Ebre 8:10 - A SƐB-SÕW

¹⁰ A Sore yere na, a Wõ-taa n'ɩ ŋa ɩ̃ na na maal'ɩ a Ɩsɩrayɛl nɩbɛ, a bibie al pùorí a: Ɩ̃ na ƴãw nɩ a ɩ̃ Wulu a bɛ tɩɛrʋ pʋɔ, ɩ̃ na sɛb ʋ na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Ebre 8:10 ပူးပေါင်းရင်းမြစ်များ

Eziptɩ tẽw yib 24:4

A Moyiir tɩ sɛb'ɩ a Sore ƴɛ̀rʋ za. Ɛ́ a bio daarɩ́ ʋ dãwnɩ ìru, mɛ bàwr-maal-kuur a tãw sɩ̃ɛ́, ɛ́ mɩ̀ bin kʋsɛbɛ pie nɩ ayi teli teli, a Ɩsɩrayɛl nɩbɛ dɔwlʋ pie nɩ ayi ƴãw.

Eziptɩ tẽw yib 24:7

Al pùorí ʋ de a wõ-taa sɛbɛ kanɩ a yi a nɩbɛ niŋé. A Ɩsɩrayɛl nɩbɛ tɩ yel'a: «A lɛ za a Sore na yel a, tɩ na tu na, tɩ na sàw nɩ a ʋ nʋɔr.»

Eziptɩ tẽw yib 34:1

A Sore tɩ yel'ɩ a Moyiir: «Pɛnɩ kʋsɛ-pamɛ ayi mɛ̃ a dãw-niwn dem al fʋ na lɔb kar bɛr a. Ɩ̃ na sɛb'ɩ a nɛ-ƴãwnɩ na tɩ be a dãw-niwn dem zu a, ƴãw a zu.

Eziptɩ tẽw yib 34:27

A Sore tɩ cãà na yel a Moyiir: «Sɛb a nɛ-ƴãwnɩ á ŋá. Bʋ̃ʋ n'ʋ vɛ̃, a al zũu n'a ɩ̃ maalɛ nɩ fʋ a wõ-taa, ɛ́ mɩ̀ maalɛ nɩ a Ɩsɩrayɛl nɩbɛ.»

A Yielu za pʋɔ yiel-vla vla 2:16

Ɩ̃ so nɩ a ɩ̃ nɩ-nɔna, ʋʋ mɩ̀ so m. Ʋ àr'ɩ nɩ a ʋ dʋn a lisɩ mɔ̃-puuru pʋɔ.

Zeremi 24:7

Ɩ̃ na kʋ̀ bɛ nɩ yã na na sõw bɛ bɛ bãw mɛ̃ a. Sɩza, mãa n'ɩ a Sore, bɛ na lɩɛb'ɩ a ɩ̃ nɩbɛ, ɩ̃ɩ ɩ a bɛ Naaŋmɩn. Bɛ na lɛb'a wa a ɩ̃ zie nɩ a bɛ pʋɔ za.

Zeremi 31:1

A Sore yere na: «A daar ʋl ɩ̃ na na ɩ a Ɩsɩrayɛl yie za Naaŋmɩn, ɛ́ a ɩ a ɩ̃ nɩ-bʋʋrɛ a na ta na.»

Zeremi 31:33

A Sore cãà na yere: Nyɛ̃ a wõ-taa ʋl ɩ̃ na na maal'ɩ a Ɩsɩrayɛl nɩbɛ a lɛn daar a: Ɩ̃ na ƴãw nɩ a ɩ̃ wulu a bɛ pʋ̃ɔmɩ za, ɩ̃ na sɛb a na ƴãw a bɛ socie pʋɔ. Ɩ̃ na ɩ n a bɛ Naaŋmɩn, ɛ́ bɛ ɩ a ɩ̃ nɩbɛ.

Zeremi 32:38

Bɛ na lɛb'a ɩ a ɩ̃ nɩbɛ, ɩ̃ɩ ɩ a bɛ Naaŋmɩn.

Zeremi 32:40

Ɩ̃ na maal'ɩ bɛ nɩ wõ-taa na be kʋralɛ a. Ɩ̃ kʋ̃ lɛb pùor ɛ́ bɛr bɛ towtow ɛ, ɩ̃ na tuur bɛ nɩ kʋralɛ, maalɛ bɛ vla. À ŋá n'a bɛ na ƴãwnɛ mɛ̃ yaga za, ɛ́ bɛ kʋ̃ lɛb taw zãá nɩ mɛ̃ towtow ɛ.

Ezekɩɛl 37:27

Ɩ̃ na kpɩɛr'ɩ a nyɩ sɔgɔ. Ɩ̃ na ɩ n a nyɩ Naaŋmɩn ɛ́ nyɩ ɩ a ɩ̃ nɩ-bʋʋrɛ.

