Ebre 8:9 - A SƐB-SÕW

⁹ Ʋ kʋ̃ ɩ mɛ̃ a ʋl ɩ̃ na tɩ maal'ɩ a bɛ sãàkʋm-kore a ʋlɩ bibir ɩ̃ na tɩ nyɔw bɛ nũú tɛr yi n a Eziptɩ tẽw pʋɔ a ɩ. Bɛ bɛ tɩ tɛr a ɩ̃ wõ-taa ŋa ɩ, lɛ so ɩ̃ mɩ̀ tɩɛ bɛ bɛr, a Sore n'ʋ yel.

Ebre 8:9 ပူးပေါင်းရင်းမြစ်များ

Yele-za-pɛr-tib 19:16

A Lɔtɩ tɩ cãà na nɩɩnɛ. A malkɩ mɩnɛ tɩ nyɔw ʋ nɩ a nũú, lãwnɩ a ʋ pɔw nɩ a ʋ pɔwyaar ayi, tɛr yi n a tẽw pʋɔ. Bʋ̃ʋ n'ʋ vɛ̃, a Sore tɩ bɔbr'a k'ʋʋ faa ʋ.

A Zɔb sɛbɛ 8:20

Naaŋmɩn bɛ zawrɛ nɩr na bɛ tɛr sãwna a bɛrɛ ɩ, ɛ́ mɩ̀ bɛ sõwne ɩ-fa-maalbɛ ɩ.

Sɛb-sõw yielu 105:43

Pʋ-pɩɛlʋ pʋɔ n'a ʋ tɛr a ʋ nɩbɛ yi n a Eziptɩ tẽw pʋɔ, a bɛlɩ dem ʋ na tɩ kaa ír a tɩ ŋmɩɛr'ɩ nʋ̃ɔ̀ cɛlsɩ.

Sɛb-sõw yielu 77:20

Fʋ tu na tɔl a kʋ̃ɔ-kpɛ̃ɛ sɔgɔ, fʋ puo nɩ a fʋ sɔ́r a kʋ̃ɔ-zulu pʋɔ, ɛ́ nɩr za bɛ nyɛ̃ a fʋ gbɛ́ɛ bɔwrɩ ɛ.

Sɛb-sõw yielu 78:57

Bɛ tɩ lo n sɔr-faa mɛ̃ a bɛ sãàkʋm-kore a, bɛ bɛ tɩ tu a Naaŋmɩn ɛ, ɛ́ ƴaw lɩɛbɩ mɛ̃ tam na pʋnɩ a.

Eziptɩ tẽw yib 32:8

A sɔ́r ɩ̃ na tɩ wul bɛ a, bɛ bɛr ʋ nɩ pɛtɛlʋlɛ: bɛ nyɩl'ɩ kure maal'ɩ nále, bɛ gbĩ n dume a ʋ niŋé, ɛ́ maalɩ bagɛ kʋ̀ ʋ, ɛ́ yel: “Nyɛ̃ a tɩ Naaŋmɩn na ɩ kɛ̀ tɩ yi a Eziptɩ a.”

Eziptɩ tẽw yib 34:10

A Sore tɩ yel'ɩ a Moyiir: «Ɩ̃ na maal'ɩ nyɩ nɩ wõ-taa. Ɩ̃ na maal'ɩ nɔ-ɓãa-yele a fʋ nɩbɛ za niŋé, nɔ-ɓãa-yele nɩr na bɛ dãw nyɛ̃ a tẽw zu zie kãw za, nɩ tẽw kãw za pʋɔ a. A Ɩsɩrayɛl nɩbɛ na jil koli fʋ a na nyɛ̃ nɩ a lɛ a tome na bɛ tɛr dɩ̃ɛnʋ ɩ̃ na na lãwnɩ fʋ tõ a.

A Yielu za pʋɔ yiel-vla vla 8:5

Ãa n'ɩ a pɔw ŋa na yi a wɛja-kpalɛ pʋɔ waar, ʋlɛ nɩ a ʋ nɩ-nɔna weri taa a? Ɩ̃ sɩ̃wnɛ fʋ nɩ a mãdɩragɔɔr tɩɛ pile, a be a fʋ mã na ŋmãa a fʋ sɩɛ a, a be ʋ na dɔw fʋ a.

