Ebre 7:25 - A SƐB-SÕW

²⁵ A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.

Ebre 7:25 ပူးပေါင်းရင်းမြစ်များ

A Zɔb sɛbɛ 22:17

Bɛ mɩ́ tɩ yere na càarɛ nɩ a Naaŋmɩn: «Ʋ bɛr tɩ zoom!» Ʋlɛ n'ɩ a Kpɛnʋ-za-sob, ɛcɛ bʋ̃ʋ n'ʋ ʋ na tʋ̃ɔ́ ɩ tɩ?

A Zɔb sɛbɛ 23:3

'Woi! Mãa tɩ bãw be ɩ̃ na na páw a Naaŋmɩn a, ɩ̃ nãá ta n a ʋ naalʋ-dà-kɔw pɛr.

Ɩzayi 45:22

Nyɩɩm na wɩɛr tɩ kpɩɛr a tẽw baarʋ zie a, nyɩ lɩɛbɩ cɔw mɛ̃, ɛ́ nyɩ na nyɛ̃ nɩ a faafʋ. Bʋ̃ʋ n'ʋ vɛ̃, mãa n'ɩ a Naaŋmɩn, kãw bɛ lɛb ka be ɩ.

Ɩzayi 45:24

«A Sore yõ zie n'a a mɩnʋ nɩ a kpɛnʋ be.» Bɛlɩ dem za na zɛb'ɩ mɛ̃ a na wa n a ɩ̃ zie, ɛ́ vĩ ɩrɛ bɛ.

Ɩzayi 53:12

Alɛ n'a so ɩ̃ ƴãwnɛ ʋ a nɩbɛ na ɩ bɛrɛ zuo bɛ za a pʋɔ. Ʋlɛ nɩ a gãdaar nɛbɛ na lãw põ a zɛbr na-bome bɛ na fa a. Bʋ̃ʋ n'ʋ vɛ̃, ʋ nyɛ̃ nɩ ʋ tʋɔra sàw a kũu, ɛ́ bɛ sɔ́r ʋ ƴãw a nɩ-faar pʋɔ, ʋ tuo nɩ nɩ-yaga yaga faalʋ, ɛ́ ɩ a yel-bebe dem tãpɛlʋ sob.»

Ɩzayi 59:16

Ʋ nyɛ̃ na kɛ́ nɩr za bɛ tɩ damnɛ damnʋ ɛ, a tɩ ùr ʋ na, nɩr za na bɛ tɩ ɩrɛ bom a. Lɛ n'a ʋ tɩ yel k'aa ʋl mɩŋa na ɩ n ɩb kãw, ɛ́ a ʋ mɩnʋ n'a tɩ kʋ̀ ʋ a fãw a al ƴãw.

Ɩzayi 63:1

Ãa n'ɩ a sob ŋa na yi a Edɔm tẽ-kpɛ̃ɛ, Bɔsɩra, waar a? A ʋ kparɩ mar'ɩ bʋ̃-zɩɩr. Ʋ su n dɛpaal bʋ̃-suuri, ʋ nàw nɩ nyãá waar'ɩ, ɛ́ bãwnɩ a ʋ fãw. A Sore yere na: “Mãa n'ʋ. Ɩ̃ dɩrɛ nɩ a ƴɛ̀rʋ nɩ mɩnʋ, ɩ̃ tɛr'ɩ a fãw na faa nyɩ.

Zeremi 3:22

«Bibiir na bɛ tu m a, nyɩ lɛb wa a ɩ̃ zie, ɩ̃ na sanɩ nɩ a nyɩ na-bɛ-tu-m a ɩ-ɩrɩ za!» «Tɩmɛ n'ɩ bɛ ŋa! Tɩ waar'ɩ a fʋ zie, bʋ̃ʋ n'ʋ vɛ̃, a fʋ̃ʋ Sore a, fʋ̃ʋ n'ʋ ɩ a tɩ Naaŋmɩn!

Zã 14:13

Bom nɛ za nyɩ na na zɛlɩ a ɩ̃ yúor ƴãw a, ɩ̃ na ɩ na, a ɩ̃ Sãà tʋ̃ɔ́ nyɛ̃ yúor-vɩɛlʋ-danʋ a Bie pʋɔ.

