Ebre 8:8 - A SƐB-SÕW

⁸ Ɛcɛ a ʋ nɩbɛ sãwna n'a a Naaŋmɩn tɩ yere à à ŋá: «Bibie waar'a, a Sore n'ʋ yere, ɩ̃ na maal'ɩ a Ɩsɩrayɛl nɩbɛ nɩ a Zuda nɩbɛ Wõ-ta-paala.

Ebre 8:8 ပူးပေါင်းရင်းမြစ်များ

Ɩzayi 55:3

Nyɩ ƴãw tobr ɛ́ wa a ɩ̃ zie. Nyɩ bɛrɛ wone, ɛ́ nyɩ na vʋʋrɛ na. A Sore yere na: «Ɩ̃ na maal'ɩ nyɩ nɩ wõ-taa na na be be kʋralɛ a. Ɩ̃ na tu n nyɩ nɩ a maalʋ ɩ̃ na yel k'ɩ̃ɩ na kʋ̀ n a Daviir a.

Zeremi 23:5

A Sore yere na: «A bibir vɩɛrɛ na, ɩ̃ na ɩ Daviir bi-mɩŋa dɔw. Ʋ na ɩ n nãà na bãw a naalʋ-dɩb a, ʋ na ɩrɛ nɩ a lɛ-na-tu-sɔr-a, ɛ́ tuur a mɩnʋ a tẽw pʋɔ.

Zeremi 23:7

A Sore yere na: Bibir na vɩɛ na, nɩr kʋ̃ mɩ́ lɛb yel: “Ɩ̃ pɔrɛ nɩ nɩ a Sore na vʋʋrɛ a, ʋl na ɩ a Ɩsɩrayɛl nɩbɛ yi a Eziptɩ tẽw a ɩ...!”

Zeremi 30:3

Bʋ̃ʋ n'ʋ vɛ̃, ɩ̃ yere na kʋ̀rɛ fʋ: bibir waar'a na vɩɛ, ɩ̃ na na lɛb maalɩ a ɩ̃ nɩ-bʋʋrɛ Ɩsɩrayɛl ƴãw a, nɩ a Zuda nɩbɛ mɩ̀ a. Ɩ̃ na tɛr bɛ na lɛb wa n a tẽw ʋl ɩ̃ na tɩ kʋ̀ a bɛ sãàkʋm-kore a pʋɔ, ɛ́ bɛ na lɛb'a so ʋ. A mãa Sore n'ʋ yere.»

Zeremi 31:27

A Sore yere na: Ɩ̃ kʋ̃ yaa kɛ́ ɩ nɩsaalbɛ nɩ dʋn yɛ̀r pàw a Ɩsɩrayɛl nɩ a Zuda naalʋ-ten, mɛ̃ a lɛ bɛ na mɩ́ yaarɩ bʋ̃-bʋʋrɛ púo pʋɔ a ɩ.

Zeremi 31:38

A Sore yere na: «Bɛ kʋ̃ yaa kɛ́ lɛb mɛ a Zerizalɛm tẽ-kpɛ̃ɛ a ɩ̃ ƴãw ɛ. Bɛ na yi n ʋ nɩ a Hananeyɛl yir-cõcowla ƴãw tɩ sãá nɩ a Gõgon dɩ̃dɔr ƴãw.

Zeremi 32:40

Ɩ̃ na maal'ɩ bɛ nɩ wõ-taa na be kʋralɛ a. Ɩ̃ kʋ̃ lɛb pùor ɛ́ bɛr bɛ towtow ɛ, ɩ̃ na tuur bɛ nɩ kʋralɛ, maalɛ bɛ vla. À ŋá n'a bɛ na ƴãwnɛ mɛ̃ yaga za, ɛ́ bɛ kʋ̃ lɛb taw zãá nɩ mɛ̃ towtow ɛ.

Ezekɩɛl 37:26

Ɩ̃ na maal'ɩ nyɩ nɩ ƴã-ɓaarʋ wõ-taa na na be kʋralɛ a. Ɩ̃ na ƴãw nyɩ nɩ a tẽw ŋa pʋɔ ɛ́ ɩ nyɩ yãwmɛ. Ɩ̃ na ɩ n a ɩ̃ zi-sõw be a nyɩ sɔgɔ kʋralɛ.

