Ebre 9:26 - A SƐB-SÕW

²⁶ Alɛ bɛ ɩ lɛ, a nãá fɛr'a ʋ wõ tuo gb'aa yaga, a lɛn daar a tẽ-daa na tĩ kɛ́ be a. Ɛcɛ, gb'a been daadaa n'a, a daar na wa ta a, ʋ sãá a ƴɛrɛŋa, k'ʋʋ de ʋ mɩŋa maal'ɩ bàwr ír a yel-bier bɛr.

Ebre 9:26 ပူးပေါင်းရင်းမြစ်များ

2 Samɩɛl 12:13

Lɛ n'a a Daviir tɩ yel a Natan: «Ɩ̃ maal'ɩ yel-bier sãw a Sore.» A Natan tɩ sɔw nɩ a Daviir à ŋá: «A Sore mɩ̀ dɩ n a fʋ yel-bier suur kʋ b, fʋ kʋ̃ kpi ɛ.

2 Samɩɛl 24:10

A Daviir na tɩ sɔ́r a nɩbɛ à ŋá baar'a, pʋ̀lá tɩ vʋ̃ɔ ʋ na. Ʋ tɩ yel'ɩ a Sore: «Yel-bier-kpɛ̃ɛ n'ʋ ɩ̃ maalɩ. Ɛcɛ ƴɛrɛŋa a, Sore e, dɩ a ɩ̃ sãwna suur kʋ̀ m, bʋ̃ʋ n'ʋ vɛ̃, ɩ̃ sɩrɩ na tõ dãbol-tome.»

A Zɔb sɛbɛ 7:21

Fʋ kʋ̃ tʋ̃ɔ́ de a ɩ̃ nɩ-gaara ɩb bɛr a baar ɛ? Fʋ kʋ̃ tʋ̃ɔ́ dɩ a ɩ̃ sãwna suur kʋ̀ m ɛ? Mãa n'ɩ ŋan gã uuru pʋɔ, fʋ̃ʋ wa bɔblɛ bɔbr mɛ̃ a lɛn daar a, ɩ̃ kʋ̃ cãà ɩ.

Sɛb-sõw yielu 103:12

Mɛ̃ a lɛ a mʋ̃tɔ̃w puru zie na zãá nɩ a kpɛb zie a, lɛ n'a ʋ mɩ́ ɩ a tɩ sãwna a zãá nɩ tɩ.

Ɩzayi 2:2

Daar waar'a na ta, a Ŋmɩn-yir-kpɛ̃ɛ tãw na wɩɛr tɩ àr a tan nyʋɔrɩ́, ɛ́ kɛrɩ do gãw a tãli. Lɛ n'a a nɩ-bʋʋrɛ za na darɛ taa cere a ʋ zu.

Mise 4:1

«Daar waar'a na ta, a Ŋmɩn-yir-kpɛ̃ɛ tãw na wɩɛr tɩ àr a tan nyʋɔrɩ́, ɛ́ kɛrɩ do gãw a tãli. Lɛ n'a a nɩ-bʋʋrɛ na darɛ taa cere a ʋ zu.

Matie 13:39

a dɔ̃ sob na bʋ̀r a narsɩ a n'ɩ a Gɛgɛra, a bʋ̃-dieri deb n'ɩ a tẽw baarʋ daar, ɛ́ a bʋ̃-dieri dierbɛ n'ɩ a malkɩ mɩnɛ.

Matie 13:40

Mɛ̃ a lɛ bɛ na mɩ́ wob a narsɩ ɓã taa ƴãw vũumí a dɩ a, lɛ n'a a na ŋmɛ̃ a tẽw baarʋ daar:

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Zã 1:29

A dãw-bio daarɩ́, a Zã tɩ nyɛ̃ nɩ a Yeezu na waar a ʋ zie a, ɛ́ tɩ yel: «Nyɩ nyɛ̃ a Naaŋmɩn pele na íre a tẽ-daa yel-bier bɛrɛ a.

Zã 17:24

Ɩ̃ Sãà a, a bɛlɩ dem fʋ na kʋ̀ m a, ɩ̃ bɔbr'a kɛ́ a be ɩ̃ na be a, bɛ mɩ̀ be a be lãwnɩ mɛ̃, ɛ́ nyɛ̃ a ɩ̃ yúor-vɩɛlʋ-danʋ, a yúor-vɩɛlʋ-danʋ ʋl fʋ na kʋ̀ m a, a fʋ na tɩ nɔ̃w mɛ̃ ɛ́ bɛ ír a tẽ-daa sɛr a ƴãw.

1 Korɛ̃tɩ 10:11

A yele á ŋá tɩ ta bɛ na k'aa ɩ wulu, ɛ́ bɛ sɛb'ɩ a yele á ŋá a tɩɩm wulu ƴãw, tɩɩm na be a yele baarʋ vuo pʋɔ a.

Galasi 4:1

A na ɩ à ŋá a, a ɩ̃ tɩɛrʋ n'ɩ ŋa: lɛn daar za a gbã-dɩrɛ na cãà ɩ bibile a, ʋlɛ nɩ a gbãgbaa za ɩ n been, ʋ na saa so bom za a.

Efɛɛzɩ 1:10

a tɩ faafʋ tome daar nãà wa ta a. Ʋ tɩ tɩɛrɛ na k'ʋʋ ɓã bom za na be a salom zu nɩ a tẽw zu a taa, ʋ ɓã a za taa na-kpɛ̃ɛ been pile na ɩ a Kɩrɩta a.

