Ebre 8:5 - A SƐB-SÕW

⁵ Ɛcɛ a bɛ bàwr-maal-ton ɩ n a saa-zu yele ŋmɛ̃-taalʋ, a saa-zu yele dasule, mɛ̃ a lɛ a Moyiir na tɩ bɔbr a pɛn-sɛw maalʋ a Naaŋmɩn yel kʋ̀ ʋ a. Ʋ tɩ yel ʋ na: «Nyɛ̃, fʋ na maal'ɩ a yele za a ŋmɛ̃ taa nɩ a al ɩ̃ na wul fʋ a tãw zu a.»

Ebre 8:5 ပူးပေါင်းရင်းမြစ်များ

1 Bibie za yel-manɩ 28:12

A al za ʋ na tɩ tɩɛrɛ k'ʋʋ ŋmãa a, ɛ́ a manɩ ƴãw a sɛbɛ zu a, a Ŋmɩn-yir-kpɛ̃ɛ davʋrɩ, a diru al na jil koli a davʋrɩ a, a na-bome diru nɩ a bʋ̃-son diru, ʋ tɩ kʋ̀ n a sɛbɛ ʋl a Salomɔ̃.

1 Bibie za yel-manɩ 28:19

Lɛ n'a a Daviir tɩ yel: «À á ŋá za be n a sɛbɛ ʋl a Sore na kʋ̀ m a pʋɔ. A sɛbɛ ʋl manɩ na wɛwrɩ a lɛ a na sɛw kɛ́ bɛ tõ a tome za na manɩ ƴãw a ʋ pʋɔ a.»

Eziptɩ tẽw yib 25:40

A fʋ̃ʋ Moyiir, jɩ́r ɛ́ tɩ ƴãw bɛ maalɩ tu n a bʋ̃-mã ɩ̃ na wule fʋ a tãw zu ka a.»

Eziptɩ tẽw yib 25:9

Ɩ̃ na wul fʋ nɩ a lɛ a kpɛb zie na na ŋmɛ̃ a, nɩ a lɛ a bʋ̃-son za na na ŋmɛ̃ a. Nyɩ na maal'a na a ɩ a lɛ tɔr za.»

Eziptɩ tẽw yib 26:30

Al pùorí a, Moyiir i, fʋ na ƴãw na bɛ maalɩ a zi-sõw ʋ ɩ mɛ̃ a ʋl ɩ̃ na wul fʋ a tãw zu ka a.»

Eziptɩ tẽw yib 27:8

A bàwr-maal-kuur ŋa bɛ na na maal'ɩ dapawli a, a pʋɔ na ɩ n vuo. Bɛ na maal'ʋ na mɛ̃ a lɛ ɩ̃ na wul fʋ a tãw zu a.»

Sɔr-nɛ́ɛ 8:4

Salm-zɩɛ n'a bɛ tɩ ŋmɛ n 'hama maal'ɩ a fɩ̃tɩlɩ dɔwlʋ zie, a sɩɛ ƴãw tɩ tɔ a tɩ-puur-pɛ-baara. Bɛ tɩ maal'ʋ na ʋ ɩ mɛ̃ a bʋ̃-mã a Sore na tɩ wul a Moyiir a.

Matie 2:12

Al pùorí, a Naaŋmɩn tɩ yel'a kʋ̀ bɛ zánʋ pʋɔ kɛ́ bɛ ta lɛb cen a Erɔdɩ zie ɩ, lɛ so bɛ tɩ tu sɔr-yũo lɛb kul a bɛ tẽw.

Nɩ-toni 7:44

A wɛja-kpalɛ pʋɔ a, a tɩ sãàkʋm-kore tɩ tɛr'ɩ a Naaŋmɩn Wõ-taa pɛn-sɛw. A Naaŋmɩn tɩ yel'a kʋ̀ a Moyiir k'ʋʋ maalɩ a pɛn-sɛw ŋa ʋ ŋmɛ̃ taa nɩ a ʋl ʋ na tɩ nyɛ̃ a.

Kɔlɔsɩ 2:17

À á ŋá za ɩ n a nɩdaar yele dasule, ɛcɛ a lɛ a yele na sɩrɩ ŋmɛ̃ a, Kɩrɩta zie n'a a yi.

Ebre 10:1

A Naaŋmɩn wulu bɛ wule a lɛn tɔr za a yele na ŋmɛ̃ a ɩ. A yel-vɩɛlɩ na waar a dasule tɛwr'ʋ ʋ wule. Ʋ bɛ be za na tʋ̃ɔ́ ɩ a bɛlɩ dem na tawr pɩɛlɛ a Naaŋmɩn a bɛ vɩɛl bɛ cɛ ɩ, a bàwr-been nɛ na saa maalɛ kʋralɛ, yũon za, bɛ tɛr bɛ́rʋ daar a.

Ebre 11:7

A sàw-deb zũú n'a Nowe tɩ bɛr wõ a lɛ Naaŋmɩn na tɩ yel kʋ̀ ʋ, yele bɛ na bɛ tɩ nyɛ̃ sɛr a ƴãw. Ʋ bɛ tɩ de dɩ̃ɛnʋ ƴãw a lɛ a Naaŋmɩn na tɩ yel a ƴãw ɛ, ɛ́ tɩ maalɩ gbor-kpɛ̃ɛ ʋlɛ nɩ a ʋ yir dem faafʋ ƴãw. À ŋá n'a ʋ tɩ wul a tẽ-daa sãwna, ɛ́ a Naaŋmɩn nyɛ̃ ʋ ɩ nɩ-mɩŋa, a ʋ sàw-deb zũú.

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.

Ebre 13:10

Tɩ tɛr'ɩ bàwr-maal-kuur, a pɛn-sɛw pʋɔ bàwr-maalbɛ na bɛ tɛr sɔ́r na dɩ bom na dɔwlɩ a ʋ zu a ɩ.

Ebre 9:9

Zʋkpar'ʋ a dɩ̃a zie ŋa ƴãw: a pɛr lɛ kɛ́ de-kʋ̀b bome tɩrɛ na, bagɛ maalɛ kʋ̀rɛ a Naaŋmɩn, ɛ́ a kʋ̃ tʋ̃ɔ́ ɩ a sob nɛ na ƴãwnɛ a Naaŋmɩn à à ŋá a, a ʋ pʋɔ vɩɛl ɛ.

Zozue 22:28

Tɩ tɩ tɩɛr'ɩ tɩ pʋɔ à ŋá: “Bio bɛlɛ wa ƴɛ̀rɛ à ŋá tɩɩm nɩ a tɩ bʋ̃-dɔwrɩ zie a, tɩ na yel a: Nyɩ nyɛ̃, a tɩ sãàkʋm-kore mɛ n a bàwr-maal-kuur ŋa, ʋ ŋmɛ̃ mɛ̃ a Sore bàwr-maal-kuur tɔr za a. Ɛcɛ, bɛ bɛ mɛ ʋ nyɩw-a-za-bagɛ nɩ bagɛ a mɩnɛ kãw za ƴãw ɩ, bɛ mɛ ʋ na k'ʋʋ ɩ dãsɩɛ bom tɩɩm nɩ a nyɩɩm cara pʋɔ!”

Yel-wula 15:5

Al pùorí, ɩ̃ tɩ nyɛ̃ nɩ a Ŋmɩn-yir-kpɛ̃ɛ ʋ yuo a salom zu, a Ŋmɩn-yir ʋl pʋɔ a Wõ-taa pɛn-sɛw na tɩ be a.