Ezekɩɛl 39:22

A na dɛ tĩ a ʋlɩ bibir nɛ a, a Ɩsɩrayɛl nɩbɛ na bãw na kɛ́ mãa n'ɩ a Sore, a bɛ Naaŋmɩn.»

A naaŋmɩn-ƴèr-manɛ Oze sɛbɛ 2:23

A ʋlɩ bibir nɛ a, a Sore n'ʋ yere, ɩ̃ na maal'ɩ a salom pʋ-tɩɛrʋ, ɛ́ a salom maalɩ a tẽsɔw pʋ-tɩɛrʋ.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Zakari 8:8

Ɩ̃ na ɩ na bɛ yi a be lɛb wa wa kpɩɛr a Zerizalɛm. Bɛ na ɩ n a ɩ̃ nɩ-bʋʋrɛ, ɩ̃ɩ ɩ a bɛ Naaŋmɩn. Ɩ̃ na dɩrɛ nɩ naalʋ a bɛ zu, nɩ yel-mɩŋa nɩ mɩnʋ.»

Matie 22:32

“Mãa n'ɩ a Abraham Naaŋmɩn, a Ɩzaakɩ Naaŋmɩn, nɩ a Zakɔb Naaŋmɩn.” Ʋ bɛ ɩ nɩ-kũuni Naaŋmɩn ɛ, nɩ-vʋʋrɩ Naaŋmɩn n'ʋ.»

Ʋrɔm 11:27

Ɛ́ a Wõ-taa n'ɩ ŋa ɩ̃ na na maal'ɩ bɛ, a lɛn daar ɩ̃ nãà wa ír a bɛ yel-bebe bɛr a.»

1 Korɛ̃tɩ 6:16

Nyɩ bɛ bãw kɛ́ nɩr na gã nɩ a pɔw-yɛm a, ʋ lãw nɩ ʋ na bɛ ɩ ƴãw-been ɛ? Bʋ̃ʋ n'ʋ vɛ̃, bɛ yel'ɩ à ŋá: «A bɛ za ayi na ɩ n nɩ-been.»

2 Korɛ̃tɩ 3:3

Sɩza n'a, a sãá nɩ cãàmɩlɛ kɛ́ nyɩ ɩ n a sɛb-tʋɔla a Kɩrɩta na sɛb ɛ̀ tɩ de lʋɔrɩ tɩr a. Sɛb-dale kʋ̃ɔ bɛ n'a bɛ sɛb'ɩ ɛ, ɛcɛ a Naaŋmɩn na vʋʋrɛ a Vʋʋrʋ Sõw n'ʋ. Kʋsɛ-pamɛ zu bɛ n'a bɛ sɛb ɛ, a nɩsaalbɛ socie pʋɔ n'a.

Wulu-ayi-sob 30:6

A Sore nyɩ Naaŋmɩn na ír'ɩ nyɩɩm nɩ a nyɩ bʋʋrɛ socie dɛwr bɛr, kɛ́ nyɩ tʋ̃ɔ́ nɔnɛ ʋ nɩ a nyɩ pʋɔ za, nɩ a nyɩ sɩ́ɛ za. Lɛ n'a nyɩ na tʋ̃ɔ́ vʋʋrɛ.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

Ebre 11:16

Ɛcɛ alɛ ɩrɛ mɛ̃ bom'ʋ a, sãà-tẽw na vɩɛl zuo a n'ʋ bɛ tɩ bɔbr, a pɛr lɛ k'aa tẽ-vla pʋɔ dem. Lɛ so a bɛ ɩrɛ a Naaŋmɩn vĩ bɛ na bʋɔlɛ ʋ a bɛ Naaŋmɩn a ɩ, bʋ̃ʋ n'ʋ vɛ̃, ʋ cɔbr'ɩ tẽ-kpɛ̃ɛ a bɛ ƴãw.

Zakɩ 1:18

Ʋ nɔnɛ na dɔw tɩ nɩ a ʋ ƴɛ̀rʋ na ɩ a yel-mɩŋa a, kɛ́ tɩ tʋ̃ɔ́ ɩ niw-dierbɛ a ʋ bʋ̃-íri za pʋɔ.

Zakɩ 1:21

A na ɩ à ŋá a, nyɩ ír dɛwr za bɛr a nyɩ zie nɩ a po-tuolu yel-bɛ-sɛwrɩ za. Nyɩ sàw de a ƴɛ̀rʋ nɩ su-nʋ̃ɔ̀ a Naaŋmɩn na ƴãwnɛ a nyɩ pʋɔ a, a ƴɛ̀rʋ ŋa na tʋ̃ɔ́ na faa nyɩ.

1 Pɩɛr 1:23

Nɩsaal na na wɛ a, ʋlɛ bɛ n'ʋ ɩ nyɩ lɛb dɔw ɛ, a Naaŋmɩn ƴɛ̀rʋ na vʋʋrɛ ɛ́ be kʋralɛ a, ʋlɛ n'ʋ ɩ nyɩ lɛb dɔw.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.