Ebre 6:19 - A SƐB-SÕW

¹⁹ A tɩɛrʋ ŋa a Naaŋmɩn ƴãw a, ʋ ɩ na mɛ̃ a tɩ nyɔ-vʋʋrʋ gbor kpawbir a, bʋnʋ bɛ ka a ʋ ƴãw ɛ, ʋʋ kpɛmɛ, ɛ́ mɩ́ tɔl kpɛ a zi-sõw pʋ̃ɔmɩ za, a pɛn na yawlɩ a pùorí,

Ebre 6:19 ပူးပေါင်းရင်းမြစ်များ

Sɛb-sõw yielu 39:7

Ʋ mɩ́ cen na kɛ́ wa, ɛcɛ ɓaarʋ tɛwr'ʋ. Ʋ mɩ́ damnɛ na, ɛcɛ sɛsɛb tɛwr'ʋ. ʋ mɩ́ bɔbr'a bine, ɛ́ bɛ bãw ãa n'ʋ na de a a ɩ.

Sɛb-sõw yielu 42:11

Bɛ mɩ́ karɛ mɛ̃ nɩ a kɔbɛ, a lɛn daar a bɛlɩ dem na ɩrɛ a kpɩɛr mɛ̃ a, na mɩ́ yere a ɩ̃ zie kʋralɛ a: «A fʋ Naaŋmɩn wa?»

Sɛb-sõw yielu 42:5

Ɩ̃ lɛb'a tɩɛrɛ ɛ́ ƴãw cɩrɛ mɛ̃, a lɛn daar ɩ̃ na mɩ́ tɩ pʋɔ a nidaa dem pʋɔ, cere a Naaŋmɩn yir a, lãwnɩ zu-sɛbla na maalɛ cuw a, ɛ́ cáarɛ nɩ nʋ̃ɔ̀ puore a Naaŋmɩn barka a.

Sɛb-sõw yielu 43:5

Bʋ̃ʋ n'ʋ so kpɩɛrʋ nyɔw fʋ, ɩ̃ sɩ́ɛ ɛ, ɛ̀ fʋ kone ƴãwn mɛ̃? Ƴãw a fʋ tɩɛrʋ a Naaŋmɩn ƴãw! Bʋ̃ʋ n'ʋ vɛ̃, ɩ̃ na lɛb'a puor'ʋ barka, ʋl na ɩ a ɩ̃ Faarɛ nɩ a ɩ̃ Naaŋmɩn a.

Ɩzayi 12:2

Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Ɩzayi 28:16

Ɛcɛ à ŋá n'a a Sore Naaŋmɩn yere: Ɩ̃ ƴãwnɛ nɩ yir pɛr kʋsɩɛr na kpɛmɛ kpɛmɛ a, a Sɩyɔ̃ tẽw pʋɔ, dacĩ-goraa kʋsɩɛr na vɩɛl vɩɛl a, kʋsɩɛr na be be a yir pɛr binu ƴãw a. Sob nɛ na tɩɛ a kʋsɩɛr ŋa ƴãw a bɛ lore ɩ.

Levitɩ mɩnɛ 16:15

Al pùorí, ʋ ŋmãa a nɩbɛ yel-bebe-ír-bɛrʋ bàwr bʋra kɔkɔr, ɩ a zɩ̃ɩ kpɛ n a pɛn-yawla na bʋ́r a diru a pùorí, tɩ ɩ n a zɩ̃ɩ á ŋá mɛ̃ a lɛ ʋ na ɩ n a nadɛr zɩ̃ɩ a: ʋ na mɩr'ɩ a daw-pàwra ɛ́ mɩ̀ mɩr a daga niŋé.

Levitɩ mɩnɛ 16:2

«Yel a fʋ yɛb Aarɔ̃ k'ʋʋ taa bʋ̀nɛ kpɩɛr a zi-sõw-za-zi-sõw pʋɔ ɩ, a pɛn-yawla na bʋ́r a diru a pùorí ɛ, a be a wõ-taa daga nɩ a ʋ pàwra na be a. Lɛ n'a ʋ kʋ̃ kpi mãa wa sãá a zũzuwr pʋɔ a daw-pàwra zu-sɔw a ɩ.»

