Ebre 7:26 - A SƐB-SÕW

²⁶ A bàwr-maal-kara tɔr za n'ɩ à ŋà a na tɩ fɛr kɛ́ tɩ tɛr a: ʋ ɩ n sõw, ʋ bɛ tɛr sãwna ɩ, ʋ vɩɛl'ɩ ʋ za. Bɛ bʋ́r ʋ na ʋ bɛ pʋɔ a yel-bebe dem pʋɔ ɩ, ɛ́ zɛw ʋ k'ʋ do gãw a salom.

Ebre 7:26 ပူးပေါင်းရင်းမြစ်များ

Sɛb-sõw yielu 68:18

Naaŋmɩn tɛr'ɩ zɛbr-torkori túre túre, tùr-piir piir. Alɛ n'a a Sore yi n a Sinayi tãw zu, ɛ́ wa n a zi-sõw pʋɔ.

Eziptɩ tẽw yib 28:36

«Bɛ na maal'ɩ pɩ̃ɛmɛ nɩ salm-zɩɛ mɩŋa mɩŋa, ʋ ɩ mɛ̃ tɩ-puuru a, ɛ́ bɛ wi ƴãw a ʋ zu kɛ́: “Sore bʋ̃-sora.” Bɛ na wi ʋ na mɛ̃ a lɛ bɛ na mɩ́ wi nɩr ŋmaarʋ-bʋ̃-ƴãwna a.

Ɩzayi 53:9

Bɛ ũù ʋ na lãwnɩ nɩ-faar, a ʋ yàa be n tɛra dem yarʋ pʋɔ, ʋ na saa bɛ maalɩ yel-faa za, ɛ́ ziri bɛ dãw yi a ʋ nʋɔrɩ́ a.

Ezekɩɛl 44:27

A bibir nɛ ʋ na na lɛb kpɛ a zi-sõw sɔwlɩsɔw davʋra pʋɔ a, ʋ na maal'ɩ bàwr a ʋ yel-bier suur-dɩ-kʋ̀b ƴãw. A mãa Sore Naaŋmɩn n'ʋ yere.

Matie 27:18

Ʋ tɩ bãwnɩ a na nyuur ƴãw na n'a bɛ nyɔw a Yeezu wa n a ʋ zie a.

Markɩ 16:19

A Sore Yeezu na wa ƴɛ̀r a bɛ zie à à ŋá baar'a, bɛ ír ʋ na do n a tẽ-vla pʋɔ, ʋ tɩ zɩ̃ a Naaŋmɩn dʋrʋ lowr.

Luka 1:35

A malkɩ tɩ sɔw ʋ na: «Vʋʋrʋ Sõw na siw nɩ a fʋ zu, ɛ́ a Naaŋmɩn-na-do-saa-bɛ-pɩɛl-a fãw na piw fʋ na nɩ a ʋ ɓaarʋ. Lɛ so a bie na na dɔw a, na ɩ sõw, ɛ́ bɛ bʋɔlɛ ʋ Naaŋmɩn Bie.

Luka 23:22

A Pɩlatɩ tɩ lɛb'a yel bɛ a gb'a ata sob ƴãw: «Bʋnʋ yel-faa n'ʋ ʋ maalɩ? Ɩ̃ bɛ nyɛ̃ bom za na sɛwnɩ kũu a ɩ. Ɩ̃ na ƴãw na bɛ fɔb ʋ, ɩ̃ɩ lɛb bɛr ʋ.»

Luka 23:41

Tɩɩm dem sɛw na: a tɩ ɩ-ɩrɩ san n'a tɩ yarɛ. Ɛcɛ ʋl bɛ maalɩ yel-faa kãw za ɩ.»

Luka 23:47

A sojarɩ kʋba nɩ-kpɛ̃ɛ na tɩ nyɛ̃ a yele á ŋá na ɩ a, ʋ danɩ nɩ a Naaŋmɩn yel: «Sɩza, a nɩr ŋa tɩ ɩ n Nɩ-mɩŋa!»

Luka 24:26

A bɛ tɩ fɛr kɛ́ a Kɩrɩta wõ tuo ɛ́ bãw nyɛ̃ a yúor-vɩɛlʋ-danʋ bɩɩ?»

Luka 24:46

ɛ́ yel bɛ: «À ŋá n'a bɛ tɩ sɛb: “A Naaŋmɩn Nɩ-kabra na wõ n tuo, ɛ́ lɛb yi a kũuni pʋɔ a bibie ata sob,

Zã 14:30

Dɩ̃a na ta a, ɩ̃ kʋ̃ lɛb ƴɛ̀r'ɩ nyɩ cɛlɩ ɛ, bʋ̃ʋ n'ʋ vɛ̃, a tẽ-daa ŋa nãà waar'a. Sɩza n'a, ʋ bɛ tɛr ɩ̃ yel-ɩra ɩ,

Zã 8:29

A sob nɛ na tõ m a be n a ɩ̃ zie: ʋ bɛ bɛr mɛ̃ ɩ̃ ɩ ɩ̃ yõ ɩ, ɩ̃ na mɩ́ ɩrɛ a pɛlɩ a ʋ pʋɔ kʋralɛ a ƴãw.»

Nɩ-toni 3:14

Nyɩ zawr'ɩ a Nɩ-sõw nɩ a Nɩ-mɩŋa bɛr, ɛ́ nɩ̃ɛ zɛlɩ kɛ́ bɛ yuo nɩ-kʋrɛ a gaso pʋɔ kʋ̀ nyɩ.

