Ebre 6:10 - A SƐB-SÕW

¹⁰ Naaŋmɩn ɩ n nɩ-mɩŋa, ʋ kʋ̃ yiiri a nyɩ tome bɛr ɛ, nɩ a ʋ nɔ̃wfʋ nyɩ na wul ʋ sãá, nyɩ na tɩ dãw kaa kɩrɩta-nɩbɛ zie ɛ́ cãà kaarɛ a bɛ zie a ƴɛrɛŋa a.

Ebre 6:10 ပူးပေါင်းရင်းမြစ်များ

Neemi 13:22

Lɛ n'a ɩ̃ tɩ ƴãw k'aa levitɩ mɩnɛ so a bɛ dɛwr bɛr, ɛ́ cen tɩ piwre a tẽw dɩ̃dɛɛ, k'aa nɩbɛ tʋ̃ɔ́ mɩ́ de a pɩ̃ɛnʋ-bibir ʋ ɩ bibi-sõw. «Ɩ̃ Naaŋmɩn i, cãà bãwnɩ mɛ̃, à á ŋá ƴãw mɩ̀. Zɔ ɩ̃ nɩbaalʋ a fʋ nɔ̃wfʋ na bɛrmɛ a ƴãw!»

Neemi 13:31

Lɛ n'a ɩ̃ mɩ̀ tɩ ɩ a dàar de-kʋ̀b tɩrʋ ƴãw, a na fɛr kɛ́ bɛ mɩ́ wa n a tɛm ʋl bɛ na ƴãw a, nɩ a kɔb bʋ̃-dan de-kʋ̀b ƴãw. «Ɩ̃ Naaŋmɩn i, cãà bãwnɩ mɛ̃, ɛ́ maalɛ mɛ̃ vla!»

Neemi 5:19

«Ɩ̃ Naaŋmɩn i, lɛb tɩɛrɩ a alɩ bome nɛ za ɩ̃ na ɩ a nɩ-bʋʋrɛ bɛ ŋa ƴãw a, ɛ́ tɛr pʋ-pɩɛlʋ a ɩ̃ zie!»

Sɛb-sõw yielu 20:3

Ʋ be a ʋ zi-sõw pʋɔ, ɛ́ tɩr a sõwfʋ kʋ̀ b, ʋ be a Sɩyɔ̃ ɛ́ tɩɛ fʋ tɛr!

Eziptɩ tẽw yib 1:20

À ŋá n'a a Ɩsɩrayɛl nɩbɛ tɩ yãwmɛ dɔwlɛ cere, ɛ́ tɛr fãw. Naaŋmɩn tɩ maal'ɩ a pɔw-dɔwrbɛ,

Zʋkpaɩ 14:31

Nɩr na dɔwrɛ a bãbàalbɛ a tʋʋr'ɩ a bɛ Íre, ɛcɛ nɩr na zɔrɛ a bɛ nɩbaalʋ a zɛwr'ɩ a bɛ Íre yúor.

Zʋkpaɩ 19:17

Nɩr na kʋ̀ nã́w sob bom a pɛ̃w nɩ a Sore, ɛ́ a Sore na lɛb'a kʋ̀ ʋ.

Ekilezɩasɩ 11:1

Ta bʋ́nɛ nɩ a kũu-pire cɛb ɛ, fʋ nãà vɩrɩ na páw tɔnɛ bibir kãw.

Zeremi 18:20

Bɛ mɩ́ maal'ɩ faa yáa nɩ vla a? Bɛl a, bɛ tuw nɩ bɔw kɛ́ bɛ ɩ ɩ̃ lo. Ɛcɛ, lɛb tɩɛrɩ ɩ̃ na tɩ àr a fʋ niŋé k'ɩ̃ɩ ƴɛ̀r a bɛ vla ƴãw, ɩ a fʋ suur ʋ zãá nɩ bɛ a.

