Efɛɛzɩ 1:23 - A SƐB-SÕW

²³ A Lãw-yir'ɩ a Kɩrɩta ƴã-gan ʋ na paalɩ ʋ za a, ɛ́ a Naaŋmɩn mɩ̀ paalɩ a Kɩrɩta ʋ za.

Efɛɛzɩ 1:23 ပူးပေါင်းရင်းမြစ်များ

Zã 1:16

Tɩ za páw nɩ bom a maalʋ za naalʋ ʋ na kpɛ a pʋɔ, tɩ páw nɩ maalʋ suwli taa.

Ʋrɔm 13:5

Alɛ n'a so a fɛr k'aa nɩ-bɛrɛ nʋɔr-sàwfʋ be be, ɛ́ a ta ɩ a Naaŋmɩn suur dɛ̃bɩ̃ɛ tɛwr ƴãw ɛ, ɛ́ mɩ̀ ɩ a vla a socir na wule a ƴãw.

1 Korɛ̃tɩ 12:6

A yele na maalɛ a ɩ n tɛɛtɛɛ, ɛcɛ Naaŋmɩn-been n'ʋ maalɛ a za a nɩbɛ za zie.

1 Korɛ̃tɩ 15:28

Ɛ́ a Bie wa so bom za a, a Naaŋmɩn na ƴãw ʋ so bom za a, mɩ̀ na so ʋ na, lɛ n'a a Naaŋmɩn na dɩrɛ naalʋ bom za zu.

Efɛɛzɩ 2:16

Ʋ tɩ bɔbr'a kɛ́ bɛlɛ nɩ a Naaŋmɩn lɛb kpɛ taa, a ʋ da-gara zu kũu ƴãw, ɛ́ k'aa bʋʋrɛ bɛ za ayi tʋ̃ɔ́ lãw taa ɩ ƴãw-been. A ʋl mɩŋa pʋɔ n'a ʋ kʋ a dɔ̀nʋ.

Efɛɛzɩ 3:10

À ŋá n'a a ƴɛrɛŋa, a Lãw-yir ƴãw, a salom zu naalʋ-dɩrbɛ nɩ fãw dem bãw a Naaŋmɩn yã-bãwfʋ pɔ́lɛ́ za.

Efɛɛzɩ 3:19

ɛ́ bãw a Kɩrɩta nɔ̃wfʋ na gãw bãwfʋ za a, lɛ n'a a Naaŋmɩn na paalɩ nyɩ ʋ za.

Efɛɛzɩ 4:10

A sob nɛ na siw a, mɩ̀ cãà n'ɩ a sob nɛ na do tɩ gãw bom za a saa-zu, k'ʋʋ tʋ̃ɔ́ paalɩ bom za a.

Efɛɛzɩ 4:12

k'ʋʋ tʋ̃ɔ́ cɔbrɩ a kɩrɩta-biir vla a bɛ tome ƴãw: a Kɩrɩta ƴã-gan mɛb ƴãw,

Efɛɛzɩ 4:13

gùre nɩ a lɛn daar tɩ za na na lãw taa ɩ been a naaŋmɩn-sàwfʋ pʋɔ ɛ́ bãw a Naaŋmɩn Bie a, a lɛn daar tɩ na na ɩ nɩ-bɛrɛ, ta mɛ̃ a Kɩrɩta na ta a ʋ tab za a.

Efɛɛzɩ 4:4

Mɛ̃ a lɛ a nyɩ bʋɔlʋ na bʋɔlɩ nyɩ tɩɛr-been páwfʋ ƴãw a, lɛ n'a ƴã-gã-been yõ be, Vʋʋrʋ been yõ mɩ̀ be.

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

Kɔlɔsɩ 2:19

Bɛ bɛ lãw nɩ a Kɩrɩta na ɩ a ƴã-gan zu a ɩ. Ɛcɛ a Kɩrɩta zũú n'a a ƴã-gan za páwr a dɩb, ɛ́ a kɔbɛ tuor-taa ziir nɩ a jiile ɩ ʋ nyɔw taa ɛ́ kɛrɛ mɛ̃ a lɛ a Naaŋmɩn na bɔbr a.

Kɔlɔsɩ 3:11

A lɛ pʋɔ a, Zifʋ nɩ nɩr na bɛ ɩ Zifʋ a bɛ cãà be ɩ, nɩr na ŋmãa yʋ̀ɔr nɩ nɩr na bɛ ŋmãa a bɛ cãà be ɩ, nʋʋra nɩ nasa-zɔ̃w daar nɩr bɛ ka be ɩ, gbãgbaa nɩ nɩr na so ʋ tʋɔra a bɛ cãà be ɩ. Kɩrɩta yõ n'ʋ be be ɩ bom za a bɛ za pʋɔ.

Kɔlɔsɩ 3:15

A Kɩrɩta ƴã-ɓaarʋ, ʋ dɩ naalʋ a nyɩ socie pʋɔ, a ƴã-ɓaarʋ ŋa pʋɔ n'a ʋ bʋɔlɩ nyɩ kɛ́ nyɩ wa lãw taa mɛ̃ ƴãw-been a. Nyɩ tɛr barka puoru tɩɛrʋ a nyɩ nyɔ-vʋʋrʋ pʋɔ.