Matie 26:28

à á ŋá ɩ n a ɩ̃ zɩ̃ɩ, a Wõ-taa zɩ̃ɩ, na cir yaarɩ a nɩ-yaga ƴãw a yel-bebe suur páwfʋ ƴãw a.

Markɩ 14:24

Ɛ́ ʋ yel bɛ: «À á ŋá ɩ n a ɩ̃ zɩ̃ɩ, a Wõ-taa zɩ̃ɩ na cir a nɩ-yaga ƴãw a.

Luka 17:22

Lɛ n'a ʋ tɩ yel a ʋ po-tuurbɛ: «Bibie waar'a na vɩɛ, ɛ̀ nyɩ na bɔbr kɛ́ nyɩ nyɛ̃ a Nɩsaal Bie daar mʋ̃tɔ̃-been yõ, ɛ́ kʋ̃ nyɛ̃ ʋ ɛ.

Luka 22:20

Ʋ mɩ̀ tɩ ɩ n a lɛ a koli-nyúura ƴãw, a dɩb pùorí, ɛ́ yel: «A koli-nyúura ŋa ɩ n a Wõ-ta-paala na bin nɩ a ɩ̃ zɩ̃ɩ na cir a nyɩ ƴãw a.

Luka 5:38

Bɛ mɩ́ ƴãw nɩ divɛ̃-paala wɔ-gbã-paalɛ pʋɔ.

1 Korɛ̃tɩ 11:25

A dɩb pùorí, ʋ mɩ̀ tɩ ɩ n a lɛ a koli-nyúura ƴãw yere nɩ: «A koli-nyúura ŋa ɩ n a Wõ-ta-paala na bin nɩ a ɩ̃ zɩ̃ɩ a, nyɩ mɩ́ maalɛ à á ŋá tɩɛrɛ nɩ a ɩ̃ yele, lɛn daar za nyɩ na mɩ́ wa nyúur a a.»

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

Wulu-ayi-sob 29:14

Ɩ̃ maalɛ nɩ nɩ nɩr za na àr a ka, a ƴɛrɛŋa, a Sore nyɩ Naaŋmɩn niŋé a, ɛ́ mɩ̀ maalɛ nɩ a bɛlɩ dem za na bɛ be a tɩ zie ka a dɩ̃a a.

Ebre 12:24

Nyɩ taw na pɩɛlɩ a Yeezu na ɩ a Wõ-ta-paala lɔ̃lʋɔrɛ a, nɩ a ʋ zɩ̃ɩ na cir a, a zɩ̃ɩ á ŋá na ƴɛ̀rɛ vla zuo a Abɛl dem a.

Ebre 7:22

A na ɩ à ŋá a, a Yeezu ƴãw n'a tɩ bɛ bʋ́nɛ nɩ kɛ́ Wõ-taa na vɩɛl zuo a be n be ɩ.

Ebre 8:13

A Naaŋmɩn na ƴɛ̀rɛ Wõ-ta-paala ƴɛ̀rʋ a, ʋ ɩ na a wõ-ta-dãw-niwn sob ʋ ɩ bʋ̃-kʋra, ɛcɛ bom na lɩɛbɩ bʋ̃-kʋra ɛ́ kore a, ʋ ta n baarʋ.

Ebre 8:6

Ɛcɛ ƴɛrɛŋa a, bàwr-maal-ton na ɩ kpɛ̃ɛ zuo a n'ʋ bɛ kʋ̀ a Yeezu, bʋ̃ʋ n'ʋ vɛ̃, ʋ ɩ n wõ-taa na vɩɛl zuo a lɔ̃lʋɔrɛ, wõ-taa na maalɩ tu n nɛ́ɛ bɛ na ƴãw a vɩɛl zuo a dãwdãw dem a.

Ebre 9:15

À ŋá n'a a Kɩrɩta ɩ Wõ-ta-paala lɔ̃lʋɔrɛ. Ʋ na kpi k'ʋʋ ír a wõ-ta-dãw-niwn sob daar nʋɔr zawrʋ sãwna bɛr a, a bɛlɩ dem a Naaŋmɩn na bʋɔlɩ a na tʋ̃ɔ́ na mɩ́ páw a yel-vɩɛlɩ na be kʋralɛ a Naaŋmɩn na yel k'ʋʋ na kʋ̀ n a ʋ nɩbɛ a.