Ebre 8:4 - A SƐB-SÕW

⁴ A Kɩrɩta tɩ be a tẽw zu ka a, ʋ kʋ̃ʋ ɩ bàwr-maalɛ mɩ̀ ɛ, nɩbɛ na faa be be dier a de-kʋ̀b bome tɩrɛ mɛ̃ a lɛ a Naaŋmɩn wulu na ƴãw a.

Ebre 8:4 ပူးပေါင်းရင်းမြစ်များ

Sɔr-nɛ́ɛ 18:5

Nyɩmɛ nɛbɛ na tone a nyɩ tome a zi-sõw pʋɔ nɩ a bàwr-maal-kuur pɛr. Lɛ n'a ɩ̃ kʋ̃ lɛb nyɛ̃ nɩ a Ɩsɩrayɛl nɩbɛ suur ɛ.

Ebre 10:11

Bàwr-maalɛ za mɩ́ àr'ɩ bibir za tone a ʋ bàwr-maal-ton. Ʋ mɩ́ maalɛ nɩ a alɩ bàwr-been nɛ kʋralɛ na kʋ̃ tʋ̃ɔ́ ír a yel-bebe bɛr towtow a.

Ebre 11:4

A sàw-deb zũú n'a Abɛl tɩ maalɩ bàwr na vɩɛl zuo Kayɛ̃ dem a kʋ̀ a Naaŋmɩn. A sàw-deb ƴãw n'a a Naaŋmɩn tɩ yel k'ʋʋ ɩ n nɩ-mɩŋa, a Naaŋmɩn mɩŋa na tɩ sàw de a bome a Abɛl na kʋ̀ ʋ a ƴãw. A ʋ sàw-deb zũú, a Abɛl na saa kpi a cãà na ƴɛ̀rɛ.

Ebre 5:1

Naaŋmɩn bàwr-maal-kara za a, a nɩsaalbɛ pʋɔ n'a bɛ mɩ́ kaa ír ʋ a nɩsaalbɛ ƴãw, a bɛ Naaŋmɩn yele kaafʋ pʋɔ, k'ʋʋ mɩ́ tɩr a de-kʋ̀b bome ɛ́ maalɩ bàwr a yel-bebe suur páwfʋ ƴãw.

Ebre 7:27

A bɛ fɛrɛ ʋ mɛ̃ a bàwr-maal-karɩ a, kɛ́ bibir za, ʋ mɩ́ de niwn maalɩ bàwr a ʋl mɩŋa yel-bebe ƴãw, ɛ́ a pùorí ʋ maalɩ a nɩbɛ dem ƴãw ɛ. Daƴen daadaa n'a ʋ maalɩ a bàwr, a lɛ ʋ na de ʋ tʋɔra tɩr a.

Ebre 8:3

Bàwr-maal-kara za a, de-kʋ̀b bome tɩrʋ nɩ bàwr maalʋ ƴãw n'a bɛ mɩ́ ka nũu ƴãw ʋ: lɛ n'a a fɛr k'aa tɩ bàwr-maal-kara ŋa mɩ̀ mɩ́ tɛr bom na de tɩr.

Ebre 9:9

Zʋkpar'ʋ a dɩ̃a zie ŋa ƴãw: a pɛr lɛ kɛ́ de-kʋ̀b bome tɩrɛ na, bagɛ maalɛ kʋ̀rɛ a Naaŋmɩn, ɛ́ a kʋ̃ tʋ̃ɔ́ ɩ a sob nɛ na ƴãwnɛ a Naaŋmɩn à à ŋá a, a ʋ pʋɔ vɩɛl ɛ.