Ebre 6:2 - A SƐB-SÕW

² a wulu na càarɩ a suob a, nɩ a nuru ír-dɔwlʋ yele, a kũuni-pʋɔ-lɛb-yibu nɩ a ƴɛ̀r-pɛ-baara maalʋ.

Ebre 6:2 ပူးပေါင်းရင်းမြစ်များ

Ekilezɩasɩ 12:14

Bʋ̃ʋ n'ʋ vɛ̃, Naaŋmɩn na sowr'ɩ a tɩ ɩ-ɩrɩ za pɛr, a na vɩɛl bɩɩ kpɛ faa, alɛ saa sɔwlɩ a.

Ɩzayi 26:19

Ɩ̃ nɩbɛ ɛ, a nyɩ kũuni na lɛb'a vʋʋrɛ, bɛ na lɛb a ìr àr. A bɛlɩ dem na gã a tanɛ pʋɔ a, na ìr'a ŋmɩɛr nʋ̃ɔ̀ cɛlsɩ. A Sore na ɩ na cãà ɓɩɛlʋ lo a nyɩ zu, ɛ́ a tẽsɔw ɩ a kũuni lɛb vʋʋrɛ.

Matie 28:19

A na ɩ lɛ a, nyɩ cen tɩ ɩ a nɩ-bʋʋrɛ za bɛ lɩɛbɩ a ɩ̃ po-tuurbɛ, nyɩ kʋ̀rɛ bɛ a suob a Sãà nɩ a Bie nɩ a Vʋʋrʋ Sõw yúor ƴãw,

Matie 3:14

A Zã bɛ tɩ sàwr ɛ, ɛ́ yere kʋ̀rɛ ʋ: «Mãa n'ʋ a tɩ sɛw k'ɩ̃ɩ de a suob a fʋ zie, ɛ́ fʋ̃ʋ n'ʋ nɩ̃ɛ waar a ɩ̃ zie e!»

Markɩ 16:16

Ʋlɩ sob nɛ wa sàw de a, ɛ́ de a suob a, ʋ na nyɛ̃ nɩ a faafʋ, ʋlɩ sob nɛ bɛ wa sàw de a, ʋ na nyɛ̃ nɩ dɔwrʋ.

Markɩ 7:4

ɛ́ bɛlɛ wa yi dàa pʋɔ wa kpɛ a, bɛlɛ bɛ wa so kʋ̃ɔ a, bɛ bɛ dɩrɛ ɩ. A bɛ sãàkʋm-kore ɩ-ɩrɩ a mɩnɛ bɛ na cãà tuur a, a yãwmɛ na: mɛ̃ a koli-nyúuri nɩ a ku-labɛ nɩ a ziduwli pɛwfʋ, mɛ̃ a lɛ a na fɛr kɛ́ bɛ mɩ́ pɛ́w a.

Markɩ 7:8

Nyɩ mɩ́ vɩrɩ nɩ a Naaŋmɩn nɔ-ƴãwna bɛr kõkowrí, ɛ́ fɩɩrɩ a nɩsaalbɛ sãàkʋm-kore ɩ-ɩrɩ tɛr.»

Luka 11:38

A Yeezu na bɛ tɩ pɛ́w a nuru mɛ̃ a lɛ a Zifʋ mɩnɛ na mɩ́ ɩ a, a tɩ ɩ n nɔ-ɓãan a Faarizɩ̃ɛ nɛ zie.

Luka 12:50

A fɛr'a k'ɩ̃ɩ de suob kãw, ɛcɛ pʋl-vʋ̃ɔ bɛ n'a tɛr mɛ̃ ɩ, ɛ́ gù ɩ̃ nãà wa de ʋ baarɩ a!

Luka 14:14

Ɛcɛ nʋ̃ɔ̀ na kpɩɛr fʋ na, bɛ na kʋ̃ tʋ̃ɔ́ kʋ̀ b bom za yáa a san a. A nɩ-mɩn kũu-pʋɔ-lɛb-yibu daar a, fʋ na páw nɩ a sã-ya.»

