Ebre 9:27 - A SƐB-SÕW

²⁷ Mɛ̃ a lɛ a na tuur k'aa nɩsaalbɛ mɩ́ kpi gb'a been yõ, ɛ́ a pùorí Naaŋmɩn maal'ɩ bɛ a ƴɛ̀rʋ a,

Ebre 9:27 ပူးပေါင်းရင်းမြစ်များ

Yele-za-pɛr-tib 3:19

A fʋ niwn na mɩ́ ɩ n hanʋ mɛb, ɛ́ fʋ páw a fʋ nʋɔr-dɩb, ɛ́ gù fʋ wa tɩ lɛb kpɛ a tẽsɔw pʋɔ, ʋl pʋɔ na n'a fʋ yi a! Bʋ̃ʋ n'ʋ vɛ̃, fʋ ɩ n úuru, ɛ́ na lɛb lɩɛbɩ a úuru.»

2 Samɩɛl 14:14

Sɩza n'a, tɩ za na kpi na ɩ mɛ̃ kʋ̃ɔ na cir tẽw bɛ kʋ̃ tʋ̃ɔ́ wob a. Ɛcɛ a Abɩsalɔm ƴãw a, Naaŋmɩn tɛr'ɩ tɩɛrʋ na bɛ ŋmɛ̃ taa nɩ a fʋ dem a. A sob nɛ bɛ na tɩ diw ʋ zãá a bɛ sɛw k'ʋʋ vʋʋrɛ zãá nɩ a Naaŋmɩn ɛ.

A Zɔb sɛbɛ 14:5

Bʋ̃ʋ n'ʋ vɛ̃, a nɩsaal nyɔ-vʋʋrʋ tɛr'ɩ baarʋ daar, fʋ sɔr'ɩ a ʋ cuwr nʋɔr bin, fʋ ƴãw nɩ tʋr-bɔw ʋ na kʋ̃ tʋ̃ɔ́ gãw a.

A Zɔb sɛbɛ 19:25

Ɛcɛ mãa a, ɩ̃ bãw na k'aa ɩ̃ faarɛ vʋʋrɛ na, ɛ́ a baarʋ daar a, ʋ na ìr'a àr a tẽw zu.

A Zɔb sɛbɛ 30:23

Ɩ̃ bãwnɩ a na, kũu zie n'a fʋ cere nɩ mɛ̃, a bʋ̃-vʋʋrɩ za tuor-taa zie.

Sɛb-sõw yielu 89:48

Bãwnɩ a: a ɩ̃ nyɔ-vʋʋrʋ ɩ n ŋmãalɛ, fʋ ír'ɩ a nɩsaalbɛ k'aa bɛ kũu dɛ mɩ́ ɩ a za n'a bɩɩ?

Ekilezɩasɩ 11:9

Pɔlbile e, wone a nʋ̃ɔ̀ a lɛn daar fʋ na cãà ɩ pɔlbile a, cɩlɛ a ʋlɩ daar nɛ. Ɩrɛ lɛ za fʋ na bɔbr nɩ lɛ za na pɛlɩ a fʋ pʋɔ a. Ɛcɛ bãwnɩ a a Naaŋmɩn na na dɩ n fʋ ƴɛ̀rʋ a fʋ ɩ-ɩrɩ za ƴãw a.

Ekilezɩasɩ 12:14

Bʋ̃ʋ n'ʋ vɛ̃, Naaŋmɩn na sowr'ɩ a tɩ ɩ-ɩrɩ za pɛr, a na vɩɛl bɩɩ kpɛ faa, alɛ saa sɔwlɩ a.

Ekilezɩasɩ 12:7

A nɩsaal ƴã-gan mɩ́ lɛb'a kpɛ a tẽw, a be ʋ na yi a, ɛ́ a vʋʋrʋ lɛb cen a Naaŋmɩn na n'ʋ tɩr ʋ a zie.

Ekilezɩasɩ 3:2

Dɔwfʋ daar be n be, kũu daar be be. Sɛlʋ daar be n be, a bʋ̃-sɛlɩ vɔb daar be be.

Ekilezɩasɩ 3:20

Nyɔ-vʋʋrʋ za baarʋ mɩ́ ɩ n been, bom za yi n tẽsɔw pʋɔ, ɛ́ na lɛb kpɛ a tẽsɔw pʋɔ.

