Efɛɛzɩ 2:14 - A SƐB-SÕW

¹⁴ A Kɩrɩta mɩŋa n'ʋ ɩ a tɩ ƴã-ɓaarʋ. A Ɩsɩrayɛl nɩ a nɩ-bʋʋr-yoru na tɩ ɩ bʋʋrɛ ayi a, ʋ ɓã bɛ nɩ taa bɛ ɩ bʋʋr-been. A ʋ ƴã-gan pʋɔ, ʋ dáa nɩ a dɔ̀nʋ dacin ʋl na tɩ bʋ́r bɛ a lɔb.

Efɛɛzɩ 2:14 ပူးပေါင်းရင်းမြစ်များ

Mise 5:5

Bɛ na dɩ n naalʋ a Asiiri tẽw nɩ a Nemirodi tẽw zu nɩ a bɛ zɛbr bome. A nãà na na wa a na faa tɩ nɩ a Asiiri nɩbɛ nuru pʋɔ, bɛlɛ wa gãw a tɩ tʋr-bɔw, ɛ́ kpɛ paalɩ a tɩ tẽw a.»

Zakari 6:13

ʋlɛ sɩrɩ n'ʋ na lɛb mɛ ʋ. Ʋ na su n a nãà bʋ̃-suuri, ɛ́ zɩ̃ a naalʋ-dà-kɔw zu, dɩrɛ naalʋ a nɩbɛ zu. Bàwr-maalɛ na zɩ̃ na kɔwlɩ ʋ: ɛ́ bɛ za ayi na wone nɩ taa vla vla.

Luka 1:79

Ʋ tɩ pur'a, k'ʋʋ caalɩ a bɛlɩ dem na be a lige pʋɔ nɩ a kũu ɓaarʋ́ a, ɛ́ tɛr tɩ lo n a ƴã-ɓaarʋ sɔ́r.»

Luka 2:14

“Naaŋmɩn so danʋ a saa-zu za, ɛ́ a ʋ nɩ-nɔnɩ so ƴã-ɓaarʋ a tẽw zu ka”.»

Zã 10:16

Ɩ̃ cãà na tɛr píir a mɩnɛ na bɛ ɩ a zaw ŋa píir a, a fɛr'a k'ɩ̃ɩ mɩ̀ cɩ̃ɩnɛ a. A na bɛrɛ na wone a ɩ̃ ƴɛ̀rʋ, lɛ n'a zaw been yõ nɩ pi-cɩ̃ɩn-been yõ na be be.»

Zã 11:52

Ɛcɛ a bɛl tɛwr ƴãw kʋ̃ n'a ɩ, a mɩ̀ na ɩ n a Naaŋmɩn bibiir na yaarɩ a ziir za a ƴãw, k'ʋʋ lɛb ɓã bɛ taa bɛ ɩ been.

Zã 16:33

Ɩ̃ yel'ɩ à á ŋá kʋ̀ nyɩ kɛ́ nyɩ lãw nɩ mɛ̃ tɛr a ƴã-ɓaarʋ. Pʋ-sãwna pʋɔ n'a nyɩ be a tẽ-daa ŋa zu, ɛcɛ nyɩ ƴãw fãw, ɩ̃ zɛb'a tʋ̃ɔ́ a tẽ-daa.»

Nɩ-toni 10:28

Ʋ tɩ yel bɛ na: «Nyɩ bãwnɩ a na, a bɛ sɛw kɛ́ Zifʋ bʋʋrɛ nɩ nɩ-bʋʋr-yoru nɩr cere tʋɔr taa ɩ, a mɩ̀ bɛ sɛw kɛ́ Zifʋ bʋʋrɛ kpɛ nɩ-bʋʋr-yoru yir ɛ. Ɛcɛ daar tɛwr, Naaŋmɩn daar wul mɛ̃ na kɛ́ a bɛ tɛr sɔ́r k'ɩ̃ɩ yel kɛ́ nɩr ɩ n nɩ-ciira bɩɩ nɩ-dɛwr ɛ.

Nɩ-toni 10:36

Ʋ tɩr'ɩ a ʋ ƴɛ̀rʋ kʋ̀ a Ɩsɩrayɛl bibiir, kɛ́ a Yeezu Kɩrɩta wa yel a ƴã-ɓaarʋ Yel-nʋ̃ɔ̀ kʋ̀ bɛ: a Yeezu na ɩ a nɩsaalbɛ za Sore a.

