Ebre 6:6 - A SƐB-SÕW

⁶ ɛ́ lɛb de a bɛ nyɔ-vʋʋr-kʋra a, a bɛ tɛr bɛ na lɛb lɩɛbɩ a bɛ ɩb a gb'a ayi sob ƴãw ɛ, bɛl tɛɛ za n'a mɩ́ lɛb kparɛ a Naaŋmɩn Bie a da-gara zu, ɛ́ yi n ʋ yẽw ƴãw bɛ tʋʋr.

Ebre 6:6 ပူးပေါင်းရင်းမြစ်များ

Sɛb-sõw yielu 51:10

Yel kʋ̀ m k'ɩ̃ɩ na nyɛ̃ nɩ nʋ̃ɔ̀ nɩ cɩlʋ, ɩ̃ɩ na cɩlɛ na, mãa fʋ na kʋ kpaa bɛr a.

Ɩzayi 1:28

Ɛcɛ a yele za na sãw nɩ a nɩ-gaarɩ nɩ a yel-bebe dem zie. Bɛlɩ dem za na zawrɛ a Sore bɛrɛ a na bɔr a.

Matie 19:26

A Yeezu tɩ jɩ́r bɛ nɩ gbẽgbẽ ɛ́ yel: «A nɩsaalbɛ zie a, a kʋ̃ tʋ̃ɔ́ ɩ, ɛcɛ Naaŋmɩn zie a, bom za na tʋ̃ɔ́ na.»

Luka 11:48

À ŋá n'a nyɩ mɩ́ wul kɛ́ nyɩ sàw na de a nyɩ sãàkʋm-kore ɩ-ɩrɩ. Bɛl kʋ n a naaŋmɩn-ƴɛ̀r-manbɛ, ɛ́ nyɩɩm pãa maalɛ a naaŋmɩn-ƴɛ̀r-manbɛ yarʋ.

2 Timote 2:25

Bàalʋ bàalʋ lɛ n'a a sɛw k'ʋʋ mɩ́ wule a bɛlɩ dem na mɩ́ ŋmɛ a ʋ ƴɛ̀rʋ lɔb a. Ãa bãw, Naaŋmɩn nãà ɩ na bɛ lɩɛbɩ a bɛ ɩb bãw a yel-mɩŋa,

Ebre 10:26

Bʋ̃ʋ n'ʋ vɛ̃, tɩmɛ wa bãw a yel-mɩŋa za baarɩ, ɛ́ cãà mɩ́ bãw kɛ́ maalɩ a yel-bier a, bàwr bɛ lɛb ka be na tʋ̃ɔ́ ír a yel-bebe bɛr ɛ.

Ebre 10:29

Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Ebre 4:14

A na ɩ lɛ tɩ tɛr Naaŋmɩn bàwr-maal-kara ʋ tɔl gãw a salom tɩ ta a Naaŋmɩn zie a, a Yeezu, Naaŋmɩn Bie, nyɩ ɩ tɩ tɛr a sàw-deb tɩ na hiere a kpɛ̃w za.

Ebre 6:4

Nɩbɛ na dãw páw a cãà a, na lɛm a saa-zu maalʋ kaa a, na páw a Vʋʋrʋ Sõw a,

2 Pɩɛr 2:21

Bʋ̃ʋ n'ʋ vɛ̃, bɛlɛ nɩ̃ɛ bɛ tɩ dãw bãw a mɩnʋ sɔ́r a, alɛ sa bɛ na bãw ʋ baarɩ ɛ́ lɛb zawrɩ a Naaŋmɩn nɔ-ƴãwna sõw bɛ na tɩ lʋɔrɩ kʋ̀ bɛ a bɛr a.

1 Zã 5:16

Nɩr wa nyɛ̃ a ʋ yɛb ʋ maalɛ yel-bier na bɛ kʋrɛ a, ʋ puore, ɛ́ Naaŋmɩn na kʋ̀ n nyɔ-vʋʋrʋ a ʋ yɛb, a yel-bier ʋl wa sɩrɩ bɛ kʋrɛ a. Ɛcɛ, yel-bier kãw be n be kʋrɛ. A ʋl ƴãw bɛ n'a ɩ̃ yel kɛ́ nyɩ puore ɩ.