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Ɩzayi 41:13

Bʋ̃ʋ n'ʋ vɛ̃, a mãa Sore a, ɩ̃ ɩ n a fʋ Naaŋmɩn. Ɩ̃ nyɔw fʋ nɩ a dʋrʋ nũú. Ɩ̃ yere na kʋ̀rɛ fʋ: «Ta zɔrɛ dɛ̃bɩ̃ɛ ɩ, ɩ̃ waar'ɩ a fʋ sõwfʋ.»

Ɩzayi 51:18

A fʋ bibiir za fʋ na dɔw a pʋɔ a, kãw za bɛ wul fʋ a sɔ́r ɛ. A bibiir za fʋ na guoli a pʋɔ a, kãw za bɛ tɩɛ fʋ ɛ.

Ɩzayi 63:9

A bɛ kpɩɛrʋ za pʋɔ a, nɩ-tona kãw bɩɩ malkɩ kãw bɛ n'ʋ faa bɛ ɩ, a Sore mɩŋa n'ʋ. Ʋ ya na de bɛ a ʋ nɔ̃wfʋ nɩ a ʋ nɩbaal-zɔba pʋɔ. Ʋ tɛr bɛ na ɛ́ tɩ̀ɛ bɛ a bɛ yele pʋɔ a koro za.

Zeremi 31:32

Ʋ kʋ̃ ŋmɛ̃ mɛ̃ a ʋl ɩ̃ na tɩ maal'ɩ a bɛ sãàkʋm-kore, a lɛn daar ɩ̃ na tɩ nyɔw bɛ a nũú k'ɩ̃ɩ ɩ bɛ yi a Eziptɩ tẽw pʋɔ a ɩ. A wõ-taa ʋl a, bɛ sãw ʋ na bɛr, a mãa na saa tɩ n'ɩ a bɛ zu-sob a. A mãa, a Sore, mãa n'ʋ yere.

A Lãw-mʋɔlɛ 4:16

A Sore tɛɛ za n'ʋ diw bɛ yaarɩ, ʋ bɛ cãà bɔbr bɛ nyɛ b ɛ. A nɩbɛ bɛ cãà ƴãwnɛ a bàwr-maalbɛ ɩ, bɛ cãà zɔrɛ a nɩ-kore nɩbaalʋ ɛ.

Ezekɩɛl 16:59

À ŋá n'a a mãa Sore Naaŋmɩn yere: fʋ bɛ cɛlɩ be a pɔb fʋ na pɔ a ƴãw ɛ, ɛ́ sãw a wõ-taa a mãa nɩ a fʋ̃ʋ cara pʋɔ bɛr. Alɛ n'a so ɩ̃ na ɩ b mɛ̃ a lɛ fʋ na ɩ a ɩ̃ zie a.

Ezekɩɛl 16:8

A tɩ kɔwr'a ɩ̃ɩ lɛb cen tɔl pɩɛlɩ fʋ, Zerizalɛm i. Ɩ̃ tɩ jɩ́r fʋ na kaa nyɛ̃ fʋ ta a dɛb nɔ̃wfʋ. Lɛ n'a ɩ̃ tɩ dɔl a ɩ̃ kpar-kpɛ̃ɛ a fʋ zu k'ɩ̃ɩ pàw a fʋ ƴã-gã-kpãkpol. Ɩ̃ tɩ pɔ n nɩ a ɩ̃ nyɔ-vʋʋrʋ k'ɩ̃ɩ na be n a fʋ ƴãw kʋ̃ lɛb pùor ɛ, ɛ́ maal'ɩ fʋ wõ-taa. Lɛ n'a fʋ tɩ be a ɩ̃ ƴãw, a mãa Sore Naaŋmɩn n'ʋ yel.

