Ebre 7:19 - A SƐB-SÕW

¹⁹ Bʋ̃ʋ n'ʋ vɛ̃, a Naaŋmɩn wulu bɛ ɩ bom za ʋ páw a ʋ vɩɛlʋ za ɩ. Ɛcɛ tɩɛrʋ na vɩɛl zuo tɩ ƴãw a Naaŋmɩn ƴãw a wa na, ɛ́ a ʋl zũú n'a tɩ mɩ́ tawr pɩɛlɛ a Naaŋmɩn.

Ebre 7:19 ပူးပေါင်းရင်းမြစ်များ

Sɛb-sõw yielu 73:28

Ɛcɛ mãa a, a ɩ̃ nʋ̃ɔ̀ n'ɩ ɩ̃ na pɩɛlɩ fʋ a. Sore Naaŋmɩn i, a fʋ zie n'a ɩ̃ ƴãw a ɩ̃ tɩɛrʋ, ɛ́ ɩ̃ na manɛ nɩ a fʋ tome za.

A Lãw-mʋɔlɛ 3:57

Ɩ̃ na tɩ bʋɔlɩ fʋ a, fʋ taw na pɩɛlɩ, ɛ́ yel mɛ̃: «Ta zɔrɛ dɛ̃bɩ̃ɛ ɩ!»

Zã 1:17

Moyiir'ʋ a Naaŋmɩn tɩ dãw tu tɩr a wulu, ɛcɛ a maalʋ nɩ a yel-mɩŋa a, Yeezu Kɩrɩta n'ʋ wa n a.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Nɩ-toni 13:39

a ʋl zie n'a nɩr za na sàw de a Naaŋmɩn a, mɩ́ páw ʋ.

Ʋrɔm 5:2

Ʋlɛ n'ʋ puo a Naaŋmɩn maalʋ sɔ́r kʋ̀ tɩ, a sàw-deb zũú, ɛ́ tɩ be a maalʋ ŋa pʋɔ. Ɛ́ bom nɛ na ɩrɛ tɩ nʋ̃ɔ̀ a, a ɩ n tɩ na tɩɛrɛ kɛ́ tɩ nãà páw nɩ a Naaŋmɩn yúor-vɩɛlʋ-danʋ a.

Ʋrɔm 7:7

Tɩ na yel'a kɛ́ bo? K'aa Naaŋmɩn wulu ɩ n yel-bier bɩɩ? Lɛ bɛ n'a towtow ɛ! Ɛcɛ a Wulu n'ʋ ɩ ɩ̃ bãw bʋ̃ʋ n'ɩ a yel-bier. Bʋ̃ʋ n'ʋ so, a Wulu bɛ tɩ yel a ƴɛ̀r-bie á ŋá: «Ta nyɛ̃ a fʋ tɔ bom bɔbr ɛ», ɩ̃ kʋ̃ʋ bãw bʋ̃ʋ n'ɩ nyɛ̃ a fʋ tɔ bom bɔbr ɛ.

Ʋrɔm 8:3

A ʋlɩ bom nɛ, a Moyiir wulu na tɩ bɛ tʋɔr ɩrɛ a, a nɩsaal bãbàalʋ na tɩ ɩ ʋ bɛ tɛr fãw a ƴãw a, Naaŋmɩn ʋl ɩ ʋ na: a yel-bier-ír-bɛrʋ ƴãw a, ʋ dɔwr'ɩ a ʋ Bie a nɩsaal yel-bier ƴãw, ʋ na tõ a ʋl mɩŋa Bie ʋ wa ɩ nɩsaal, ŋmɛ̃ taa nɩ a nɩsaal na ɩ yel-bier sob a.

