Ebre 9:11 - A SƐB-SÕW

¹¹ Ɛcɛ a Kɩrɩta wa na mɛ̃ a yel-vɩɛlɩ na waar a bàwr-maal-kara. Pɛn-sɛw na ɩ kpɛ̃ɛ ɛ́ vɩɛl zuo a pʋɔ n'a ʋ kpɛ, pɛn-sɛw na bɛ ɩ nɩsaalbɛ nuru bʋ̃-maala a, a pɛr lɛ kɛ́ na bɛ ɩ tẽw zu ka bʋ̃-íra a.

Ebre 9:11 ပူးပေါင်းရင်းမြစ်များ

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

Sɛb-sõw yielu 40:7

Fʋ ɩ na ɩ̃ bãw a pɛr vla, kɛ́ bàwr nɩ de-kʋ̀b bome bɛ n'a fʋ tɩ bɔbr ɛ, nyɩw-a-za-bàwr nɩ sãwna bàwr bɛ n'a fʋ tɩ bɔbr ɛ.

Ɩzayi 59:20

A Sore na wa na k'ʋʋ wa ya de a Zerizalɛm nɩ a Ɩsɩrayɛl nɩbɛ bɛl na bɛr a bɛ nɩ-gaarɩ ɩb a. A Sore n'ʋ yere.

Zeremi 33:8

Ɩ̃ na pɛ́w nɩ a sãwna al za bɛ na sãw mɛ̃ a dɛwr bɛr. Ɩ̃ na dɩ n a bɛ gáarʋ sãwna suur kʋ̀ bɛ.

Malasɩ 3:1

«À ŋá n'a a Sore, a kpɛnʋ-za-sob, sɔwr nyɩ: “Ɩ̃ tone nɩ a ɩ̃ nɩ-tona k'ʋʋ tɩ puo a sɔ́r bɛr mɛ̃. Bɛ nãà wa bere na, a Sore nyɩ na bɔbr a, kpɛ a ʋ yir-kpɛ̃ɛ pʋɔ. A wõ-taa nɩ-tona nyɩ na gùre a, ʋlɛ n'ɩ ŋan waar.”

Matie 11:3

«Fʋ̃ʋ n'ɩ a Nɩ-kabra na na wa a, bɩɩ tɩ cãà cɛlɛ nɩ-yũo?»

Matie 2:6

“Fʋ̃ʋ Bɛtɩlɛm na be a Zude tẽw pʋɔ a, fʋ̃ʋ bɛ n'ɩ a pʋrɩ za a Zuda tẽw loge za pʋɔ ɩ. A fʋ pʋɔ sɩrɩ n'a a nãà na yi, a ʋl na na cɩ̃ɩnɛ a ɩ̃ nɩ-bʋʋrɛ Ɩsɩrayɛl a.”»

Markɩ 14:58

«Tɩ tɩ wõ na ʋ yel: “Ɩ̃ na ŋmɛ n a nɩsaal nuru Ŋmɩn-yir-kpɛ̃ɛ ŋa ŋmɛr, ɛ́ bibie ata pùorí, ɩ̃ na lɛb'a ŋmãa kãw na kʋ̃ ɩ a nɩsaal nuru dem a.”»

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Zã 4:25

A pɔw tɩ lɛb'a yel ʋ: «Ɩ̃ bãw na kɛ́ a Naaŋmɩn Nɩ-kabra waar'a, a ʋl bɛ na bʋɔlɛ a Kɩrɩta a. Ʋlɛ wa wa a, ʋlɛ n'ʋ na ɩ tɩ bãw bom za.»

Nɩ-toni 7:48

Ɛcɛ a Naaŋmɩn-na-do-saa-bɛ-pɩɛl-a bɛ kpɩɛr nɩsaalbɛ nuru yir-mɩɛrɩ pʋɔ ɩ, mɛ̃ a lɛ a naaŋmɩn-ƴɛ̀r-manɛ na yel a:

2 Korɛ̃tɩ 4:18

A bom nɛ tɩ na bɔbr kɛ́ tɩ páw a, ʋ bɛ ɩ bom bɛ na mɩ́ nyɛ̃ a ɩ, bom bɛ na bɛ mɩ́ nyɛ̃ a n'ʋ. Bom bɛ na mɩ́ nyɛ̃ a be n be sɛr, ɛcɛ a bom bɛ na bɛ mɩ́ nyɛ̃ a be kʋralɛ.

