Ebre 9:19 - A SƐB-SÕW

¹⁹ A Moyiir tɩ de nɩ niwn manɩ a Naaŋmɩn nɛ-ƴãwnɩ za, mɛ̃ a lɛ a Naaŋmɩn wulu na ƴãw a, kʋ̀ a nɩbɛ za. Al pùorí, ʋ de a náli nɩ bʋrɩ zɩ̃ɩ lãw nɩ kʋ̃ɔ, ɛ́ de pi-kɔbl-zɩɩr nɩ tɩɛ kãw bɛ na bʋɔlɛ ɩzɔpɩ a váar mɩr'ɩ a sɛbɛ tɔr za nɩ a nɩbɛ za,

Ebre 9:19 ပူးပေါင်းရင်းမြစ်များ

Sɛb-sõw yielu 51:7

Nyɛ̃, sãwna pʋɔ n'a bɛ dɔw mɛ̃, yel-bier pʋɔ n'a a ɩ̃ mã ŋmãa a ɩ̃ sɩɛ.

Eziptɩ tẽw yib 12:22

Nyɩ na de nɩ ɩzɔpɩ váar 'lẽ ɓã taa tõ a dʋ̃w zɩ̃ɩ na be a ku-laa pʋɔ a pʋɔ, ɛ́ cen nɩ a tɩ ƴãw a dɩ̃dɔr dàar ayi nɩ a dɩ̃dɔr zu-sɔw dàa ƴãw. Al pùorí, nɩr bɛ yire a yir pʋɔ ɩ ɛ́ tɩ ta a biɓaara.

Ɩzayi 52:15

lɛ mɩ̀ n'a nʋɔr na ɓãa nɩ-bʋʋr-yaga a ʋ ƴãw, na-mɩnɛ na nyɔw nɩ nʋɔr a ʋ niŋé. Bʋ̃ʋ n'ʋ vɛ̃, bɛ nyɛ̃ nɩ bom na bɛ ɩ mɛ̃ a lɛ bɛ na tɩ manɩ kʋ̀ bɛ a ɩ, ɛ́ a bom bɛ na jɩ́rɛ a, bɛ ɩ mɛ̃ a lɛ bɛ na wõ bɛ yel a ɩ.»

Ezekɩɛl 36:25

Ɩ̃ na cir'ɩ kʋ̃ɔ-walwal ƴãw nyɩ, ɛ́ nyɩ na vɩɛl'a. Ɩ̃ na pɛ́w nɩ a nyɩ dɛwr za a yi, ɛ́ ír a nyɩ tɩbɛ za bɛr nyɩ.

Levitɩ mɩnɛ 1:10

«Bʋɔ bɩɩ pɛrʋ wa n'ʋ ʋ maalɛ nɩ a nyɩw-a-za-bàwr a, a fɛr'a k'ʋʋ ír pʋ́ra bɩɩ bʋra a ƴã-gan zie kãw za na bɛ sãw a:

Levitɩ mɩnɛ 3:6

«Nɩr wa nyɔwr dʋ̃w a ʋ píir nɩ a ʋ bʋʋr pʋɔ maalɛ nɩ ƴã-ɓaarʋ bàwr kʋ̀rɛ a Sore a, ʋ na nyɔw nɩ dʋ̃w a ƴã-gan zie kãw za na bɛ sãw a, bʋ̃-daa bɩɩ bʋ̃-pɔw.

Sɔr-nɛ́ɛ 19:18

Nɩr na bɛ tɛr dɛwr a na de nɩ ɩzɔpɩ váar tõ a kʋ̃ɔ pʋɔ ɛ́ mɩr'ɩ a pɛn-sɛw ʋl pʋɔ a nɩr na kpi a, nɩ a bome za na be a ʋ pʋɔ a, nɩ a nɩbɛ na tɩ be a ʋ pʋɔ a, bɩɩ ʋ mɩr'ɩ a nɩr na tɔ kũu kɔbɛ, bɩɩ tɔ yaa a.

