Ebre 4:12 - A SƐB-SÕW

¹² Bʋ̃ʋ n'ʋ vɛ̃, a Naaŋmɩn ƴɛ̀rʋ ɩ n bʋ̃-vʋʋra na tone a, ɛ́ dɩrɛ gãw zɛbr-sɔ-kpɛ̃ɛ za na dɩrɛ a loge a za ayi a. Ʋ mɩ́ cɔr'a kpɛ tɩ põ a sɩ́ɛ nɩ a tɩɛrʋ, a kɔbɛ tuor-taa ziir nɩ a kɔbɛ buge. Ʋ mɩ́ jɛl'ɩ a nɩsaal socir bʋ̃-bɔbrɩ nɩ a nɩsaal socir tɩɛrʋ.

Ebre 4:12 ပူးပေါင်းရင်းမြစ်များ

Sɛb-sõw yielu 110:2

A Sore na ɩ na fʋ tĩ a Sɩyɔ̃ Ŋmɩn-yir, ɛ́ dɩ naalʋ tɩ sãá nɩ zi-zãána! Ɛ́ fʋ̃ʋ a, fʋ na tʋ̃ɔ́ nɩ a dɔ̃ dem na jil koli fʋ a.

Sɛb-sõw yielu 119:130

A fʋ ƴɛ̀rʋ bãwfʋ waar'ɩ nɩ cãà, ʋ mɩ́ kʋ̀ n yã a nɩbɛ na bɛ tɛr a mɩnɛ kãw a.

Sɛb-sõw yielu 139:2

Fʋ mɩ́ bãw nɩ a ɩ̃ zɩma daar nɩ a ɩ̃ ìru daar, fʋ mɩ́ de nɩ niwn bãw a ɩ̃ pʋ-tɩɛrʋ a cɛlɩ.

Sɛb-sõw yielu 149:6

Naaŋmɩn danʋ ƴɛ̀r-bie, a be a bɛ nʋɔrɩ́! Ɛ́ a zɛbr-sɔ-kpɛ̃ɛ na dɩrɛ a loge ayi a be a bɛ nũú!

Sɛb-sõw yielu 45:3

Fʋ pɔ̀l'a zuo a nɩbɛ za, a ƴɛ̀rʋ a, fʋ bãw a na. A sãá na, a Naaŋmɩn na maalɩ fʋ dɩ̃a nɩ bio a.

Zʋkpaɩ 5:4

Ɛcɛ a baarʋ zie a, a mɩ́ tome na mɛ̃ lɔw a, ɛ́ dɩrɛ mɛ̃ zɛbr-sɔ-kpɛ̃ɛ na dɩrɛ a lowe a za ayi a.

Ekilezɩasɩ 12:11

A yã-bãwnbɛ ƴɛ̀rʋ ɩ na mɛ̃ nĩi dà-ɓɩlɓɩl a. A bɛlɩ dem na sɛbr a sɛbr a ɩ na mɛ̃ kpawbie bɛ na bà vla vla a. A Naaŋmɩn na ɩ a bʋ̃-cɩ̃ɩn-been tẽtẽ a n'ʋ tɩr à á ŋá za.

Ɩzayi 11:4

Ʋ na mɩ́ dɩ n a ƴɛ̀rʋ nɩ mɩnʋ kʋ̀ a bãbàalbɛ, ʋ na mɩ́ yel'ɩ a lɛ-na-tu-sɔr-a kʋ̀ a tẽw nan dem. A ʋ ƴɛ̀rʋ na mɩ́ va n a tẽw mɛ̃ dabɔl a, a ʋ nʋɔr pɩɛlʋ na mɩ́ kʋ n a nɩ-faa.

Ɩzayi 49:2

Ʋ ɩ na a ɩ̃ ƴɛ̀rʋ ɩ zɛbr-sɔ-kpɛ̃ɛ na dɩrɛ a, ʋʋ piw mɛ̃ tɛr nɩ a ʋ nũu. Ʋ ɩ na ɩ̃ ɩ pĩi-nɔ-ɓɩlɓɩl, ʋ sɔwlɩ mɛ̃ a ʋ lɔw pʋɔ.

Ɩzayi 55:11

À à ŋá n'a a ɩ̃ ƴɛ̀rʋ na mɩ́ yi a ɩ̃ nʋɔrɩ́ a mɩ́ ɩ: ʋ bɛ lɛbr waar a ɩ̃ zie ɛ́ bɛ ɩ bom ɛ, ɛ́ bɛ maalɩ a lɛ ɩ̃ na bɔbr'a ɩ, ɛ́ bɛ tõ a ton ɩ̃ na kʋ̀ ʋ a ɩ.»

