Efɛɛzɩ 1:5 - A SƐB-SÕW

⁵ Ʋ tɩ de nɩ niwn bãwnɩ tɩ, k'ʋʋ wa de tɩ tɩ ɩ a ʋ bibiir a Yeezu Kɩrɩta ƴãw. À ŋá n'a ʋ tɩ nɔnɛ ɛ́ bɔbr.

Efɛɛzɩ 1:5 ပူးပေါင်းရင်းမြစ်များ

Zeremi 3:19

Ɩ̃ tɩ tɩɛr'ɩ ɩ̃ pʋɔ à ŋá: «Ɩ̃ tɩ bɔbr'a k'ɩ̃ɩ nãà sɔr fʋ ƴãw a ɩ̃ bidɛbr pʋɔ, ɛ́ kʋ̀ b tẽw na vɩɛl vɩɛl a, a tẽ-daa zi-vla za zie!» Ɩ̃ tɩ tɩɛr'ɩ ɩ̃ pʋɔ: Fʋ na bʋɔlɛ mɛ̃ na: “Ɩ̃ sãà”, ɛ́ fʋ kʋ̃ lɛb gùr pùor cɔw mɛ̃ ɩ.

Zeremi 3:4

Ɛ́ ƴɛrɛŋa fʋ sʋ̃ɔmɩ sàw kone cɔwr mɛ̃ yere: «Ɩ̃ sãà, fʋ̃ʋ ɩ̃ pɔ̀lʋ daarɩ́ bá a!» Fʋ sowre nɩ fʋ tʋɔra:

Matie 1:25

Ɛcɛ ʋ bɛ tɩ bãw ʋ ɛ, ɛ́ gù ʋ tɩ dɔw a dɛble ʋ por a yúor kɛ́ Yeezu.

Matie 11:26

Ɩ̃ Sãà a, à ŋá n'a fʋ nɔnɛ k'aa ɩ.»

Luka 10:21

A pɛr nɛ pʋɔ, a Vʋʋrʋ Sõw tɩ ɩ na nʋ̃ɔ̀ ɩrɛ a Yeezu yaga za ʋ yel: «Ɩ̃ danɛ fʋ na, ɩ̃ Sãà a, salom nɩ tẽw za Sore e, fʋ na sɔwlɩ a yele á ŋá a bɛlɩ dem na tɛr yã a zie, nɩ a bɛlɩ dem na zànɩ bãw a zie, ɛ́ wul a a bibi-pʋrmɛ a. Ʋ̃ʋ, ɩ̃ Sãà a, fʋ na nɔnɛ a n'a fʋ ɩ à à ŋá.»

Luka 11:32

A ƴɛ̀rʋ-maalʋ bibir a, a Nɩnɩɩvʋ tẽw dem na ìr a àr tori a dɩ̃a nɩbɛ bɛ ŋa, ɛ́ yel a bɛ sãwna. Bʋ̃ʋ n'ʋ vɛ̃, a Nɩnɩɩvʋ tẽw dem na tɩ wõ a Zonasɩ kanʋ a, bɛ lɩɛb'ɩ a bɛ ɩb. Ɛcɛ nɩr be n a ka zuo a Zonasɩ.»

Luka 12:32

«Nyɩ ta zɔrɛ dɛ̃bɩ̃ɛ ɩ, nyɩɩm na ɩ mɛ̃ zaw-pʋrɩ dʋn a. A pɛlɩ nɩ a nyɩ Sãà pʋɔ ʋ kʋ̀ nyɩ a tẽ-vla Naalʋ.

Zã 1:12

Ɛcɛ, a bɛlɩ dem za na sàw de ʋ a, ɛ́ de a ʋ yele a, ʋ kʋ̀ bɛ nɩ fãw kɛ́ bɛ lɩɛbɩ Naaŋmɩn bibiir,

Zã 11:52

Ɛcɛ a bɛl tɛwr ƴãw kʋ̃ n'a ɩ, a mɩ̀ na ɩ n a Naaŋmɩn bibiir na yaarɩ a ziir za a ƴãw, k'ʋʋ lɛb ɓã bɛ taa bɛ ɩ been.

Zã 20:17

A Yeezu yel ʋ: «Ta nyɔw mɛ̃ tɛr ɛ! Bʋ̃ʋ n'ʋ vɛ̃, ɩ̃ bɛ do a ɩ̃ Sãà zie sɛr ɛ. Fʋ̃ʋ a, cen tɩ páw a ɩ̃ yɛbr yel bɛ k'ɩ̃ɩ dúor'ɩ a ɩ̃ Sãà mɩ̀ na ɩ a nyɩ Sãà a zie, a ɩ̃ Naaŋmɩn, mɩ̀ na ɩ a nyɩ Naaŋmɩn a zie.»