Nɩ-toni 4:27

Sɩza, bɛ sɩrɩ na ɓã taa a tẽ-kpɛ̃ɛ ŋa pʋɔ: Erɔdɩ nɩ Pɔ̃sɩ-Pɩlatɩ, lãwnɩ a nɩ-bʋʋr-yoru nɩ a Ɩsɩrayɛl bʋʋrɛ nɩbɛ wõ n taa a fʋ tõ-tõ-bi-sõw Yeezu ƴãw, a ʋl fʋ na ka nũu ƴãw a.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Ebre 1:3

A Bie ŋa n'ɩ a Naaŋmɩn yúor-vɩɛlʋ-danʋ na nyɩwrɛ a, nɩ a lɛ tɔr za a Naaŋmɩn na ŋmɛ̃ a, ɛ́ ʋlɛ n'ʋ nyɔw a tẽ-daa tɛr nɩ a ʋ ƴɛ̀rʋ fãw. Ʋ na wa pɛ́w a nɩsaalbɛ yel-bebe dɛwr bɛr baar'a, ʋ zɩ̃ n a Naaŋmɩn na ɩ kpɛ̃ɛ kpɛ̃ɛ za a dʋrʋ lowr a saa-zu.

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 2:10

A Naaŋmɩn ƴãw bom za na be, ʋʋ so bom za be a, ʋ na tɩ bɔbr k'ʋʋ tɛr bibiir yaga bɛ tɩ pʋɔ a ʋ yúor-vɩɛlʋ-danʋ pʋɔ a, a tɩ sɩrɩ na sɛw k'aa Yeezu na na ɩ a bɛ faafʋ sɔ́r niw-diere a, ʋ ɩ ʋ k'ʋ wõ tuo vɩɛl ʋ za.

Ebre 2:17

Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

Ebre 3:1

Yɛbr kɩrɩta-nɩbɛ ɛ, a Naaŋmɩn so nyɩ, ʋl na bʋɔlɩ nyɩ a. A na ɩ lɛ a, nyɩ jɩ́rɛ a Yeezu na ɩ a naaŋmɩn-sàw-deb tɩ na hiere a nɩ-tona nɩ abàwr-maal-kara a.

Ebre 7:11

A bàwr-maalɛ ɩb a Levi pal pʋɔ n'ʋ tɩ so a nʋɔr bɛ na kʋ̀ a Ɩsɩrayɛl nɩbɛ a. Ɛcɛ a Levi pal pʋɔ bàwr-maalbɛ tɩ tõ ton na vɩɛl ʋ za a, a kʋ̃ʋ lɛb fɛrɛ kɛ́ bàwr-maal-yũo yi ɩ mɛ̃ a Mɛlkɩsedɛkɩ na tɩ ɩ a bàwr-maalɛ a ɩ, ɛ́ bɛ ɩ mɛ̃ a lɛ a Aarɔ̃ na tɩ ɩ a bàwr-maalɛ a ɩ.

Ebre 8:1

A ƴɛ̀rʋ tɩ na ƴɛ̀rɛ a ƴɛ̀r-zu-kpɛ̃ɛ sɩrɩ n'ɩ à ŋà: a bàwr-maal-kara ŋa tɔ n'ʋ tɩ tɛr, ʋl na zɩ̃ a Naaŋmɩn na ɩ kpɛ̃ɛ kpɛ̃ɛ za a naalʋ-dà-kɔw dʋrʋ lowr a saa-zu a.

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

1 Pɩɛr 1:19

Ɛcɛ zɩ̃ɩ na ɩ zɩ̃ɩ a n'a faa nyɩ, a Kɩrɩta zɩ̃ɩ, ʋl na ɩ a Pele na bɛ tɛr faalʋ nɩ dɛwr a.

1 Pɩɛr 2:22

ʋl na bɛ maalɩ yel-bier, ɛ́ ziri mɩ̀ bɛ yi a ʋ nʋɔrɩ́ a,

1 Pɩɛr 3:22

ʋl na do a tẽ-vla pʋɔ tɩ be a Naaŋmɩn dʋrʋ lowr dɩrɛ naalʋ a malkɩ mɩnɛ zu, a salom zu kpɛnʋ dem nɩ a fãw dem zu a.

1 Zã 2:2

Bʋ̃ʋ n'ʋ vɛ̃, ʋ de nɩ ʋ tʋɔra maal'ɩ bàwr, kɛ́ Naaŋmɩn tʋ̃ɔ́ dɩ a tɩ yel-bebe suur kʋ̀ tɩ. Ɛcɛ tɩɩm yõ yel-bebe bɛ n'a ɩ, a nɩsaalbɛ za dem mɩ̀ n'a.

1 Zã 3:5

Ɛcɛ nyɩ bãwnɩ a na, a Kɩrɩta wa na k'ʋʋ wa ír a yel-bebe bɛr, ɛcɛ ʋl bɛ maalɩ yel-bier ɛ.

Yel-wula 3:7

«Sɛb yel a Fɩladɛlfɩ tẽw Lãw-yir malkɩ: À ŋá n'a a Nɩ-sõw, a Sob nɛ na tɛr yel-mɩŋa a, yere, ʋl na tɛr a nãà Daviir pĩi a, ʋl na mɩ́ yuo ɛ́ nɩr kʋ̃ tʋ̃ɔ́ pàw a, ʋl na mɩ́ pàw ɛ́ nɩr kʋ̃ tʋ̃ɔ́ yuo a: