Ebre 9:12 - A SƐB-SÕW

¹² Bʋ̀rɩ nɩ náli zɩ̃ɩ bɛ n'a a Kɩrɩta kpɛ n a zi-sõw-za-zi-zõw pʋɔ gb'a been daadaa ɩ, a ʋl mɩŋa zɩ̃ɩ n'a ʋ kpɛ n, ya de nɩ tɩ a baarɩ.

Ebre 9:12 ပူးပေါင်းရင်းမြစ်များ

Levitɩ mɩnɛ 16:15

Al pùorí, ʋ ŋmãa a nɩbɛ yel-bebe-ír-bɛrʋ bàwr bʋra kɔkɔr, ɩ a zɩ̃ɩ kpɛ n a pɛn-yawla na bʋ́r a diru a pùorí, tɩ ɩ n a zɩ̃ɩ á ŋá mɛ̃ a lɛ ʋ na ɩ n a nadɛr zɩ̃ɩ a: ʋ na mɩr'ɩ a daw-pàwra ɛ́ mɩ̀ mɩr a daga niŋé.

Levitɩ mɩnɛ 4:3

A bàwr-maal-kara wa n'ʋ maalɩ a yel-bier ƴãw a nɩbɛ za tɛr sãwna a, ʋ na ír'ɩ nadɛr a ƴã-gan zie kãw za na bɛ sãw a, maal'ɩ yel-bier ír-bɛrʋ bàwr kʋ̀ a Sore.

Levitɩ mɩnɛ 8:2

«Bʋɔlɩ a Aarɔ̃ nɩ a ʋ bidɛbr wa n a tuor-taa pɛn-sɛw dɩ̃dɔr nʋɔr. Ƴãw bɛ wa n kpar-son nɩ a kãá-cir-ƴãwfʋ kãá, cãà ƴãw bɛ wa n a yel-bier-ír-bɛrʋ bàwr nadɛr, a pʋ́rɩ ayi nɩ a zãkpa na ƴãw a dipɛ̃ na bɛ ƴãw dãbɩl a.

Levitɩ mɩnɛ 9:15

Al pùorí, ʋ tɩ de nɩ a nɩbɛ bagɛ kʋ̀ a Sore. Ʋ tɩ de nɩ a bʋra a nɩbɛ na wa n a yel-bier-ír-bɛrʋ bàwr ƴãw a, ŋmãa a kɔkɔr maal'ɩ a bàwr, mɛ̃ a lɛ ʋ na tɩ ɩ a nále ƴãw a.

Zakari 3:9

Ɩ̃ bine nɩ kʋsɩɛr a Zozue niŋé, kʋsɛ-been yõ na tɛr zi-nyɩwrɩ ayopõi a. Mãa mɩŋa na wi n sɛbrʋ ƴãw a ʋ zu, ɛ́ bibi-been yõ, ɩ̃ ír a tẽw ŋa yel-bier bɛr. Mãa n'ʋ yere, a mãa Sore Kpɛnʋ-za-sob.

Markɩ 3:29

Ɛcɛ, ʋlɩ sob nãà wa tʋ a Vʋʋrʋ Sõw zʋmɛ a, ʋ kʋ̃ páw a ʋ yel-bebe suur-dɩ-kʋ̀b towtow ɛ, a ʋ yel-bier bɛ tɛr baarʋ daar ɛ.»

Luka 1:68

«A Sore, a Ɩsɩrayɛl Naaŋmɩn tɛr'ɩ puoru, ʋ jɩ́r'ɩ a ʋ nɩ-bʋʋrɛ kaa ɛ́ faa bɛ,

Nɩ-toni 20:28

Nyɩ kaarɛ nyɩ tʋɔra zie vla lãwnɩ a Naaŋmɩn Lãw-yir, a Vʋʋrʋ Sõw na ƴãw kɛ́ nyɩ gùre a. Nyɩ kaarɛ a Naaŋmɩn Lãw-yir zie vla. A ʋ zɩ̃ɩ tɔr za n'a ʋ páw nɩ a Lãw-yir ŋa.

Efɛɛzɩ 1:7

A Kɩrɩta zɩ̃ɩ n'a cir yaarɩ faa tɩ, ɛ̀ tɩ páw a tɩ sãwna suur. À ŋá n'a a Naaŋmɩn wul k'aa ʋ maalʋ bɛ tɛr manʋ ɛ.

Kɔlɔsɩ 1:14

Ʋl zũú n'a a Naaŋmɩn faa tɩ ɛ́ dɩ a tɩ yel-bebe suur kʋ̀ tɩ.

1 Tesalonikɩ 1:10

Nyɩ gùre nɩ a Yeezu, a ʋ Bie, na na yi a tẽ-vla pʋɔ lɛb wa a, ʋl ʋ na ɩ k'ʋ lɛb yi a kũuni pʋɔ a, ʋl na faarɛ tɩ a Naaŋmɩn ƴɛ̀rʋ maalʋ bibir na pɩɛl'a ƴãw a.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Ebre 1:3

A Bie ŋa n'ɩ a Naaŋmɩn yúor-vɩɛlʋ-danʋ na nyɩwrɛ a, nɩ a lɛ tɔr za a Naaŋmɩn na ŋmɛ̃ a, ɛ́ ʋlɛ n'ʋ nyɔw a tẽ-daa tɛr nɩ a ʋ ƴɛ̀rʋ fãw. Ʋ na wa pɛ́w a nɩsaalbɛ yel-bebe dɛwr bɛr baar'a, ʋ zɩ̃ n a Naaŋmɩn na ɩ kpɛ̃ɛ kpɛ̃ɛ za a dʋrʋ lowr a saa-zu.