Zeremi 31:16

Ɛcɛ à ŋá n'a a Sore yere kʋ̀rɛ ʋ: «Ta cãà kone siwre nɩ ɛ, fɩɛlɩ a fʋ mʋta-kʋ̃ɔ bɛr! A mãa, a Sore, ɩ̃ yere nɩ à ŋá: Ɩ̃ na ya b'ɩ a hanʋ fʋ na hanɩ a. A fʋ bibiir na yi n a bɛ dɔ̃ dem tẽw lɛb wa.»

Matie 10:42

Yel-mɩŋa sɩza, ɩ̃ yere na kʋ̀rɛ nyɩ, nɩr na ƴãw a bibi-cãpili bɛ ŋa kãw ʋ nyũ, ŋmale pʋɔ kʋ̃ɔ ɓaarʋ saa n'a a, ʋ na ɩ a ɩ̃ po-tuure a ƴãw a, ʋ kʋ̃ guu a ʋ maalʋ ɛ.»

Matie 20:7

Bɛ tɩ sɔw ʋ na: “Nɩr za bɛ de tɩ a tome ɩ so lɛ.” Ʋ yel bɛ: “Nyɩ mɩ̀ cen a ɩ̃ divɛ̃ tɩɩr púo pʋɔ.”

Matie 25:17

A salm-zɩɛ libie kɔbr ayi (200) sob mɩ̀ tɩ ɩ n a lɛ, páw kɔbr ayi (200) dɔwlɩ.

Markɩ 9:41

Ɛ́ sob nɛ za nãà wa kʋ̀ nyɩ ŋmale pʋɔ kʋ̃ɔ, nyɩ na ɩ kɩrɩta-nɩbɛ a ƴãw a, yel-mɩŋa sɩza, ɩ̃ yere na kʋ̀rɛ nyɩ, ʋ kʋ̃ guu a ʋ sã-ya ɩ.»

Zã 13:20

Yel-mɩŋa sɩza sɩza n'a ɩ̃ yere kʋ̀rɛ nyɩ, nɩr na sàwr dier a sob nɛ ɩ̃ na tõ a, mãa tɔr za n'ʋ ʋ sàwr dier, ɛ́ nɩr na dier mɛ̃ a, ʋ mɩ̀ sàw na dier a sob nɛ na tõ m a.»

Nɩ-toni 10:31

ɛ́ yel mɛ̃: “Kɔrnɛɩ i, Naaŋmɩn wõ n a fʋ puoru, ʋ bɛ yiiri a fʋ nɩ-kɔmɛ sõwfʋ bɛr ɛ.

Nɩ-toni 10:4

A Kɔrnɛɩ tɩ jɩ́r ʋ nɩ gbẽgbẽ, ɛ́ dɛ̃bɩ̃ɛ nyɔw ʋ, ʋ sɔw: «Ɛ́ bʋnʋ, Sore e?» A malkɩ tɩ lɛb yel ʋ: «Naaŋmɩn nyɛ̃ nɩ a lɛ fʋ na sõwne a nɩbɛ a, ʋ sàw na de a fʋ puoru, ʋ bɛ yiiri fʋ bɛr ɛ.

Nɩ-toni 11:29

Lɛ n'a a po-tuurbɛ tɩ yel kɛ́ ŋa za na mɩ́ tɩr'ɩ lɛ ʋ na tʋ̃ɔ́ a, ɛ̀ bɛ tɩr sõwfʋ kʋ̀ a yɛbr na kpɩɛr a Zude a.

Ʋrɔm 12:13

Nyɩ sõwne a nyɩ yɛbr a na fɛrɛ a, ɛ́ páwr a sãanʋ deb ƴãw.

2 Korɛ̃tɩ 9:1

A sõwfʋ nyɩ na tɛr a Zude tẽw kɩrɩta-nɩbɛ ƴãw a, a bɛ tɛr k'ɩ̃ɩ sɛb nyɩ ɛ.