Luka 3:16

Lɛ n'a a Zã tɩ yel kʋ̀ bɛ za: «Kʋ̃ɔ n'a mãa kʋ̀rɛ nɩ nyɩ a suob, ɛcɛ nɩr be n a ɩ̃ pùor waar, kpɛmɛ zuo mɛ̃, ɩ̃ mɩ̀ bɛ sɛwnɩ na cɛ̀r a ʋ nafawr bʋ̃-'leni ɛ. Ʋl a, Vʋʋrʋ Sõw nɩ vũu pʋɔ n'a ʋ na kʋ̀ nyɩ a suob.

Zã 1:33

Ɩ̃ bɛ tɩ bãw ʋ ɛ, ɛcɛ a ʋlɩ sob nɛ na tõ m k'ɩ̃ɩ tɩ tɩrɛ a suob a kʋ̃ɔ pʋɔ a tɩ yel mɛ̃ na: “A nɩr ʋl zu fʋ nãà wa nyɛ̃ a Vʋʋrʋ Sõw ʋ siwr tɩ àr a, ʋlɛ n'ʋ tɩrɛ a suob a Vʋʋrʋ Sõw pʋɔ”.

Zã 5:29

ɛ́ yi a bɛ yarʋ pʋɔ a. A bɛlɩ dem na tɩ tu a vla pùor a bɛ nyɔ-vʋʋrʋ pʋɔ a, na lɛb'a yi páw a nyɔ-vʋʋrʋ. Ɛcɛ a bɛlɩ dem na tu a faa pùor a, na lɛb'a yi nyɛ̃ dɔwrʋ.

Nɩ-toni 10:47

«Ãa n'ʋ na tʋ̃ɔ́ sɩb a suob kʋ̃ɔ, ɛ́ yel kɛ́ a nɩbɛ bɛ ŋa ta de a suob, bɛl na páw a Vʋʋrʋ Sõw mɛ̃ a tɩɩm a?»

Nɩ-toni 13:3

Lɛ n'a, bɛ na tɩ tɛr a mʋta-tuo baarɩ ɛ́ puori baarɩ a, bɛ ír'ɩ nuru dɔwlɩ a bɛ zu, ɛ́ bɛr bɛ bɛ cen.

Nɩ-toni 16:15

Ʋ na wa de a suob, ʋlɛ nɩ a ʋ yir dem za a, ʋ bʋɔlɩ tɩ na yere nɩ: «Nyɩ na tɩɛr bãw k'ɩ̃ɩ sàw na de a Sore a, nyɩ wa kpɩɛr a ɩ̃ yir.» Ɛ́ tɩ fɛr tɩ ƴãw tɩ sàw a ʋ bʋɔlʋ.

Nɩ-toni 16:33

A ʋlɩ pɛr nɛ pʋɔ, a tɩ̃ɩsɔw-bɩ̃ɩn, a gaso-gùre tɩ tɛr bɛ na cen nɩ k'ʋʋ tɩ pɛ́w a bɛ natɩɛ. Al pùorí, ʋ tɩ de nɩ a suob daadaalɛ, ʋlɛ nɩ a ʋ nɩbɛ za.

Nɩ-toni 17:18

Yã-bãwnbɛ bɛ mɩnɛ kãw, bɛ na bʋɔlɛ Epikiir nɩbɛ nɩ Sitoyisɩ̃ɛ mɩnɛ a, mɩ̀ tɩ be n be ƴɛ̀rɛ nɩ a Pol. Bɛ mɩnɛ tɩ yere na: «Bʋ̃ʋ n'ʋ a gɔmɛ sob ŋa yere?» Ɛ́ bɛ mɩnɛ yere: «Ŋmɩn-sãanbɛ bɛ mɩnɛ kãw yele tɔ̃w n'a ʋ manɛ.» A Yeezu yele nɩ a kũu-pʋɔ-lɛb-yibu yele n'a a Pol tɩ hiere kʋ̀rɛ bɛ.