Galasi 2:16

Ɛcɛ, tɩ bãwnɩ a na a nɩsaal na bɛ mɩ́ ɩ nɩ-mɩŋa a Naaŋmɩn niŋé a Moyiir wulu sàwfʋ ɩ-ɩrɩ zũú a, a Yeezu Kɩrɩta sàw-deb tɛwr zũú mɩ́ n'a. A tɩɩm a, tɩ sàw na de a Yeezu Kɩrɩta kɛ́ tɩ tʋ̃ɔ́ páw a mɩnʋ a Kɩrɩta sàw-deb zũú, ɛ́ a ta ɩ Wulu sàwfʋ ɩ-ɩrɩ ƴãw n'a ɩ. Bʋ̃ʋ n'ʋ vɛ̃, nɩr za bɛ be na ɩ nɩ-mɩŋa a Wulu sàwfʋ ɩ-ɩrɩ zũú ɛ.

Galasi 3:21

A pãa ɩ lɛ a Wulu diwr a maalʋ nɛ́ɛ a Naaŋmɩn na ƴãw a bɛrɛ bɩɩ? Lɛ bɛ n'a towtow ɛ! Alɛ tɩ ɩ mɛ̃ bɛ tɩr'ɩ wulu kãw na na kʋ̀ a nɩsaalbɛ a nyɔ-vʋʋrʋ a, wulu sàwfʋ pʋɔ sɩrɩ n'a a nɩsaal nãá mɩ́ ɩ nɩ-mɩŋa a Naaŋmɩn niŋé.

Galasi 3:24

A na ɩ à ŋá a, a Naaŋmɩn wulu n'ʋ tɩ piwre tɩ, tɩ ta n a Kɩrɩta waa daar, kɛ́ tɩ ɩ nɩ-mɩn a Naaŋmɩn niŋé, a naaŋmɩn-sàw-deb ƴãw.

Efɛɛzɩ 3:12

A Kɩrɩta tɩ na sàw de ɛ́ lãw nɩ a ƴãw n'a tɩ mɩ́ sʋ̃ɔmɩ sàw bɛr dɛ̃bɩ̃ɛ ɛ́ àr a Naaŋmɩn niŋé.

Kɔlɔsɩ 1:27

Naaŋmɩn sàw na ɩ bɛ bãw a tɩbɛ dem sɔgɔ a naalʋ nɩ a yúor-vɩɛlʋ-danʋ na bɛ tɛr tɔ a yel ŋa na waar'ɩ a: a Kɩrɩta be n a nyɩ sɔgɔ, ʋl na só nyɩ tɩɛrɛ a yúor-vɩɛlʋ-danʋ a.

1 Timote 1:1

A mãa Pol, a Naaŋmɩn tɩ Faarɛ nɩ a Kɩrɩta Yeezu ƴãw tɩ na ƴãw a tɩ tɩɛrʋ a, bɛl na ƴãw ɩ̃ ɩ a Kɩrɩta Yeezu nɩ-tona a,

Ebre 10:1

A Naaŋmɩn wulu bɛ wule a lɛn tɔr za a yele na ŋmɛ̃ a ɩ. A yel-vɩɛlɩ na waar a dasule tɛwr'ʋ ʋ wule. Ʋ bɛ be za na tʋ̃ɔ́ ɩ a bɛlɩ dem na tawr pɩɛlɛ a Naaŋmɩn a bɛ vɩɛl bɛ cɛ ɩ, a bàwr-been nɛ na saa maalɛ kʋralɛ, yũon za, bɛ tɛr bɛ́rʋ daar a.

Ebre 11:40

Bʋ̃ʋ n'ʋ vɛ̃, a Naaŋmɩn tɩ de nɩ niwn bãwnɩ tɩ bom na vɩɛl zuo a, kɛ́ bɛ ta ta a vɩɛlʋ zie ɛ́ bɛr tɩ ɛ.

Ebre 11:6

Ɛcɛ a sàw-deb bɛ wa ka be a, nɩr kʋ̃ tʋ̃ɔ́ pɛlɩ a Naaŋmɩn pʋɔ ɩ. Bʋ̃ʋ n'ʋ vɛ̃, sob nɛ na tawr pɩɛlɛ a Naaŋmɩn a, a fɛr'a k'ʋʋ sàw de k'aa Naaŋmɩn be na ɛ́ mɩ́ maalɩ a bɛlɩ dem na bɔbr ʋ a.

