Efɛɛzɩ 2:13 - A SƐB-SÕW

¹³ Ɛcɛ ƴɛrɛŋa nyɩ na lãw nɩ a Yeezu Kɩrɩta a, nyɩɩm na tɩ be zi-zãána a, a ʋ zɩ̃ɩ ɩ na nyɩ taw pɩɛlɩ.

Efɛɛzɩ 2:13 ပူးပေါင်းရင်းမြစ်များ

Sɛb-sõw yielu 22:7

Mãa a, zãzul nɛ m, ɩ̃ bɛ cãà ɩ nɩr ɛ, a nɩbɛ tʋʋr mɛ̃ na, nɩbɛ za jewre mɛ̃ na.

Sɛb-sõw yielu 73:27

Bɛlɩ dem na zãá nɩ fʋ a, bɛ na kpi na, bɛlɩ dem na mɩ́ zawrɩ fʋ bɛr a, a bɛ yele mɩ́ baar'a.

Ɩzayi 11:10

A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Ɩzayi 49:12

Bɛlɛ n'ɩ bɛ ŋan! Bɛ yi n zi-zãána waar: bɛ mɩnɛ yi a saa-pɛrɩ́-gʋba-lowr, bɛ mɩnɛ yi a mʋ̃tɔ̃w-kpɛb-lowr, bɛ mɩnɛ yi a saa-pɛrɩ́-dʋrʋ-lowr, a Eziptɩ tẽw.»

Ɩzayi 57:19

ɩ̃ na ƴãw nɩ danʋ yielu a bɛ nɛ̃ɛ́.» A Sore yel a: «Ƴã-ɓaarʋ, ʋ be a sob nɛ na zãá a zie, ƴã-ɓaarʋ, ʋ be a sob nɛ na pɩɛlɩ a zie! Sɩza n'a, ɩ̃ na sanɩ nɩ a ɩ̃ nɩbɛ.»

Ɩzayi 60:4

Dʋɔ a zu a ziir za ɛ́ nyɛ̃: bɛ za ɓanɛ nɩ taa, bɛ waar'ɩ a fʋ zie. A fʋ bidɛbr yi n zi-zãána tarɛ, ɛ́ nɩbɛ pɛ̀w pɛ̀w a fʋ pɔwyaar.

Ɩzayi 60:9

A tẽ-zãánɩ dem tɩ́ɛrɛ mɛ̃ na. A Tarsisɩ tẽw gbor-bɛrɛ duwre nɩ a nidaa, k'aa lɛb tɛr a fʋ bibiir zi-zãána zãána wa n, lãwnɩ a bɛ salm-pla nɩ a bɛ salm-zɩɛ. Bɛ waar'a kɛ́ bɛ́ wa ír a ɩ̃ yúor-vɩɛlʋ-danʋ, a mãa, fʋ Naaŋmɩn, a Ɩsɩrayɛl Naaŋmɩn na ɩ sõw a, a mãa na ɩ kɛ̀ fʋ nyɛ̃ a ƴãwfʋ ŋa a.»

Ɩzayi 66:19

Ɩ̃ na ƴãw nɩ bãwfʋ a bɛ sɔgɔ. A bɛlɩ dem nãà wa cãà vʋʋrɛ a ɩ̃ ƴɛ̀rʋ-dɩb pùorí a, ɩ̃ na tõ bɛ nɩ a Tarsisɩ, a Putɩ nɩ a Ludɩ nɩbɛ zie, nɩbɛ na ɩ tã-tɛbrbɛ a. Ɩ̃ na tõ bɛ nɩ a Tubal, a Yavan nɩ a kʋ̃ɔ-kpɛ̃ɛ-sɔgɔ-tẽ-zãánɩ nɩbɛ zie, a be nɩr na bɛ dãw wõ bɛ por a ɩ̃ yúor a, a be nɩr na bɛ dãw nyɛ̃ a ɩ̃ yúor-vɩɛlʋ-danʋ a. Ɛ́ bɛ na tɩ ɩ na a nɩbɛ bɛ ŋa bãw a ɩ̃ yúor-vɩɛlʋ-danʋ.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zã 10:16

Ɩ̃ cãà na tɛr píir a mɩnɛ na bɛ ɩ a zaw ŋa píir a, a fɛr'a k'ɩ̃ɩ mɩ̀ cɩ̃ɩnɛ a. A na bɛrɛ na wone a ɩ̃ ƴɛ̀rʋ, lɛ n'a zaw been yõ nɩ pi-cɩ̃ɩn-been yõ na be be.»

Nɩ-toni 15:14

A Sɩmɩ̃ɔ lɛb'a manɩ kʋ̀ tɩ a ƴɛrɛŋa, a lɛ a pɛr-tib daar, a Naaŋmɩn na kaa a nɩ-bʋʋr-yoru zie, ɛ́ kaa ír nɩ-bʋʋrɛ a bɛ pʋɔ kɛ́ bɛ ɩ a ʋ nɩbɛ a.

Nɩ-toni 2:39

A nyɩɩm nɩ a nyɩ bibiir ƴãw n'a a Naaŋmɩn tɩ dãw ƴãw a nʋɔr ŋa, nɩ a bɛlɩ dem na zãá a ƴãw, a bɛlɩ dem za a Sore tɩ Naaŋmɩn na na bʋɔlɩ a.»

Nɩ-toni 22:21

Ɛcɛ ʋ tɩ yel mɛ̃ na: “Cere, zi-zãána nɩ-bʋʋr-yoru zie n'a mãa na tõ fʋ.”»