Zã 14:16

Ɩ̃ɩ na zɛlɩ nɩ a Naaŋmɩn Sãà ʋ kʋ̀ nyɩ Gùre ƴen sob ʋ be a nyɩ zie kʋralɛ.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Ʋrɔm 5:10

Tɩ tɩ ɩ n a Naaŋmɩn dɔ̃ dem, ʋʋ ɩ tɩɩm nɩ ʋl lɛb kpɛ taa a ʋ Bie kũu zũú. Ƴɛrɛŋa tɩɩm nɩ ʋl na lɛb kpɛ taa baarɩ a, bʋnʋ bɛ ka be ɩ, ʋ na faa tɩ nɩ zaalɛ a ʋ Bie nyɔ-vʋʋrʋ ƴãw.

Ʋrɔm 5:2

Ʋlɛ n'ʋ puo a Naaŋmɩn maalʋ sɔ́r kʋ̀ tɩ, a sàw-deb zũú, ɛ́ tɩ be a maalʋ ŋa pʋɔ. Ɛ́ bom nɛ na ɩrɛ tɩ nʋ̃ɔ̀ a, a ɩ n tɩ na tɩɛrɛ kɛ́ tɩ nãà páw nɩ a Naaŋmɩn yúor-vɩɛlʋ-danʋ a.

Ʋrɔm 8:34

Ãa n'ʋ na maal'ɩ bɛ ƴɛ̀rʋ? Nɩr bɛ ka be ɩ. Bʋ̃ʋ n'ʋ vɛ̃, a Yeezu Kɩrɩta kpi na, mɔ̃ mɩ̀, ʋ lɛb'a yi a kũu pʋɔ, ʋ be n a Naaŋmɩn dʋrʋ lowr zɛlɛ ʋ a tɩ ƴãw.

1 Korɛ̃tɩ 1:21

Bʋ̃ʋ n'ʋ vɛ̃, a tẽ-daa nɩbɛ nɩ a bɛ yã-bãwfʋ za na faa bɛ tʋ̃ɔ́ bãw a Naaŋmɩn a ʋ yã-bãwfʋ ɩb pʋɔ a, alɛ so a Naaŋmɩn yel k'ʋʋ na faa nɩ a bɛlɩ dem na sàw de ʋ a, nɩ a da-gara zu kũu hieru na sãá mɛ̃ gẽgẽ-ɩb a a.

Efɛɛzɩ 2:18

Ɛ́ ʋlɛ n'ʋ so a tɩ bʋʋrɛ bɛ ŋa ayi mɩ́ tʋ̃ɔ́ taw pɩɛlɩ a Naaŋmɩn Sãà, a Vʋʋrʋ been yõ ƴãw.

Efɛɛzɩ 3:12

A Kɩrɩta tɩ na sàw de ɛ́ lãw nɩ a ƴãw n'a tɩ mɩ́ sʋ̃ɔmɩ sàw bɛr dɛ̃bɩ̃ɛ ɛ́ àr a Naaŋmɩn niŋé.

Efɛɛzɩ 3:20

A Naaŋmɩn na na tʋ̃ɔ́ mɩ́ maalɩ yel za tɩ zuo nɩ a lɛ tɩ na zɛlɛ bɩɩ tɩɛrɛ a, a ʋ fãw na tone a tɩ pʋɔ a zũú a,

Filib 3:21

ʋl na na lɩɛbɩ a tɩ bãbàalʋ ƴã-gamɛ a ŋmɛ̃ taa nɩ a ʋ yúor-vɩɛlʋ-danʋ ƴã-gan, nɩ a fãw ʋ na tɛr na mɩ́ tʋ̃ɔ́ dɩ naalʋ bom za zu a.

1 Timote 2:5

Bʋ̃ʋ n'ʋ vɛ̃, Naaŋmɩn-been yõ n'ʋ be, lɔ̃lʋɔrɛ been yõ n'ʋ mɩ̀ be a Naaŋmɩn nɩ a nɩsaalbɛ cará: ʋlɛ n'ɩ a Kɩrɩta Yeezu na ɩ nɩsaal a,

2 Timote 1:12

Alɛ n'a so ɩ̃ wone a tuo á ŋá. Ɛcɛ vĩ bɛ ɩrɛ mɛ̃ ɩ, ɩ̃ bãw nɩ sob nɛ ƴãw ɩ̃ na ƴãw a ɩ̃ tɩɛrʋ a, ɩ̃ɩ bɛ bʋ̀nɛ ɩ, ɩ̃ bãwnɩ a na k'ʋʋ tɛr'ɩ fãw na tɛr a bom ʋ na kʋ̀ m k'ɩ̃ɩ tɛlɛ a, tɩ ta n a ƴɛ̀rʋ-maalʋ bibir.