Efɛɛzɩ 5:2

Nyɩ tɛr nɔ̃wfʋ ɩ-ɩrɩ mɛ̃ a Kɩrɩta a, ʋ nɔ̃w tɩ na ɛ́ de ʋ tʋɔra tɩr a tɩ ƴãw, ɩ de-kʋ̀b-bom nɩ bàwr-maal-bom na nyuur nʋ̃ɔ̀ nʋ̃ɔ̀ a Naaŋmɩn zie a.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Ebre 1:2

Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za.

Ebre 10:10

A Naaŋmɩn pʋ-tɩɛrʋ ŋa na maalɩ a ƴãw n'a tɩ páw a sonu, a Yeezu Kɩrɩta na de a ʋ ƴã-gan maal'ɩ bàwr gb'a been daadaa a zũú.

Ebre 10:12

A Kɩrɩta ʋl a, ʋ maal'ɩ bàwr-been yõ a yel-bebe ír-bɛrʋ ƴãw, al pùorí ʋ zɩ̃ a Naaŋmɩn dʋrʋ lowr a baarɩ,

Ebre 10:26

Bʋ̃ʋ n'ʋ vɛ̃, tɩmɛ wa bãw a yel-mɩŋa za baarɩ, ɛ́ cãà mɩ́ bãw kɛ́ maalɩ a yel-bier a, bàwr bɛ lɛb ka be na tʋ̃ɔ́ ír a yel-bebe bɛr ɛ.

Ebre 10:4

Bʋ̃ʋ n'ʋ vɛ̃, nadɛɛ nɩ bʋrɩ zɩ̃ɩ kʋ̃ tʋ̃ɔ́ ír yel-bebe bɛr towtow ɛ.

Ebre 4:3

Tɩɩm na sàw de a, tɩ na ta n a pɩ̃ɛnʋ ŋa zie, ʋl ƴãw a Naaŋmɩn na yel: «Ɩ̃ nyɛ̃ nɩ suur pɔ: bɛ bɛ be za na ta a ɩ̃ pɩ̃ɛnʋ zie ɩ!» Ɛcɛ a ʋ tome tɩ tõ na baarɩ a tẽ-daa íru daar, ʋʋ yel à à ŋá.

Ebre 7:27

A bɛ fɛrɛ ʋ mɛ̃ a bàwr-maal-karɩ a, kɛ́ bibir za, ʋ mɩ́ de niwn maalɩ bàwr a ʋl mɩŋa yel-bebe ƴãw, ɛ́ a pùorí ʋ maalɩ a nɩbɛ dem ƴãw ɛ. Daƴen daadaa n'a ʋ maalɩ a bàwr, a lɛ ʋ na de ʋ tʋɔra tɩr a.

Ebre 9:12

Bʋ̀rɩ nɩ náli zɩ̃ɩ bɛ n'a a Kɩrɩta kpɛ n a zi-sõw-za-zi-zõw pʋɔ gb'a been daadaa ɩ, a ʋl mɩŋa zɩ̃ɩ n'a ʋ kpɛ n, ya de nɩ tɩ a baarɩ.

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

1 Pɩɛr 1:20

Ʋlɛ n'ʋ a Naaŋmɩn tɩ dãw bãwnɩ, ʋ na bɛ tɩ ír a tẽ-daa sɛr a, ɛ́ pãa wa wul ʋ sãá a nyɩɩm ƴãw, a vuo ŋa pʋɔ na ɩ a vo-pɛ-baara a.

1 Pɩɛr 2:24

ʋl na tuo a tɩ yel-bebe a ʋ ƴã-gan pʋɔ a da-gara zu, kɛ́ tɩ kpi ta cãà pʋɔ yel-bier pʋɔ, ɛ́ vʋʋrɛ vʋʋrʋ na tu yel-mɩnʋ a, a ʋl natɩɛ na sanɩ nyɩ a.

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.

1 Pɩɛr 4:7

A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.

1 Zã 3:5

Ɛcɛ nyɩ bãwnɩ a na, a Kɩrɩta wa na k'ʋʋ wa ír a yel-bebe bɛr, ɛcɛ ʋl bɛ maalɩ yel-bier ɛ.

1 Zã 3:8

Sob nɛ na maalɛ a yel-bier a, Gɛgɛra so ʋ. A Gɛgɛra na ɩ yel-bier-maalɛ a pɛr-tib daar za a ƴãw. Yel ŋa ƴãw n'a a Naaŋmɩn Bie wa: k'ʋʋ wa sãw a Gɛgɛra tome bɛr.

Yel-wula 13:8

A tẽw zu nɩbɛ za na gbĩ n dume puor'ʋ, bɛlɩ dem za a yée na bɛ sɛb ƴãw a Pele bɛ na kʋ a nyɔ-vʋʋrʋ sɛbɛ pʋɔ a tẽ-daa íru daar za a.

Yel-wula 17:8

A wɛ-dʋ̃w fʋ na nyɛ̃ a, tɩ be na, ɛcɛ ʋ bɛ cãà ɩ. Ʋ na yi n a kɔ̃tɔmɛ dɔwrʋ bɔw-zulu pʋɔ do wa wa wɩɛr a ʋ kũu zie. A tẽw zu nɩbɛ bɛl a yée na bɛ sɛb a nyɔ-vʋʋrʋ sɛbɛ pʋɔ a tẽ-daa íru daar za a na nyɛ̃ nɩ a wɛ-dʋ̃w a nʋɔr ɓãá bɛ, bʋ̃ʋ n'ʋ vɛ̃, ʋ tɩ dãw na be, ɛ́ bɛ cãà ɩ, ɛ́ na lɛb wa.