Zakari 9:12

Nɩ-pàwrɩ na tɩɛrɛ nɩdaar na vɩɛl a, nyɩ lɛb kul a nyɩ tẽ-kpɛ̃ɛ pʋɔ bɛ na lɛb mɛ a dacine a. Ƴɛrɛŋa a, ɩ̃ yere na kʋ̀rɛ nyɩ: ɩ̃ na maalɩ nyɩ nɩ gb'a ayi, yáa a tuo nyɩ na wõ a san.

Matie 27:51

A Ŋmɩn-yir-kpɛ̃ɛ pʋɔ pɛn-yawla tɩ tĩ nɩ a saa-zu ɛ́ ɓar ziir ayi siw tɩ tɔ a pɛrɩ́. A tẽsɔw kɔbr tɩ dam'a, a pìe pure yaarɛ,

Nɩ-toni 23:6

Ʋ na tɩ bãw kɛ́ a ƴɛ̀rʋ-dɩb-lãw nɩbɛ ŋmãa ɩ n Sadiseyɛ̃, ɛ́ a ŋmãa ɩ Faarizɩ̃ɛ mɩnɛ a, ʋ zɛw nɩ kɔkɔr yel a ƴɛ̀rʋ-dɩb-lãw nɩbɛ sɔgɔ: «Yɛbr i, ɩ̃ ɩ n Faarizɩ̃ɛ, ɩ̃ sãà nɩ ɩ̃ mã ɩ Faarizɩ̃ɛ. Tɩ na tɩɛrɛ kɛ́ a kũuni mɩ́ lɛb'a yi a, alɛ so ɩ̃ àr a ka bɛ maalɛ nɩ mɛ̃ a ƴɛ̀rʋ.»

Nɩ-toni 27:29

Bɛ na tɩ zɔrɛ dɛ̃bɩ̃ɛ a gbor nãà wa cen tɩ ŋmɛ pìe a, bɛ lɔb'ɩ kpawbie anaar a gbor pùorí ƴãw a kʋ̃ɔmɩ́, ɛ́ bɛ pãa gùre kɛ́ a zie vɩɛ fɔ̃w.

Nɩ-toni 27:40

Bɛ tɩ cɛ̀r'ɩ a kpawbie mie bɛr, ɛ́ bɛr a a siw a kʋ̃ɔmɩ́ lãwnɩ a gbor vue mie. Al pùorí, bɛ tɩ 'lẽ nɩ pɛn kɛ́ a sɛsɛb kpɛ ʋ pi tʋ̃ɔ́ darɛ a gbor cere nɩ a gbãgbala ʋl pɛr.

Ʋrɔm 4:16

A na ɩ à ŋá a, a ʋlɩ bom nɛ a Naaŋmɩn na yel k'ʋʋ na tɩr a a, a sàw-deb zũú n'a, k'ʋʋ tʋ̃ɔ́ ɩ maalʋ ʋ na tɩrɛ zawla a, ɛ́ a mɩ̀ ɩ a Abraham bʋʋrɛ za ƴãw a, a bɛlɩ dem na sàwr a Wulu a, nɩ a bɛlɩ dem na sàw de, mɛ̃ a lɛ a Abraham na tɩ sàw de a, ʋl na ɩ a tɩ za sãà a.

Ʋrɔm 4:18

A Abraham tɩ sàw na de ɛ́ tɩɛrɛ, a na saa tɩ ɩ mɛ̃ zawlalɛ n'a ʋ tɩɛrɛ a. À ŋá n'a ʋ tɩ lɩɛbɩ «nɩ-bʋʋr-yaga sãà», a tu a ƴɛ̀rʋ ŋa a Naaŋmɩn na tɩ ƴɛ̀r kʋ̀ ʋ a: «À ŋá n'a a fʋ bʋʋrɛ nãà yãwmɛ sɛw.»

Ʋrɔm 5:4

a kanyir waar'ɩ bɛ na ɩ b kaa fʋ bɛ dam a, ɛ́ bɛ na ɩ b kaa fʋ bɛ dam a, waar'ɩ tɩɛrʋ fʋ na ƴãw a Naaŋmɩn ƴãw a.