Nɩ-toni 26:18

Ɩ̃ tone fʋ na kɛ́ fʋ tɩ yuo bɛ a mimie, kɛ́ fʋ tɩ tɛr bɛ a lige pʋɔ yi wa n a cãà pʋɔ, kɛ́ fʋ tɩ taw bɛ a Sɩtaana naalʋ pʋɔ yi wa n a Naaŋmɩn zie, bɛ wa tʋ̃ɔ́ páw a bɛ yel-bebe suur, ɛ́ lãwnɩ a nɩ-son páw gbã-dɩ-bom, bɛlɛ wa sàw de a ɩ̃ yele a.”»

Ʋrɔm 8:1

A na ɩ à ŋá a, a ƴɛrɛŋa a, a bɛlɩ dem na lãw nɩ a Yeezu Kɩrɩta a, sãwna dɔwrʋ kãw za bɛ cãà be a bɛ ƴãw ɛ.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 12:13

Bʋ̃ʋ n'ʋ vɛ̃, Vʋʋrʋ been pʋɔ n'a tɩ za de a suob kɛ́ tɩ tʋ̃ɔ́ ɩ ƴã-gã-been, tɩmɛ saa ɩ Zifʋ bɩɩ bɛ ɩ a Zifʋ a, gbãgbaar bɩɩ nɩbɛ na so bɛ tʋɔra a. Ɛ́ a tɩ za a, a Vʋʋrʋ Sõw been yõ n'ʋ ɓãá a tɩ kʋ̃ɔ-nyúur.

1 Korɛ̃tɩ 6:11

À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.

2 Korɛ̃tɩ 5:17

Lɛ so nɩr wa lãw nɩ a Kɩrɩta a, ʋ lɩɛb'ɩ nɩ-paala. Bʋ̃-kʋra tɔl'a, ɛ́ bʋ̃-paala n'ʋ be be.

Galasi 3:28

Nyɩ za lãw nɩ nɩ a Kɩrɩta ɩ nɩ-been. A na ɩ lɛ a, Zifʋ nɩ nɩ-bʋʋr-yoru yele bɛ cãà be ɩ, gbãgbaa nɩ nɩr na so ʋ tʋɔra a yele bɛ cãà be ɩ, dɛb nɩ pɔw yele bɛ cãà be ɩ.

Efɛɛzɩ 1:1

A mãa Pol, Naaŋmɩn na nɔ̃w yã ƴãw ɩ̃ ɩ a Yeezu Kɩrɩta nɩ-tona a, mãa n'ʋ sɛbr a kɩrɩta-nɩbɛ na be a Efɛɛzɩ tẽw ɛ́ sàw de a Yeezu Kɩrɩta bɛ lɛbr pùor a.

Efɛɛzɩ 1:7

A Kɩrɩta zɩ̃ɩ n'a cir yaarɩ faa tɩ, ɛ̀ tɩ páw a tɩ sãwna suur. À ŋá n'a a Naaŋmɩn wul k'aa ʋ maalʋ bɛ tɛr manʋ ɛ.

Efɛɛzɩ 2:10

Naaŋmɩn mɩŋa n'ʋ maalɩ tɩ, ʋlɛ n'ʋ ír tɩ tɩ lãw nɩ a Yeezu Kɩrɩta, kɛ́ a tɩ ɩ-ɩrɩ tʋ̃ɔ́ vɩɛl, a ɩ-ɩrɩ á ŋá a Naaŋmɩn na cɔbrɩ bɛr a koro za kɛ́ tɩ wa ɩrɛ a.

Efɛɛzɩ 2:12

Nyɩ lɛb tɩɛrɩ bãwnɩ a k'aa lɛn daar nyɩ bɛ tɩ bãw a Kɩrɩta ɩ, bɛ bɛ tɩ sɔ́r nyɩ ƴãw a Ɩsɩrayɛl bʋʋrɛ pʋɔ ɩ, nyɩ tɩ ɩ n sãanbɛ a Wõ-taa ƴãw a Naaŋmɩn na ƴãw nʋɔr maal'ɩ a ʋ nɩ-bʋʋrɛ a, nyɩ bɛ tɩ ƴãw a nyɩ tɩɛrʋ bom kãw za ƴãw ɛ, ɛ́ bɛ tɛr Naaŋmɩn a tẽw zu ɛ.

Efɛɛzɩ 2:2

A lɛn daar a, nyɩ tɩ ɩrɛ nɩ a tẽ-daa ŋa zu ɩb, nyɩ tɩ tuur'ɩ a vʋʋrʋ ʋl na ɩ a salom zu kpɛnʋ bʋʋrɛ za tɩ na bɛ nyɛrɛ a nɩ-kpɛ̃ɛ a, a vʋʋrʋ ŋa na damnɛ a nɩ-gaarɩ ƴãwn bɛ ɩrɛ a nɩ-gaarɩ ɩb a.

Efɛɛzɩ 2:6

A Yeezu Kɩrɩta tɩ na lãw nɩ a, ʋl pʋɔ n'a a Naaŋmɩn ɩ tɩ lɛb yi a kũu pʋɔ lãw nɩ ʋ, ʋʋ ɩ tɩ lãwnɩ ʋ zɩ̃ a tẽ-vla pʋɔ.

Ebre 9:18

À ŋá n'a a wõ-ta-dãw-niwn sob tɔr za bɛ maalɩ ɛ́ zɩ̃ɩ bɛ cir ɛ.

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.