Ebre 4:13 - A SƐB-SÕW

¹³ Bʋ̃-íra kãw bɛ be be sɔwlɩ a ʋ zie ɩ. Bom za mɩ́ sãá nɩ nyɩraalɛ a ʋ niŋé, ʋ na sowri tɩ nɩ bom.

Ebre 4:13 ပူးပေါင်းရင်းမြစ်များ

1 Bibie za yel-manɩ 28:9

Ɛ́ fʋ̃ʋ ɩ̃ bidɛb Salomɔ̃ ɔ, ƴãw fãw bãw a Naaŋmɩn ʋl ɩ̃ na tõ a, puore ʋ nɩ tɩɛrʋ na vɩɛl a, ta bʋ́nɛ ɩ. Bʋ̃ʋ n'ʋ vɛ̃, a Sore mɩ́ jɩ́r'ɩ a nɩsaalbɛ pʋɔ tɩ tɔ, ɛ́ bãw a bɛ tɩɛrʋ za. Fʋ̃ʋ wa bɔbr ʋ a, ʋ na sàw na fʋ nyɛ̃ ʋ, ɛ́ fʋ̃ʋ wa zawr'ʋ bɛr a, ʋ na zawrɩ fʋ na bɛr a baarɩ.

2 Bibie za yel-manɩ 16:9

Sɩza n'a, a Sore jɩ́rɛ nɩ a tẽw zu ziir za k'ʋʋ sõw a bɛlɩ dem na nɔnɛ ʋ nɩ bɛ pʋɔ za a. Ɛcɛ ƴɛrɛŋa ʋl a, fʋ ɩ n dãbol-ɩb, alɛ so, dɩ̃a na ta a, zɛbr na lore nɩ a fʋ zu.»

2 Bibie za yel-manɩ 6:30

a fʋ̃ʋ a, Sore e, a salom zu be fʋ na kpɩɛr a, bɛr wõ, dɩ suur kʋ̀ bɛ, ɛ́ ɩ ɩb kãw. Mɩ́ ɩ ŋa za tu n a lɛ a ʋ ɩb na ŋmɛ̃ a, fʋ na faa bãw ŋa za socir a. Bʋ̃ʋ n'ʋ vɛ̃, fʋ̃ʋ yõ n'ʋ bãw a nɩsaalbɛ socir.

A Zɔb sɛbɛ 26:6

Bʋ̃ʋ n'ʋ vɛ̃, a Naaŋmɩn niŋé a, a kpɩmɛ tẽw sãá nɩ nyɩraa lɛ, ɛ́ bom za bɛ pàw a bɔw-zulu zulu a ʋ niŋé ɩ.

A Zɔb sɛbɛ 34:21

Bʋ̃ʋ n'ʋ vɛ̃, a Naaŋmɩn jɩ́rɛ nɩ a nɩsaal ɩb, ʋ piwre nɩ a ʋ gbɛ-ceni za.

A Zɔb sɛbɛ 38:17

Bɛ wul fʋ nɩ a kũu dɩ̃dɛɛ zie e? Fʋ nyɛ̃ nɩ a nyãakpɩmɛ tẽw dɩ̃dɛɛ ɛ?

Sɛb-sõw yielu 139:4

Ɩ̃ bɛ mɩ́ háa a nʋɔr sɛr ɛ, ɛ́ fʋ de niwn bãw a lɛ za ɩ̃ na na yel a.

Sɛb-sõw yielu 44:21

Tɩmɛ tɩ yiiri a tɩ Naaŋmɩn yúor bɛr a, tɩmɛ tɩ zɛw a nuru cɔw ŋmɩn-yũo a,

Sɛb-sõw yielu 7:9

Sore e, fʋ̃ʋ na dɩrɛ nɩ a nɩ-bʋʋrɛ ƴɛ̀rʋ a, dɩ n mɛ̃ a ƴɛ̀rʋ, Sore e, tu n a ɩ̃ mɩnʋ nɩ ɩ̃ na bɛ tɛr sãwna a.

Sɛb-sõw yielu 90:8

Fʋ bin nɩ a tɩ sãwna a fʋ niŋé, ɛ́ a fʋ cãà caalɛ a tɩ yel-sɔwlɩ.

Zʋkpaɩ 15:11

A Sore wa bãw a kpɩmɛ tẽw bɔw-zulu zulu a, ŋmɩŋmɩn za n'a ʋ kʋ̃ bãw a nɩsaal tɩ́ɛrʋ zuo lɛ!

Zʋkpaɩ 15:3

A Sore mimie be n a ziir za, ʋ mɩ́ jɩ́rɛ nɩ a nɩ-faar nɩ a nɩ-vɩɛlɩ.

Zʋkpaɩ 5:21

A Sore nyɛrɛ nɩ nɩsaal za ɩb, ʋ jɩ́rɛ nɩ a ʋ ɩ-ɩrɩ been been.

