Ebre 3:8 - A SƐB-SÕW

⁸ nyɩ ta kpãa tobr mɛ̃ a lɛn daar nyɩ na tɩ zɛbr'ɩ ʋ a ɩ, a ʋlɩ bibir nyɩ na tɩ ɩ ʋ kaa a wɛja-kpalɛ pʋɔ a ɩ.

Ebre 3:8 ပူးပေါင်းရင်းမြစ်များ

2 Na-mɩnɛ 17:14

Ɛcɛ a nɩbɛ bɛ ŋa bɛ tɩ bɛr wõ ɩ. Bɛ tɩ kpãa nɩ tobr mɛ̃ a bɛ sãàkʋm-kore na bɛ tɩ sàw de a Sore bɛ Naaŋmɩn a.

2 Bibie za yel-manɩ 30:8

Nyɩ mɩ̀ ta gaarɩ mɛ̃ a nyɩ sãà mɩnɛ a ɩ: nyɩ bɛr a Sore so nyɩ, nyɩ lɛb wa ʋ zi-sõw pʋɔ ʋ na ɩ ʋ ɩ sõw a nʋɔr kʋ a, ɛ́ nyɩ tone a Sore nyɩ Naaŋmɩn. Lɛ n'a a ʋ su-tʋlʋ a nyɩ ƴãw na ɓãá.

2 Bibie za yel-manɩ 36:13

Ʋ mɔ̃ mɩ̀ wa ìr'a gaarɩ a Nabikodonozɔɔr zu, ʋl na tɩ ƴãw ʋ kõ nʋɔr a Sore yúor ƴãw a. Ʋ tɩ kpãa nɩ tobr zawrɩ a Sore, a Ɩsɩrayɛl Naaŋmɩn zie lɛb waa kʋra kʋra.

Neemi 9:16

Ɛcɛ a tɩ sãàkʋm-kore dɩ n pɔ̀lʋ, bɛ ɩ n bɛ-won ɩb, bɛ bɛ bɛr wõ a fʋ nɛ-ƴãwnɩ ɛ.

A Zɔb sɛbɛ 9:4

Yã-bãwfʋ za nãà nɩ fãw za sob, ãa n'ʋ ga bawr a ʋ zu ɛ́ bɛ nyɛ̃ a?

Sɛb-sõw yielu 106:14

Bom za vʋla tɩ tɛr bɛ nɩ a wɛja-kpalɛ pʋɔ, bɛ tɩ ɩ n a Naaŋmɩn kaa a zi-kõw pʋɔ be.

Sɛb-sõw yielu 78:18

Bɛ tɩ sʋ̃ɔm'a bul ɩ a Naaŋmɩn kaa, yel k'ʋʋ kʋ̀ bɛ bʋ̃-dɩrɩ bɛ dɩ tɩw.

Sɛb-sõw yielu 78:56

Ɛcɛ bɛ tɩ ɩ n a Naaŋmɩn-na-do-saa-bɛ-pɩɛl-a kaa, bɛ tɩ jɛrɛ na, bɛ sàwr a nɛ́ɛ ʋ na ƴãw a ɩ.

Sɛb-sõw yielu 95:8

«Nyɩ ta kpãa tobr mɛ̃ a lɛ a nyɩ sãàkʋm-kore na tɩ ɩ a Meriba a ɩ, mɛ̃ a lɛ bɛ na tɩ ɩ a Masa, a wɛja-kpalɛ pʋɔ a ɩ.

Eziptɩ tẽw yib 17:7

Bɛ tɩ por'ɩ a zie nɛ yúor kɛ́ Masa nɩ Meriba, a pɛr lɛ kɛ́ “Ɩ-kaafʋ” nɩ “Nɔhaarʋ”. A Ɩsɩrayɛl nɩbɛ na tɩ bɔ a Moyiir nɔhaarʋ a ƴãw, nɩ bɛ na tɩ ɩ a Sore kaa sowri: «A Sore be n a tɩ sɔgɔ, bɩɩ ʋ bɛ ka be mɔ̃?»

