Ebre 6:18 - A SƐB-SÕW

¹⁸ A na ɩ à ŋá a, yele ayi na bɛ tɛr lɩɛbʋ a pʋɔ, Naaŋmɩn na kʋ̃ tʋ̃ɔ́ ŋmãa ziri a, alɛ n'a kʋ̀rɛ tɩ sõwfʋ kpɛ̃ɛ a tɩɩm na zɔ sɔwlɩ a ʋ zie a. Lɛ n'a tɩ na tʋ̃ɔ́ nyɔw a tɩɛrʋ tɩ na ƴãw a Naaŋmɩn ƴãw a kpɛ̃w za, a tɩɛrʋ ŋa bɛ na kʋ̀rɛ tɩ a.

Ebre 6:18 ပူးပေါင်းရင်းမြစ်များ

Yele-za-pɛr-tib 19:22

Zɔ cen a be fɔ̃w tɩ sɔwlɩ: ɩ̃ kʋ̃ tʋ̃ɔ́ ɩ bom za, fʋ̃ʋ bɛ wa ta a be baar'a ɩ.» Alɛ n'a so bɛ bʋɔlɛ a tẽw ŋa kɛ́ Sowaar.

1 Na-mɩnɛ 2:28

A Zowab na tɩ wõ a lɛ a yele na ɩ a Adonɩasɩ nɩ a Abɩataar ƴãw a, ʋ zɔ na kpɛ a Sore pɛn-sɛw pʋɔ, tɩ nyɔw a bàwr-maal-kuur ɩ́lɛ́. Bʋ̃ʋ n'ʋ vɛ̃, ʋ tɩ tu n a Adonɩasɩ, ʋ na saa bɛ tɩ dãw tu a Abɩsalɔm a.

Sɛb-sõw yielu 110:4

Pɔb ŋa n'ʋ a Sore pɔ, ʋʋ bɛ lɩɛbɛ bɛrɛ ɩ: «Fʋ ɩ n bàwr-maalɛ kʋralɛ, mɛ̃ a lɛ a Mɛlkɩsedɛkɩ na tɩ ɩ a.»

Sɛb-sõw yielu 46:1

Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Bɛ ŋmɩɛr'ɩ bʋ̃-ŋmɩɛrɩ ƴãwn. Yielu.

Sɛb-sõw yielu 62:8

A ɩ̃ faafʋ nɩ a ɩ̃ vɩɛlʋ yi n a Naaŋmɩn zie. A ɩ̃ pì-kpɛ̃w nɩ a ɩ̃ sɔwlʋ zie a, a Naaŋmɩn n'ʋ.

Zʋkpaɩ 3:18

A yã-bãwfʋ ɩ n nyɔ-vʋʋrʋ tɩɛ a bɛlɩ dem na nyɔw ʋ a zie, ɛ́ zu-nʋ̃ɔ̀ dem n'ɩ a bɛlɩ dem na nyɔw ʋ tɛr a.

Zʋkpaɩ 4:13

Tɛr a wulu bɛ na wul fʋ a kpɛ̃w kpɛ̃w za, taa zawrɛ ʋ bɛrɛ ɩ. Maal tɛr ʋ, ʋ ɩ n a fʋ nyɔ-vʋʋrʋ.

Ɩzayi 27:5

Ɛcɛ sob nɛ na na zɔ kpɛ a ɩ̃ naayir a, ʋ na ɩ na ƴã-ɓaarʋ be mãa nɩ a ʋl zie, ʋ na ɩ na ƴã-ɓaarʋ be be.»

Ɩzayi 51:12

A Sore yere na: «Mãa n'ʋ mɔwlɛ nyɩ, ʋ̃ʋ, mãa n'ʋ. Ɩ̃ nɩbɛ ɛ, bʋ̃ʋ n'ʋ so nyɩ zɔrɛ a nɩsaal na ɩ bʋ̃-kpiira a, a nɩsaal na ɩ mɛ̃ mʋ̃ɔ a?

Ɩzayi 56:4

Bʋ̃ʋ n'ʋ vɛ̃, à ŋá n'a a Sore yere: «A dɛ-vaɩ bɛl na maal tɛr a ɩ̃ pɩ̃ɛnʋ-bibie vla a, na mɩ́ kaa ír ɩrɛ a lɛ na pɛlɩ a ɩ̃ pʋɔ a, ɛ́ mɩ́ tu a ɩ̃ wõ-taa pùor a,

Ɩzayi 64:7

Ɛcɛ, Sore e, fʋ̃ʋ n'ɩ a tɩ sãà. Tɩ ɩ n a yawra ɛ́ fʋ ɩ a mɩɛ-mɩɛrɛ. A fʋ nuru n'a mɛ tɩ tɩ za.