Zeremi 17:10

A mãa, a Sore, ɩ̃ mɩ́ jiel'ɩ a nɩsaalbɛ za tɩɛrʋ nɩ a bɛ bʋ̃-bɔbrɩ. À ŋá n'a ɩ̃ mɩ́ tʋ̃ɔ́ ya ŋa za man nɩ a ʋ ɩ-ɩrɩ, man nɩ a ʋlɩ bom nɛ a ʋ tome na wa n a.

Zeremi 23:29

A ɩ̃ ƴɛ̀rʋ bɛ ɩ mɛ̃ vũu a ɩ? A bɛ ɩ mɛ̃ 'hama na mɩ́ ŋmɛ pìir wɛl a ɩ?»

Luka 8:11

«Nyɩ nyɛ̃ a zʋkpar ŋa pɛr: a Naaŋmɩn ƴɛ̀rʋ n'ɩ a bʋ̃-bʋʋrɛ.

Zã 12:48

Sob nɛ na zawrɩ mɛ̃ bɛr ɛ́ bɛ dier a ɩ̃ ƴɛ̀rʋ a, tɛr'ɩ a ʋ ƴɛ̀r-maalɛ: a ƴɛ̀rʋ ɩ̃ na ƴɛ̀r a na yel'ɩ a ʋ sãwna a bibi-pɛ-baara wa vɩɛ a.

Zã 6:51

Mãa n'ɩ a dipɛ̃ na vʋʋrɛ a, na yi a salom zu siw wa a. Nɩr wa 'wɔbr a dipɛ̃ ŋa a, ʋ na vʋʋrɛ nɩ kʋralɛ, ɛ́ a dipɛ̃ ɩ̃ na na tɩr a, ʋlɛ n'ɩ a ɩ̃ ƴã-gã-nɛn a tẽ-daa nyɔ-vʋʋrʋ páwfʋ ƴãw.»

Nɩ-toni 2:37

Bɛ na tɩ wõ a lɛ a, a tɩ dam bɛ nɩ yaga, bɛ yel a Pɩɛr nɩ a nɩ-toni ŋmãa bɛl na cɛ a: «Yɛbr i, bʋ̃ʋ n'ʋ tɩ na ɩ?»

Nɩ-toni 4:31

Bɛ na tɩ puori baar'a, a dĩó nɛ pʋɔ bɛ na tɩ ɓã taa a, tɩ dam'a: a Vʋʋrʋ Sõw tɩ paal'ɩ bɛ za, bɛ ɓãá ƴãw hiere a Naaŋmɩn ƴɛ̀rʋ.

Nɩ-toni 5:33

A ƴɛ̀rʋ-dɩb-lãw nɩbɛ na tɩ wõ a ƴɛ̀r-bie á ŋá a, bɛ tɩ pi n kɔkɛɛ bɔbr'ɩ a nɩ-toni kʋb.

Nɩ-toni 7:38

A wɛja-kpalɛ pʋɔ lãw daar a, a Moyiir'ʋ tɩ be a tɩ sãàkʋm-kore nɩ a malkɩ cará, ɛ́ a malkɩ ƴɛ̀rɛ nɩ ʋ a Sinayi tãw zu. Ʋlɛ n'ʋ de a nyɔ-vʋʋrʋ ƴɛ̀r-bie wa kʋ̀ tɩ.

Ʋrɔm 1:16

Ɩ̃ bɛ zɔrɛ vĩ a Yel-nʋ̃ɔ̀ hieru ƴãw ɛ: bʋ̃ʋ n'ʋ vɛ̃, ʋ ɩ n Naaŋmɩn kpɛnʋ na faarɛ nɩr za na sàw de a, a Zifʋ mɩnɛ n'ɩ a dãw-niwn dem, al pùorí a bɛl na bɛ ɩ Zifʋ mɩnɛ a.

1 Korɛ̃tɩ 1:24

Ɛcɛ a bɛlɩ dem a Naaŋmɩn na bʋɔlɩ a zie a, bɛ ɩ n Zifʋ bɩɩ Gɩrɛkɩ a, a bɛl zie a, ʋ ɩ n a Kɩrɩta, ʋl na ɩ a Naaŋmɩn kpɛnʋ nɩ a Naaŋmɩn yã-bãwfʋ a.

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

Efɛɛzɩ 5:13

Ɛcɛ bom nɛ na yi cãà pʋɔ a, a cãà mɩ́ wul'ɩ a bom nɛ ŋmɛ̃a za.

Efɛɛzɩ 5:26

Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw.

Efɛɛzɩ 6:17

Nyɩ sàw de a faafʋ mɛ̃ kpawɔ-kpow nyɩ na vɔblɩ a, ɛ́ tɛr a Vʋʋrʋ Sõw zɛbr-sɔ-kpɛ̃ɛ, a pɛr lɛ kɛ́ a Naaŋmɩn ƴɛ̀rʋ.

