Ebre 6:9 - A SƐB-SÕW

⁹ Nyɩɩm ƴãw a, ɩ̃ bá mɩnɛ ɛ, tɩ na saa ƴɛ̀rɛ à à ŋá a, tɩ bãwnɩ a n'a nyɩ na lo a sɔr-vla a, a faafʋ sɔ́r.

Ebre 6:9 ပူးပေါင်းရင်းမြစ်များ

Ɩzayi 57:15

Nyɛ̃ a lɛ a Naaŋmɩn na ɩ sõw a na yere a, ʋl na be bom za zu-sɔw ɛ́ tɛr kpɛb zie kʋralɛ a: «A mãa, a Naaŋmɩn na ɩ sõw a, ɩ̃ kpɩɛr'ɩ a saa-zu ka. Ɛcɛ ɩ̃ lãw nɩ nɩ a nɩbɛ bɛ na dɔwrɛ ɛ́ bɛ tɛr su-siwri a, k'ɩ̃ɩ lɛb kʋ̀ nyɔ-vʋʋrʋ a su-siwri dem, k'ɩ̃ɩ lɛb kʋ̀ nyɔ-vʋʋrʋ a nɩbɛ bɛ na dɔwrɛ a.

Markɩ 16:16

Ʋlɩ sob nɛ wa sàw de a, ɛ́ de a suob a, ʋ na nyɛ̃ nɩ a faafʋ, ʋlɩ sob nɛ bɛ wa sàw de a, ʋ na nyɛ̃ nɩ dɔwrʋ.

Nɩ-toni 11:18

Bɛ na tɩ wõ a ƴɛ̀r-bie á ŋá a, bɛ tɩ lɛb'a nyɔw bɛ tʋɔra ɛ́ danɛ a Naaŋmɩn yere nɩ: «A na ɩ à ŋá a, a Naaŋmɩn mɩ̀ sɩrɩ na kʋ̀ a nɩ-bʋʋr-yoru a fãw kɛ́ bɛ mɩ̀ lɩɛbɩ a bɛ ɩb páw a nyɔ-vʋʋrʋ.»

Nɩ-toni 20:21

A dãsɩɛ ɩ̃ na dɩ a, tɩ bɔbr'a kɛ́ a Zifʋ mɩnɛ nɩ a Gɩrɛkɩ mɩnɛ lɛb wa a Naaŋmɩn zie, kɛ́ bɛ sàw de a tɩ Sore Yeezu.

1 Korɛ̃tɩ 10:14

Alɛ so, ɩ̃ nɩ-nɔnɩ i, nyɩ zɔrɛ dɛrɛ a tɩbɛ maalʋ.

2 Korɛ̃tɩ 12:19

A mɩnɛ kãw, nyɩ tɩɛrɛ nɩ koro za, kɛ́ tɩ bɔbr'a kɛ́ tɩ manɩ a tɩ yel-mɩŋa a nyɩ niŋé. Lɛ bɛ n'a ɩ, Naaŋmɩn niŋé n'a tɩ lãw nɩ a Kɩrɩta ƴɛ̀rɛ. Ɛ́ à á ŋá za a, ɩ̃ nɩ-nɔnɩ i, a nyɩ maalʋ ƴãw n'a.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

2 Korɛ̃tɩ 7:10

A pʋ-sãwna na tu a Naaŋmɩn pʋ-tɩɛrʋ a waar'ɩ nɩ ɩb-lɩɛbʋ na tɩrɛ faafʋ a, ɛ́ nãá-bãw-kɛ́-lɛ kãw za bɛ ka ʋ pʋɔ ɩ. Ɛcɛ a pʋ-sãwna na tu a tẽ-daa ŋa a waar'ɩ nɩ kũu.

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Ebre 10:34

Nyɩ tɩ lãw nɩ nɩ a gaso pʋɔ dem a bɛ kpɩɛrʋ pʋɔ, nyɩ tɩ sàw na bɛ fa a nyɩ bʋ̃-tɛrɩ ɛ́ nʋ̃ɔ̀ cãà ɩrɛ nyɩ, nyɩ na tɩ bãwnɩ a kɛ́ nyɩ tɛr'ɩ na-bom na vɩɛl zuo ɛ́ be be kʋralɛ a.

Ebre 10:39

A tɩɩm a, tɩ bɛ ɩ nɩbɛ na lɛbr pùor a bɛ bɔrʋ ƴãw a ɩ, tɩ ɩ n nɩbɛ na sàw de a tɩ sɩ́ɩr faafʋ ƴãw a.

Ebre 2:3

Ɛ́ ŋmɩŋmɩn n'a a tɩɩm na ɩ cɩ̃ɛ, tɩmɛ bɛ wa cɛlɛ a faafʋ kpɛ̃ɛ ŋa tɔ zie a? A Sore mɩŋa n'ʋ de niwn ƴɛ̀r a faafʋ ŋa ƴɛ̀rʋ. Al pùorí, a bɛlɩ dem na wõ a Sore ƴɛ̀rʋ a mɩ̀ yel kʋ̀ tɩ kɛ́ sɩza n'a.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

Ebre 6:10

Naaŋmɩn ɩ n nɩ-mɩŋa, ʋ kʋ̃ yiiri a nyɩ tome bɛr ɛ, nɩ a ʋ nɔ̃wfʋ nyɩ na wul ʋ sãá, nyɩ na tɩ dãw kaa kɩrɩta-nɩbɛ zie ɛ́ cãà kaarɛ a bɛ zie a ƴɛrɛŋa a.

1 Pɩɛr 2:11

Ɩ̃ nɩ-nɔnɩ za na ɩ mɛ̃ nɩ-tɔlɩ nɩ nɩ-sãanbɛ a, ɩ̃ zɛlɛ nyɩ na, nyɩ ciir a ƴã-gan nʋ̃ɔ̀-faar vʋla na mɩ́ zɛbr'ɩ nyɩ a.

2 Pɩɛr 3:1

Ɩ̃ bá mɩnɛ ɛ, gb'a ayi za n'ɩ à à ŋá ɩ̃ na sɛb a sɛbɛ kʋ̀ nyɩ a. A yele al za ɩ̃ na lɛb manɛ kʋ̀rɛ nyɩ a sɛbr á ŋá pʋɔ a, ɩ̃ bɔbr'a k'ɩ̃ɩ lɛb sɩ̃w nyɩ tɩɛrʋ, nyɩ tɛr tɩɛr-vɩɛlɩ.

1 Zã 2:7

Ɩ̃ bá mɩnɛ ɛ, Naaŋmɩn nɔ-ƴãwna na ɩ paala a bɛ n'ʋ ɩ̃ sɛbr kʋ̀rɛ nyɩ ɛ, a nɔ-kʋra ʋl nyɩ na tɛr a pɛr-tib daar a n'ʋ, a nɔ-kʋra ŋa ɩ n a ƴɛ̀rʋ nyɩ na tɩ wõ a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:3

Ɩ̃ bá mɩnɛ ɛ, ɩ̃ tɩ bɔbr'a nɩ ɩ̃ pʋɔ za, k'ɩ̃ɩ sɛb nyɩ manɩ a faafʋ tɩ za na lãw a yele kʋ̀ nyɩ. Ɛcɛ a wa ɩ fɛrʋ k'ɩ̃ɩ tɩr a sɛbɛ ŋa kʋ̀ nyɩ, yel kʋ̀ nyɩ kɛ́ nyɩ ƴãw fãw mʋɔr a sàw-deb a Naaŋmɩn na kʋ̀ a ʋ nɩbɛ daƴen daadaa a ƴãw.