Zakari 9:12

Nɩ-pàwrɩ na tɩɛrɛ nɩdaar na vɩɛl a, nyɩ lɛb kul a nyɩ tẽ-kpɛ̃ɛ pʋɔ bɛ na lɛb mɛ a dacine a. Ƴɛrɛŋa a, ɩ̃ yere na kʋ̀rɛ nyɩ: ɩ̃ na maalɩ nyɩ nɩ gb'a ayi, yáa a tuo nyɩ na wõ a san.

Sɔr-nɛ́ɛ 23:19

Naaŋmɩn bɛ ɩ nɩsaal na ŋmarɛ ziri ɛ, nɩsaal bie a tɩɛrʋ na mɩ́ lɩɛbɛ a bɛ n'ʋ ɛ. Ʋ na tʋ̃ɔ́ na yel ɛ́ bɛ ɩ ɛ? Ʋ na tʋ̃ɔ́ na ƴɛ̀r ƴɛ̀rʋ ɛ́ bɛ tu ɛ?

Matie 24:35

A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be za na tɔl ɛ.»

Matie 3:7

A Zã na tɩ nyɛ̃ Faarizɩ̃ɛ mɩnɛ nɩ Sadiseyɛ̃ mɩnɛ yaga bɛ waar a suob deb a ʋ zie a, ʋ yel bɛ na: «Dɔpan bʋʋrɛ bɛ ŋa! Ãa n'ʋ wul nyɩ a lɛ nyɩ na na ɩ nɩɩrɩ a Naaŋmɩn ƴɛ̀rʋ-maalʋ suur na waar a bɛr?

Luka 2:25

Zɩ̃ kɛ́ nɩr kãw tɩ be n a Zerizalɛm dɩ kɛ́ Sɩmɩ̃ɔ. Ʋ tɩ ɩ n nɩ-mɩŋa ɛ́ ƴãwnɛ a Naaŋmɩn. Ʋ tɩ gùre nɩ a mɔwlʋ a Ɩsɩrayɛl nãà wa nyɛ̃ a, ɛ́ a Vʋʋrʋ sõw tɩ be a ʋ zie.

Ʋrɔm 15:5

A Naaŋmɩn na ɩ su-nyɔwra nɩ mɔwlʋ sob a, ʋ ɩ nyɩ cɔwrɛ a Yeezu Kɩrɩta, wone taa vla a nyɩ cara pʋɔ.

Ʋrɔm 3:25

A Naaŋmɩn maal'ɩ ʋ nɩ bàwr, k'aa Kɩrɩta zɩ̃ɩ ƴãw, ʋ páw a yel-bebe suur kʋ̀ a bɛlɩ dem na sàw de ʋ a. À ŋá n'a a Naaŋmɩn wul k'ʋʋ ɩ n nɩ-mɩŋa kʋralɛ: ʋ tɩ ɩ ʋ nɩ a koro za, a lɛn daar ʋ na tɩ nyɔw ʋ tʋɔra bɛ dɔwrɩ a nɩsaalbɛ a bɛ yel-bebe ƴãw a. Ʋ ɩ ʋ nɩ a dɩ̃a zie ŋa pʋɔ, ʋ na ɩ nɩ-mɩŋa, ɛ́ mɩ̀ ɩ a bɛlɩ dem za na sàw de a Yeezu a bɛ ɩ nɩ-mɩn a.

Ʋrɔm 3:4

Lɛ bɛ n'a towtow ɛ! A fɛr'a kɛ́ Naaŋmɩn mɩ́ sãá ɩ yel-mɩŋa sob, nɩsaal za saa ɩ zir-ŋmarɛ a, mɛ̃ à ŋá a Sɛb-sõw na yel a Naaŋmɩn ƴãw a: «A fɛr'a kɛ́ bɛ mɩ́ nyɛ̃ b fʋ tɛr yel-mɩŋa a fʋ ƴɛ̀rʋ pʋɔ, fʋ mɩ́ tʋ̃ɔ́ ƴɛ̀r yi, bɛlɛ wa maalɛ nɩ fʋ ƴɛ̀rʋ a.»

