Ebre 5:1 - A SƐB-SÕW

¹ Naaŋmɩn bàwr-maal-kara za a, a nɩsaalbɛ pʋɔ n'a bɛ mɩ́ kaa ír ʋ a nɩsaalbɛ ƴãw, a bɛ Naaŋmɩn yele kaafʋ pʋɔ, k'ʋʋ mɩ́ tɩr a de-kʋ̀b bome ɛ́ maalɩ bàwr a yel-bebe suur páwfʋ ƴãw.

Ebre 5:1 ပူးပေါင်းရင်းမြစ်များ

Levitɩ mɩnɛ 8:2

«Bʋɔlɩ a Aarɔ̃ nɩ a ʋ bidɛbr wa n a tuor-taa pɛn-sɛw dɩ̃dɔr nʋɔr. Ƴãw bɛ wa n kpar-son nɩ a kãá-cir-ƴãwfʋ kãá, cãà ƴãw bɛ wa n a yel-bier-ír-bɛrʋ bàwr nadɛr, a pʋ́rɩ ayi nɩ a zãkpa na ƴãw a dipɛ̃ na bɛ ƴãw dãbɩl a.

Levitɩ mɩnɛ 9:7

Al pùorí, ʋ yel a Aarɔ̃: «Taw pɩɛlɩ a bàwr-maal-kuur maalɩ a fʋ yel-bier-ír-bɛrʋ bàwr nɩ a fʋ nyɩw-a-za-bàwr, ɛ́ tu a yel-bebe suur-dɩ-kʋ̀b tub fʋ̃ʋ nɩ a nɩbɛ ƴãw. Al pùorí, maalɩ a nɩbɛ bàwr, ɛ́ lɛb tu a yel-bebe suur-dɩ-kʋ̀b tub a bɛ ƴãw, mɛ̃ a lɛ a Sore na yel a.»

Ʋrɔm 15:17

A na ɩ lɛ a, mãa nɩ a Yeezu Kɩrɩta na lãw taa a, ɩ̃ na tʋ̃ɔ́ na nyʋʋr a ɩ̃ ton ƴãw ɩ̃ na tone a Naaŋmɩn ƴãw a.

1 Korɛ̃tɩ 15:3

A wulu ŋa mãa mɩŋa na tɩ páw a, ɩ̃ de nɩ niwn lʋɔr'ʋ kʋ̀ nyɩ: Kɩrɩta kpi n a tɩ yel-bebe ƴãw, mɛ̃ a lɛ a Sɛb-son na tɩ yel a.

Ebre 10:11

Bàwr-maalɛ za mɩ́ àr'ɩ bibir za tone a ʋ bàwr-maal-ton. Ʋ mɩ́ maalɛ nɩ a alɩ bàwr-been nɛ kʋralɛ na kʋ̃ tʋ̃ɔ́ ír a yel-bebe bɛr towtow a.

Ebre 10:12

A Kɩrɩta ʋl a, ʋ maal'ɩ bàwr-been yõ a yel-bebe ír-bɛrʋ ƴãw, al pùorí ʋ zɩ̃ a Naaŋmɩn dʋrʋ lowr a baarɩ,

Ebre 11:4

A sàw-deb zũú n'a Abɛl tɩ maalɩ bàwr na vɩɛl zuo Kayɛ̃ dem a kʋ̀ a Naaŋmɩn. A sàw-deb ƴãw n'a a Naaŋmɩn tɩ yel k'ʋʋ ɩ n nɩ-mɩŋa, a Naaŋmɩn mɩŋa na tɩ sàw de a bome a Abɛl na kʋ̀ ʋ a ƴãw. A ʋ sàw-deb zũú, a Abɛl na saa kpi a cãà na ƴɛ̀rɛ.

Ebre 2:17

Lɛ so a tɩ fɛr k'ʋʋ ŋmɛ̃ taa nɩ a ʋ yɛbr a yele za pʋɔ, ɩ bàwr-maal-kara na tɛr su-ɓaarʋ ɛ́ bɛ lɛbr pùor a Naaŋmɩn tome tob pʋɔ a, tʋ̃ɔ́ mɩ́ ír a nɩbɛ yel-bebe bɛr.

Ebre 7:27

A bɛ fɛrɛ ʋ mɛ̃ a bàwr-maal-karɩ a, kɛ́ bibir za, ʋ mɩ́ de niwn maalɩ bàwr a ʋl mɩŋa yel-bebe ƴãw, ɛ́ a pùorí ʋ maalɩ a nɩbɛ dem ƴãw ɛ. Daƴen daadaa n'a ʋ maalɩ a bàwr, a lɛ ʋ na de ʋ tʋɔra tɩr a.

Ebre 8:3

Bàwr-maal-kara za a, de-kʋ̀b bome tɩrʋ nɩ bàwr maalʋ ƴãw n'a bɛ mɩ́ ka nũu ƴãw ʋ: lɛ n'a a fɛr k'aa tɩ bàwr-maal-kara ŋa mɩ̀ mɩ́ tɛr bom na de tɩr.

Ebre 8:4

A Kɩrɩta tɩ be a tẽw zu ka a, ʋ kʋ̃ʋ ɩ bàwr-maalɛ mɩ̀ ɛ, nɩbɛ na faa be be dier a de-kʋ̀b bome tɩrɛ mɛ̃ a lɛ a Naaŋmɩn wulu na ƴãw a.

Ebre 9:9

Zʋkpar'ʋ a dɩ̃a zie ŋa ƴãw: a pɛr lɛ kɛ́ de-kʋ̀b bome tɩrɛ na, bagɛ maalɛ kʋ̀rɛ a Naaŋmɩn, ɛ́ a kʋ̃ tʋ̃ɔ́ ɩ a sob nɛ na ƴãwnɛ a Naaŋmɩn à à ŋá a, a ʋ pʋɔ vɩɛl ɛ.