Eziptɩ tẽw yib 8:15

Lɛ n'a a tɩtɩlbɛ tɩ yel a Faarawɔ̃: «Naaŋmɩn fãw ton n'ɩ a yel ŋa!» Ɛcɛ, mɛ̃ a lɛ a Sore na tɩ yel a, a Faarawɔ̃ tɩ kpãa nɩ tobr bɛ bɛr wõ a Moyiir nɩ a Aarɔ̃ ɛ.

Zʋkpaɩ 28:14

Zu-nʋ̃ɔ̀ sob'ɩ a nɩr nɛ na zɔrɛ a faa maalʋ dɛ̃bɩ̃ɛ kʋralɛ a, ɛcɛ zu-kpɛ̃w sob na bãw nɩ kpɩɛrʋ.

Zʋkpaɩ 29:1

Nɩr bɛ na mɩ́ wul a ʋ sãwna ʋ bɛ sàw ɛ́ kpãa tobr a na ur'a lo, ɛ́ a bɛ lɛb tɛr ɩb kãw za ɩ.

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

Sɔr-nɛ́ɛ 14:11

A Sore tɩ yel'ɩ a Moyiir: «Debor daar'a a nɩbɛ bɛ ŋa na jɛ m bɛr tɩ ta? Debor daar'a bɛ na zawrɩ a ɩ̃ sàw-deb tɩ ta, bɛ na saa nyɛ̃ a ɩ̃ fãw bãwfʋ ɩ̃ na maalɩ a bɛ sɔgɔ a?

Matie 13:15

A nɩbɛ bɛ ŋa kpɛ n mimi-kõw, bɛ fur'ɩ a bɛ tobe, bɛ pàw nɩ a bɛ mimie, kɛ́ bɛ taa nyɛrɛ nɩ a bɛ mimie ɩ, kɛ́ bɛ taa wone nɩ a bɛ tobe ɩ, kɛ́ a bɛ yã taa nyɛrɛ ɩ, kɛ́ bɛ taa lɩɛbɛ a bɛ ɩb ɛ alɛ bɛ ɩ lɛ, ɩ̃ nãà sanɩ bɛ na.”

Nɩ-toni 19:9

Ɛcɛ bɛ mɩnɛ tɩ kpãa nɩ tobr, ɛ́ zawrɩ a ƴɛ̀rʋ sàw deb ɛ́ sãwnɛ a Sore sɔ́r yúor a nɩbɛ pʋɔ. Lɛ so a Pol tɩ bɛr bɛ, ɛ́ bibir za, ʋ mɩ́ tɛr a po-tuurbɛ tɛwr kpɛ n a Tɩranɔsɩ nakol-yir tɩ kanɛ nɩ bɛ.

Nɩ-toni 7:36

A Moyiir'ʋ tɛr bɛ yi n a Eziptɩ ɛ́ maalɩ yel-bãw-guuri nɩ nɔ-ɓãa-yele a Eziptɩ tẽw nɩ a Kʋ̃ɔ-kpɛ̃ɛ-zɩɛ ƴãw nɩ a wɛja-kpalɛ pʋɔ yome lɩz'a ayi.

1 Korɛ̃tɩ 10:9

Tɩ mɩ̀ ta ɩrɛ a Sore kaar ɛ, mɛ̃ a lɛ a bɛ mɩnɛ kãw na tɩ ɩ a bɛ pʋɔ a ɩ: wɩɩr kʋ bɛ na.

Wulu-ayi-sob 6:16

Nyɩ taa ɩrɛ a Sore nyɩ Naaŋmɩn kaar mɛ̃ a lɛ nyɩ na tɩ ɩ a Masa a ɩ.

1 Samɩɛl 6:6

Nyɩ ta dɩ tuo kpãa tobr mɛ̃ a Faarawɔ̃ nɩ a Eziptɩ tẽw dem a ɩ. Nyɩ bãw nɩ a lɛ a Naaŋmɩn ŋa na ɩ bɛ, ɛ́ gù bɛ tɩ bɛr a Ɩsɩrayɛl nɩbɛ a.