Ʋrɔm 5:5

A tɩɛrʋ ŋa bɛ bɛ̀lɛ ɩ, bʋ̃ʋ n'ʋ vɛ̃, Naaŋmɩn ƴãw nɩ a ʋ nɔ̃wfʋ a tɩ socie pʋɔ, a Vʋʋrʋ Sõw ʋ na kʋ̀ tɩ a zũú.

Filib 2:1

A na ɩ à ŋá a, nyɩmɛ wa sɩrɩ mɔwlɛ taa nyɩmɛ nɩ a Kɩrɩta na lãw taa a zũú a, nyɩmɛ wa kpaalɛ taa a nɔ̃wfʋ pʋɔ a, lãw-taa wa be be a Vʋʋrʋ Sõw pʋɔ a, nɔ̃wfʋ nɩ nɩbaal-zɔba wa be be a,

Kɔlɔsɩ 1:23

Ɛcɛ a fɛr'a kɛ́ a nyɩ naaŋmɩn-sàwfʋ ɩ nyɩ kpɛmɛ, bà gbɛ́r àr, ta sàw bom za taw nyɩ zãá nɩ a nyɩ tɩɛrʋ ʋl nyɩ na tɛr a ɩ, a lɛn daar za nyɩ na tɩ wõ a Yel-nʋ̃ɔ̀ a. A Yel-nʋ̃ɔ̀ ŋa hier'a ta bʋ̃-íra za a tẽw zu, ɛ́ a mãa Pol, ɩ̃ lɩɛb'ɩ a Yel-nʋ̃ɔ̀ ŋa tõ-tone.

Kɔlɔsɩ 1:27

Naaŋmɩn sàw na ɩ bɛ bãw a tɩbɛ dem sɔgɔ a naalʋ nɩ a yúor-vɩɛlʋ-danʋ na bɛ tɛr tɔ a yel ŋa na waar'ɩ a: a Kɩrɩta be n a nyɩ sɔgɔ, ʋl na só nyɩ tɩɛrɛ a yúor-vɩɛlʋ-danʋ a.

Kɔlɔsɩ 1:5

ɛ́ a ɩ nyɩ na tɩɛrɛ a ʋlɩ bom nɛ na gùre nyɩ a tẽ-vla pʋɔ a ƴãw n'a a. A Yel-nʋ̃ɔ̀ na ɩ yel-mɩŋa ƴɛ̀rʋ a, ʋl na lʋɔrɩ wa ta nyɩ a, ʋl pʋɔ n'a nyɩ páw a tɩɛrʋ ŋa.

1 Tesalonikɩ 1:10

Nyɩ gùre nɩ a Yeezu, a ʋ Bie, na na yi a tẽ-vla pʋɔ lɛb wa a, ʋl ʋ na ɩ k'ʋ lɛb yi a kũuni pʋɔ a, ʋl na faarɛ tɩ a Naaŋmɩn ƴɛ̀rʋ maalʋ bibir na pɩɛl'a ƴãw a.

1 Timote 1:1

A mãa Pol, a Naaŋmɩn tɩ Faarɛ nɩ a Kɩrɩta Yeezu ƴãw tɩ na ƴãw a tɩ tɩɛrʋ a, bɛl na ƴãw ɩ̃ ɩ a Kɩrɩta Yeezu nɩ-tona a,

1 Timote 6:12

Zɛbr a naaŋmɩn-sàw-deb zɛb-vla. Ƴãw fãw páw a nyɔ-vʋʋrʋ na be kʋralɛ a, a ʋ páwfʋ ƴãw n'a a Naaŋmɩn bʋɔlɩ fʋ, a lɛn daar fʋ na hieri a fʋ naaŋmɩn-sàw-deb vla, yel-mɩn dem yaga niŋé a.

2 Timote 2:13

Tɩmɛ wa tɩɛ ʋ bɛr a, ʋl ŋmɛ̃ n ʋ ŋmɛ̃a, ʋ na kʋ̃ tʋ̃ɔ́ zawrɩ ʋ tʋɔra bɛr a ƴãw.»

Títɩ̀ 1:2

kɛ́ bɛ tɩɛrɛ a nyɔ-vʋʋrʋ na be kʋralɛ a. A Naaŋmɩn na bɛ ŋmarɛ ziri a tɩ ƴãw nɩ nʋɔr k'ʋʋ na kʋ̀ bɛ nɩ a nyɔ-vʋʋrʋ ŋa, ɛ́ a dɩta-pɛ-yome za wa bãw be.