Ekilezɩasɩ 9:10

Alɩ bome nɛ za fʋ na na tʋ̃ɔ́ ɩ n a fʋ yõ fãw a, ɩ a. Bʋ̃ʋ n'ʋ vɛ̃, a kpɩmɛ tẽw fʋ na na cen a, nɩr kʋ̃ tʋ̃ɔ́ ɩ bom za ɩ, nɩr kʋ̃ tʋ̃ɔ́ tɩɛrɩ ɛ, bãwfʋ nɩ yã-bãwfʋ bɛ ka be ɩ.

Ekilezɩasɩ 9:5

Sɩza, a nɩ-vʋʋrɩ bãwnɩ a na kɛ́ bɛ na kpi na, ɛcɛ a kũuni bɛ bãw bom za ɩ. Bɛl a, bɛ bɛ lɛb gùre bom za ɩ, bʋ̃ʋ n'ʋ vɛ̃, bɛ yiiri bɛ na bɛr.

Luka 20:32

Tɛr lɛɛɛ a pɔw mɩ̀ pãa wa bɩɛrɩ kpi.

Nɩ-toni 17:31

Sɩza n'a, ʋ ƴãw nɩ bibir ʋ na na maal'ɩ a tẽ-daa ƴɛ̀rʋ na tu yel-mɩŋa a. Ʋ kaa na ír nɩr a ƴɛ̀rʋ-maalʋ ŋa ƴãw. À ŋá n'a ʋ tɩ ɩ a sãá a nɩbɛ za zie, a lɛn daar ʋ na tɩ ɩ a nɩr ŋa lɛb yi a kũuni pʋɔ a.»

Ʋrɔm 2:5

A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,

Ʋrɔm 5:12

Nɩ-been yõ, a Adama, ʋlɛ n'ʋ so a yel-bier wa a tẽ-daa zu, ɛ́ a yel-bier'ʋ wa n a kũu. Ɛ́ à à ŋá n'a a kũu lʋ̃ɔ a nɩsaalbɛ za, bɛ za na maalɩ a yel-bier a ƴãw.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

2 Timote 4:1

Ɩ̃ zɛlɛ na kpaalɛ nɩ fʋ, a Naaŋmɩn niŋé nɩ a Kɩrɩta Yeezu niŋé, ʋl na na lɛb wa wa maal'ɩ a nɩ-vʋʋrɩ nɩ a nɩ-kũuni ƴɛ̀rʋ a, a ʋ lɛb-waa nɩ a ʋ naalʋ zũú,

Ebre 10:27

A ƴɛ̀rʋ-maalʋ tɛwr'a cɛ tɩ na pi pee gùre nɩ, nɩ a vũu-tʋlʋ kpãkpã na na dɩ a zu-kpɛn dem a.

Ebre 6:2

a wulu na càarɩ a suob a, nɩ a nuru ír-dɔwlʋ yele, a kũuni-pʋɔ-lɛb-yibu nɩ a ƴɛ̀r-pɛ-baara maalʋ.

1 Zã 4:17

A nɔ̃wfʋ wa vɩɛl ʋ za a tɩ zie a, tɩ na bɛr'ɩ tɩɛrʋ a ƴɛ̀rʋ maalʋ bibir, bʋ̃ʋ n'ʋ vɛ̃, a tɩ nyɔ-vʋʋrʋ a tẽw zu ka ŋmɛ̃ na taa nɩ a Yeezu Kɩrɩta dem.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:15

k'ʋʋ wa maal'ɩ a nɩbɛ za ƴɛ̀rʋ. Ʋ na wul'ɩ a yel-bebe dem za a bɛ ɩ-faar bɛ na ɩ càar'ɩ ʋ a bɛ bɛ-wonu zũú a, nɩ a zʋmɛ ƴɛ̀r-bie a yel-bebe dem bɛ ŋa na bɛ tɛr ƴãwfʋ a na ƴɛ̀r càar'ɩ ʋ a.»

Yel-wula 20:11

Ɩ̃ lɛb tɩ nyɛ̃ nɩ naalʋ-dà-kɔw-pla kpɛ̃ɛ nɩ a sob nɛ na zɩ̃ a ʋ zu a. A tẽsɔw nɩ a salom tɩ bɔr'ɩ a ʋ niŋé, bɛ bɛ lɛb nyɛ̃ a ɩ.