Efɛɛzɩ 2:16 - A SƐB-SÕW

¹⁶ Ʋ tɩ bɔbr'a kɛ́ bɛlɛ nɩ a Naaŋmɩn lɛb kpɛ taa, a ʋ da-gara zu kũu ƴãw, ɛ́ k'aa bʋʋrɛ bɛ za ayi tʋ̃ɔ́ lãw taa ɩ ƴãw-been. A ʋl mɩŋa pʋɔ n'a ʋ kʋ a dɔ̀nʋ.

Efɛɛzɩ 2:16 ပူးပေါင်းရင်းမြစ်များ

Ʋrɔm 5:10

Tɩ tɩ ɩ n a Naaŋmɩn dɔ̃ dem, ʋʋ ɩ tɩɩm nɩ ʋl lɛb kpɛ taa a ʋ Bie kũu zũú. Ƴɛrɛŋa tɩɩm nɩ ʋl na lɛb kpɛ taa baarɩ a, bʋnʋ bɛ ka be ɩ, ʋ na faa tɩ nɩ zaalɛ a ʋ Bie nyɔ-vʋʋrʋ ƴãw.

Ʋrɔm 6:6

Tɩ bãwnɩ a yel ŋa vla: a nɩsaal ʋl tɩ na tɩ ɩ a koro za a, bɛ kpa ʋ nɩ a da-gara zu lãwnɩ a Kɩrɩta, k'aa yel-bier nɩr ʋl tɩ na ɩ a, ta cãà ɩ, ɛ́ tɩ mɩ̀ ta cãà ɩ a yel-bier gbãgbaar ɛ.

Ʋrɔm 8:3

A ʋlɩ bom nɛ, a Moyiir wulu na tɩ bɛ tʋɔr ɩrɛ a, a nɩsaal bãbàalʋ na tɩ ɩ ʋ bɛ tɛr fãw a ƴãw a, Naaŋmɩn ʋl ɩ ʋ na: a yel-bier-ír-bɛrʋ ƴãw a, ʋ dɔwr'ɩ a ʋ Bie a nɩsaal yel-bier ƴãw, ʋ na tõ a ʋl mɩŋa Bie ʋ wa ɩ nɩsaal, ŋmɛ̃ taa nɩ a nɩsaal na ɩ yel-bier sob a.

Ʋrɔm 8:7

Bʋ̃ʋ n'ʋ vɛ̃, bɛlɩ dem na tuur a nɩsaalʋ yel-bɔbrɩ pùor a, bɛ ɩ n Naaŋmɩn dɔ̃ dem, bɛ bɛ sàwr dier a Naaŋmɩn wulu ɛ, bɛ mɩ̀ kʋ̃ tʋ̃ɔ́ mɩ̀ ɛ.

1 Korɛ̃tɩ 10:17

Dipɛ̃-been na n'ʋ a, a tɩɩm nɩ-yaga bɛ ŋa za, tɩ ɩ n ƴã-gã-been, a tɩ za na mɩ́ lãw 'wɔb a dipɛ̃-been a ƴãw.

Galasi 2:20

Ɩ̃ vʋʋrɛ na, ɛcɛ mãa bɛ cãà n'ʋ vʋʋrɛ ɩ, Kɩrɩta n'ʋ vʋʋrɛ a ɩ̃ pʋɔ. Bʋ̃ʋ n'ʋ so, a ɩ̃ nɩsaal nyɔ-vʋʋrʋ a ƴɛrɛŋa a, ɩ̃ vʋʋrɛ ʋ nɩ a Naaŋmɩn Bie sàw-deb pʋɔ, ʋl na nɔ̃w mɛ̃ ɛ́ de ʋ tʋɔra tɩr a ɩ̃ ƴãw a.

Efɛɛzɩ 2:15

Ʋ sãw nɩ a Moyiir wulu nɩ a ʋ nɛ-ƴãwnɩ lãwnɩ a tub bɛr. À ŋá n'a ʋ ɩ, bɔbr k'ʋʋ ɓã a bʋʋrɛ bɛ ŋa ayi taa, ɛ́ ɩ bɛ lɩɛbɩ nɩ-paala been lãwnɩ ʋ.

Efɛɛzɩ 3:6

A Naaŋmɩn yel-sɔwla ʋl n'ɩ ŋa: a Yel-nʋ̃ɔ̀ zũú, a Yeezu Kɩrɩta pʋɔ, ʋ ɩ na a nɩ-bʋʋr-yoru mɩ̀ pʋɔ a gbã-dɩ-bʋ̃-been nɛ pʋɔ, bɛ pʋɔ a ƴã-gã-been nɛ pʋɔ, nɩ a nɔ-been nɛ ʋ na ƴãw a pʋɔ.

Efɛɛzɩ 4:4

Mɛ̃ a lɛ a nyɩ bʋɔlʋ na bʋɔlɩ nyɩ tɩɛr-been páwfʋ ƴãw a, lɛ n'a ƴã-gã-been yõ be, Vʋʋrʋ been yõ mɩ̀ be.

Kɔlɔsɩ 2:14

A san-sɛbɛ ʋl na tɩ fɛrɛ tɩ a lɛ a nɛ-ƴãwnɩ na tɩ dĩ tɩ a, a Naaŋmɩn sãw nɩ a ʋlɩ san-sɛbɛ bɛr: ʋ ɩ na ʋ bɔr, ʋ kpa ʋ nɩ a da-gara zu.

Kɔlɔsɩ 3:15

A Kɩrɩta ƴã-ɓaarʋ, ʋ dɩ naalʋ a nyɩ socie pʋɔ, a ƴã-ɓaarʋ ŋa pʋɔ n'a ʋ bʋɔlɩ nyɩ kɛ́ nyɩ wa lãw taa mɛ̃ ƴãw-been a. Nyɩ tɛr barka puoru tɩɛrʋ a nyɩ nyɔ-vʋʋrʋ pʋɔ.