a. A ʋ fãw tome a, a ʋ kpɛnʋ na bɛ dɩ vuo a, ʋ ɩ na a sãá a Kɩrɩta zie,

Efɛɛzɩ 3:7

Ɩ̃ lɩɛb'ɩ a Yel-nʋ̃ɔ̀ tõ-tõ-bie, a maalʋ a Naaŋmɩn na kʋ̀ m nɩ fãw a zũú.

Kɔlɔsɩ 1:29

À á ŋá ƴãw n'a ɩ̃ tone ɛ́ mʋɔr nɩ a fãw ɩ̃ na páw a Yeezu Kɩrɩta zie, ɛ́ a fãw ŋa tone a ɩ̃ pʋɔ kpɛ̃w kpɛ̃w za a.

1 Timote 1:14

Sɩza, a tɩ Sore maalʋ siw nɩ a ɩ̃ zu yaga za, lãwnɩ a naaŋmɩn-sàw-deb nɩ a nɔ̃wfʋ na be a Kɩrɩta Yeezu pʋɔ a.

Ebre 11:19

Ɛcɛ a Abraham tɩ tɩɛrɛ na kɛ́ Naaŋmɩn na tʋ̃ɔ́ na ɩ a Ɩzaakɩ ʋ lɛb yi a kũuni pʋɔ, lɛb so a Naaŋmɩn tɩ lɛb kʋ̀ ʋ a ʋ bie, ʋ ɩ nɩdaar yel bãwfʋ.

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.

Zakɩ 4:12

Naaŋmɩn yõ n'ʋ ɩ a nɔ-ƴãwnɛ nɩ a ƴɛ̀r-dɩrɛ. Ʋl yõ n'ʋ na tʋ̃ɔ́ faa, ʋl yõ n'ʋ na tʋ̃ɔ́ kʋ. Fʋ̃ʋ a, ãa nɛ b na bãwnɛ a fʋ tɔ sãwna?

2 Pɩɛr 1:11

Ɛ́ lɛ n'a nyɩ na kpɛ a tɩ Sore nɩ a tɩ Faarɛ Yeezu Kɩrɩta naalʋ na be kʋralɛ a pʋɔ, mɔlɛ mɔlɛ lɛ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:24

A Sob nɛ na na tʋ̃ɔ́ gù nyɩ nyɩ ta lo towtow a, ɛ́ ɩ kɛ̀ nyɩ vɩɛl ɛ́ be nʋ̃ɔ̀ pʋɔ àr'ɩ a yúor-vɩɛlʋ-danʋ niŋé a,