Efɛɛzɩ 2:11 - A SƐB-SÕW

¹¹ Nyɩ lɛb tɩɛrɩ a lɛ nyɩ na tɩ ŋmɛ̃ a koro za a. Nyɩ tɩ tɛr'ɩ a nɩ-bʋʋr-yoru bãwfʋ a nyɩ ƴã-gan pʋɔ. A bɛlɩ dem na tɩ yel kɛ́ bɛ ŋma n a bɛ yɛɛ a tɩ bʋɔlɛ nyɩ nɩ nɩbɛ bɛ na bɛ ŋma a yɛɛ a, bɛl na tɛr a ŋmãafʋ ŋa bãwfʋ a bɛ ƴã-gan pʋɔ a zũú.

Efɛɛzɩ 2:11 ပူးပေါင်းရင်းမြစ်များ

Ezekɩɛl 20:43

A be a, nyɩ na lɛb'a tɩɛrɩ a nyɩ koro za nyɔ-vʋʋrʋ nɩ a nyɩ ɩb za na ƴãw nyɩ a dɛwr pʋɔ a. A faa al za nyɩ na maalɩ a zũú, kɔkɔrʋ na lɛb'a ŋmɛlɩ ɩrɛ nyɩ.

Ezekɩɛl 36:31

A lɛn daar a, nyɩ na lɛb'a bãwnɩ a nyɩ cen-faa nɩ a nyɩ ɩ-ɩrɩ na bɛ tɩ vɩɛl a.

Matie 20:7

Bɛ tɩ sɔw ʋ na: “Nɩr za bɛ de tɩ a tome ɩ so lɛ.” Ʋ yel bɛ: “Nyɩ mɩ̀ cen a ɩ̃ divɛ̃ tɩɩr púo pʋɔ.”

Ʋrɔm 11:17

A Ɩsɩrayɛl nɩbɛ wa ɩ mɛ̃ olivʋ tɩ-kʋ́ɔra a Naaŋmɩn na cɛ a wuli a mɩnɛ bɛr a, ɛ́ a fʋ̃ʋ, na bɛ ɩ Zifʋ ɛ́ ɩ mɛ̃ mʋ̃ɔ pʋɔ olivʋ tɩɛ a, a Naaŋmɩn wa de fʋ ɓɛrɩ nɩ a olivʋ tɩ-kʋ́ɔra, fʋ pʋɔ a ʋ wuli na cɛ a pʋɔ páwr a tɩ-nyɩgɛ kʋ̃ɔ a,

Ʋrɔm 2:26

A nɩr na bɛ ŋmãa yʋ̀ɔr a, ʋlɛ wa sàwr a nɛ́ɛ a Naaŋmɩn wulu na ƴãw a, Naaŋmɩn kʋ̃ sàw kʋ̀ ʋ k'aa yʋ̀ɔr-bɛ-ŋmãafʋ ɩ n ŋmãafʋ bɩɩ?

Ʋrɔm 2:27

Ɛ́ a nɩr ʋl na bɛ ŋmãa a ƴã-gan ŋmãafʋ a, ɛ́ mɩ́ tu a Naaŋmɩn wulu tɩ ɓɩɩlɩ a, ʋ na wul'ɩ a fʋ sãwna, fʋ̃ʋ na bãw a Naaŋmɩn wulu na sɛb, ɛ́ ŋmãa a yʋ̀ɔr, ɛ́ zawrɛ a Wulu a.

1 Korɛ̃tɩ 12:2

Nyɩ bãwnɩ a na, a lɛn daar nyɩ na tɩ cãà ɩ a tɩbɛ nɩbɛ a, a bɛ mɩ́ tɩ tɛr nyɩ na kʋ̃ cen a tɩbɛ na bɛ tɛr nʋɔr ƴɛ̀rɛ a zie ɩ.

1 Korɛ̃tɩ 6:11

À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.

Galasi 2:15

A tɩɩm a, tɩ dɔw na ɩ Zifʋ mɩnɛ, tɩ bɛ yi nɩ-bʋʋr-yoru pʋɔ ɩ, bɛl na bɛ bãw a Naaŋmɩn wulu a.

Galasi 6:12

A bɛlɩ dem na bɔbr kɛ́ bɛ fɛr nyɩ nyɩ ŋma a nyɩ yɛɛ a, bɛ ɩ n nɩbɛ na bɔbr kɛ́ bɛ sãá nɩ-vɩɛlɩ a nɩsaalʋ yele pʋɔ a. A bɛ bʋ̃-bɔbra tɛwr'ɩ kɛ́ bɛ ta mɩ́ páw dɔwrʋ a Kɩrɩta da-gara ƴãw ɛ.

Efɛɛzɩ 2:2

A lɛn daar a, nyɩ tɩ ɩrɛ nɩ a tẽ-daa ŋa zu ɩb, nyɩ tɩ tuur'ɩ a vʋʋrʋ ʋl na ɩ a salom zu kpɛnʋ bʋʋrɛ za tɩ na bɛ nyɛrɛ a nɩ-kpɛ̃ɛ a, a vʋʋrʋ ŋa na damnɛ a nɩ-gaarɩ ƴãwn bɛ ɩrɛ a nɩ-gaarɩ ɩb a.

Efɛɛzɩ 5:8

Nyɩ tɩ dãw na be lige pʋɔ, ƴɛrɛŋa a, nyɩ lãw nɩ nɩ a Sore be cãà pʋɔ, nyɩ ɩrɛ mɛ̃ cãà pʋɔ bibiir a.