Ebre 10:19

A na ɩ à ŋá a, yɛbr i, tɩ mɩ́ ɓãá nɩ ƴãw kpɛ a zi-sõw-za-zi-sõw pʋɔ a Yeezu zɩ̃ɩ zũú.

Ebre 10:4

Bʋ̃ʋ n'ʋ vɛ̃, nadɛɛ nɩ bʋrɩ zɩ̃ɩ kʋ̃ tʋ̃ɔ́ ír yel-bebe bɛr towtow ɛ.

Ebre 13:12

A lɛ n'a so a Yeezu mɩ̀ yi zaa a tẽw pʋɔ tɩ kpi, k'aa ʋl mɩŋa zɩ̃ɩ tʋ̃ɔ́ ɩ a nɩbɛ bɛ ɩ son.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

Ebre 7:27

A bɛ fɛrɛ ʋ mɛ̃ a bàwr-maal-karɩ a, kɛ́ bibir za, ʋ mɩ́ de niwn maalɩ bàwr a ʋl mɩŋa yel-bebe ƴãw, ɛ́ a pùorí ʋ maalɩ a nɩbɛ dem ƴãw ɛ. Daƴen daadaa n'a ʋ maalɩ a bàwr, a lɛ ʋ na de ʋ tʋɔra tɩr a.

Ebre 9:13

A bʋrɩ nɩ a nadɛɛ zɩ̃ɩ nɩ a na-nyãw tãpɛlʋ bɛ na mɩ́ mɩr a bɛlɩ dem na tɛr dɛwr a, alɛ mɩ́ wa ɩ bɛ lɛb vɩɛl a zikue a,

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

Ebre 9:15

À ŋá n'a a Kɩrɩta ɩ Wõ-ta-paala lɔ̃lʋɔrɛ. Ʋ na kpi k'ʋʋ ír a wõ-ta-dãw-niwn sob daar nʋɔr zawrʋ sãwna bɛr a, a bɛlɩ dem a Naaŋmɩn na bʋɔlɩ a na tʋ̃ɔ́ na mɩ́ páw a yel-vɩɛlɩ na be kʋralɛ a Naaŋmɩn na yel k'ʋʋ na kʋ̀ n a ʋ nɩbɛ a.

Ebre 9:19

A Moyiir tɩ de nɩ niwn manɩ a Naaŋmɩn nɛ-ƴãwnɩ za, mɛ̃ a lɛ a Naaŋmɩn wulu na ƴãw a, kʋ̀ a nɩbɛ za. Al pùorí, ʋ de a náli nɩ bʋrɩ zɩ̃ɩ lãw nɩ kʋ̃ɔ, ɛ́ de pi-kɔbl-zɩɩr nɩ tɩɛ kãw bɛ na bʋɔlɛ ɩzɔpɩ a váar mɩr'ɩ a sɛbɛ tɔr za nɩ a nɩbɛ za,

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

Ebre 9:7

Ɛcɛ a ayi sob pʋɔ a, a bàwr-maal-kara yõ n'ʋ mɩ́ kpɛ, gb'a been a yũon za, ʋʋ bɛ kpɩɛr a be ɛ́ bɛ tɛr dʋ̃w zɩ̃ɩ kpɛ n tɩ de kʋ̀ a Naaŋmɩn ɛ, a ʋl mɩŋa sãwna ʋ na bɛ bãwnɩ kɛ́ sãw a ƴãw, nɩ a nɩbɛ dem ƴãw ɛ.

Yel-wula 1:5

A Yeezu Kɩrɩta na ɩ dãsɩ-dɩrɛ na ŋmɛ̃ ʋ ŋmɛ̃a a, Bi-dãw-dɔwra na de niwn lɛb yi a kũuni pʋɔ a, a tẽw zu na-mɩnɛ za nãà, ʋ kʋ̀ nyɩ a maalʋ nɩ a ƴã-ɓaarʋ. A Kɩrɩta nɔnɛ tɩ na, ɛ́ cir a ʋ zɩ̃ɩ ír tɩ bɛr a tɩ yel-bebe pʋɔ.

Yel-wula 5:9

Bɛ tɩ yiele nɩ yiel-paala yere nɩ: «Fʋ sɛw na na de a sɛbɛ, ɛ́ 'lawrɩ a sɩ-suur bɛr. Bʋ̃ʋ n'ʋ vɛ̃, bɛ ŋmaarɩ fʋ nɩ a kɔkɛɛ, fʋ ya de dɔwlʋ bʋʋrɛ za, ƴɛ̀r-pɛ-bʋʋrɛ za, nɩ-bʋʋrɛ za nɩ ten bʋʋrɛ za nɩbɛ nɩ a fʋ zɩ̃ɩ kʋ̀ a Naaŋmɩn.