Nɩ-toni 2:38

A Pɩɛr tɩ yel bɛ na: «Nyɩ lɩɛbɩ a nyɩ ɩb, ɛ́ ŋa za mɩ́ de a suob a Yeezu Kɩrɩta yúor ƴãw, a nyɩ yel-bebe suur páwfʋ ƴãw, ɛ́ nyɩ na páw nɩ a Naaŋmɩn maalʋ na ɩ a Vʋʋrʋ Sõw a.

Nɩ-toni 2:41

A bɛlɩ dem na tɩ sàw a Pɩɛr ƴɛ̀rʋ a tɩ de nɩ a suob. A ʋlɩ bibir nɛ a, a nɩbɛ na tɩ sàw de pʋɔ a bɛ pʋɔ a, tɩ faar'a na ta túr-ata (3 000).

Nɩ-toni 23:6

Ʋ na tɩ bãw kɛ́ a ƴɛ̀rʋ-dɩb-lãw nɩbɛ ŋmãa ɩ n Sadiseyɛ̃, ɛ́ a ŋmãa ɩ Faarizɩ̃ɛ mɩnɛ a, ʋ zɛw nɩ kɔkɔr yel a ƴɛ̀rʋ-dɩb-lãw nɩbɛ sɔgɔ: «Yɛbr i, ɩ̃ ɩ n Faarizɩ̃ɛ, ɩ̃ sãà nɩ ɩ̃ mã ɩ Faarizɩ̃ɛ. Tɩ na tɩɛrɛ kɛ́ a kũuni mɩ́ lɛb'a yi a, alɛ so ɩ̃ àr a ka bɛ maalɛ nɩ mɛ̃ a ƴɛ̀rʋ.»

Nɩ-toni 24:15

Ɩ̃ tɩɛrɛ na kɛ́ a kũuni-lɛb-yibu be n a nɩsaalbɛ za ƴãw, a nɩ-mɩn lãwnɩ a nɩ-faar. A bɛl tɛɛ za mɩ̀ tɩɛrɛ nɩ à à ŋá.

Nɩ-toni 24:21

Ɩ̃ tɩ ìr'a àr a bɛ sɔgɔ ɛ́ yel kpɛ̃w za: “A kũuni-lɛb-yibu ƴãw n'a ɩ̃ àr a nyɩ niŋé ka bɛ maalɛ nɩ mɛ̃ ƴɛ̀rʋ a dɩ̃a.” A ƴɛ̀r-bir ŋa taa wa n'ɩ a ɩ̃ sãwna ʋ?»

Nɩ-toni 24:25

Ɛcɛ a Pol na wa tĩ manɛ a yel-na-tu-sɔr-a, nɩ a tʋɔra nyɔwfʋ yele nɩ a ƴɛ̀rʋ-maalʋ na waar'a yele a, dɛ̃bɩ̃ɛ tɩ ɩrɛ nɩ a Felisɩ. Lɛ n'a ʋ tɩ yel a Pol: «A na ta ka a, lɛb kpɛ, mãa wa nyɛ̃ vuo a, ɩ̃ na lɛb'a bʋɔlɩ fʋ.»

Nɩ-toni 26:8

Bʋ̃ʋ ƴãw n'a a nyɩɩm Zifʋ mɩnɛ, nyɩ tɩɛrɛ kɛ́ a bɛ tɛr sɔ́r kɛ́ nɩr sàw de kɛ́ Naaŋmɩn mɩ́ ɩ na a kũuni bɛ lɛb ìr?

Nɩ-toni 4:2

Suur tɩ ɩrɛ bɛ na bɛ dɩ vuo ɩ, bɛ na tɩ nyɛ̃ a Pɩɛr nɩ a Zã bɛ kanɛ nɩ a zu-sɛbla ɛ́ yere k'aa Yeezu lɛb'a yi a kũu pʋɔ, a wul k'aa kũuni-lɛb-yibu be na a.

Nɩ-toni 6:6

Bɛ tɩ tɛr'ɩ a nɩbɛ bɛ ŋa wa n a nɩ-toni niŋé, bɛ wa puori kʋ̀ bɛ ɛ́ ír nuru dɔwlɩ a bɛ zu.