2 Korɛ̃tɩ 5:1

Tɩ bãwnɩ a na, a pɛn-sɛw ʋl pʋɔ tɩ na be kpɩɛr a (a pɛr lɛ k'aa tɩ tẽw zu ka ƴã-gan) ʋlɛ wa sãw a, Naaŋmɩn cɔbrɛ nɩ kpɛb zie bɛrɛ tɩ a tẽ-vla pʋɔ, kpɛb zie na bɛ ɩ nɩsaal nuru bʋ̃-maala, ɛ́ be kʋralɛ a.

Kɔlɔsɩ 2:11

Nyɩ na lãw nɩ ʋ a, bɛ ŋmãa nyɩ nɩ a yʋ̀ɔr ŋmãafʋ kãw bʋʋrɛ nɩsaal nũu na bɛ pʋɔ a, ɛ́ a ŋmãafʋ ŋa ɩ nyɩ bɛ cãà ɩ yel-bier nɩbɛ a. À ŋá n'a a ŋmãafʋ na yi a Kɩrɩta zie a ŋmɛ̃.

Ebre 10:1

A Naaŋmɩn wulu bɛ wule a lɛn tɔr za a yele na ŋmɛ̃ a ɩ. A yel-vɩɛlɩ na waar a dasule tɛwr'ʋ ʋ wule. Ʋ bɛ be za na tʋ̃ɔ́ ɩ a bɛlɩ dem na tawr pɩɛlɛ a Naaŋmɩn a bɛ vɩɛl bɛ cɛ ɩ, a bàwr-been nɛ na saa maalɛ kʋralɛ, yũon za, bɛ tɛr bɛ́rʋ daar a.

Ebre 12:27

A ƴɛ̀r-bie á ŋá: «lɛb'a baa» wul'a k'aa bʋ̃-íri na dam'a ɛ́ bɔr, k'aa bom ʋl na bɛ tɛr damnʋ a be be.

Ebre 13:14

Bʋ̃ʋ n'ʋ vɛ̃, a tẽw zu ka a, tɩ bɛ tɛr tẽ-kpɛ̃ɛ ʋ be be kʋralɛ ɩ. A tẽ-kpɛ̃ɛ ʋl na waar a n'ʋ tɩ bɔbr.

Ebre 2:17

Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

Ebre 3:1

Yɛbr kɩrɩta-nɩbɛ ɛ, a Naaŋmɩn so nyɩ, ʋl na bʋɔlɩ nyɩ a. A na ɩ lɛ a, nyɩ jɩ́rɛ a Yeezu na ɩ a naaŋmɩn-sàw-deb tɩ na hiere a nɩ-tona nɩ abàwr-maal-kara a.

Ebre 4:15

Bàwr-maal-kara na kʋ̃ tʋ̃ɔ́ lãw nɩ tɩ gú a tɩ bãbàalʋ pʋɔ a bɛ n'ʋ tɩ tɛr ɛ. Bɛ nɩ̃ɛ na ɩ ʋ kaa a za pʋɔ mɛ̃ a tɩɩm a, ʋʋ bɛ maalɩ yel-bier ɛ.

Ebre 7:1

A Mɛlkɩsedɛkɩ ŋa na tɩ ɩ Salɛm tẽw nãà ɛ́ ɩ a Naaŋmɩn-na-do-saa-bɛ-pɩɛl-a bàwr-maalɛ a tɩ tuor'ɩ a Abraham ɛ́ maalɩ ʋ, a lɛn daar a Abraham na tɩ zɛb tʋ̃ɔ́ a na-mɩnɛ ɛ́ lɛb waar a.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.

2 Zã 1:7

Nɩ-bɛlbɛ yaga yɛ́r'a pàw a tẽ-daa. Bɛ bɛ sàw de k'aa Yeezu Kɩrɩta wa na ɩ nɩsaal ɛ. À à ŋá n'a bɛ mɩ́ bãw a nɩ-bɛlɛ nɩ a Kɩrɩta dɔ̃ sob.