Ebre 3:6

Ɛcɛ a Kɩrɩta ʋl a, Naaŋmɩn de nɩ a ʋ yele mɛ̃ Bie na ɩ a Naaŋmɩn yir sob a. Ɛ́ tɩmɛ n'ɩ a yir dem, tɩmɛ wa ɓãá ƴãw bɛr tɩɛrʋ, ɛ́ a tɩ nyʋ̀ʋ́r ɩ a tɩɛrʋ tɩ na ƴãw a Naaŋmɩn ƴãw a.

Ebre 4:16

A na ɩ lɛ a, nyɩ ɩ tɩ bɛr tɩɛrʋ ɛ́ taw ta a Naaŋmɩn naalʋ-dà-kɔw pɛr maalʋ na ʋr a. Tɩ na páw nɩ su-ɓaarʋ ɛ́ nyɛ̃ maalʋ a be, k'aa daar wa ta a, tɩɩm nyɛ̃ sõwfʋ.

Ebre 6:18

A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

Ebre 7:11

A bàwr-maalɛ ɩb a Levi pal pʋɔ n'ʋ tɩ so a nʋɔr bɛ na kʋ̀ a Ɩsɩrayɛl nɩbɛ a. Ɛcɛ a Levi pal pʋɔ bàwr-maalbɛ tɩ tõ ton na vɩɛl ʋ za a, a kʋ̃ʋ lɛb fɛrɛ kɛ́ bàwr-maal-yũo yi ɩ mɛ̃ a Mɛlkɩsedɛkɩ na tɩ ɩ a bàwr-maalɛ a ɩ, ɛ́ bɛ ɩ mɛ̃ a lɛ a Aarɔ̃ na tɩ ɩ a bàwr-maalɛ a ɩ.

Ebre 7:20

Lɛb waar mɩ̀, a Naaŋmɩn pɔb be n be. A bɛ ŋa lɩɛb'ɩ bàwr-maalbɛ, ɛ́ a pɔb ŋa bʋʋrɛ bɛ pɔ ɩ.

Ebre 7:25

A lɛ n'a so, a bɛlɩ dem na tawr pɩɛlɛ a Naaŋmɩn a ʋ ƴãw a, ʋ na tʋ̃ɔ́ mɩ́ faa bɛ a nʋɔr kʋ̀. Bʋ̃ʋ n'ʋ vɛ̃, ʋ vʋʋrɛ nɩ kʋralɛ k'ʋʋ tʋ̃ɔ́ puore a Naaŋmɩn kʋ̀rɛ bɛ.

Ebre 8:6

Ɛcɛ ƴɛrɛŋa a, bàwr-maal-ton na ɩ kpɛ̃ɛ zuo a n'ʋ bɛ kʋ̀ a Yeezu, bʋ̃ʋ n'ʋ vɛ̃, ʋ ɩ n wõ-taa na vɩɛl zuo a lɔ̃lʋɔrɛ, wõ-taa na maalɩ tu n nɛ́ɛ bɛ na ƴãw a vɩɛl zuo a dãwdãw dem a.

Ebre 9:9

Zʋkpar'ʋ a dɩ̃a zie ŋa ƴãw: a pɛr lɛ kɛ́ de-kʋ̀b bome tɩrɛ na, bagɛ maalɛ kʋ̀rɛ a Naaŋmɩn, ɛ́ a kʋ̃ tʋ̃ɔ́ ɩ a sob nɛ na ƴãwnɛ a Naaŋmɩn à à ŋá a, a ʋ pʋɔ vɩɛl ɛ.

Zakɩ 4:8

Nyɩ taw pɩɛlɩ a Naaŋmɩn, ʋʋ na taw na pɩɛlɩ nyɩ. Nyɩ pɛ́w a nyɩ nuru, nyɩɩm yel-bebe dem bɛ ŋan i. Nyɩ maalɩ a nyɩ socie a vɩɛl, nyɩɩm nɩbɛ a tɩɛrʋ na põ a!