Ʋrɔm 5:1

A na ɩ à ŋá tɩ lɩɛbɩ nɩ-mɩn a tɩ sàw-deb ƴãw a, ƴã-ɓaarʋ be n tɩɩm nɩ a Naaŋmɩn cara pʋɔ, a tɩ Sore Yeezu Kɩrɩta zũú.

Galasi 3:28

Nyɩ za lãw nɩ nɩ a Kɩrɩta ɩ nɩ-been. A na ɩ lɛ a, Zifʋ nɩ nɩ-bʋʋr-yoru yele bɛ cãà be ɩ, gbãgbaa nɩ nɩr na so ʋ tʋɔra a yele bɛ cãà be ɩ, dɛb nɩ pɔw yele bɛ cãà be ɩ.

Efɛɛzɩ 2:15

Ʋ sãw nɩ a Moyiir wulu nɩ a ʋ nɛ-ƴãwnɩ lãwnɩ a tub bɛr. À ŋá n'a ʋ ɩ, bɔbr k'ʋʋ ɓã a bʋʋrɛ bɛ ŋa ayi taa, ɛ́ ɩ bɛ lɩɛbɩ nɩ-paala been lãwnɩ ʋ.

Efɛɛzɩ 2:17

Ʋ wa na wa hieri yel a ƴã-ɓaarʋ kʋ̀ a nyɩɩm na tɩ zãá a, nɩ a bɛlɩ dem na tɩ pɩɛlɩ a.

Efɛɛzɩ 3:15

ʋl zie dɔwlʋ za na yi, a salom zu nɩ a tẽw zu ka a.

Efɛɛzɩ 4:16

A ʋl zũú n'a a ƴã-gan ɓã taa ɩ been ɛ́ kpɛmɛ, a kɔbɛ tuor-taa ziir na ɩ a ziir za nyɔw taa vla vla a ƴãw. A na ɩ à ŋá a, a ƴã-gã-ɓɛrmɛ za wa tone vla a, a nɩr ƴã-gan za mɩ́ bɩrɛ na ɛ́ tarɛ a nɔ̃wfʋ zũú.

Kɔlɔsɩ 1:20

k'aa ʋl zũú, Naaŋmɩn ɩ ʋlɛ nɩ bom za lɛb kpɛ taa, a tẽw zu nɩ a saa-zu. A ʋ Bie zɩ̃ɩ na cir a da-gara zu a ƴãw n'a, a Naaŋmɩn ɩ a ƴã-ɓaarʋ be.

Kɔlɔsɩ 2:20

A na ɩ lɛ nyɩ lãw nɩ a Kɩrɩta kpi yi zaa a tẽ-daa bʋ̃-balɛ pʋɔ a, bʋ̃ʋ ƴãw n'a nyɩ fɛrɛ nyɩ tʋɔra tuur a nɛ́ɛ á ŋá taabɛ, mɛ̃ a tẽ-daa n'ʋ cãà so a nyɩ nyɔ-vʋʋrʋ a:

Kɔlɔsɩ 3:11

A lɛ pʋɔ a, Zifʋ nɩ nɩr na bɛ ɩ Zifʋ a bɛ cãà be ɩ, nɩr na ŋmãa yʋ̀ɔr nɩ nɩr na bɛ ŋmãa a bɛ cãà be ɩ, nʋʋra nɩ nasa-zɔ̃w daar nɩr bɛ ka be ɩ, gbãgbaa nɩ nɩr na so ʋ tʋɔra a bɛ cãà be ɩ. Kɩrɩta yõ n'ʋ be be ɩ bom za a bɛ za pʋɔ.

Kɔlɔsɩ 3:15

A Kɩrɩta ƴã-ɓaarʋ, ʋ dɩ naalʋ a nyɩ socie pʋɔ, a ƴã-ɓaarʋ ŋa pʋɔ n'a ʋ bʋɔlɩ nyɩ kɛ́ nyɩ wa lãw taa mɛ̃ ƴãw-been a. Nyɩ tɛr barka puoru tɩɛrʋ a nyɩ nyɔ-vʋʋrʋ pʋɔ.

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Ebre 7:2

A Abraham tɩ kʋ̀ ʋ nɩ a bome ʋ na zɛb de a ziir pie sob. A dãw-niwn sob a, a Mɛlkɩsedɛkɩ yúor pɛr'ɩ: «Mɩnʋ nãà», ɛ́ lɛb waar, ʋ ɩ Salɛm nãà, a pɛr lɛ kɛ́: «Ƴã-ɓaarʋ nãà».