Sɔr-nɛ́ɛ 19:6

A bàwr-maalɛ na de nɩ sɛɛdɩr dàa, ɩzɔpɩ váar nɩ píir kɔblʋ pɛn-zɩɛ mʋɔlɛ, lɔb ƴãw a náab na dɩrɛ a vũumí.

Matie 27:28

Bɛ tɩ yaar'ɩ a ʋ bʋ̃-suuri bɛr ɛ́ de kpar-kpɛ̃ɛ zɩ̃ɛ su ʋ,

Markɩ 15:17

Bɛ tɩ de nɩ kpar-kpɛ̃ɛ zɩɛ su ʋ, ɛ́ wob gʋʋr kpawʋɔ vɔblɩ ʋ.

Markɩ 15:20

Bɛ na wa ɩ ʋ la baar'a, bɛ yaa nɩ a kpar-zɩɛ bɛr ʋ, ɛ́ lɛb de a ʋ bʋ̃-suuri su ʋ. Al pùorí, bɛ tɛr ʋ na yi n, ɛ́ bɛ tɩ kpa ʋ a da-gara zu.

Zã 19:2

A sojarɩ tɩ wób'ɩ gʋʋr kpawʋɔ vɔblɩ ʋ, ɛ́ de kpar-kpɛ̃ɛ zɩɛ kãw su ʋ.

Zã 19:5

A Yeezu tɩ yi na vɔblɩ a gʋʋr kpawʋɔ, ɛ́ su a kpar-kpɛ̃ɛ zɩɛ. A Pɩlatɩ tɩ yel bɛ na: «Nyɩ nyɛ̃ a nɩr!»

Ebre 1:1

A dãwdãw a, Naaŋmɩn tɩ ƴãw na a ʋ ƴɛ̀r-manbɛ ƴɛ̀r ƴɛ̀r-pɛ-bʋʋrɛ za, gb'aa ŋmɩn za a tɩ sãàkʋm-kore zie.

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Ebre 10:4

Bʋ̃ʋ n'ʋ vɛ̃, nadɛɛ nɩ bʋrɩ zɩ̃ɩ kʋ̃ tʋ̃ɔ́ ír yel-bebe bɛr towtow ɛ.

Ebre 12:24

Nyɩ taw na pɩɛlɩ a Yeezu na ɩ a Wõ-ta-paala lɔ̃lʋɔrɛ a, nɩ a ʋ zɩ̃ɩ na cir a, a zɩ̃ɩ á ŋá na ƴɛ̀rɛ vla zuo a Abɛl dem a.

Ebre 9:12

Bʋ̀rɩ nɩ náli zɩ̃ɩ bɛ n'a a Kɩrɩta kpɛ n a zi-sõw-za-zi-zõw pʋɔ gb'a been daadaa ɩ, a ʋl mɩŋa zɩ̃ɩ n'a ʋ kpɛ n, ya de nɩ tɩ a baarɩ.

Ebre 9:13

A bʋrɩ nɩ a nadɛɛ zɩ̃ɩ nɩ a na-nyãw tãpɛlʋ bɛ na mɩ́ mɩr a bɛlɩ dem na tɛr dɛwr a, alɛ mɩ́ wa ɩ bɛ lɛb vɩɛl a zikue a,

Ebre 9:18

À ŋá n'a a wõ-ta-dãw-niwn sob tɔr za bɛ maalɩ ɛ́ zɩ̃ɩ bɛ cir ɛ.

1 Pɩɛr 1:2

A Naaŋmɩn Sãà n'ʋ kaa ír nyɩ a tu a lɛ ʋ na tɩ dãw tɩɛrɩ a yele bin a koro za a. Ʋlɛ n'ʋ ƴãw a Vʋʋrʋ Sõw maalɩ nyɩ nyɩ ɩ son kɛ́ nyɩ wa sàwr a Yeezu Kɩrɩta nʋɔr ɛ́ páw a vɩɛlʋ a ʋ zɩ̃ɩ ƴãw. A Naaŋmɩn, ʋ kʋ̀ nyɩ a maalʋ nɩ a ƴã-ɓaarʋ yaga za.