Ebre 5:11 - A SƐB-SÕW

¹¹ A yel ŋa ƴãw a, tɩ tɛr'ɩ yel-yaga na yel, ɛ́ a pɛ́ɛ íru kpɛmɛ, a nyɩ na kpɛ vanana a wob ƴãw a zũú.

Ebre 5:11 ပူးပေါင်းရင်းမြစ်များ

1 Na-mɩnɛ 10:1

A Saba tẽw pɔw-nãà tɩ wõ n a Salomɔ̃ yele, ìr wa k'ʋʋ wa sowr'ʋ sowru na kpɛmɛ a, ɩ ʋ kaa nyɛ̃ ʋ sɩrɩ na tɛr a yã-bãwfʋ ʋ.

Ɩzayi 6:10

Ɩ a nɩ-bʋʋrɛ bɛ ŋa socie a kpawlɩ, ɩ a bɛ tobe a wõw, ɛ́ a bɛ mimie zɔ̃w. Ta sàw a bɛ mimie nyɛrɛ ɩ, a bɛ tobe wone ɩ, a bɛ socie bãw a pɛr ɛ. Bɛ ta tʋ̃ɔ́ lɩɛbɩ a bɛ ɩb, ɛ́ sanɩ ɛ.»

Matie 13:15

A nɩbɛ bɛ ŋa kpɛ n mimi-kõw, bɛ fur'ɩ a bɛ tobe, bɛ pàw nɩ a bɛ mimie, kɛ́ bɛ taa nyɛrɛ nɩ a bɛ mimie ɩ, kɛ́ bɛ taa wone nɩ a bɛ tobe ɩ, kɛ́ a bɛ yã taa nyɛrɛ ɩ, kɛ́ bɛ taa lɩɛbɛ a bɛ ɩb ɛ alɛ bɛ ɩ lɛ, ɩ̃ nãà sanɩ bɛ na.”

Markɩ 8:21

Lɛ n'a a Yeezu lɛb yel bɛ: «Nyɩ cãà bɛ bãw a pɛr ɛ?»

Luka 24:25

Lɛ n'a a Yeezu yel bɛ: «Bʋ̃ʋ pãa ɩ nyɩ bɛ tɛr tɩɛrʋ, ɛ́ a nyɩ socie kpɛ vanana a naaŋmɩn-ƴɛ̀r-manbɛ ƴɛ̀rʋ sàwfʋ ƴãw a?

Zã 16:12

«Yel-yaga cãà nɩ be ɩ̃ na yel kʋ̀ nyɩ, ɛcɛ ƴɛrɛŋa a, nyɩ bɛ tɛr fãw a deb ƴãw ɛ.

Zã 6:6

A Yeezu tɩ yel'ɩ a lɛ k'ʋʋ ɩ a Filib kaa: ʋl mɩŋa tɩ bãw nɩ a lɛ ʋ na na ɩ a.

Nɩ-toni 28:27

Bʋ̃ʋ n'ʋ vɛ̃, a nɩbɛ bɛ ŋa kpɛ n mimi-kõw, bɛ fur'ɩ a bɛ tobe, bɛ pàw nɩ a bɛ mimie kɛ́ bɛ taa nyɛrɛ nɩ a bɛ mimie ɩ, kɛ́ bɛ taa wone nɩ a bɛ tobe ɩ, kɛ́ a bɛ yã taa nyɛrɛ ɩ, kɛ́ bɛ taa lɩɛbɛ a bɛ ɩb ɛ, alɛ bɛ ɩ lɛ, ɩ̃ nãà sanɩ bɛ na.”

Ebre 5:10

Bʋ̃ʋ n'ʋ vɛ̃, a Naaŋmɩn yel'a k'ʋʋ ɩ n bàwr-maal-kara a Mɛlkɩsedɛkɩ pal pʋɔ.

Ebre 5:12

A lɛn daar za wa tɔ ka a, a tɩ sɛw na kɛ́ nyɩ ɩ wul-wulbɛ, ɛcɛ nyɩ cãà na bɔbr kɛ́ nɩr wule nyɩ a Naaŋmɩn ƴɛ̀rʋ yele al bɛ na mɩ́ zànɩ a pɛr-tib daar a. Nyɩ ɩ n lɛɛɛ wa tɩ cãà bɔbr bʋ̀rʋ, ɛ́ bɛ bɔbr saab ɛ.

2 Pɩɛr 3:16

Lɛ n'a ʋ mɩ̀ cãà lɛb yere a sɛbr al za pʋɔ ʋ na ƴɛ̀r a yel ŋa ƴɛ̀rʋ a. Ƴɛ̀r-bie be n a sɛbr á ŋá pʋɔ a pɛr bãwfʋ kpɛmɛ. Nɩbɛ na bɛ bãw bom za ɛ́ a tɩɛrʋ bɛ mɩ́ yaa kɛ́ lɩɛbɩ a mɩ́ nyɔw nɩ a ƴɛ̀r-bie á ŋá pɛ́ɛ lɩɛbɩ, ɛ́ lɛ n'a bɛ mɩ̀ ɩrɛ a Sɛb-sõw sɛbr ŋmãa al na cɛ a ƴãw. Bɛl mɩŋa loba ƴãw n'a bɛ mɩ́ ɩrɛ a lɛ.