Nɩ-toni 13:48

A nɩ-bʋʋr-yoru nɩbɛ na tɩ wõ a ƴɛ̀r-bie á ŋá a, nʋ̃ɔ̀ tɩ ɩrɛ bɛ na, bɛ danɛ a Sore ƴɛ̀rʋ. Ɛ́ a bɛlɩ dem za, a Naaŋmɩn na tɩ bãwnɩ a nyɔ-vʋʋrʋ na be kʋralɛ a, tɩ sàw na de a Naaŋmɩn.

Ʋrɔm 8:23

Ɛcɛ al tɛwr bɛ n'a ɩ: a tɩɩm tɛɛ za na páw a Naaŋmɩn maal-dãw na ɩ a Vʋʋrʋ Sõw a, tɩ mɩ̀ waalɛ na kone gùre nɩ k'aa Naaŋmɩn wa de tɩ, tɩ lɩɛbɩ a ʋ bibiir, ʋʋ faa tɩ tɩ ɓɩɩlɩ.

1 Korɛ̃tɩ 1:1

A mãa Pol, a Naaŋmɩn na nɔ̃w yã bʋɔlɩ k'ɩ̃ɩ wa ɩ a Kɩrɩta Yeezu nɩ-tona a, mãa n'ʋ sɛbr nyɩ, mãa nɩ a tɩ yɛb Sɔsɩtɛn.

1 Korɛ̃tɩ 1:21

Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.

2 Korɛ̃tɩ 6:18

Ɩ̃ na ɩ n sãà a nyɩ zie, ɛ́ nyɩ ɩ bidɛbr nɩ pɔwyaar a ɩ̃ zie, a Sore kpɛnʋ-za-sob'ʋ yel.»

Galasi 3:26

Bʋ̃ʋ n'ʋ vɛ̃, nyɩ za ɩ n Naaŋmɩn bibiir, a naaŋmɩn-sàw-deb na ɩ nyɩ lãw nɩ a Yeezu Kɩrɩta a ƴãw.

Efɛɛzɩ 1:11

Tɩ na lãw nɩ a Kɩrɩta a, tɩ páw nɩ a bom ʋl a Naaŋmɩn na ƴãw nʋɔr k'ʋʋ na kʋ̀ tɩ na a: bʋ̃ʋ n'ʋ vɛ̃, ʋ tɩ de nɩ niwn kaa ír tɩ a tu a lɛ ʋ na cɔbrɩ a yele bin a. Ɛ́ a Naaŋmɩn mɩ́ maal'ɩ a yele za mɛ̃ a lɛ ʋ na yel ɛ́ bɔbr a.

Efɛɛzɩ 1:9

ʋ ɩ na tɩ bãw a ʋ yel-sɔwla za ʋ na tɩ dãw nɔnɛ cɔbrɩ, k'aa Kɩrɩta wa tu

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Kɔlɔsɩ 1:19

Bʋ̃ʋ n'ʋ vɛ̃, a Naaŋmɩn nɔ̃w na paalɩ ʋ nɩ a naaŋmɩnʋ za,

2 Tesalonikɩ 1:11

Alɛ so tɩ puore kʋ̀rɛ nyɩ kʋralɛ, k'aa tɩ Naaŋmɩn ɩ nyɩ sɛw taa nɩ a nyɔ-vʋʋrʋ ʋl ƴãw ʋ na bʋɔlɩ nyɩ a, k'ʋʋ sõwne nyɩ nɩ a ʋ fãw, nyɩ mɩ́ maalɩ a vla za nyɩ na bɔbr a, ʋʋ ɩ a nyɩ sàw-deb tone vla vla za.

Ebre 2:4

A Naaŋmɩn mɩ̀ tu n a bɛ dãsɩɛ pùor maalɩ yele na ɩ bãwfʋ sãá a, nɩ yel-bãw-guuri nɩ nɔ-ɓãa-yel-bʋʋrɛ za, ɛ́ mɩ̀ cãà lɛb tu a pùor nɩ a Vʋʋrʋ Sõw maalʋ ʋ na põ mɛ̃ a lɛ ʋ na bɔbr a.

1 Zã 3:1

Nyɩ nyɛ̃ a Naaŋmɩn Sãà na nɔ̃w tɩ sɛw, tɩ ƴãw bɛ bʋɔlɛ tɩ Naaŋmɩn bibiir a! Ɛ́ tɩ ɩ ʋ na! A lɛ n'a so a tẽ-daa bɛ bãw tɩ ɛ, ʋ na bɛ bãw a Naaŋmɩn a ƴãw.

Yel-wula 21:7

A bom ŋa n'ʋ a sob nɛ na zɛb tʋ̃ɔ́ a na páw, ɩ̃ɩ na ɩ n a ʋ Naaŋmɩn, ʋʋ ɩ a ɩ̃ bie.