1 Korɛ̃tɩ 13:13

A na ɩ à ŋá a, a ƴɛrɛŋa a, a naaŋmɩn-sàw-deb, a ƴãw a tɩɛrʋ a Naaŋmɩn ƴãw, nɩ a nɔ̃wfʋ be n be a za ata, ɛcɛ a za ata pʋɔ a, a nɔ̃wfʋ n'ɩ a kpɛ̃ɛ.

1 Korɛ̃tɩ 15:58

A na ɩ lɛ a, ɩ̃ yɛb-nɔnɩ i, nyɩ ƴãw fãw kpɛmɛ, ɛ́ taa bãwnɛ damnʋ ɛ. Nyɩ kɛrɛ kʋralɛ a Sore tome pʋɔ, ɛ́ bãwnɩ a kɛ́ nyɩ bɛ hanɛ lãwnɛ nɩ a Sore zawla ɩ.

Efɛɛzɩ 2:6

A Yeezu Kɩrɩta tɩ na lãw nɩ a, ʋl pʋɔ n'a a Naaŋmɩn ɩ tɩ lɛb yi a kũu pʋɔ lãw nɩ ʋ, ʋʋ ɩ tɩ lãwnɩ ʋ zɩ̃ a tẽ-vla pʋɔ.

Kɔlɔsɩ 1:27

Naaŋmɩn sàw na ɩ bɛ bãw a tɩbɛ dem sɔgɔ a naalʋ nɩ a yúor-vɩɛlʋ-danʋ na bɛ tɛr tɔ a yel ŋa na waar'ɩ a: a Kɩrɩta be n a nyɩ sɔgɔ, ʋl na só nyɩ tɩɛrɛ a yúor-vɩɛlʋ-danʋ a.

Kɔlɔsɩ 3:1

Nyɩ na lãw nɩ a Kɩrɩta lɛb yi a kũu pʋɔ a, nyɩ bɔbr a saa-zu bome, be a Kɩrɩta na be zɩ̃ a Naaŋmɩn dʋrʋ lowr a.

2 Timote 2:19

Ɛcɛ yir pɛr na kpɛmɛ ɛ́ Naaŋmɩn bin a, cãà nɩ be. Ƴɛ̀r-bie á ŋá n'a bɛ wi ƴãw a ʋ zu: «A Sore bãw nɩ a ʋ nɩbɛ», lɛ nɩ: «Sob nɛ za na bʋɔlɛ a Sore yúor a, ʋ taw zãá nɩ a ɩ-faar.»

Ebre 4:16

A na ɩ lɛ a, nyɩ ɩ tɩ bɛr tɩɛrʋ ɛ́ taw ta a Naaŋmɩn naalʋ-dà-kɔw pɛr maalʋ na ʋr a. Tɩ na páw nɩ su-ɓaarʋ ɛ́ nyɛ̃ maalʋ a be, k'aa daar wa ta a, tɩɩm nyɛ̃ sõwfʋ.

Ebre 9:3

A diru ayi sob bɛ na bʋɔlɛ kɛ́ zi-sõw-za-zi-sõw a be n a pɛnɛ ayi sob bɛ na 'lẽ yawlɩ a pùorí.

Ebre 9:7

Ɛcɛ a ayi sob pʋɔ a, a bàwr-maal-kara yõ n'ʋ mɩ́ kpɛ, gb'a been a yũon za, ʋʋ bɛ kpɩɛr a be ɛ́ bɛ tɛr dʋ̃w zɩ̃ɩ kpɛ n tɩ de kʋ̀ a Naaŋmɩn ɛ, a ʋl mɩŋa sãwna ʋ na bɛ bãwnɩ kɛ́ sãw a ƴãw, nɩ a nɩbɛ dem ƴãw ɛ.

1 Pɩɛr 1:3

A Naaŋmɩn tɩ Sore Yeezu Kɩrɩta Sãà tɛr'ɩ puoru. A ʋ su-ɓaarʋ na ɩ kpɛ̃ɛ a ƴãw n'a ʋ ɩ tɩ lɛb dɔw, ɛ́ ƴãw a tɩ tɩɛrʋ a nyɔ-vʋʋrʋ tɩ na páw a ƴãw, a Yeezu Kɩrɩta kũu-pʋɔ-lɛb-yibu zũú.