Ebre 8:11 - A SƐB-SÕW

¹¹ Kãw kʋ̃ mɩ́ lɛb wule a ʋ tẽ-bi-tɔ bɩɩ a ʋ yɛb, yere kʋ̀rɛ ʋ: “Bãw a Sore ɩ”. Bʋ̃ʋ n'ʋ vɛ̃, bɛ za na bãw mɛ̃ na, a bile za zie tɩ ta n a kpɛ̃ɛ za,

Ebre 8:11 ပူးပေါင်းရင်းမြစ်များ

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

2 Bibie za yel-manɩ 30:22

A Ezekɩasɩ ƴɛ̀r-bie tɩ tɔ n a levitɩ mɩnɛ bɛl za na tɩ tɛr tɩɛr-vɩɛlɩ a Sore ƴãw a. Bɛ tɩ cow nɩ a cuw bibie ayopõi, maalɛ nɩ ƴã-ɓaarʋ bàwr ɛ́ danɛ a Sore, a bɛ sãà mɩnɛ Naaŋmɩn.

Ɛsɩdɩrasɩ 7:25

Ɛ́ a fʋ̃ʋ Ɛsɩdɩrasɩ a, ƴãw ƴɛ̀r-dɩrbɛ nɩ nɩ-bɛrɛ tu n a Naaŋmɩn wulu yã-bãwfʋ na be a sɛbɛ fʋ na tɛr cere nɩ a pʋɔ a. Bɛ mɩ́ dɩ a ƴɛ̀rʋ kʋ̀ a bɛlɩ dem za na bãw a Naaŋmɩn nɛ́ɛ a Efaratɩ gãwn nɩbɛ pʋɔ a. Nyɩ mɩ̀ na wul a nɩ a bɛlɩ dem na bɛ bãw a a.

Ɩzayi 2:3

Nɩ-bʋʋr-yaga na ìr'a lo a sɔ́r ɛ́ yere: “Nyɩ wa! Nyɩ wa tɩ do a Sore tãw zu, tɩ do a Zakɔb Naaŋmɩn yir. Ʋ na tɩ wul tɩ nɩ a ʋ sɛ́ɛ, ɛ́ tɩ na cere nɩ a ʋ soli zu.” Sɩza, Sɩyɔ̃ n'a a Sore wulu yire waar, Zerizalɛm'a a ʋ ƴɛ̀rʋ yire waar wa páwr tɩ.

Ɩzayi 54:13

Ɩ̃ na wule nɩ a fʋ bibiir za, ɛ́ bɛ na tɛr'ɩ ƴã-ɓaarʋ yaga.

Zeremi 24:7

Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.

Zeremi 31:34

A Sore yere na: Nɩr za kʋ̃ mɩ́ lɛb wule a ʋ tɔ sob bɩɩ a ʋ yɛb yere nɩ: “Nyɩ bãw a Sore!” ɩ. Bʋ̃ʋ n'ʋ vɛ̃, bɛ za na bãw mɛ̃ na, a pʋrɩ za zie tɩ tɔ a kpɛ̃ɛ za zie. Ɩ̃ na dɩ n a bɛ sãwna suur kʋ̀ bɛ, ɩ̃ kʋ̃ cãà bãwnɩ a bɛ yel-bebe ɩ.»

Zeremi 42:1

Lɛ n'a a zɛbr-nɩbɛ nɩ-bɛrɛ za, baa zuo a za, a Karea bidɛb, Yohanan, nɩ a Hosaya bidɛb, Azarɩa, nɩ a bɛlɩ dem za na tɩ be be a, a pʋrmɛ nɩ a bɛrɛ, tɩ taw pɩɛlɩ

Zeremi 42:8

Lɛ n'a a Zeremi tɩ bʋɔlɩ a Karea bidɛb, Yohanan, nɩ a zɛbr-nɩbɛ nɩ-bɛrɛ na tɩ lãw nɩ ʋ a, nɩ a nɩbɛ za, a pʋrmɛ nɩ a bɛrɛ.