Wulu-ayi-sob 15:15

Nyɩ bãwnɩ a nyɩ na tɩ ɩ gbãgbaar a Eziptɩ, ɛ́ a Sore nyɩ Naaŋmɩn ɩ nyɩ yi so nyɩ tʋɔra a. Alɛ so ɩ̃ kʋ̀rɛ nyɩ a nɔ-ƴãwna ŋa a dɩ̃a.

Wulu-ayi-sob 16:12

Nyɩ bãwnɩ a nyɩ na tɩ ɩ gbãgbaar a Eziptɩ a, ɛ́ tuur a wulu á ŋá za.

Wulu-ayi-sob 5:15

Cãà bãwnɩ a fʋ na tɩ ɩ gbãgbaa a Eziptɩ, ɩ̃ɩ ɩ n a ɩ̃ fãw na bɛ tɛr tʋ̃ɔ́fʋ a fʋ yi a be a. Alɛ so a mãa Sore fʋ Naaŋmɩn ƴãw a pɩ̃ɛnʋ-bibir kʋ̀ b kɛ́ fʋ tuur.

Wulu-ayi-sob 8:2

Nyɩ lɛb tɩɛrɩ a sɔ́r ʋl za a Sore nyɩ Naaŋmɩn na ƴãw nyɩ cen a wɛja-kpalɛ pʋɔ, yome lɩz'a ayi a. Ʋ ɩ na nyɩ nyɛ̃ kpɩɛrʋ, k'ʋʋ ɩ nyɩ kaa, bãw ʋlɩ bom nɛ na be a nyɩ pʋ̃ɔmɩ a, ɛ́ mɩ̀ bãw, nyɩ na sàwr'ɩ a ʋ nɛ-ƴãwnɩ bɩɩ nyɩ kʋ̃ sàwr.

Wulu-ayi-sob 9:7

Nyɩ cãà bãwnɩ a, ɛ́ taa yiire nyɩ na ɩ a Sore nyɩ Naaŋmɩn nyɛ̃ suur a wɛja-kpalɛ pʋɔ a ɩ. A ʋlɩ bibir nyɩ na dɛ yi a Eziptɩ, ɛ́ gù nyɩ wa tɩ ta a ka a, nyɩ ɩ n bɛ-wõ-ɩb a Sore zie.

Filib 3:3

Tɩmɛ nɛbɛ sɩrɩ ŋma a yɛɛ, tɩɩm a Vʋʋrʋ Sõw na ƴãw tɩ puore a Naaŋmɩn a, tɩɩm na zɛwr tɩ tʋɔra tɩ na lãw nɩ a Yeezu Kɩrɩta, ɛ́ bɛ de a tɩ tɩɛrʋ ƴãw a tɩɩm tɛɛ za ƴãw a.

Kɔlɔsɩ 1:21

Ɛ́ nyɩɩm na tɩ dãw zãá nɩ a Naaŋmɩn a, nyɩɩm na tɩ dãw ɩ a ʋ dɔ̃ nɩbɛ a nyɩ ɩ-faar zũú a,

Kɔlɔsɩ 2:11

Nyɩ na lãw nɩ ʋ a, bɛ ŋmãa nyɩ nɩ a yʋ̀ɔr ŋmãafʋ kãw bʋʋrɛ nɩsaal nũu na bɛ pʋɔ a, ɛ́ a ŋmãafʋ ŋa ɩ nyɩ bɛ cãà ɩ yel-bier nɩbɛ a. À ŋá n'a a ŋmãafʋ na yi a Kɩrɩta zie a ŋmɛ̃.

Kɔlɔsɩ 2:13

Ɛ́ a nyɩɩm na tɩ dãw ɩ kũuni a nyɩ yel-bebe zũú nɩ bɛ na bɛ tɩ ŋma a nyɩ yɛɛ a zũú, a Naaŋmɩn kʋ̀ nyɩ nɩ nyɔ-vʋʋrʋ lãwnɩ a Kɩrɩta: ʋ dɩ n a tɩ yel-bebe za suur kʋ̀ tɩ.

Kɔlɔsɩ 3:11

A lɛ pʋɔ a, Zifʋ nɩ nɩr na bɛ ɩ Zifʋ a bɛ cãà be ɩ, nɩr na ŋmãa yʋ̀ɔr nɩ nɩr na bɛ ŋmãa a bɛ cãà be ɩ, nʋʋra nɩ nasa-zɔ̃w daar nɩr bɛ ka be ɩ, gbãgbaa nɩ nɩr na so ʋ tʋɔra a bɛ cãà be ɩ. Kɩrɩta yõ n'ʋ be be ɩ bom za a bɛ za pʋɔ.

1 Samɩɛl 17:26

A Daviir tɩ sowr'ɩ a nɩbɛ na tɩ àr pɩɛl'ʋ a: «A sob nɛ na na zɛb tʋ̃ɔ́ a Filisɩtɛ̃ dɔɔ ŋa, ɩ a Ɩsɩrayɛl vĩ baarɩ a, bʋ̃ʋ n'ʋ ʋ na páw? Ãa nɩ̃ɛ n'ɩ a Filisɩtɛ̃ yɔ-ɓil sob ŋa na sàw tʋʋr a Naaŋmɩn na vʋʋrɛ a zɛbr-nɩbɛ a?»

1 Samɩɛl 17:36

A fʋ tõ-tõ-bie kʋ n gben ɛ́ kʋ ursɩrɩ. A Filisɩtɛ̃, yɔ-ɓil sob ŋa, na ɩ na mɛ̃ a dʋn á ŋá kãw a, bʋ̃ʋ n'ʋ vɛ̃, ʋ tʋ n a Naaŋmɩn na vʋʋrɛ a zɛbr-nɩbɛ.