Ʋrɔm 2:16

A yele á ŋá n'a na sãá a bibir ʋl, a Naaŋmɩn na na ƴãw a Yeezu Kɩrɩta maal'ɩ a nɩsaalbɛ ƴɛ̀rʋ a bɛ yel-sɔwlɩ ƴãw a, mɛ̃ a lɛ a Yel-nʋ̃ɔ̀ ɩ̃ na hiere a na yel a.

1 Korɛ̃tɩ 10:2

Bɛ za nɛbɛ tɩ lãw nɩ a Moyiir de a suob a zũzuwr pʋɔ nɩ a Kʋ̃ɔ-kpɛ̃ɛ-zɩɛ pʋɔ.

1 Korɛ̃tɩ 12:13

Bʋ̃ʋ n'ʋ vɛ̃, Vʋʋrʋ been pʋɔ n'a tɩ za de a suob kɛ́ tɩ tʋ̃ɔ́ ɩ ƴã-gã-been, tɩmɛ saa ɩ Zifʋ bɩɩ bɛ ɩ a Zifʋ a, gbãgbaar bɩɩ nɩbɛ na so bɛ tʋɔra a. Ɛ́ a tɩ za a, a Vʋʋrʋ Sõw been yõ n'ʋ ɓãá a tɩ kʋ̃ɔ-nyúur.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

Filib 3:21

ʋl na na lɩɛbɩ a tɩ bãbàalʋ ƴã-gamɛ a ŋmɛ̃ taa nɩ a ʋ yúor-vɩɛlʋ-danʋ ƴã-gan, nɩ a fãw ʋ na tɛr na mɩ́ tʋ̃ɔ́ dɩ naalʋ bom za zu a.

Kɔlɔsɩ 2:12

Nyɩ na de a suob a, bɛ ũù nyɩ na lãwnɩ a Kɩrɩta a bɔw pʋɔ. Bɛ mɩ̀ ɩ na nyɩ lãw nɩ ʋ lɛb yi, a nyɩ na sàw kɛ́ a Naaŋmɩn tɛr'ɩ fãw a zũú, a fãw ŋa na ɩ a Kɩrɩta ʋ lɛb yi a kũuni pʋɔ a.

2 Timote 2:18

Bɛ bɔr'a zãá nɩ a yel-mɩŋa, bɛ na yere kɛ́ tɩ lɛb'a yi a kũu pʋɔ baarɩ a, à ŋá n'a bɛ ɩrɛ sãwnɛ nɩ-yaga naaŋmɩn-sàw-deb.

Ebre 11:35

A sàw-deb zũú, pɔwbɛ tɩ lɛb'a nyɛ̃ a bɛ nɩbɛ na kpi a bɛ lɛb yi a kũu pʋɔ. Ɛcɛ bɛ tɩ dɔwr'ɩ bɛ mɩnɛ tɩ kʋ. Bɛ bɛ tɩ sàw bɛ na faa bɛ ɩ, kɛ́ bɛ tʋ̃ɔ́ wa lɛb yi a kũu pʋɔ páw a nyɔ-vʋʋrʋ na vɩɛl zuo a.

Ebre 9:10

Nɩsaalbɛ tub tɛwr'a, na càarɩ bʋ̃-dɩrɩ, bʋ̃-nyúuri nɩ dɛwr-so-bɛrʋ bʋʋrɛ a, alɛ n'a be be na tɩ ta a lɛn a Naaŋmɩn na na lɛb maalɩ a yele za ƴãw a.

2 Pɩɛr 3:7

Ɛ́ a dɩ̃a tẽw nɩ a dɩ̃a salom á ŋá a, a Naaŋmɩn ƴɛ̀r-been ŋa cãà na tɛr a cɛlɛ nɩ a vũu a na na dɩ a, ʋ tɛr a na gùre nɩ a ƴɛ̀rʋ-maalʋ bibir nɩ a yel-bier-maalbɛ loba bibir.