Ebre 11:6

Ɛcɛ a sàw-deb bɛ wa ka be a, nɩr kʋ̃ tʋ̃ɔ́ pɛlɩ a Naaŋmɩn pʋɔ ɩ. Bʋ̃ʋ n'ʋ vɛ̃, sob nɛ na tawr pɩɛlɛ a Naaŋmɩn a, a fɛr'a k'ʋʋ sàw de k'aa Naaŋmɩn be na ɛ́ mɩ́ maalɩ a bɛlɩ dem na bɔbr ʋ a.

Ebre 13:15

Tɩ tu a Yeezu maalɛ danʋ bàwr kʋralɛ kʋ̀rɛ a Naaŋmɩn, a pɛr lɛ kɛ́ danʋ na yire nɛ́ɛ na íre a ʋ yúor a pʋɔ.

Ebre 2:18

Ʋ na wõ tuo ɛ́ nyɛ̃ bɛlʋ a, ʋ na tʋ̃ɔ́ na mɩ́ sõw a bɛlɩ dem na nyɛrɛ a bɛlʋ a.

Ebre 2:9

Yel ŋa n'ʋ tɩ nyɛ̃: bɛ siwr'ɩ a Yeezu blãlɛ ƴãw, ʋ bɛ ta a malkɩ mɩnɛ ɩ, k'aa Naaŋmɩn maalʋ zũú, ʋ́ kpi nɩsaal za ƴãw, ɛ́ tɩ nyɛ̃ ʋ nɩ ƴɛrɛŋa ʋ tɛr yúor ɛ́ nyɛrɛ ƴãwfʋ, a kũu kpɩɛrʋ ʋ na nyɛ̃ a ƴãw.

Ebre 5:7

A ʋ tẽw zu ka nyɔ-vʋʋrʋ daar a, a Kɩrɩta tɩ ŋmɛ n cɛlsɩ cir'ɩ mʋta-kʋ̃ɔ, ɛ́ puori lɔb'ɩ nuru zɛlɩ nɩ a Naaŋmɩn yãayãa, ʋl na na tʋ̃ɔ́ faa ʋ a kũu pʋɔ a. A Naaŋmɩn tɩ sàw na de a ʋ puoru, a Kɩrɩta na ƴãwnɛ ʋ a zũú.

Ebre 7:16

Ʋ bɛ lɩɛbɩ a bàwr-maalɛ a tu nʋɔr na tu nɩsaalbɛ dɔwfʋ a ɩ, ɛ́ lɩɛbɩ a bàwr-maalɛ nyɔ-vʋʋrʋ na bɛ tɛr sãwfʋ a fãw zũú.

Ebre 7:19

Bʋ̃ʋ n'ʋ vɛ̃, a Naaŋmɩn wulu bɛ ɩ bom za ʋ páw a ʋ vɩɛlʋ za ɩ. Ɛcɛ tɩɛrʋ na vɩɛl zuo tɩ ƴãw a Naaŋmɩn ƴãw a wa na, ɛ́ a ʋl zũú n'a tɩ mɩ́ tawr pɩɛlɛ a Naaŋmɩn.

Ebre 7:24

Ɛcɛ a Yeezu ʋl na be be kʋralɛ a, a ʋ bàwr-maalɛ tome be n kʋralɛ.

Ebre 7:8

A Levi bibiir na dier a bʋ̃-tɛrɩ ziir pie sob a ɩ n nɩsaalbɛ na ɩ bʋ̃-kpiiri a. Ɛcɛ a Mɛlkɩsedɛkɩ lowr a, nɩr na bɛ kpiir a n'ʋ de, mɛ̃ a lɛ a Sɛb-sõw na dɩ a dãsɩɛ a.

Ebre 9:24

Bʋ̃ʋ n'ʋ vɛ̃, a Kɩrɩta bɛ kpɛ zi-sõw pʋɔ nɩsaalbɛ na ŋmãa ɩ, zi-sõw nãá ɩ a zi-sõw mɩŋa ŋmɛ̃-ta-tɔ tɛwr a ɩ. A tẽ-vla tɔr za pʋɔ n'a ʋ kpɛ, k'ʋʋ tɩ be a Naaŋmɩn niŋé a ƴɛrɛŋa a tɩɩm ƴãw.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:24

A Sob nɛ na na tʋ̃ɔ́ gù nyɩ nyɩ ta lo towtow a, ɛ́ ɩ kɛ̀ nyɩ vɩɛl ɛ́ be nʋ̃ɔ̀ pʋɔ àr'ɩ a yúor-vɩɛlʋ-danʋ niŋé a,