Galasi 5:13

Yɛbr i, a nyɩɩm a, a tʋɔra-sob ƴãw n'a bɛ bʋɔlɩ nyɩ. Ɛcɛ nyɩ taa wa yel kɛ́ a tʋɔra-sob ŋa ƴãw ɛ́ tuur a nyɩ nɩsaal yel-bɔbrɩ na bɛ vɩɛl a ɩ. Nyɩ nɩ̃ɛ mɩ́ kaarɛ taa zie a nɔ̃wfʋ zũú.

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Galasi 6:10

A na ɩ à ŋá vuo cãà be a yaa, nyɩ ɩ tɩ ɩrɛ vla a nɩbɛ za zie, ɛ́ baa zuo a za a bɛl na ɩ a tɩ yɛbr a sàw-deb pʋɔ a zie.

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

Kɔlɔsɩ 3:17

Bom nɛ za nyɩ na ɩrɛ a, a nyɩ nʋɔr ƴɛ̀rʋ pʋɔ n'a bɩɩ a nyɩ ɩ-ɩrɩ pʋɔ n'a a, a mɩ́ ɩ a Sore Yeezu yúor ƴãw n'a nyɩ ɩrɛ a lɛ, puore nɩ a Naaŋmɩn Sãà barka a Sore Yeezu zũú.

1 Tesalonikɩ 1:3

Bʋ̃ʋ n'ʋ vɛ̃, a Naaŋmɩn tɩ Sãà niŋé a, tɩ mɩ́ lɛb'a bãwnɩ a nyɩ naaŋmɩn-sàw-deb tome, a nyɩ nɔ̃wfʋ na nyɛrɛ bàlʋ a, nɩ a tɩɛrʋ nyɩ na ƴãw kpɛ̃w za a tɩ Sore Yeezu Kɩrɩta ƴãw a.

1 Timote 6:18

Yel kʋ̀ bɛ kɛ́ bɛ maalɛ a vla, ɛ́ kpɛ ɩ-vɩɛlɩ naalʋ, kɛ́ bɛ sàw tɩrɛ yaga ɛ́ pone a bɛ bome kʋ̀rɛ a bɛ taabɛ.

2 Timote 4:8

Ƴɛrɛŋa a, a mɩnʋ sã-ya gùre mɛ̃ na. A ƴɛ̀rʋ-maalʋ bibir wa vɩɛ a, a Sore na ɩ ƴɛ̀r-maalɛ na tuur yel-mɩŋa a na de ʋ na kʋ̀ m. Ɛcɛ mãa yõ kʋ̃ n'ʋ ɛ, ʋ mɩ̀ na de ʋ na kʋ̀ a bɛlɩ dem za na gùre nɩ nɔ̃wfʋ a daar ʋl ʋ nãà wa sãá a.

Ebre 10:32

Nyɩ lɛb tɩɛrɩ a lɛ a na tɩ ŋmɛ̃ nyɩ a pɛr-tib daar a: nyɩ na tɩ nyɛrɛ a cãà wa báarɛ a, nyɩ wõ n tuo yaga, nyɩ mɔ̃ nɩ mɔb na kpɛmɛ a.

Ebre 13:16

Nyɩ taa yiire a nɩbɛ maalʋ nɩ a sõw-taa bɛrɛ ɩ, a bàwr á ŋá taabɛ n'a mɩ́ nʋmɛ a Naaŋmɩn zie.

1 Zã 1:9

Ɛcɛ tɩmɛ wa yere a tɩ yel-bebe kʋ̀rɛ a Naaŋmɩn a, ʋ ŋmɛ̃ n ʋ ŋmɛ̃a ɛ́ ɩ nɩ-mɩŋa, ʋ na dɩ n a tɩ yel-bebe suur kʋ̀ tɩ ɛ́ pɛ́w a tɩ yel-faar za dɛwr bɛr.