Zeremi 44:12

Ɩ̃ na de nɩ a Zuda nɩbɛ na cãà cɛ vʋʋrɛ a, a bɛl na zɔ wa a Eziptɩ tẽw wa kpɩɛr a naayir a, ɛ́ bɛ na kpi n bɛ za. A tẽw ŋa pʋɔ n'a bɛ na kpi a zɛbr-sɔ-kpɛ̃ɛ nɩ a kɔ̃ kũu, a pʋrmɛ nɩ a bɛrɛ. Ʋ̃ʋ, à ŋá n'a bɛ na kpi, ɛ́ bɛlɛ wa ŋmɩɛr ƴãwn, bɛlɛ wa ƴɛ̀rɛ bom na kpɛ faa bɛ maal'ɩ wob, bɩɩ bom na ɩ bʋ̃-ŋmɛ-ƴãwna, bɩɩ bom na ɩrɛ nɩr vĩ a ƴɛ̀rʋ a, bɛlɛ nɛbɛ bɛ na mɩ́ de man nɩ.

Zeremi 6:13

Bʋ̃ʋ n'ʋ vɛ̃, a na tĩ a pʋrmɛ tɩ tɔ a bɛrɛ a, bɛ za bɔbr'ɩ a bɛ tɔnɛ. A naaŋmɩn-ƴɛ̀r-manbɛ tɩ tɔ a bàwr-maalbɛ a, bɛ za tɛr'ɩ libelibe yã.

Ezekɩɛl 34:30

Nɩsaal za na bãw na k'aa mãa, a Sore bɛ Naaŋmɩn, ɩ̃ be n a bɛ zie, ɛ́ a Ɩsɩrayɛl nɩ-bʋʋrɛ sɩrɩ ɩ a ɩ̃ nɩ-bʋʋrɛ. A mãa Sore Naaŋmɩn n'ʋ yere.

Habakukɩ 2:14

Yel-mɩŋa, a Sore yúor-vɩɛlʋ-danʋ a nɩbɛ na na bãw a, na paal'ɩ a tẽw, mɛ̃ a lɛ a kʋ̃ɔnɩ na paalɩ pàw a kʋ̃ɔ-kpɛ̃ɛ a.

Zã 6:45

Bɛ sɛb'ɩ a naaŋmɩn-ƴɛ̀r-manbɛ sɛbɛ pʋɔ kɛ́: “A Naaŋmɩn mɩŋa n'ʋ na ɩ a bɛ za wule.” Nɩr za na bɛrɛ wone a Sãà ƴɛ̀rʋ ɛ́ dier a ʋ wulu a, ʋ waar'ɩ a ɩ̃ zie.

Nɩ-toni 8:10

ɛ́ a nɩbɛ za tɩ tu a ʋ pùor, a bibiir tɩ lãwnɩ a nɩ-bɛrɛ. Bɛ tɩ yere na: «A dɛb ŋa n'ɩ a Naaŋmɩn fãw, a fãw ʋl bɛ na bʋɔlɛ a fãw kpɛ̃ɛ a.»

1 Zã 2:27

A nyɩɩm a, a Vʋʋrʋ Sõw nyɩ na páw a Kɩrɩta zie a, ʋ be n a nyɩ zie, ɛ́ nyɩ bɛ gù kɛ́ nɩr kãw za wule nyɩ ɛ. Bʋ̃ʋ n'ʋ vɛ̃, a Vʋʋrʋ wule nyɩ nɩ bom za: ʋ wule nyɩ nɩ a yel-mɩŋa, ziri bɛ n'a ʋ wule nyɩ ɛ, lɛ so nyɩ ɩrɛ a lɛ ʋ na wul nyɩ a: nyɩ lãw nɩ a Kɩrɩta.

1 Zã 5:20

Tɩ bãw na kɛ́ a Naaŋmɩn Bie wa na wa kʋ̀ tɩ a yã kɛ́ tɩ bãw a Naaŋmɩn-sɩza. Tɩ lãw nɩ nɩ a Naaŋmɩn-sɩza a ʋ Bie Yeezu Kɩrɩta ƴãw. Ʋlɛ n'ɩ a Naaŋmɩn-sɩza nɩ a nyɔ-vʋʋrʋ na be kʋralɛ a.