1 Tesalonikɩ 2:13

Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a.

1 Tesalonikɩ 5:23

A ƴã-ɓaarʋ Naaŋmɩn tɔr za, ʋ ɩ nyɩ ɩ son nyɩ za, ʋ gù a nyɩ nɩɩlʋ za, a tɩɛrʋ, a sɩ́ɛ nɩ a ƴã-gan, ʋ taa wa tɛr sãwna bɛ yere a tɩ Sore Yeezu Kɩrɩta waa daar ɛ.

Ebre 13:7

Nyɩ lɛb tɩɛrɩ a nyɩ niw-dierbɛ yele, bɛl na tɩ manɩ a Naaŋmɩn ƴɛ̀rʋ kʋ̀ nyɩ a. Nyɩ nyɛ̃ a lɛ bɛ na vʋʋrɩ tɩ kpi n a, nyɩ cɔwrɛ a bɛ naaŋmɩn-sàw-deb.

Ebre 6:5

na nyɛ̃ a lɛ a Naaŋmɩn ƴɛ̀rʋ na nʋmɛ a, na bãw a lɛ a nɩdaar zie kpɛnʋ na ŋmɛ̃ a,

Zakɩ 1:18

Ʋ nɔnɛ na dɔw tɩ nɩ a ʋ ƴɛ̀rʋ na ɩ a yel-mɩŋa a, kɛ́ tɩ tʋ̃ɔ́ ɩ niw-dierbɛ a ʋ bʋ̃-íri za pʋɔ.

1 Pɩɛr 1:23

Nɩsaal na na wɛ a, ʋlɛ bɛ n'ʋ ɩ nyɩ lɛb dɔw ɛ, a Naaŋmɩn ƴɛ̀rʋ na vʋʋrɛ ɛ́ be kʋralɛ a, ʋlɛ n'ʋ ɩ nyɩ lɛb dɔw.

Yel-wula 1:16

Ŋmar-bie ayopõi tɩ be n a ʋ dʋrʋ nũú, ɛ́ zɛbr-sɔ-kpɛ̃ɛ na dɩrɛ a loge a za ayi ɛ́ a nʋɔr ɩ ɓɩlɓɩl a yire a ʋ nʋɔrɩ́. A ʋ niwn tɩ nyɩwrɛ na mɛ̃ mʋ̃tɔ̃w na pur ʋ za a.

Yel-wula 19:15

Zɛbr-sɔ-kpɛ̃ɛ na dɩrɛ a tɩ yire nɩ a ʋ nʋɔrɩ́, a nɩ-bʋʋrɛ gɔ́rʋ ƴãw. Ʋlɛ n'ʋ na ɩ a bɛ cɩ̃ɩnɛ, cɩ̃ɩnɛ bɛ nɩ gãdaalʋ, ɛ́ nɛb a divɛ̃ tɩ-wɔmɛ a Naaŋmɩn kpɛnʋ-za-sob suur bɔw-kpɛ̃ɛ pʋɔ.

Yel-wula 19:21

A zɛbr-sɔ-kpɛ̃ɛ na yire a sob nɛ na zɔm a wur a nʋɔrɩ́ a, tɩ kʋ n a bɛl na baa cɛ a, a lili za dɩ a bɛ ƴã-gã-nɛnɛ tɩw.

Yel-wula 2:16

A na ɩ à ŋá a, lɩɛbɩ a fʋ ɩb. Alɛ bɛ ɩ lɛ a, ɩ̃ kʋ̃ yaa kɛ́ wa a fʋ zie ɩ, ɩ̃ɩ na zɛb'ɩ nɩ a nɩbɛ bɛl nɩ a zɛbr-sɔ-kpɛ̃ɛ na be a ɩ̃ nʋɔrɩ́ a.

Yel-wula 2:23

Ɩ̃ mɩ̀ na kʋ n a ʋ bibiir. Lɛ n'a a Lãw-yie za na bãw kɛ́ mãa n'ɩ a sob nɛ na jɛlɛ a pʋʋr, ɛ́ bãw a nɩsaalbɛ tɩɛrʋ a. Ɩ̃ na mɩ́ ya n a nyɩ za been been man nɩ a ʋ tome.

Yel-wula 20:4

Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).

Ƴɛ̀r-dɩrbɛ 3:16

A Ehudɩ tɩ maal'ɩ zɛbr-sɔ-kpɛ̃ɛ na dɩrɛ a loge a za ayi, ɛ́ wõwme ta mɛtɩr ŋmãa a, sɛ a ʋ dʋrʋ gbɛkpɛ̃ɛ ƴãw, ɛ́ su a bome pàw.