Ebre 11:7

A sàw-deb zũú n'a Nowe tɩ bɛr wõ a lɛ Naaŋmɩn na tɩ yel kʋ̀ ʋ, yele bɛ na bɛ tɩ nyɛ̃ sɛr a ƴãw. Ʋ bɛ tɩ de dɩ̃ɛnʋ ƴãw a lɛ a Naaŋmɩn na tɩ yel a ƴãw ɛ, ɛ́ tɩ maalɩ gbor-kpɛ̃ɛ ʋlɛ nɩ a ʋ yir dem faafʋ ƴãw. À ŋá n'a ʋ tɩ wul a tẽ-daa sãwna, ɛ́ a Naaŋmɩn nyɛ̃ ʋ ɩ nɩ-mɩŋa, a ʋ sàw-deb zũú.

Ebre 3:11

Lɛ n'a ɩ̃ nyɛ̃ suur pɔ à ŋá: bɛ bɛ be za na ta a ɩ̃ pɩ̃ɛnʋ zie ɩ!»

Ebre 3:6

Ɛcɛ a Kɩrɩta ʋl a, Naaŋmɩn de nɩ a ʋ yele mɛ̃ Bie na ɩ a Naaŋmɩn yir sob a. Ɛ́ tɩmɛ n'ɩ a yir dem, tɩmɛ wa ɓãá ƴãw bɛr tɩɛrʋ, ɛ́ a tɩ nyʋ̀ʋ́r ɩ a tɩɛrʋ tɩ na ƴãw a Naaŋmɩn ƴãw a.

Ebre 6:17

Ɛcɛ a Naaŋmɩn tɩ bɔbr'a k'ʋʋ wul cãàmɩlɛ a bɛlɩ dem na na páw a nʋɔr ʋ na ƴãw a maalʋ a, k'aa lɛ ʋ na yel a bɛ tɛr lɩɛbʋ ɛ. A lɛ n'a so ʋ tɩ ƴãw a nʋɔr pɔ n.

Ebre 7:19

Bʋ̃ʋ n'ʋ vɛ̃, a Naaŋmɩn wulu bɛ ɩ bom za ʋ páw a ʋ vɩɛlʋ za ɩ. Ɛcɛ tɩɛrʋ na vɩɛl zuo tɩ ƴãw a Naaŋmɩn ƴãw a wa na, ɛ́ a ʋl zũú n'a tɩ mɩ́ tawr pɩɛlɛ a Naaŋmɩn.

Ebre 7:21

Ɛcɛ a Yeezu a, pɔb'a Naaŋmɩn pɔ ʋ lɩɛbɩ bàwr-maalɛ, a lɛ a Naaŋmɩn na tɩ yel ʋ a: «A Sore pɔ na, ɛ́ kʋ̃ lɩɛbɩ bɛr ɛ: fʋ ɩ n Naaŋmɩn bàwr-maalɛ kʋralɛ.»

Zozue 20:3

Nɩr bɛ wa bãw kɛ́ kʋ nɩr a nyɩ pʋɔ a, ʋ na tʋ̃ɔ́ na zɔ tɩ kpɛ naayir a tẽ-bɛrɛ á ŋá kãw pʋɔ, tʋ̃ɔ́ cɩ̃ɛ, a sob nɛ a na fɛr k'ʋʋ kʋ ʋ yáa a san a ta páw ʋ ɛ.

1 Zã 1:10

Tɩmɛ wa yel kɛ́ tɩ bɛ ɩ yel-bebe dem a, Naaŋmɩn n'ʋ tɩ bʋɔlɛ zir-ŋmarɛ, ɛ́ a ʋ ƴɛ̀rʋ bɛ be a tɩ zie ɩ.

1 Zã 5:10

Sob nɛ na sàw de a Naaŋmɩn Bie a mɩ̀ tɛr'ɩ a dãsɩɛ ŋa a ʋ pʋ̃ɔmɩ. Ɛcɛ sob nɛ na bɛ mɩ́ sàw de a Naaŋmɩn a mɩ́ de ʋ na bʋɔlɛ zir-ŋmarɛ, ʋ na bɛ sàw de a Naaŋmɩn dãsɩɛ ʋ na dɩ a ʋ Bie ƴãw a.

1 Samɩɛl 15:29

A Sore na ɩ a Ɩsɩrayɛl yúor-vɩɛlʋ-danʋ a bɛ ŋmarɛ ziri ɛ, bɛ tɛr ƴɛ̀r-nɛ́ɛ ayi mɛ̃ nɩsaal a ɩ.»