Amɔsɩ 5:22

Ɩ̃ bɛ bɔbr a nyɩw-a-za-bagɛ nyɩ na maalɛ kʋ̀rɛ mɛ̃ a ɩ, a nyɩ de-kʋ̀b bome been kãw za bɛ pɛlɩ a ɩ̃ pʋɔ ɩ. Ɩ̃ ŋmɛlɩ nɩ kpaar cɔw a nyɩ dʋ̃-'wɔɛ bàwr.

Malasɩ 2:13

«À ŋá n'a nyɩ mɩ̀ cãà lɛb ɩrɛ: nyɩ mɩ́ kõ na cir mʋta-kʋ̃ɔ laarɩ a Sore bàwr-maal-kuur. Nyɩ mɩ́ kone na siwre nɩ, a Sore na bɛ cãà ŋmɛlɛ kaar a nyɩ de-kʋ̀b bome a ƴãw, ʋ na bɛ cãà sàwr dier a bome nyɩ na kʋ̀rɛ ʋ a.

Markɩ 8:23

A Yeezu tɩ nyɔw nɩ a zɔ̃w nũú, taw ʋ yi n a tẽw pʋɔ, tɩ ɩ mʋtaar sɔ ʋ a mimie, ɛ́ ír nuru dɔwlɩ a ʋ zu ɛ́ sowr'ʋ: «Fʋ nyɛ̃ nɩ bom ɩ?»

Nɩ-toni 13:11

Ƴɛrɛŋa a, cɛlɛ, a Sore zɛw nɩ nũu k'ʋʋ ŋmɛ n fʋ: fʋ na zɔ̃w na tɩ ta tab kãw, ɛ́ kʋ̃ lɛb nyɛ̃ a mʋ̃tɔ̃w cãà ɩ.» Daadaalɛ, lige tɩ pili na pàw a Elimasɩ ʋ bɔblɛ viire bɔbr'ɩ tawrɛ.

Nɩ-toni 7:36

A Moyiir'ʋ tɛr bɛ yi n a Eziptɩ ɛ́ maalɩ yel-bãw-guuri nɩ nɔ-ɓãa-yele a Eziptɩ tẽw nɩ a Kʋ̃ɔ-kpɛ̃ɛ-zɩɛ ƴãw nɩ a wɛja-kpalɛ pʋɔ yome lɩz'a ayi.

Nɩ-toni 9:8

A Sol tɩ lɛb'a ìr. Ɛcɛ ʋ na saa tɩ yuo a mimie a, ʋ bɛ tɩ nyɛrɛ ɩ. A ʋ sɔr-lãw-cen-taabɛ tɩ nyɔw ʋ nɩ nũú taw tɩ kpɛ n a Damasɩ.

Galasi 4:24

Zʋkpar'ɩ à ŋà bɛ na lɔb a: a pɔwbɛ bɛ ŋa ayi ɩ n wõ-taar ayi: a kãw a Agaar na wule a ɩ n a Sinayi tãw zu wõ-taa, gbãgbaar'a ʋ dɔwr.

Wulu-ayi-sob 29:1

A Moyiir tɩ bʋɔl'ɩ a Ɩsɩrayɛl nɩbɛ za wa yel bɛ à ŋá: Nyɩ na tɩ be a Eziptɩ a lɛn daar a, nyɩ nyɛ̃ nɩ nɩ mimir, a lɛ a Sore na ɩ a Faarawɔ̃, a ʋ tõ-tõ-bi-bɛrɛ nɩ a ʋ tẽw za a.

Wulu-ayi-sob 29:12

À ŋá n'a a dɩ̃a ʋ na ɩ nyɩ ɩ a ʋ nɩ-bʋʋrɛ, ʋʋ ɩ a nyɩ Naaŋmɩn, mɛ̃ a lɛ ʋ na yel kʋ̀ nyɩ a, nɩ a lɛ ʋ na pɔ a nyɩ sãàkʋm-kore Abraham, Ɩzaakɩ nɩ Zakɔb zie a.

Wulu-ayi-sob 29:25

Bɛ tĩ na tone ŋmɩn-sãanbɛ tome, ɛ́ puore a, ŋmɩmɛ bɛ na bɛ tɩ dãw bãw, ɛ́ a Sore mɩ̀ bɛ kʋ̀ bɛ a.