Ekilezɩasɩ 12:14

Bʋ̃ʋ n'ʋ vɛ̃, Naaŋmɩn na sowr'ɩ a tɩ ɩ-ɩrɩ za pɛr, a na vɩɛl bɩɩ kpɛ faa, alɛ saa sɔwlɩ a.

Zeremi 16:17

Ɩ̃ jɩ́rɛ nɩ a bɛ ɩ-ɩrɩ za, a kʋ̃ tʋ̃ɔ́ sɔwlɩ a ɩ̃ zie ɩ, a bɛ ɩ-faar kùre mɛ̃ nɩ mimir.

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Zeremi 23:24

A Sore sowre na: «Nɩr saa sɔwlɩ a, a mãa, ɩ̃ kʋ̃ nyɛ̃ ʋ bɩɩ? Ɩ̃ be n zie za, a salom zu nɩ a tẽw zu.» À à ŋá n'a a Sore yel.

Zeremi 29:23

A na ɩ n à à ŋá a bɛ zie, bɛ na maalɩ yel-faa na bɛ maal'ɩ wob a Ɩsɩrayɛl tẽw pʋɔ a ƴãw: Bɛ maal'ɩ pɩ̃ɔ-yele nɩ a bɛ taabɛ pɔwbɛ, ɛ́ yel k'aa mãa yúor ƴãw n'a bɛ ƴɛ̀rɛ, ɛ́ a ɩ ziri. Ɛcɛ ɩ̃ bɛ tɩ yel kɛ́ bɛ ɩ bom za ɩ. Ɩ̃ bãw nɩ à á ŋá za, ɛ́ dɩ a dãsɩɛ.”» À à ŋá n'a a Sore yere.

Matie 6:4

À ŋá n'a a fʋ nɩ-kɔmɛ sõwfʋ na sɔwlɩ, ɛ́ a fʋ Sãà Naaŋmɩn na mɩ́ nyɛ̃ bom za na sɔwlɩ a, na maalɩ fʋ na.»

Zã 2:24

Ɛcɛ a Yeezu ʋl bɛ tɩ sàw de a bɛ yele ɩ, ʋ na tɩ bãw bɛ za ŋmɛ̃a a ƴãw.

Zã 21:17

Ʋ tɩ lɛb'a yel a gb'a ata sob ƴãw: «Sɩmʋ̃, Zã bidɛb i, fʋ nɔnɛ mɛ̃ na a?» Pʋ-sãwna tɩ tɛr'ɩ a Pɩɛr, a Yeezu na tɩ sowr'ʋ a gb'a ata sob ƴãw: «Fʋ nɔnɛ mɛ̃ na a?» Ʋʋ tɩ sɔw na: «Sore e, fʋ bãw nɩ bom za, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Cɩ̃ɩnɛ a ɩ̃ píir.

Zã 4:16

A Yeezu yel ʋ: «Cen tɩ bʋɔlɩ a fʋ sɩr, ɛ́ lɛb wa a ka.»

Nɩ-toni 17:31

Sɩza n'a, ʋ ƴãw nɩ bibir ʋ na na maal'ɩ a tẽ-daa ƴɛ̀rʋ na tu yel-mɩŋa a. Ʋ kaa na ír nɩr a ƴɛ̀rʋ-maalʋ ŋa ƴãw. À ŋá n'a ʋ tɩ ɩ a sãá a nɩbɛ za zie, a lɛn daar ʋ na tɩ ɩ a nɩr ŋa lɛb yi a kũuni pʋɔ a.»

Ʋrɔm 2:16

A yele á ŋá n'a na sãá a bibir ʋl, a Naaŋmɩn na na ƴãw a Yeezu Kɩrɩta maal'ɩ a nɩsaalbɛ ƴɛ̀rʋ a bɛ yel-sɔwlɩ ƴãw a, mɛ̃ a lɛ a Yel-nʋ̃ɔ̀ ɩ̃ na hiere a na yel a.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

2 Korɛ̃tɩ 5:10

Bʋ̃ʋ n'ʋ vɛ̃, a fɛr'a kɛ́ tɩ za cen a Kɩrɩta ƴɛ̀rʋ-maalʋ zie ʋ tɩ maal'ɩ tɩ a ƴɛ̀rʋ. Lɛn daar'a ŋa za na páw bom nɛ na sɛw taa nɩ ʋ a, a vla bɩɩ a faa, a tu a lɛ ʋ na vʋʋrɩ a tẽw zu a.

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

1 Samɩɛl 16:7

Ɛcɛ a Sore tɩ yel ʋ na: «Ta jɩ́rɛ a ʋ ŋmɛ̃a nɩ a ʋ kɛrʋ ɛ, ʋlɛ bɛ n'ʋ ɩ̃ kaa ír ɛ. A ka a, lɛ nɩsaalbɛ na mɩ́ nyɛ̃ a yele a bɛ n'a ɩ: nɩsaalbɛ mɩ́ nyɛ̃ nɩ a al na sãá a, ɛcɛ mãa a, a tɩɛrʋ n'ʋ ɩ̃ mɩ́ nyɛ̃.»