Efɛɛzɩ 3:18 - A SƐB-SÕW

¹⁸ Lɛ n'a nyɩ na tʋ̃ɔ́ bãw, lãwnɩ a kɩrɩta-nɩbɛ za, a lɛ a Kɩrɩta nɔ̃wfʋ na yɛlmɛ ɛ́ wõwme a, na kɛrɩ ɛ́ zulme a,

Efɛɛzɩ 3:18 ပူးပေါင်းရင်းမြစ်များ

2 Bibie za yel-manɩ 6:41

Ɛ́ ƴɛrɛŋa a, Sore Naaŋmɩn i, ìr wa a fʋ pɩ̃ɛnʋ zie, fʋ̃ʋ nɩ a daga ʋl na wule a fʋ fãw a. Sore Naaŋmɩn i, ɩ a fʋ faafʋ pàw a fʋ bàwr-maalbɛ mɛ̃ pɛn na pàw bɛ a. A fʋ nɩbɛ na sàw de fʋ a, bɛ lɔbr nʋ̃ɔ̀ cɛlsɩ a bɛ nʋ̃ɔ̀ pʋɔ.

Sɛb-sõw yielu 103:17

Ɛcɛ a Sore nɔ̃wfʋ be n be koro kãw za, ɛ́ na be be kʋralɛ a bɛlɩ dem na zɔrɛ ʋ a zie. Ɛ́ a ʋ mɩnʋ be a bɛ bibiir bibiir ƴãw,

Sɛb-sõw yielu 116:15

A mɩ́ ɩ n kpɩɛrʋ a Sore zie, ʋ na mɩ́ nyɛ̃ a nɩbɛ na sàw de ʋ bɛ kpiir a.

Sɛb-sõw yielu 132:9

A mɩnʋ, a pàw a fʋ bàwr-maalbɛ mɛ̃ kparʋ a, ɛ́ a fʋ nɩbɛ lɔbr nʋ̃ɔ̀ cɛlsɩ!

Sɛb-sõw yielu 139:6

Mãa zie a, a bãwfʋ ŋa tɔ fʋ na bãw mɛ̃ a, ʋ vɩɛl'a tɩ zuo, ɛ́ gãw bom za ɩ̃ na na tʋ̃ɔ́ bãw a.

Sɛb-sõw yielu 145:10

Sore e, a fʋ bʋ̃-íri za na danɛ fʋ na, ɛ́ a nɩbɛ na sàw de fʋ a puore fʋ yãanɩ.

Ɩzayi 55:9

A lɛ a vuo na sɛw be a salom nɩ a tẽw cará a, lɛ n'a ʋ mɩ̀ be a ɩ̃ ɩb nɩ a nyɩ ɩb cará, a ɩ̃ tɩɛrʋ nɩ a nyɩ tɩɛrʋ cará.

Zakari 14:5

Nyɩ na tu n a fʋɔla ŋa na be a tan cara pʋɔ a zɔ. Bʋ̃ʋ n'ʋ vɛ̃, a fʋɔla na cen na tɩ ta a Asal tẽw. Nyɩ na zɔ na mɛ̃ a nyɩ sãàkʋm-kore na tɩ zɔ, a Zuda tẽw nãà Ozɩasɩ daar, a tẽsɔw-kɔbr damnʋ bibir a. Lɛ n'a a Sore ɩ̃ Naaŋmɩn na ta, ʋlɛ nɩ a malkɩ mɩnɛ na tone a ʋ tome a.

Zã 15:13

Nɔ̃wfʋ bɛ lɛb ka be ɩ kpɛ̃ɛ zuo a fʋ bárɩ fʋ na nɔ̃w tɩ de a fʋ nyɔ-vʋʋrʋ tɩr a bɛ ƴãw a ɩ.

Ʋrɔm 10:3

Bʋ̃ʋ n'ʋ vɛ̃, bɛ bɛ tɩ bãw a lɛ a Naaŋmɩn na mɩ́ ɩ a nɩsaalbɛ bɛ lɩɛbɩ nɩ-mɩn a ʋ niŋé a ɩ, ɛ́ tɩ bɔbr kɛ́ bɛ tɛr bɛ tʋɔra tub a al ƴãw. À ŋá n'a bɛ bɛ tɩ sàw de a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a ɩ.

2 Korɛ̃tɩ 13:13

A Sore Yeezu Kɩrɩta maalʋ, a Naaŋmɩn nɔ̃wfʋ nɩ a lãw-taa na yi a Vʋʋrʋ Sõw zie a, a be a nyɩ za zie.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Galasi 3:13

A Kɩrɩta ya na ír tɩ bɛr a Naaŋmɩn wulu ŋmɛ-ƴãw pʋɔ, ʋl mɩŋa na lɩɛbɩ nɩ-ŋmɛ-ƴãwna a tɩ ƴãw a. Bʋ̃ʋ n'ʋ vɛ̃, a Sɛb-sõw yel'ɩ à ŋá: «Nɩr za na yawlɩ dàa zu a ɩ n nɩ-ŋmɛ-ƴãwna.»

Efɛɛzɩ 1:10

a tɩ faafʋ tome daar nãà wa ta a. Ʋ tɩ tɩɛrɛ na k'ʋʋ ɓã bom za na be a salom zu nɩ a tẽw zu a taa, ʋ ɓã a za taa na-kpɛ̃ɛ been pile na ɩ a Kɩrɩta a.

Efɛɛzɩ 1:15

Alɛ n'a so, a mãa mɩ̀ na wõ kɛ́ nyɩ sàw na de a Sore Yeezu ɛ́ nɔnɛ a kɩrɩta-biir za a,

Efɛɛzɩ 3:19

ɛ́ bãw a Kɩrɩta nɔ̃wfʋ na gãw bãwfʋ za a, lɛ n'a a Naaŋmɩn na paalɩ nyɩ ʋ za.

Kɔlɔsɩ 1:4

Tɩ wõ n a lɛ nyɩ na sàw de a Yeezu Kɩrɩta a, nɩ a nɔ̃wfʋ nyɩ na tɛr a kɩrɩta-biir za ƴãw a,

1 Timote 3:16

Yel-mɩŋa sɩza, bʋnʋ bɛ ka be ɩ, a tɩ naaŋmɩn-sàw-deb yel-sɔwla ɩ n kpɛ̃ɛ. A Kɩrɩta wa na mɛ̃ nɩsaal a, Vʋʋrʋ Sõw wul'a a sãá k'ʋʋ ɩ n nɩ-mɩŋa, malkɩ mɩnɛ nyɛ̃ ʋ na, bɛ hier'a yel a ʋ yele a nɩ-bʋʋr-yoru zie, yaga sàw na de a ʋ yele a tẽ-daa zu, bɛ zɛw ʋ na do n a saa-zu yúor-vɩɛlʋ-danʋ pʋɔ.

Yel-wula 3:21

Sob nɛ na na zɛb tʋ̃ɔ́ a, ɩ̃ na ɩ na ʋ lãw nɩ mɛ̃ zɩ̃ a ɩ̃ naalʋ-dà-kɔw zu, mɛ̃ a lɛ a mãa mɩ̀ na zɛb tʋ̃ɔ́ ɛ́ cen tɩ lãw nɩ a ɩ̃ Sãà zɩ̃ a ʋ naalʋ-dà-kɔw zu a.